الــمجــلس الإجتـمــاعـي /// لـ النقاش والحـوار الهادف !!

[قصمنجيه]

سلامات يا الصليحان و عساه بالمال عن الأعمار ...

أجل هذا يقول لك (لله) تذكرت خالد الفيصل يوم يقول :
أبي منه الخبر و يقول لله ** لفى المرسول ما عين محلَّه
ثم يستطرد بهالبيت
وقلبي تايه من العام الأول ** ألا يالله يسّر من يدله
و نسأل الله أن ييسر لنا كلنا من يدلنا و يصلح أمورنا ..

لكن يا جماعة ترانا مدحدرين أنا دائمًا اقول أننا ماشين بالبركة و أن الدولة بلشتن بنا لكن تأكد هالعلم بعد ما شاهدت برنامج 99 على قناة الرياضية و كانت عن رحلة الموت و هي رحلة المعلمات للقرى النائية ..
يا أنا شاهدت العجب العجاب رجل جنوبي يجلد بالمسؤلين يقول الماء ما نحصله و الكهرب نعتبره رفاهية كوننا لم نتوقعه ننام بالحر لا ثلاجات و لا شيء و نسمع بالمكرمات و الميزانيات ( والله ياهي نغزة قوية على ابو متعب ) و حنا لا كهرب و لا ماء ..و يضرب بالمسؤولين يقول أعوالكم يقصد اعيالكم ينامون بالقصور .. و حنا عوالنا ما نحصل لهم الماء , و الكهرب ..
و مما قال أيضًا بأنهم يذهبون إلى أبها بالحمير و الجمال .. لأن لا طرق معبدة و لا يحزنون , التعليم للبنات عندهم مدرسة وحدة فقط بس و ابتدائي .. يعني فكي حروف و خلاص ... يا شي (ن) قاله يشيّب الراس .. و الضلع اللي ساكنين فيه يقطنه عشرين ألف مواطن ..؟؟ يعني هالعشرين ألف لا ماء لا كهرب لا طرق معبدة يعني تراهم ما قد شافوا زفلت ..
يقول سقطت صخرة كبيرة في الطريق المؤدي لأبهاء فيعني هذا أن تنقطع المعيشة لعشرين ألف مواطن
يقول لما راجعنا للمسؤلين قالوا راجعونا بعد أسبوع .. يقول كيف بعد أسبوع و حنا خلاص تقطع سبل المعيشة ..؟؟!!!! فأضطررنا _ وهذا على لسانه _ أن نتقاط بخمس طعش ألف ريال و نجيب ناس يشيلونه ..؟!! يحصل هذا في بلد النفط ..؟؟!!!
طيب هذا بس اللي وصلهم البرنامج قدروا يوصلون أصواتهم أجل غيرهم اللي ما وصلهم برامج وش حالهم ..؟؟؟؟

لذلك اقول لأخينا الصليحان تراك بخير عميم و أنت صدق أنك مواطن كهيان و ما تسوى شيء عند المسؤلين لكنك أحسن من بعض المواطنين اللي ممسوح بوجيههم الأرض




.

[راشد الصليحان]

اقتباس:  المشاركة الأصلية كتبت بواسطة الذاهبة     سلامات استاذ راشد الصليحان طيب هات ورقتك و أنا اعطيها عيال عمي ينجزونها لك كاك + ملاحظة : ودي ألحق بالركب و أكون معكم بالفورمه لو سمحتوا خففوا السرعة ..

هلا بك ياذاهبة ...الله يسلمك إن شاء الله مايجيك ..الحمدالله خفايف ..!!

اجل أعيال عمك بالمرور ؟؟؟

تصدقين ... ؟؟ فيه واحد عالكاونتر جاه أتصال ..وكان يقول بالجوال..(من مِــعي )

أثاريه ولد عمــك ؟؟ ليتني دريت كان أقول خذ اوراقي جايك عن طريق الذاهبــة ...!!

[راشد الصليحان]

اقتباس:  المشاركة الأصلية كتبت بواسطة the-moon     [align=center]أول شيء أعتذر لحبيب قلبي راشد والحمدلله على السلامة وبالحديد ولا بالأوادم وربي يعوضك كل خير صدقت لمبه أنا أخطيت وغلطة الشاطر بعشره هع بس يالمبه أنا عشريني ماينشره علي هع هع بعدين تعال أشوفك صايرن الوالد وأنا مادريت وراك ماتدن هناك بس نصلح أنا وراشد ولو كاثرين هاليومين الحروشين منال وأنت والله يستر من الجاي ...[/align]

الله يسلمك وماتشوف مكروه ياthe-moon

اجل تقول (العادتيون ) ؟؟ وش جاب طاريهم الله يهديك بس ..!

مووون

لايهمك لمبــة خذ راحتك ..! اصلا انا أعرفك تحب تعربج بعض الأحيااااان

شكر لك ..

[راشد الصليحان]

اقتباس:  المشاركة الأصلية كتبت بواسطة قصمنجيه     سلامات يا الصليحان و عساه بالمال عن الأعمار ... أجل هذا يقول لك (لله) تذكرت خالد الفيصل يوم يقول : أبي منه الخبر و يقول لله ** لفى المرسول ما عين محلَّه ثم يستطرد بهالبيت وقلبي تايه من العام الأول ** ألا يالله يسّر من يدله و نسأل الله أن ييسر لنا كلنا من يدلنا و يصلح أمورنا .. لكن يا جماعة ترانا مدحدرين أنا دائمًا اقول أننا ماشين بالبركة و أن الدولة بلشتن بنا لكن تأكد هالعلم بعد ما شاهدت برنامج 99 على قناة الرياضية و كانت عن رحلة الموت و هي رحلة المعلمات للقرى النائية .. يا أنا شاهدت العجب العجاب رجل جنوبي يجلد بالمسؤلين يقول الماء ما نحصله و الكهرب نعتبره رفاهية كوننا لم نتوقعه ننام بالحر لا ثلاجات و لا شيء و نسمع بالمكرمات و الميزانيات ( والله ياهي نغزة قوية على ابو متعب ) و حنا لا كهرب و لا ماء ..و يضرب بالمسؤولين يقول أعوالكم يقصد اعيالكم ينامون بالقصور .. و حنا عوالنا ما نحصل لهم الماء , و الكهرب .. و مما قال أيضًا بأنهم يذهبون إلى أبها بالحمير و الجمال .. لأن لا طرق معبدة و لا يحزنون , التعليم للبنات عندهم مدرسة وحدة فقط بس و ابتدائي .. يعني فكي حروف و خلاص ... يا شي (ن) قاله يشيّب الراس .. و الضلع اللي ساكنين فيه يقطنه عشرين ألف مواطن ..؟؟ يعني هالعشرين ألف لا ماء لا كهرب لا طرق معبدة يعني تراهم ما قد شافوا زفلت .. يقول سقطت صخرة كبيرة في الطريق المؤدي لأبهاء فيعني هذا أن تنقطع المعيشة لعشرين ألف مواطن يقول لما راجعنا للمسؤلين قالوا راجعونا بعد أسبوع .. يقول كيف بعد أسبوع و حنا خلاص تقطع سبل المعيشة ..؟؟!!!! فأضطررنا _ وهذا على لسانه _ أن نتقاط بخمس طعش ألف ريال و نجيب ناس يشيلونه ..؟!! يحصل هذا في بلد النفط ..؟؟!!! طيب هذا بس اللي وصلهم البرنامج قدروا يوصلون أصواتهم أجل غيرهم اللي ما وصلهم برامج وش حالهم ..؟؟؟؟ لذلك اقول لأخينا الصليحان تراك بخير عميم و أنت صدق أنك مواطن كهيان و ما تسوى شيء عند المسؤلين لكنك أحسن من بعض المواطنين اللي ممسوح بوجيههم الأرض .

هلاااااااااابك ياقصمنجية ...!

الله يسلمك ولا يريك مكروه ولاعزيز وغال عليك ..!

وش حنا لولا البركة ...كل شي ماشي بالبركة ..! الدعوى كلها درعمــة بدرعمــة !

ابو متعب طول الله بعمرة على الطاعة ...اكد ان من أولوياته الضاء على المحسوبيات والفســاد ..!

ومسألة التأخير بالمعاملات امرمرفوض ..!

قصمنجية والله إنك صادقة ..إننا احسن من غيرنا بكثير ..إذا شفنا اهل الجنوب وغيرهم نقول الله يستر

ويلطف بنا ..!

المشكلة متى نتعلم ونحس بالمسؤولية ونؤدي دورنا كموظفين مسؤلين نتحمل أمانة ..لنؤديها على اكمل وجه

دون محسوبيات وفزعات للجماعة والربع ..!!

شكرا لك قصمنجية ففي مداخلتك ..الشيء الكثير الذي يحتاج للمناقشة ..!

دام عزك ...

[شمس الرياض]

راشد....... الحمدالله على السلامه

اقتباس: ياجماعة امس الظهر تعرضت سيارتي لصدمة بسيطة إن شاء الله ..لاتقلقون كثير ...والمثل يقول إذا سلم لعود الحال تعود ..!

........وقت الظهر............

النفس شينه والعالم مالها خلق والزحمة في الشوارع

الناس في هاالوقت مادري وش يصير فيهم تنهبل في الشوارع

الرياض لايطاق في هذا الوقت الله يكون بالعون

[لمبة شارع]

اقتباس:  المشاركة الأصلية كتبت بواسطة قصمنجيه     سلامات يا الصليحان و عساه بالمال عن الأعمار ... أجل هذا يقول لك (لله) تذكرت خالد الفيصل يوم يقول : [ وقلبي تايه من العام الأول ** ألا يالله يسّر من يدله .

معليش قصمنجية..صح احنا زمايل هناك في المجلس ..بس عاد هنا ما اعرفك..!! عضويتي تحك ايديني!!

مش كأن (ال) هذي اللي في الاحمر زائدة عن اصل البيت..؟؟؟وإن الوزن معدل بتنوين على (تايهٍ)؟؟

يعني ما انكسر معك البيت وانتي تحطينها؟؟؟
أنا ما اعرف البيت بس يوم جيت اقراه اكلت مطب في (ال ) هذي!!...
فيا أما انا قرمبعة وآكل مطبات حتى في الاسفلت..أو انتي ناسية نـَص البيت؟؟؟
أو إن خالد الفيصل ماله في الشعر والقصيد..!!
.......................

على طاري اهل الجنوب...

جماعة من ربعنا اللي توظفوا هناك في التعليم يقول كنا نكمل الطريق الى المدرسة بوسطة امتطاء الحمير..!!
ويقول هناك اللي ماعنده حمار ياخذها كعابي!!

[قصمنجيه]

بالنسبة للوزن والله ما أعرف إلا الميزان اللي يقيس لك أرطال اللحم و الشحم.. عداد الريجيم ما غيره

لكن بالنسبة لكلمة العام فهي يجوز أنها تكون عام بدون الـ الخاطمة لأني بصراحة أنقلها حفظ

وما دمنا بالميزان و الوزن خذ هذه البيت للمتنبي كل المغرب و أنا أقلب فيها ما أدري هل هي كذا كاملة أو ناقصها يعني كأني حسيت بكعّة و أنا اقراه مدري الكعة ناتجة عن جهل .. أو هناك شيء مسقط من هذه البيت ..؟؟
فجائع الدنيا أنواعٌ منوعةٌ*** وللزمان مسراتٌ وأحزانُ

يعني أنا كنت اقرأ الأبيات اللي قبلها بتسلس فكانت البيت اللي قبله
كأنما الصعب لم يسهل له سببٌ *** يوماً ولا ملك الدنيا سليمانُ
ثم جاء البيت المذكور ... فتدودهت


.

[لمبة شارع]

كأنما الصعب لم يسهل له سببٌ *** يوماً ولا ملك الدنيا سليمانُ
فجائع الدنيا أنواعٌ منوعةٌ*** وللزمان مسراتٌ وأحزانُ


قصمنجية...

شعرتُ بماتشعرين به عند نطق مَدة ( الدنيا)وتتبعت مقابلة الساكن بالساكن والمتحرك بالمتحرك في البيت والبيت الذي قبله...فشعرت أن هذه الالف الساكنة زائدة ليس لها مقابل في البيت السابق...وربما لأن الياء التي قبلها سبقها ساكن (وهو النون)صارت الياء لينة في النطق فلايظهر قيمة صوتية للالف عند النطق ...والبيتان لأبي البقاء الرندي في قصيدة رثاء الاندلس...
هذا ما شعرت به ولاتعتمدي علي فأنا من اجهل الناس في الشعر...

[إشراق]

الحمد لله على سلامتك ياراشد بالحديد ولا بالاوادم

لمبة شارع - قصمنجيه

شكلنا بنقلبها خيمة الشعر

معليش خلوها فاصل ونواصل المناقشات

[مــنــال]

الحمد لله على سلامتك أخي راشد ..

و عوضك الله فيما خسرته خيرا ً ..

قصمنجيه و لمبة ..

ماشاء الله ، كل هذه الإستفسارات و ماأستوقفكم من الأبيات و من ثم تقولون ..

اقتباس: ولاتعتمدي علي فأنا من اجهل الناس في الشعر...

اقتباس: بالنسبة للوزن والله ما أعرف إلا الميزان اللي يقيس لك أرطال اللحم و الشحم.. عداد الريجيم ما غيره

وهذا أن دل فإنه يدل على تواضعكم ، فما أجمل أن نخفض الجناح للناس .

وهذا يأتي مع قول الله تعالى : " و أخف جناحك لمن أتبعك من المؤمنين "

[راشد الصليحان]

اقتباس:  المشاركة الأصلية كتبت بواسطة شمس الرياض     راشد....... الحمدالله على السلامه ........وقت الظهر............ النفس شينه والعالم مالها خلق والزحمة في الشوارع الناس في هاالوقت مادري وش يصير فيهم تنهبل في الشوارع الرياض لايطاق في هذا الوقت الله يكون بالعون

الأخت شمس الرياض ...........بارك الله فيك ربي يسلمك ويبعد عنك كل مكروه

اكيد الظهر (المود ) واصل النهاية ...يعني المزاج مزنقر بالمرة ....!
لكن الحمدالله على كل حال ...

جو الرياض وبريدة واحد ياشمس ...حرارة الشمس ظاهرة مشتركة ..!


شكرا لك اختنا شمس...

[جورينا]

السلام عليكم ورحمة الله وبركاته ؛؛

حي الله الجميع ؛؛

أخوي راشد الحمد لله على السلامه ؛؛

اقتباس: اكيد الظهر (المود ) واصل النهاية ...يعني المزاج مزنقر بالمرة ....!

غريبة صدق الحين ليش الناس ابسط شي ينرفزة الظهر ؛؛ اللهم ياكافي النفس على طرف الخشم

اتوقع ان التعرض لاشعة الشمس هي السبب ؛؛ لانكم لاحظو اللي ماعندهم شغل ولامشغله وش حليل

انفسهم الظهر ؛؛ الا ماتغير لون الشمس لاني لي اربع سنين ماشفته ؛؛

[the-moon]

بعذرنا والله هالشمس تصهر الواحد
قبل أمس أشوف واحد ينقط وألحقه وأناضر وإلاه ينقط زيت
أثره ياحول منصهره الشحوم عنده من شدة الحر هع
بس والله جد هالحر مو طبيعي عندكم بالسعودية هع هع هع

[راشد الصليحان]

اقتباس: الحمد لله على سلامتك ياراشد بالحديد ولا بالاوادم

تسلمين بنت بريدة الله يسلمك من كل مكروه ...

اقتباس: الحمد لله على سلامتك أخي راشد .. و عوضك الله فيما خسرته خيرا ً ..

منال شكرا لك ..أسال المولى ان لايريك مكروه بحياتك ...


فراشة نجد ...

الله يسلمك ويحفظك ...شكرا لك...!

حرارة الشمس ترفع درجة الحرارة الإنسان والسيارة ....فالمكيف لك عليه

والناس اللي حولينا بالشوارع ....بكل أسف معظمهم همج ..!

شكرا فراشة ..

[اسمر ومملوح]

[align=center]صباح الخير للجميع ..


اخي راشد .. عوضك المولى عز وجل خيراً .. وحمدً لله على سلامتك ..


مشكلة بعض الناس وليس الموظفين بالتحديد هي قلة المرؤه ( يعني قصف المروه ) .. هذا الموظف الذي طلبت منه هذه الخدمه .. هل سيضيره شيئاً لو انه فعل لك مااردت .. بل العكس سيكون اقدم على فعل خير وسيؤجر بالتأكيد على ذلك .. ولكن للإسف هم لايحسبونها هكذا ..!!


يقول رسولنا الكريم صلى الله عليه وسلم ( احب لأخيك ماتحب لنفسك ) .. وكذلك في حديثٍ اخر ( المسلمون في توادهم وتراحمهم كمثل الجسد الواحد .. إلخ ) .. لو عمل الناس بهاذين الحديثين لاوجدنا الترابط والتلاحم في المجتمع .. وكذلك لاغابت الواسطات والمحسوبيات في كثيرٍ من الأماكن ..


صاحبك هذا ياراشد لو عمل بحديث الرسول صلى الله عليه وسلم .. لفعل لك مااردت .. بدل من ان يجعلك ( تتشحطط ) بمركز الشرطه ..


قبل ان ادخل السلك الحكومي ويرزقني الله بوظيفه .. كنت على قناعه تامه بأن مايشاع عن الموظفين ومشاكل الدوائر الحكوميه مجرد إشاعات .. ( لأنني قبل ان اعمل كنت لااذهب إلى اي دائره حكوميه إلا وانا اعرف احد الأشخاص بها او بتوصيه من احد لذلك لم ألحظ مايقال عنهم ) .. ولكن بعد ان عملت رأيت العجب العجاب .. الحسد والغيره والمحسوبيه و الواسطه .. وكذلك تصنيف الناس على فئات .. فهذا لاينفع ذاك لأنه ليس من ( جماعته ) .. وايضاً ذلك لايخدم هذا لنفس السبب .. !!


طبيعة عملي اني اواجه الجمهور .. وكما تعلم هو عمل متعب جداً .. ومع ذلك اقوم بعمل غيري ان استوجب الأمر .. فأنا اعلم مدى العذاب الذي يعانيه المواطن من خلال تردده على الدوائر الحكوميه .. هناك امور تغيب عن بال بعض الموظفين .. فهم يعتقدون ان المراجعين ( فاضين ) .. ولا يضعون انفسهم مكان هذا المراجع المسكين .. فكما نعلم جميعاً ان هذا المراجع تعب كثيراً من اجل ان يأتي لينجز مايريد .. فهو ترك عمله واعماله من اجل ان ينهي معاملته او غيرها .. ولذلك يجب على اي موظف ان يضع نفسه مكان هذا المراجع ..


في عملي كثيراً مااسمع جمله يرددها بعض الموظفين تجاهي وهي ( ليه تقوم بشغل فلان ترى بتتعب تحسبك تشتغل بحلال ابوك هذا شغل الدوله خل الدرعى ترعى ) .. فأبتسم ومن ثم ارد بهذه الجمله ( الناس للناس والكل بالله ) .. محبة الخير للغير امر واجب ومحتم على الجميع من اجل المجتمع والمستقبل فكل ماتحاب الناس وترابطو اصبح لدينا مجتمع قوي ومتلاحم ..

عموماً اعتقد ان هذا الأمر راجع لتربية الشخص واساسه ..


تحيه وتقدير للجميع .. صباحٌ جميل للكل .. [/align]