المرأة السعوديه ثالث اجمل امراءه في العلم

[لمبة شارع]

اقتباس:  المشاركة الأصلية كتبت بواسطة الراى الاول     رفقا بقواريرنا ولاننسى ان الفتاة السعوديه ثالث اجمل بنات العالم بشرط عدم فحص ركبها

سامحك الله اخينا الرأي الأول...

فأنت عار على الامة العربية والاسلامية..!!!
مادخل الركبتين والكراعين في الجمال ؟؟؟يا أخي هذه الاشياء ليست مهمة ..لأنها تحت الملابس ويمكن (صنفرتها) فلعلك تلاحظ انتشار ادوات صنفرة الجلد حتى في محلات ابو ريالين..وهاهي تملأ اعلاناتها الصحف..وتجد رواجا ممتازا بفضل ايمان المرأة السعودية بالجمال ...
ألم تلحظ كثرة اعلانات المواد التي تزيل النمش واسوداد الركبتين؟؟؟

ألا يدل ذلك على الاهتمام بالجمال؟؟

يحضرني الآن ابيات قرأتها في محل تجاري يبيع منتجات كريستيان ديور لادوات التجميل...تقول الابيات...

حنا بضايعنا صنافر وبويــات.....نبيعها في ســــوق سود الركـــابي
من يوم جبناها كسبنا التجارات.....محدن ينافسنا بســـتر الخـــوابي
يابن شانيل افتح جديد المحلات....واغرف دراهمهن وعب الحسابي

عاد يقولون ان ابن شانيل رد عليهم وقال... :

يابن ديور أبلغتكم بالرسالات....مافيه امل في صنــفرتـهن ولابي
أجلب لهن قازن يذيب الحديدات...غديه ينفع بس مامــن جــــوابي
والبوية البيضا جلبنا درامات....مامن نتيجة غير ستــر الثـيابــي

ويقال أن ابن ديور بدأ في استعمال الاسيد المركز في منتجاته لصنفرة الركب بعد ان سمع رد ابن شانيل...والعهدة على الراوي...






ذات الركب يامجرم !!!!

[عيون الصقر]

اقتباس:  المشاركة الأصلية كتبت بواسطة كبرياء انثى     لا اعترف بالمجامله كباب للتعامل بين الناس.

الله اكبر لاح النصر في معركة ذات الركب ، كنا نقول بدون تعميم ان البنت عندنا ينقصها ثقافة من كل الانواع ومن ضمنها المجاملة بالتعامل مع الناس وباعتباره مبدأ اجل راح يكون الزوج والمحيطين من هالناس وها انتي تقرين انك لاتعترفين بالمجاملة مع الناس يعني انتي تؤمنين بالجلافة والخشونه والمثاليات اخر خياراتك وكلامك هذا يخرب اخواتي القارئات الله يحفظهن ويطيح حظهن البنات لازم يشوفون عمرهم في الجسد والنفس والفكر والاسرة لازم تعدهم الاعداد الكافي عشان يبدأون حياتهم وهم موفرين اسباب النجاح تدرين المشكلة اننا شكليين نهتم بتقشير المناطق السوداء بالجسد ولانهتم بتقشير المناطق السوداء بالنفس والفكر لماذا نهتم بالجسد لماذا الكروش والمصافط لماذا لاتتضخم تضاريس اخرى وتبرز في الاتيكيت والذرابه نريد ان تشاركينا في قول الحق حتى نساهم في خفض نسبة الطلاق الله يجعلك بالجنة وكل مسلم يارب

[Tulane]

اقتباس:  المشاركة الأصلية كتبت بواسطة عيون الصقر     الله اكبر لاح النصر في معركة ذات الركب ، كنا نقول بدون تعميم ان البنت عندنا ينقصها ثقافة من كل الانواع ومن ضمنها المجاملة بالتعامل مع الناس وباعتباره مبدأ اجل راح يكون الزوج والمحيطين من هالناس وها انتي تقرين انك لاتعترفين بالمجاملة مع الناس يعني انتي تؤمنين بالجلافة والخشونه والمثاليات اخر خياراتك وكلامك هذا يخرب اخواتي القارئات الله يحفظهن ويطيح حظهن البنات لازم يشوفون عمرهم في الجسد والروح والنفس والفكر والاسرة لازم تعدهم الاعداد الكافي عشان يبدأون حياتهم وهم موفرين اسباب النجاح تدرين المشكلة اننا شكليين نهتم بتقشير المناطق السوداء بالجسد ولانهتم بتقشير المناطق السوداء بالنفس والفكر لماذا نهتم بالجسد لماذا الكروش والصافط لماذا لاتتضخم تضاريس اخرى وتبرز في الاتيكيت والذرابه نريد ان تشاركينا في قول الحق حتى نساهم في خفض نسبة الطلاق الله يجعلك بالجنة وكل مسلم يارب

قال ايش لاح النصر ي زينك ساكت وانا اختك.........

انا قلت ما اعترف بالمجامله وهذي حقيقه......المجامله والكذب عيال عم.....انا واعوذ بالله من كلمة انا صريحه في تعاملي ولله الحمد مع الناس ومافيه شي يستدعي اني اكذب يوووه عفواً قصدي اجامل.....

ومثل ماذكرت انت في احد ردودك ان اهم شي واللي ينقاس عليه عيب الانسان هو(( دينه وخلقه))...فياريت تتحلى ببعض الخلق انت والاخ لمبة شارع وتوروني كيف الاتكيت وفن المجامله......ومنكم نستفيد

[لمبة شارع]

اقتباس:  المشاركة الأصلية كتبت بواسطة كبرياء انثى     ............ الاخ لمبة شارع... تحياتي لك.....وعلى قولتك... من خلال ردود الناس تتشكل تضاريسهم.......>>إذا كتبتها غلط صلح لي لانها عاجبتني وودي احفظها صح

هاه !!!

لا لا كتبتها صح 100 % ...

يعني عبارتي تلاقي رواجا في المنتدى؟؟؟

مع السلامة عيون تراني ماني خويك لا تعرفني ولا اعرفك وما اقول عنك إلا (اللي مايطول العنب يقول عنه يا اسود الركبتين )!!


لا تقعد تشغلنا رشوة ما رشوة...

[عيون الصقر]

الحمدلله ظهر الحق وزهق الباطل

المجاملة والاخلاق والاتيكيت هي كذب يعني مثل بعض هذا كافي ودليل مايحتاج شرح

خارج الموضوع

تكفين راجعي الاية في توقيعك ترى فيه خطا

[الذاهبة]

متاع الغروب .. !

قد يكون خطأ مطبعي ..

أو احياناً ترى نسمع كلمات ماندري وش آخر حرف فيها ..

أذكر كنت صغيرة و أسمعهم يقولون ( كروسان )

و انا مادري وشو الماخوذ هذا .. فكنت أقول كروسا

الحرف الأخير محذوف .. مسوية فرنسية




ماعلينا ..

بالنسبة لموضوعكم يا استاذ عيون الصقر و لمبة الموقر ..

ترى خبركم قديم ..

ماعاد فيه شي اسمه أكواع و ركب سود ..!

الكلام هذا أيام الثمانينات و ماقبلها ..

الحين الوضع تغير ..

صارت اكواع على بُني شوي



أما قصيدة ابن ديور !!

والبوية البيضا جلبنا درامات....مامن نتيجة غير ستــر الثـيابــي



يدعو للستر الله يجزاه خير ..

[وميضُ البرق]

لعلكم تتفقون على شيء!!فأخبرونا بالحلقة الأخيرة حتى تقل المشاوير

[سجينه الذكريات]

إلى منبع الرومانسيه (عيون الصقر)

أقول ياأخوي من وين بيجي الزين
ومن وين يجي الطول
ومن يصيرون بنات نجد مثقفات
وأنت وأشكالك أباء لها البنات

وترى نقصنا من نقصكم
والبنات غصون وأنتم الجذور

وتراك أشغلتنا ثقافه .. ثقافه
قريت لك كلمتين وبلشتنا


(مير)أقول على شيننا وانعدام الثقافه عندنا والشهابه واللهابه
والقصر والسمار أو إذا تبي السواد وثقل الدم والغباء والرفاله
والنفس الشينه والجلافه والتعامل الزفت اللي مثل وجيهكم<<<ماعليش قصدي وجيهنا
الا أنكم ماتستغنون عنا وفحمين ورانا وهذا أهم شيء

وأخيرا .. سلملي على شهباك
وقله الله يخلف عليك بالجنه

[عاشق ديرتي بريده]

ودي يسوون دراسه للرجل السعودي ابشوف كم ترتيبنا

اشوى فيه السودان والصومال

بس طلبي نبي الدراسه بالشماغ والعقال لاتطلع عيوب الشعر

[سامي]

المرتبة الثالثة !!

سؤال : من هي صاحبة المرتبة الاولى!!؟؟

,,
!

[:: ابعـاد ::]

.

.

بنات روحوا اشربوا نسكافيهـ ...

على الطاري وحدهـ ملوع كبدها زوجها من قبحهـ لكنهـ ديّن وينحب ...

المهم تقول ياناس ابي راغب بلا علامهـ خلوا العلامهـ لأهلهـ ...........!

.

.

[عيون الصقر]

اقتباس:  المشاركة الأصلية كتبت بواسطة سجينه الذكريات     إلى منبع الرومانسيه (عيون الصقر) أقول ياأخوي من وين بيجي الزين ومن وين يجي الطول ومن يصيرون بنات نجد مثقفات وأنت وأشكالك أباء لها البنات

بليززززززز انا غير انا من مواليد لبنان مقطوع سري في مستشفى راس التينه مو جذع الارطى او مستشفى الفريح .

اقتباس:  المشاركة الأصلية كتبت بواسطة سجينه الذكريات     وتراك أشغلتنا ثقافه .. ثقافه قريت لك كلمتين وبلشتنا

المشكله باللي مايقروا مخلين أذن من طين وأذن من عجين ولستة مواد الرسوب من ضمنها التعبير والاملاء وشلون يتثقفون الله يرحم حالهم بس

اقتباس:  المشاركة الأصلية كتبت بواسطة سجينه الذكريات     (مير) أقول على شيننا وانعدام الثقافه عندنا الشهابه واللهابه والقصر والسمار والسواد وثقل الدم والغباء والرفاله والنفس الشينه والجلافه والتعامل الزفت

نسيتي اهم شي على طول مزكمين وينشقون الله يحفظهم

اقتباس:  المشاركة الأصلية كتبت بواسطة سجينه الذكريات     ماتستغنون عنا وفحمين ورانا وهذا أهم شيء

هذاك اول قبل تعزيز العلاقات بين البلدين اقصد لبنان وبعد القنوات الفضائية صار المنافس خطيررر مايعرف المطازيز وتجريع الكرع ابد

اقتباس:  المشاركة الأصلية كتبت بواسطة سجينه الذكريات     وأخيرا .. سلملي على شهباك وقله الله يخلف عليك بالجنه

الله يسلمك يبلغ .. آمين ويرحم ضعفك عن النار ووالديك وكل مسلم

[عيون الصقر]

اقتباس:  المشاركة الأصلية كتبت بواسطة الذاهبة     بالنسبة لموضوعكم يا استاذ عيون الصقر و لمبة الموقر .. ترى خبركم قديم .. ماعاد فيه شي اسمه أكواع و ركب سود ..! الكلام هذا أيام الثمانينات و ماقبلها .. الحين الوضع تغير .. صارت اكواع على بُني شوي ..

اي ثمانينات وعشرينات الله يحفظك يالذاهبه ياوخيتي هذي وراثه انا مقطوع سري بمستشفى الولاده اللي جنب العثيم وقاعد اسمع فيهم واشوفهم وقريبي يبيع بمواد التقشير وماشاء الله صار مليونيرالله يزيده سواد قصدي تقشير اففففف قصدي من واسع فضله

[راشد الصليحان]

صراع ذكور وإناث !!

اكواع واركب سود !!

وين احنا فيه ؟ في محل سباكة او ورشة سيارات ؟؟

هيه هيه انتي وهو ..ماإلك إلا.... موهيفاء ...لا مالك إلا خشمك لو كان عوج !!

[@ ابتسام @]

اقتباس:  المشاركة الأصلية كتبت بواسطة كبرياء انثى     شباب ذو عقليات فاسده.....نسأل الله السلامه... للأسف انتم عار وعاله على الأمه الإسلاميه بهذا المستوى الفكري التافهه والمنحط....

ههههههههههههههههههه رفعتي معنوياتهم الله يصلحك بقولة شباب ؛ الحين يصدقون انهم شباب ويرحون يتدلعون على عجزهم بالبيت؛
الصغير منهم كبر ابوك اذا ماهو كبر جدك
. ما يدرون هم في حلم والا علم.!!
ههههههههههههه بس احس كلمة شباب لامست شغاف قلوبهم ذكرتيهم بالذي مضى