بعض البنات لا يملأ عيونها إلا التراب ...

[فور يو]

اقتباس:  المشاركة الأصلية كتبت بواسطة خالد العبدالله     البنات.. مسكينه البنت ...دائماً مايقع اللوم عليها.... عزيزي فور يو بعتقادي أن بنات اليوم لايختلفو عن شباب اليوم ...كلهم في الهواء سواء وتنطبق عليهم نفس اللي قلته عن البنات أن لم يزيد بكثير.. شبااب اليوم.. للأسف ... لاغيره ولا حشمه..ولا ستر ..ولا خوف من الله الى من رحم الله..والقلوب ميته..وعقوق الوالدين حمانا الله واياكم من ذلك...وكذب وانقلب حالهم من حال الى حال ...والله المستعان..

اهلا وسهلا خالد العبدالله ...

نعم كما ان هناك بنات غير مباليات هناك بعض الشباب غارق في ملذات الدنيا وهارب من المسئوليه ...!

شكرا جزيلا خالد على المرور الكريم .

[فور يو]

اقتباس:  المشاركة الأصلية كتبت بواسطة الفارسة     الفاضل فوريو انظر في الواقع ستجد أن الأساس هي التربية كم من فتاة كبتت في بيت أهلها ثم بعد زواجها استعلت على زوجها فالكبت يولد الانفجار وقيل في الأمثال (خذ مدلعة ولا تاخذ مطمعة) ولا أظن أن وسائل الترفيه هي السبب في ذلك بل إنها التربية أستودعكم الله

اهلا وسهلا الفارسه ...

نعم التربيه اساس كل شي ولا افراط ولا تفريط ...

شكرا جزيلا على المرور الكريم فارسه .

[فور يو]

اقتباس:  المشاركة الأصلية كتبت بواسطة لمني بمحجر عيونك     هلااااااااااااا اخوي فور يو انا مني عارفه انت ليه تتكلم على البنات بهالطريقه الحمد لله انك قلت بعض البنات ..لكن انا بقولك اغلب الشباب اغلب الشباب لا يملأ عيونهم إلا التراب , كلما طلبت منه زوجته شيئا بسيط , ارعد و ازبد و احمرت عيونه من شدة الغضب وقال مقولته البايخه :- فكينا تراج غثتينا ...! اغلب الشباب فبل الزواج ماعندهم غير التبطح و التسدح عند الشاشات من كمبيوترات وجوالات وتلفزيونات ومزاحم البنات بالمجمعات ...! شباب غرفونا بهازمن , شباب يلا على البحرين او دبي او مصر او سوريه او نسوي جلسه باستراحه خلونا نرقص الديسكو ...! هذول الشباب اول ميتزوج وحس بالمسوليه ضاقت الدنيه فيه لانه موقدها وكان انسان مستهتر طول عمره..وحط حرته بهالمخلوقه الضعيفه شباب مااااااااااااافيهم خير صدق المصطفى عليه الصلاة و السلام حينما قال :- خيركم خيركم لاهله وانا خيركم لاهلي فالذين يتعاملون بالحسنى مع نسائهم هم قله حيث تجد مجالس الانس والانبساط مع الاصدقاء والخلان ومجالس الشتم والتهكم مع الاهل في البيت ..وبعض الرجال يكون بليد الحس والمشاعر مع اهليهم وثقيل الظل ....ويكون المرح المحبوب خارج البيت (رفقا بالقوارير) تقبل مروري بصدر رحب لمني بمحجر عيونك اختكم

اهلا وسهلا لمني بمحجر عيونك ...

كما ان هناك بنات مو قد المسئوليه ايضا يوجد عند الشباب , كلن فيه حقه ...

شكرا جزيلا على المرور الكريم لمني .

[فور يو]

اقتباس:  المشاركة الأصلية كتبت بواسطة Queen buraydh     بكل تأكيد أتفق معك ان اغلب النساء كفارات بالعشير , , بمجرد خطأ بسيط تنكر جميع الاشياء الايجابيه بالرجل لكن مسألة الاندومي وغيرها من الدلع الزايد , , هذا مو ذنبها هذا ذنب اهلها اللي ربوها على كذا ..! خلونا نستانس وننبسط عشان نمل ونشبع قبل لا يجي الرجل وغثاه

اهلا وسهلا كوين بريده ...

الأهل تقع عليهم مسئوليه كبيره في تربية بناتهم وابنائهم حتى يكونوا قد المسئوليه في بيت الزوجيه , الكثير من حالات الطلاق سببها سوء التربيه وعدم تهيئة الفتاة بكيفية التعامل مع الزوج ...

شكرا جزيلا على المرور الكريم كوين بريده .

[فور يو]

اقتباس:  المشاركة الأصلية كتبت بواسطة غلا قلبي     [align=center]فور يو.. معك حق مثل ما قلت بعض البنات مو كلهن.. يعني اصابع يدك ماهي سوا.. وهذا نتيجة الرفاهيه في بيت اهلها كل شي على راس الشغاله.. وبعضهن تتزوج ولا تدري وش ورى الزواج يعني قلة الثقافه الزوجيه.. فلما تتزوج وهي ماتعرف شي راح تتبهدل وتنصدم بالحياة.. وبعدين على فكره التلفزيون والنت والاشياء اللي قلت عنها ماهي اسباب رئيسيه.. ممكن تكون فرعيه ونادره عند بعض الفتيات.. اشكرك اخي على هذا الطرح لك كل التقدير والاحترام[/align]

اهلا وسهلا علا قلبي ...

بعض اولياء الأمور يعتقدون ان التربيه السليمه هي تربية توفير المأكل والمشرب والملبس ويغفلون عن التربيه الأخلاقيه الحميده ...

شكرا جزيلا على المرور الكريم غلا .

[فور يو]

اقتباس:  المشاركة الأصلية كتبت بواسطة شمس الرياض     مرحبا. فور يو شكرك على عدم التعميم بقولك بعض البنات فور يو كلامك صحيح واتفق معه وماذكرته هنا يمثل فئة البعض منا وتتعدد الاسباب والظروف في بيت الاهل وتختلف فيما بعد من رجل لرجل بعد الزواج فور يو احترامي وتقديري

اهلا وسهلا شمس الرياض

بالتأكيد للبيت دور رئيسي في تصرف وتعامل الفتاة مع زوجها بعد خروجها من بيت اهلها , ان كان خيرا او شرا ...

شكرا جزيلا على المرور الكريم شمس .

[فور يو]

اقتباس:  المشاركة الأصلية كتبت بواسطة عاشق ديرتي بريده     والله ياانتن مشكله عطننا حل عشان نعيش صح !!!!!!! والله انك صادق يافور يو تتمشى فيها وبالاخير تقول تسمي اللي انت مسويه تمشيه !!! تحصل بعض الرجال يدفع قروش او يتسلف عشان يسعد زوجته وبالاخير تقول تشششششش شف اختي فطيمه رايحه لفرنسا وحنا تودينا للعيري بارك !!!!! ياليت تعطينا حدا البنات وصفه بنوتيه عشان نعرف لهن !

اهلا وسهلا عاشق ديرتي بريده ...

الكثير من المشاكل الزوجيه سببها شف اختي حصيصه وش سوى لها رجلها و وشف وش شرى لها , وبعد شف اختي بدريه معطيه فلانه طقم الماس بمناسبة مولودها وشف و شف ... ما تسكت تقل بالعه رادوا ...!

والرجال المسكين على قد حاله يادوب راتبه يكفي بيته وهالحرمه ماتدري ان زوج بدريه تاجر وفلوسه كثيره ...! بعض الحريم ياعاشق تفكيرها لا يتعدى حلمة انفها ...!

شكرا جزيلا على المرور الكريم عاشق .

[فور يو]

اقتباس:  المشاركة الأصلية كتبت بواسطة فاطسة ضحك     اظن من أكبر الاسباب في هذا الشئ ... تفكيرها الخاطئ في مفهوم الزواج باعتباره وسيله للترفيه عن النفس اعرف مجموعه من البنات اذا طفشن وملن << طبعا طفش وملل من الفراغ , بدن يطرن الزواج وانه الحل السحري للقضاء على الطفش بعتقادهن أن الزواج ماهو الا سفر ومطاعم وتمشي وتدليع وان الزوج خادم لاسعادها وهي بثابة الاميره على العرش كل شئ لها وهي لاعليها شئ . من هنا يتبين أهميه التثقيف الصحيح في مفهوم الزواج .

اهلا وسهلا فاطسه ضحك ...

صدقت التثقيف والمعرفه من قبل الأهل بأهميه الزواج والزوج وبناء اسره امر مهم جدا

لمستقبل الفتاة ...

شكرا جزيلا على المرور الكريم فاطسه .

[Tulane]

اقتباس:  المشاركة الأصلية كتبت بواسطة خالد العبدالله     البنات.. مسكينه البنت ...دائماً مايقع اللوم عليها.... عزيزي فور يو بعتقادي أن بنات اليوم لايختلفو عن شباب اليوم ...كلهم في الهواء سواء وتنطبق عليهم نفس اللي قلته عن البنات أن لم يزيد بكثير.. شبااب اليوم.. للأسف ... لاغيره ولا حشمه..ولا ستر ..ولا خوف من الله الى من رحم الله..والقلوب ميته..وعقوق الوالدين حمانا الله واياكم من ذلك...وكذب وانقلب حالهم من حال الى حال ...والله المستعان.. فور يو .. (رفقا بالقوارير ) دمت بالف خير واحسن الله عزاك

عين العقل هالكلام

الأوضاع الحين تختلف

وكلامك عن بنات اليوم ينطبق ع شباب اليوم بعد

فلاتصير نظرتك إنحيازيه

ونرجع نقول ( اصابعك ماهي سوا) الناس فيها الصالح وفيها الطالح انت طب وتنقى


تحياتي

[فور يو]

اقتباس:  المشاركة الأصلية كتبت بواسطة ابو ريناد     المرأه كالمهره على حسب خيالها منهم من يحسن العسفه ويجيدها ومنهم من يزيد الطين بله ويزيد الضلع اعوجاجا واللبيب الخيال هو من يقفزحواجز الحياه على هذه المهره

اهلا وسهلا ابو ريناد

المشكله اذا اصبحت المهره مثل البهيمه , تأكل وتنام , تنام وتاكل تطلب ولا تعطي ولا تضحي ولا شيء يهمها ...!

هنا ماذا يفعل الرجل مع البهيمه ...؟

شكرا جزيلا ابو ريناد على المرور الكريم ...

[فور يو]

اقتباس:  المشاركة الأصلية كتبت بواسطة &تذكار الرحيل&     والله اللي اشوف حولي كل البنات مدلعاااااااات عند اهلهن... ولما يتزوجن يتغيرن مررررررررررررره..قد المسؤليه دايم.. بالعكس الرجال هم اللي يقهرون ههههههههههه.. (((((الشباب والبنات فيهم الزين واللي مووو زين..)))))) شكلك كاتب الموضوع والضغط مليون ...

اهلا وسهلا تذكار الرحيل

من شب على شيء شاب عليه والمدلعه في بيت هلها تبي نفس المعامله في يت زوجها

وعلى فكره تراي كاتب الموضوع والضغط عادي جدا ...

شكرا على المرور الكريم تذكار ...

[فور يو]

اقتباس:  المشاركة الأصلية كتبت بواسطة ليالي الشوووووق     ياااااااااقدمكم للحين تبوووون البنات يكرفن بالبيوت تبكووووووووون على زمان اوول والهك اللي هكيتو به على الحريم وبعدين الزووجه اذا طلبت من زوجها من حقها تطلب منه اجل من مين تطلب حاجاتها وبعدين من قالك ان عيشة كل البنات مطاعم وااندومي

اهلا وسهلا ليالي الشوووووق

من قدكن لاقين ارخوم تلعبن عليهم , اجل وحده منهن تقول اخوي مرن ويغير لعياله بامبرز وزوجته نايمه ...! وش ترجين من مثل هالرخوم ...

وحريم اول ماحد هك عليهن حريم اول سنعات شقرديات مو مثل حريم اليوم تبطح وتسدح ..!

شكشوشه ماتعرف تظبطها ...1!الله يخلف بس ...

و الزوجه نعم تطلب بس بالمعقول واللي تحتاجه مو اي شي تشوفه عند فلانه وعلانه تبي مثلها , بس مجاكر وغيره مال امها سنع ...

شكرا على المرور الكريم ليالي .

[بنت البدو]

لاتجمع العموم ياخي الفاضل
فاصابعك ليست سواسيه

فان اردت ان نتحدث عن ضيق عين الرجل مع زوجته فسنحتاج لصفحات طويله من صفحات المنتدى لنشخبط عليها تلك الامور

[فور يو]

اقتباس:  المشاركة الأصلية كتبت بواسطة اميرة الورد     اقولك شي يقولون خذلك مدلاله ولاتخذ ملطمه وانا قسة نفس هذا المثل بنفسي من خلال مجتمعي فالمدلاله تحس انه ماله من كل شي حتى الجلسه فعشان كذا تلقيها تكرف وتكون احسن ست بيت وعادي عندها كل شي .... اما الملطمه طال عمرك تصير عاله عليك تحس انه العرس شي وانه لازم تشوف كل شي وتجر جميع انواع المطاعم والفسقنه وتبداء تتدلع تبي تجرب لانها ماعاش حياتها يوم هي صغيره... اولن واخرن العمده على تريت الوالده الله يطول عمرها....!

اهلا وسهلا اميرة الورد

المدلعه تكرف و تكون احسن ست بيت ...! وشلون تجي هذي ...؟ معادله ماتركب ...!

و العكس الملطمه هي اللي يمكن تكون ست بيت وتحس انها ( مستقره ) في بيت زوجها ...

شكرا على المرور الكريم اميره .

[فور يو]

اقتباس:  المشاركة الأصلية كتبت بواسطة الجعد     ودمتم بعافيه جميعا وخصوصا for you

اهلا وسهلا الجعد

ودمت بصحه وعافيه دائمه ...

شكرا على المرور الكريم الجعد ...