الــمجــلس الإجتـمــاعـي /// لـ النقاش والحـوار الهادف !!

[رتاج]

اقتباس:  المشاركة الأصلية كتبت بواسطة لمبة شارع     السلام عليكم وتحية صباحية طيبة للجميع لا والله ياعمة دوبني مافهمت!!!!..لساتني متنح في الردود حقونك ماهي راضية تخش جوات راسي..!! هيا إيش صار في محل الكميبوتر؟؟؟واقترح عليكوا تبلغوا الهيئة والعُمدا كمانا!!...إيوا ..خلوه يندرو من الحارا... رتاج...ماتباعدي..خليكي هنا على طول عشان ماترجعي الطابور تاني...

[align=center]لمبه ايش الردود اللي ماهي داخله جوات رأسك عشان نناقشها مع بعض


.....................

(هيا إيش صار في محل الكميبوتر؟؟؟واقترح عليكوا تبلغوا الهيئة والعُمدا كمانا!!...إيوا ..خلوه يندرو من الحارا...)

اذا كان قصدك قصة محل الكمبيوتر منت مصدقني وضح النقاط اللي منت مصدقني فيها
وانا بإذن لله تعالى راح اجوابك بكل امانه والله على ما اقول شهيد .

طيب يا لمبه انا ليش ذكرت قصة المحل في وجهة نظرك ؟؟؟؟؟؟؟؟؟

لمبه اتمنى اتمنى اتمنى انك تناقشني بكل امانة وتصارحني من غير لف ودوران .[/align]

[رتاج]

اقتباس:  المشاركة الأصلية كتبت بواسطة راشد الصليحاني     إذا خلصتوا من حواركم اللي انا ماتداخلت فيه ..! ارجوكم جاوبوني ...عن سؤال شاغل بالي الا وهو التعامل مع الإنسان او الإنسانة (المالغ ) ! ولتعريف المالغ لمن يعرفه من غير القصمان اللي مافي كلامه او كلامه طعم ..! همق كثير وبربرة مالها داع ...هيلامان وقرق ..والنتيجة فشووووش ! مدري احس الكلام كأنه دريل بيفقع رأسي ...من كثر ما اشوف كلام مصفوف لكن المضمون خرطي بخرطي ..! وش السواة ياللي دارسين ودارسات علم النفس ؟؟ او بس ماعندكم إلا الفلسفة والتميلح ..علمونا تكفون !

[align=center]راشد بارك الله فيك انا اشوف المواضيع اللي طرحت هنا اشوفها كلها قضايا اجتماعي

لكن اصحاب النوايا السيئة يفكرون بطريقة مختلفة تغير مسار الموضوع



ملاحظة : التعامل مع القصمان جداً صعب . [/align]

[لمبة شارع]

الله يحفظك ويصلحك ويستر عليك رتاج....

كل كلامك في محله وما قصدت شي ترى والله...بس دخلت اليوم الصباح وقريت ردك وحمقت عليك قلت خل ارد لها الصاع صاعين..!!.

وترى استنكارك لعقد دورات نسائية في محل كمبيوتر استنكار في محله..,الله يبارك فيك على غيرتك ..والواجب يا اختي تتصلي في الهيئة وتضغطي عليهم وتقنعيهم وتخوفينهم من المحاذير ..,حتى لو ما اقتنعوا او تهربوا من المسؤلية لازم تخوفينهم من الله ثم تذكريهم بالامانة التي اوكل اليهم السلطان....

عاد انتي ماتتوصي....والله يوفقك ويستر عليك...

[راشد الصليحان]

اقتباس:  المشاركة الأصلية كتبت بواسطة رتاج     [align=center]راشد بارك الله فيك انا اشوف المواضيع اللي طرحت هنا اشوفها كلها قضايا اجتماعي لكن اصحاب النوايا السيئة يفكرون بطريقة مختلفة تغير مسار الموضوع ملاحظة : التعامل مع القصمان جداً صعب . [/align]

الأخت رتاج

حضورك معنا ...حضور مشرف ..لاتهتمي بالتريقة ... احياناَ المجلس يحتاج إلى قفشات ومناوشات

لكن القلوب أصحاح ...مرحبا بك ...

[فارس الميدان]

اقتباس: رتاج يا اخوان انا ذكرت محل اكسترا ووجود الدورات وانا اسأل معقوله ان المسؤلين وهيئة الامر بالمعروف ما تدري ؟؟؟؟؟؟؟؟؟؟؟؟؟؟؟؟؟؟؟؟؟ معقوله يا اخوان من كثرة النساء معد في اماكن تقام فيها الدورات الا في مراكز التسوق وكمان داخل المحل . يا اخوان معد استغرب راح يجي يوم وتقام دورات للنساء في ممرات السوق . يا ناس معقولة الشعب على طول استسلموا للامر يعني محد انكر محد اعترض يا جماعة انا ذكرت نقاط يا ليت نناقشها بصراحة الموضوع جداً خطير . .................................................. ......................................... وانا اتكلم احس اني في الاذاعة اتكلم لوحدي والاخوان صافين طابور يسمعون هههههههههه هذا الطابور اللي تقصدينه يا قصمنجيه

رتاج الله يحفظك مو بس في اكسترا الدورات الي في مكان عام وفيه رجال

البنك الاهلي يعقد دورات في حي السفارات للموظفات الجدد من جميع انحاء المملكه فيها اكثر من الي قلتي
لعلمك الي يسوي الدوره رجال واغلبهم اجانب والحظور نساء والمجمع كله رجال .. الحظور اشكالهم تضحك نصهم لابسين براقع والي متحجبه والي فالتها وعادي جدا مافي استنكار ،، والهيئه المسكينه مالها صالح في مثل هذا الاشياء .. يعني لو تلاحظي مثلها مثل المستشفيات وغيرها ..

[فارس الميدان]

على فكره سمعتو القرار الجديد الي صدر لهيئة الامر بالمعروف والنهي عن المنكر ؟؟

الحين فيه قرار توي سمعته وهو :

الزام رجال الهيئه بزي رسمي مكون من ثوب وبشت لون موحد ويكون حاط بطاقه مكتوب فيها اسمه زي العساكر

والغريب انه يقولك اذا تعرضلك واحد مالبس بشت نفس الون ماحط اسمه لا تلقي له بال لانه متطوع ماله دخل بالهيئة

انا بصراحة ضد هذا القرار لانهم بيصيرون مطنازه بهذا الشكل الالزامي .

وش رايكم بالقرار هذا ؟

[راشد الصليحان]

الأخ فارس ...جهاز الهيئة ..جهاز حكومي مثله كباقي الأجهزة الأخرى الرسمية

فالهيئة (سلطة حكومية) تمارس ادوارها المنوطة بها بصبغة دينية ..! لذلك فالزي الرسمي

يجعل المواطن يفرق بين رجال الهيئة وغيرهم ..!

[قصمنجيه]

اقتباس:  المشاركة الأصلية كتبت بواسطة الذاهبة     و أمانتك تبلغين سلامي و اخلص تحياتي للوالدة الحبيبة و تــُقرئيها السلام .. و عسى الله يخليها لكم و يديم عزكم و بلغي أخاك قصمنجي التحية و خالص الشكر

يبلغ <<<<< الأيقونة هذي نكاية بالصليحاني

[مــنــال]

مرحبا ..

و صباح الخير ..

لمبة شارع ..

اقتباس: الله لايعيد ذيك الساعة اللي قعدت أتأمل فيها توقيع منال!!

تماااااااااااام عليك ، مع أني من محبي و عشاق التأمل في هذه الحياة لأن مع التأمل ستضطر لترديد ذكر الله و قول :

سبحان الله !!

و لكن .... !!

راشد ..

اقتباس: ولتعريف المالغ لمن يعرفه من غير القصمان

شكرا ً لتفسير المعنى و نحن الغير ناطقين للهجتكم في الحجاز نقول عنها : مجاااغه

اقتباس: اللي مافي كلامه او كلامه طعم ..! همق كثير وبربرة مالها داع ...هيلامان وقرق ..والنتيجة فشووووش ! مدري احس الكلام كأنه دريل بيفقع رأسي ...من كثر ما اشوف كلام مصفوف لكن المضمون خرطي بخرطي ..! وش السواة ياللي دارسين ودارسات علم النفس ؟؟ او بس ماعندكم إلا الفلسفة والتميلح ..علمونا تكفون !

كنت سأرد و لكن تنحيت عن هذه الرغبة عندما قرأت المظلل باللون الأحمر ، و كونك تنادي أصحاب التخصص و كوني لست ُ

منهم سأعتذر عن الرد ولأن تخصصي يدعم الرقي و بعضا ً من المميزات الأخرى سأنتظر حتى تدعوني بصفة شخصية

و عند ئذ سأفكر بالرد أم لا

[قصمنجيه]

الذين يشاهدون محتوى الموضوع الآن : 4 ( الأعضاء 3 والزوار 1)
‏قصمنجيه, ‏لمبة شارع, ‏Oo ManaL oO

07:38 ص



صبّحكم الله بالخير ..
و الضيوف بعد

[لمبة شارع]

السلام عليكم وصباح سعيد

بالعكس يافارس.. اذا كان صحيح فماضّر العساكر لبسهم البدلة...

بس يمكن في البداية تصير مستغربة وبعدين يمشي الحال...لكن ربما هي تغرر بالسفهاء عندما يأمر احد الاخوة(من غير افراد الهيئة)عندما يأمر بالمعروف وينهى عن المنكر (وذلك فريضة على كل مسلم ومسلمة) فقد يسيء هذا السفيه للآمر بالمعروف والناهِ عن المنكر عندما لايكون من افراد الهيئة...وطبعا ذلك كنوع من التشفي وتفريغ الكراهية للهيئة ورجالها وللآمرين بالمعروف الناهين عن المنكر من ابناء البلد اهل العزم في الامور...

[مــنــال]

مرحبا أخي فارس .

اقتباس: على فكره سمعتو القرار الجديد الي صدر لهيئة الامر بالمعروف والنهي عن المنكر ؟؟ الحين فيه قرار توي سمعته وهو : الزام رجال الهيئه بزي رسمي مكون من ثوب وبشت لون موحد ويكون حاط بطاقه مكتوب فيها اسمه زي العساكر والغريب انه يقولك اذا تعرضلك واحد مالبس بشت نفس الون ماحط اسمه لا تلقي له بال لانه متطوع ماله دخل بالهيئة انا بصراحة ضد هذا القرار لانهم بيصيرون مطنازه بهذا الشكل الالزامي . وش رايكم بالقرار هذا ؟

الذي أعلمه ، أنه تم التعاون بين وزارة الداخلية و بين هيئة الامر بالمعروف و النهي عن المنكر

و ما كتبته أعلاه أظنه مطالبات تنشر في الصحف .

و حياك َ الله أخي فارس .

[مــنــال]

هلااااااااا بالعسل

صباح النور ، ياهلا و الله .

وووينك البارح ، شكلك نااايمة ؟؟

[لمبة شارع]

راشد....

اقتباس: فالهيئة (سلطة حكومية) تمارس ادوارها المنوطة بها بصبغة دينية ..!

نعم صدقت مع بعض التحفظ..فالهيئة جهاز مدني بحت يقوم عمله على صيانة الاعتبارات الاخلاقية والسلوكية لافراد المجتمع وفق معايير مستمدة من ثقافة المجتمع التي يرعاها ويصونها السلطان كجزء من امانته على الرعية....مثلما يقوم جهاز المرور بصيانة السير وفق معايير مستمدة من اصول المرور التي يرعاها ويصونها السلطان ايضا كجزء من امانته في صيانة الرعية...والفرق بين مجتمع الفوضى ومجتمع الاخلاق هو الذي يــُكسب القانون طبيعة ثقافية تتعلق بالهوية....

ولذلك يا اخي راشد تجد المرجفين في المدينة يحاولون تشويه صورة الهيئة وتعطيل دورها عبر وصمها بالاجتهادية والتخرصية والجهل الشرعي....رغم ان عملها الميداني ليس له علاقة بالاجتهاد الديني لكن البغضاء بدت في قلوبهم...

[قصمنجيه]

نجد دائمـًا متطوعين في الأمر بالمعروف و النهي عن المنكر سوى في الشارع أو في المناسبات الاجتماعية
و لكن لم أكن اعلم هل كانت لهم صلاحيات القبض أو ما شابه ..؟؟ الذي أعرفه أنهم يتعاونون مع الهيئة لا يلعبوا أدوارها ... و لكن مثل هذا القرار و أنا لا أعترض عليه , و لكنه مجرد تسكيت للمهايطية الذين يستنزلون حينما يمرق أسم الهيئة ..يريدون بشتى الطرق تسكيت التناصح .