صوالين التجميل النسائية ونشر (البغاء)في المجتمع..!!!!!!!!!!!!!!!!!

[ابوخالد382]

اقتباس:  المشاركة الأصلية كتبت بواسطة جناان     والله من البلاوي الي تحصل فيها .!!! وفعلا لابد من وجود الرقاابه على هذه المشاغل نسال الله السلامه والستر للجميع تحيتي لك اخي ابو خالد

فعلا,البلاوي تتمركز في الصوالين النسائية بقصد الإساءة للمرأة السعودية,,,,تتحدث إحدى الأخوات وتقول :أن إحدى الكوافيرات كانت تتحدث عما يفعله السعوديين في بلادها ونسائها بنبرة حقد ,وبصراحة خفت على نفسي منها....
هذه الكوافيره ألا تستطيع وبمساعدة الشيطان أن توقع الفتيات وهن مكرهات بوكر الرذيلة؟؟؟؟؟؟؟شرفتينا أخيه جنان.

[ابوخالد382]

اقتباس:  المشاركة الأصلية كتبت بواسطة قهورررري     فكوني حذره قبل أن تندمي على شيء فات .. البنت أهم ما عليها شرفها وسترها وهذا هو اللي محليها فا تنبهوا لهذا الشيء قبل ما يطيح الفآس بالراس شكرآ لك

وأنت الصادق ياقهر,,,عجزت أهضم إن البلدية من ضمن مهامها الصوالين النسائية,,لماذا لاتكون مراقبة الصوالين مثلا تحت إشراف وزارة الشؤون الإجتماعية وتتعاون الجمعيات النسائية والهيئة بمتابعة هذه الصوالين بإستمرار,صدقني ياقهوررري سنقطع دابر الفساد الجنسي.....شرفتني ياقهووررري

[مقهوووره]

الله يكفينا الشر

يجب اخذ الحيطه والحذر

[ابوخالد382]

اقتباس:  المشاركة الأصلية كتبت بواسطة دينا     وش ترجون من مكان يديره اجنبيات من لبنانيات او مغربيات ومايخفى عليكم حقدهن على السعوديات انا بطبعي مااحب ادخل ذا الاماكن يعني اذا احتجت شي طلبتها عندي بالبيت لاكن قد مره اظطريت ادخل صالون المهم وانا جالسه كانت تعدل بشعر والصاله مليانه طاحت عيني على بنوته عمره يمكن 18 جالسه وفيه 3 بنات يصورونها من عدت اتجاهات مبين من اشكالهن لانهن كانن مرتبكات مره والبنيه مو حاسه فيهم انا وقفت اللي تزين شعري ورحت للأداره تدري وش اللي يقهر ان المدير لبنانيه كانت تطالع البنات وهم يصورون وعادي عندها قلت لها خير مو انتي المسؤوله عادي عندكم التصور قالت وانتي شو عليكي كل انسان مسؤال وحر في تصرفاته قهرتني انا ماخليتها اتصلت على الهيئه وبلغت وطلعت.. أتضح بعدين انو ذاالبنات بينتقمون من هالبنت اللي يصورونها واللي يقهر انو ذاالبنانيه تقول انا ماشفتهم وهم يصورون<<يازين من قلع عيونهاوسوالف المشاغل ومشاكلهم كثيره ولاتنسى ان الصالون بسم سعوديه وهي مديرته وغالبا تلقاها ماتفهم بالمسؤليه يعني تجي ترز عمرها على طاوله وكرسي وتقلب بالاب توب يعني انا المديره وذا العاملات ينفخون فيها وتطلع يعني مافيه رقابه اعرف مشغل كان عندهم بالدور الثاني غرفه نوم بعد ماسئلت ليش قالت (هاي المكان للقاء الحبايب)ياعيني شاكره لك طرحك اخوي ابو خالد والله يهادي الجميع ويحفظهم

حسبي الله عليهن,,وقاعدات يصورن هالمسكينة وهي ماتدري!!!!وطبعا هاللي صوروها ستصبح ضحية إذا لم يتم إتخاذ إجراءات فورية وبسرعة......
القصيبي يطالب بأن تعمل فتياتنا شغالات في المنازل......لماذا لايعملن كوافيرات بدل هالكوافيرات الأجنبيات....فقط دورة لكل فتاة وبعدها تصبح كوافيرة,ستفيد وتستفيد,,,وخلوا سمننا في دقيقنا......شكرا على المعلومات أختي دينا.

[ابوخالد382]

اقتباس:  المشاركة الأصلية كتبت بواسطة الذاهـبـة     استاذ أبو خالد .. أقصد : أن ما يقال في الاستراحة .. ما يصلح ينقال هنا .. عفواً .. نحتاج إلى مراعاة الكائنات الحية المتواجدة هنا .. خذ على سبيل المثال : الشايب السمنسي يأثر عليك .. و يخليك تهرج مثله .. مممممممممم شكراً لك يا سمنسي على التقدير و الاحترام .. أتمنى أن أحظى على تقدير " ممتاز " عندك .. هه !!

أختي الذاهبة...أنا أتعامل مع شرائح مختلفة من الناس في هذا المتصفح,,,أنا معك قلبا وقالبا وأوافقك في جميع ماذكرتيه,,,,والعجوز السيمنسي الجميع يعرف مداعباته وحبه لإضافة الفكاهة في مواضيعه,,,لكن بهذه أخطأ العجوزوأنا أعتذر نيابة عنه...دمتي بخير

[اميرة الورد]

لاعادوالله عندنا هنا في بريده ياابوخالد متشددين يعني اول ماتدخل يخذون الجوال اذا كان كاميرا يطلون الحريم ان تريهم وجهها لتاكد منها اممممم فيه غرف خاصه لكل شي وعليها رقابه شديده من قل المديره نفسها يعني لايضيق صدرك ان ماقد شفت شي بالمشغل غير لائق او غير شرعي كل شي له حقه مهيب الدعوه لعب

[ابوخالد382]

اقتباس:  المشاركة الأصلية كتبت بواسطة مــــا زنــــــــ     [align=center]ليش هاالبنات ماتاخذ دورات تجميل وتسلم من هاالمشاكل وتسلم من دفع الفلوس .وبعدين اللهم ياكافي قص الشعر اقل شي200 ريال وحنا يالله من فظلك بخمسه ريال,,,,,,,,,,,,والله ان ها البنات ملعوب عليهن وين ما وجهن مساكين والله اني ارحمهن بس تدرون يستاهلن[/align]

ياأخي لماذا لانكون مثل الدول الأخرى,,,نسعود صوالين التجميل,وبناتنا هن من يعمل ويدير هذه الصوالين وبالتالي نحل أزمة البطالة ونضمن أنه لن يصبح هناك إستغلال للفتيات....شرفتني يامازن.

[جورينا]

ابو خالد ؛؛

حياك الله اخوي ؛؛

وشاكرة لك نصحك وتوجيهك وتذكيرك لنا بموضوع المشاغل وماتجره من مخاطر نسال الله السلامه والستر ؛؛

قسم اني من شدة ماسمعت من بلاوي هالمشاغل اذا اضطريت ورحت ماغير اتلفت على السقف وغيره ادور على اي

كاميرات او اجهزة مراقبه ماش الدنيا منتالي صايرة توحش ؛؛

اقتباس: ,,,نسعود صوالين التجميل,وبناتنا هن من يعمل ويدير هذه الصوالين

اتوقع اخي ابو خالد نحتاج الي مدة غير بسيطه من الزمن لاقناع الاهل بهذا الاقتراح الحين فكرة فتح مشغل غير

محببه فما بالك بالشغل بالمشغل ؛؛

رعاك الله ؛؛

[•°تآلي حيآتي موت°•]

[align=center]أولاً : أشكـــــــــرك أخــوي عـلى غـــــــــيرتك ونـقـــــــــلكـ للخــــــبر المحــزن والله ..

ثـانياً : سأناقش هذه النقطه

77777
777
7

اقتباس:  المشاركة الأصلية كتبت بواسطة ابوخالد382     كاميراء تصوير لعملية التجميل الخاصة جدا والفتاة المسكينة لاتعلم

إذاً هــي لم تخـــف من الله وتجرأت تتعــــــرى عــنـد الكوافير ..؟

صارت المســأله عيب وخوف من انحطاط المستقبل .. فقـــــــــط

إلى هذي الدرجه وصلت فينا هالتخلف ..

الا تعلم انا بعد رضى الله يتيسر لها كل عسير ..

لماذا التعري في تلك الاماكن ..؟

إذاً نحملها الذنب اولاً وثم الكوافير أخراً ..

فلو ان الكوافير لم تجد من تتعرى بكل جرأه امامها ..

لما وضعت تصوير وارغمت تلك الفتياة على فعل الحرام ..

فاللوم على الفتاة المتساهله اولاً ..



»-ღ تحياتــيღ-»


.•:*¨`*:•. .•:*¨`*:•.
::: تـاإأآإأآإأأآلــي :::
0..................0
*-:¦:-*[/align]

[القرصان]

أنا سمعت عن هذه الظاهرة ...... لكن إن كانت حقيقة ...
[align=center]الله يخلف علينا ....[/align]

[DaRk MoOn]

صدقت أخوي

هالظاهره منتشره فعلى البنت ان لا تذهب لوحدهاا وان تنتبه لنفسهااا وتأخذ حذرهاا

لكن البلاء من الرقاابه ومن ادارة المشاغل

[ولــد نعمـة]

لافض فوك ياأبو خالد .........
لكن اسمع القصة اللي تشيب الرأس من القهر وحصلت قريبا ..
هذا سلمك الله واحد ممن اثق به كثيراً يعمل في إحدى محلات صيانة الكمبيوتر يقول.. في يوم من الأيام إتصلت فينا إحدى مالكات تلك المشاغل تعرض علينا مشكلة في جهازها وهل بإمكاننا اصلاحه و تريد أيضا أن ننزل لها برنامج معين.. . فطلبت منها إحضار الجهاز للمحل .. وبعد إحضار الجهاز واتفاقي معها على ماتريد وطلبها لي بسرعة إنجاز المهمة والحاحها علي بذلك.... يقول بدأت اشك بأمرها وأخذت اقلب ملفات تلك الجهاز وهنا وقعت الفاجعة .. يقول (والله على ماأقول شهيد ) ملف كامل يحتوي على صور تلك الزبائن من فتايتنا بجميع الأوضاع
لايعلم كيف استطاعت التقاطها ......

التساؤل هنا من بإستطاعته ردع تلك الفاسقة....
وللمعلومية صاحبة تلك المشغل على كلامه سعودية الجنسية ؟..................

تحياتي أخي أبو خالد......

[فديتك]

سمعت مثل هالكلام
الله يستر علينا وعلى بنات المسلمين
بعض الاحيان يحصل مثل هالاشياء بالمشاغل عندنا لكن من تحت لتحت
حنا مانعرف فيها .. ولها مرتادين خاصين
نسأل الله العافيه
اختكمــــــــــــــ فديتك ........

[عتبيه في القصيم]

[align=center]السلام عليكم

انا بصراحه ماعمري حصل لي موقف او شفت موقف
على كثر روحاتي لصولين التجميل
لا من عاملة او صاحبة مشغل
يمكن لاني ما اروح لصالون الا اكون عارفه صاحبته
ووثقه فيها

لكن يا اخوان المشكله احيانا ما تكون بالعماله
المشكله تصيرك مع الزبائن الي يرتادون الصوالين

احكيلك قصه صارت معي كادت تسبب لي الجنون لولا ستر الله

يوم من الايام كنت في احد الصالونات المحترمه والي يشار لها بالبنان
قاعده انتظر دوري
وانا متعوده على كوافيره معينه ما اتعمل الا معاها
وكانت مشغوله مع زبونه
قالتي انتظر لين اخلص منها بعدها يجي دورك
المهم
انا قاعده اتصفح مجله كانت على الطاوله قدمي واقرا فيها
ولاني منتبه للي حولي
واسمع جوال الحرمه الي قاعده الكوافير تشتغل فيها يدق
وترد عليه وتتكلم شوي وسكرته
كل هذا وانا بس اسمع ما شفت شي يعني راسي
ما رفعته من المجله منسجمه بالقراءه
بعد يمكن خمس دقايق على هالشي
رفعت راسي ابشوف الحرمه خلصت او بعدها
واطالع فيها
واشوفها ماسكه تلفونها وموجهته على المريه
اول شي استغرب قلت كيف اسمحوا لها تدخل جوال كميراه
يوم دققت بجولها
طلعت الاخت تصورني عن طريق عكس صورتي في المرايه الي
قدمها وانا يا غافلين لكم الله

جن جنوني
وكانت معاي امي واختي
وتصل بيني وبينها لشيطان الرجيم
والمشكله تنكر وانا شايفتها بنفسي
وبدون ذكر التفاصيل
بعد الصغط عليها وتهديدها من قبلي ومن قبل
صاحبة المشغل
اعترفت وقالت ان نيتها كانت سليمه
وهي اعجبها شكلي وتبي تورني اخوها
علشان يخطبني
الله اكبر عليها
بذمتكم هذا كلام او حجه
تبرر فعلتها فيها
والله ما ارتحت لين اخذت الجوال وكسرته قطعه قطعه وهي تشوف
واذا كانت بنت ابوها
تتكلم

ادري طولتها وهي قصيره
بس بغيت احذر الاخوات
احيانا الخوف مو من المشغل وعاملته
والله الخوف من رواده اكبر بكثيررر
00
0
يعطيكم العافيه على الموضوع[/align]

[ابوخالد382]

اقتباس:  المشاركة الأصلية كتبت بواسطة مقهوووره     الله يكفينا الشر يجب اخذ الحيطه والحذر

اللهم آمين....شكرا على مرورك,وفعلا الواجب أخذ الحيطة والحذر عند الذهاب لصوالين التجميل.