هل صحيح أن( التقاعد) معناه.....مت وأنت قاعد؟؟؟؟؟؟؟؟؟؟؟؟؟؟؟؟؟؟

[أبو ريان القصيم]

والله الموضوع ياابو خالد جدا رائع
لانك ذكرتن بعمي من يوم يتقاعد ماغير(( مبلبط بهالبيت)) اي (( اتسدح بالبيت))
ويقول انا ابسوي ... انا ابزين .. انا طلعت اصيد بالدغمانيات ومدرج!!

[الرأي الأول]

ابو خالد

فى الدول المتقدمه يستفاد من المتقاعدين اصحاب المهن المطلوبه كثير كامستشارين و مدراء تنفيذيين

حتى العسكريين يستفاد منهم بشركات الامن والسلامه

عزيزى

العبره ماهى المهنه التى لدى المتقاعد لكن الغالبيه تلقاها سنه خبره مكرره 40 سنه

[ابوخالد382]

اقتباس:  المشاركة الأصلية كتبت بواسطة قـهـرررررر أحبه     تحيتي أبو خالد .. غالبيه الموظفين وبالذات الرؤوس الكبار جالس بمنصبه ومتمسك به مهب لله ألا بيفرض سيطرته على اللي تحته من الموظفين ويتحكم بغيره ويلعن أبو خير المواطن كل هذا لغرض شهره وذل للناس وأحطاط له بصمه في هذه الدائره ليش جالس بالمنصب وأنت ما فيك لا نفع ولا شفع ولا خير لأهل ديرك تحياتي

كثير منهم بالشكل هذا ,والمصيبه ياقهررر ر منافق ونصاب وأنواع الكذب وكل هذا علشان هالكرسي....لكن ربك موجود.....شرفتني ياقهرررر,,موقف ياقهر, كم من مباراة!!؟؟

[ابوخالد382]

اقتباس:  المشاركة الأصلية كتبت بواسطة سارة عبدالعزيز     في هذا الوقت الكل يبحث عن التقاعد المبكر ويتمنون أن تمشي السنين وهي من أعمارهم من أجل أن يرتاحوا...هذا الفارق بين جيلنا وجيل آبائنا !! جيلنا يهوى اللعب والراحة بمعني جيل ليس عمليا جيلنا من الطلاب ما إن تبدأ الدراسة إلا ويسأل متى الاجازة !!!!!!!

صحيح كلامك عن هالجيل الحالي ....بس بعض من يطلب التقاعد المبكر يكون إنسان صاحب طموحات كبيرة ويكون قد خطط لتقاعده بمشاريع ....شرفتينا ياسارة.

[ابوخالد382]

اقتباس:  المشاركة الأصلية كتبت بواسطة الدبيه     تدري وش يصلح للمتقاعد مزرعه او استراحه تضفه ... انا اعرف وحده زوجه عندهمزرعهوبس تحضرم عليه مانشوفه المزرعه جاره لي ... المهم انه مرت الايام وجاء سبب خلى الابو ماقبالهم بالبيت الى بدت الحضرمه الصزيه نشبن بحلوقنا مانقدر نفترك ,,,قلت له هاه يام محمد وش رايك بالمزرعه قالت يالله من فضلك ضفته عنا ...

خصوصا الشيبان الكبار,مزرعه وبقره وغنم ودجاج ...أما المثقف فيستحسن أن يفكر بمشروع راقي يفيد منه ويستفيد....شرفتيني يالدبية.

[ابوخالد382]

اقتباس:  المشاركة الأصلية كتبت بواسطة تايقر بريدة     والله الموضوع ياابو خالد جدا رائع لانك ذكرتن بعمي من يوم يتقاعد ماغير(( مبلبط بهالبيت)) اي (( اتسدح بالبيت)) ويقول انا ابسوي ... انا ابزين .. انا طلعت اصيد بالدغمانيات ومدرج!!

هلا وغلا بك يالنمر العربي الأصيل....هاللي يبلبط بالبيت إسمح لي أقول إنه غبي ,ودبشه بعد,,,المفروض ضبط له برنامج مابعد التقاعد مشاريع بالعقارأو بالتجاره أو على الأقل دكان..المهم يبتعد عن الروتين والفراغ القاتل.....تحيتي لك.

[ابوخالد382]

اقتباس:  المشاركة الأصلية كتبت بواسطة الراى الاول     ابو خالد فى الدول المتقدمه يستفاد من المتقاعدين اصحاب المهن المطلوبه كثير كامستشارين و مدراء تنفيذيين حتى العسكريين يستفاد منهم بشركات الامن والسلامه عزيزى العبره ماهى المهنه التى لدى المتقاعد لكن الغالبيه تلقاها سنه خبره مكرره 40 سنه

أخوي الرأي ,هذا بالدول المتقدمه الله يخلف علينا,,حنا نبي المتقاعد يدبرعمره بمشيريع يوسع به صدره لاتجيه ضيقة صدر من التنبله بالبيت...أما كلامك فهو عين العقل وليت الدول العربية تستغل هذه الخبرات ,كان ماصار حالنا كذا...تسلم يالراي وشرفتني بمرورك..

[شاطئ الراحة]

أبو خالد ..

من يحب المال هو من يعتقد أن التقاعد .. أول منازل الأخرة قبل القبر ..

و هذا الأمر إكتشفته في موظف في عملي .. مضى في العمل قرابة 37 عام ...!!

و بعد سنه و نص يحل للتقاعد .. و الغريـــــــب في الأمر أنه بعد سنه سيقبض راتبة في الكامل ..

فـ طلبت منه أن يقدم على التقاعد الأن .. و لكن هنا تكمن ليسة المصيبة .... بل الكارثة ..!!

يقول لي .. و شفيك يا شاطئ .. باقي على تقاعدي سنه و نص و لو طلبت التقاعد الآن .. فأ سيحسم من راتبي 59 ريـــال ..

و الموظف .. فيه ضغط و سكر و آلام في المفاصل و عمله .. موظف إتصالات إدارية ..!!

يعني .. كيف الحال ..!!

فـ لو نرى كلامة أو نظرته بعين واقعية .. بأن ما يخسرة في العام و النص أكثر ما ينتظرة في الكامل بعد عام و نص ..


.. الحمد لله و الشكر على نعمة العقل .. أجبر نفسي بأن أعمل خلال عام و نص العام من أجل ان لا أخسر 59 ريال .. و تكون كامله مع الراتب ..

هذا يعتقد أن أول منازل الآخر .. التقـــــــــــــــــاعد ..

تحياتي لك

[ابوخالد382]

هذا ياشاطيء مدمن كرف وشغل.....أعرف واحد خلوه يتقاعد غصب, يبونه يذلف عن وجيههم...بعد يومين جاء قال لهم :ابسوي لكم الشاهي والقهوه وبلاش ...يعني إزرار.شرفتني أخوي بطلتك البهيه..

[عبدالله الحجيلان7]

يابوخالد ... مفهوم التقاعد انتهاء مرحلة من العمر وبداية مرحلة جديدة ومشاريع جديدة
لاكن المفهوم المغلوط عندنا وعدم التثقيف بهذا الموضوع هو الذي خلق "ظاهرة مشكلة المتقاعد"
بنهاية ترجع لثقافة المجتمع ....