دكتورة تستحق التقدير والتكريم 00 حقا هي حاله نادره !

[فشخره]

اقتباس:  المشاركة الأصلية كتبت بواسطة رادار بريده     اشكرك اخي على طرح هذا الموضوع الدكتوره ليلى من الذين يستحقون منا ومن الجميع الشكر على جهودها المبذوله

بارك الله فيك 000000 الدكتورة تستحق الكثير 00000000 فهي تعمل


بجد واخلاص وبنفس طيبه 00 ولايؤثر فيها كلام معاكس !

[الحنتريش]

[align=center]

اقتباس:  المشاركة الأصلية كتبت بواسطة ابن الاجواد     0000000 ياحنتريش الله يصلحك يعني هذا اللي جيد فيه ماغير تحلت من هالكلام وكنك جالس معه !! وش عرفك انه تاكل علك وتتمكيج ؟ عموما من الطبيعي ان نجد صوت او اخر مناهض وللعلم فالشهادة ليست مقياس للنجاح فهناك شهادات عليا ولكن ماعندك احد !

منب احلت الله يصلحك انت بعد
والكلام الي انا قلته صحيح 100% وتراي قايلن انه جيده ولكن علمتك وش سبب الزحمه
اول شي الحريم يمدحنه لان تعطي اجازات بالهبل
ولاجت المراجعه تبدا تسولف معه وتبسط له كل شي
اما المكياج انا اعني الدكتورة سحر ورح شفه وتعال عطنا ردك
لكن وراك مامدحت الدكتورة ليلى الطويرب؟؟؟؟
او عشانه سعوديه او بالمعنى الاصح مااستفادة منه زوجتك[/align]

[الحنتريش]

[align=center]

اقتباس:  المشاركة الأصلية كتبت بواسطة طخطيخ الشمال     اااخى الحنتريس سبق وان ذكرتك عن ظلم خلق الله لايجوز منك ذلك لم يسلم منك لاميت ولا حى . اااخى اذا لاتعرف الاخت لماذا تظلمها ولايجوز القذف بارك الله لك (((اما شعارك هو خالف تعرف )))...تحياااتى

اخوي طرطيخ انا ماظلمته ورح اقر الموضوع واقر مشاركتي
انا قلت انه جيده ولكن الزحمه بسبب كثر همقه وانا صادز
مع انك تدافع دايم عن الصحه وشكلهم مخلينك محامي لهم لكن تاكد من الي انا قلت
بعدين وش هالكلام الي مايسلم من ميت ولا حي عسا منب نابشن قبر احد وانا مادري
تاكد ان المنتدى منبر ولازم نقول به الي نعرف ولا نطبل ورا الناس ويصير الواحد (إمعه)
تدري ان عدد المراجعات محدد لكل طبيبه باليوم الواحد؟
حتى لو زادن المراجعات شي بسيط عنده ماتتاخر بالخروج بعد الدوام بساعه
ماظلمت احد ولكن هذا حد تفكيرك الشكوى لله وش اسوي لو هو بدراهم شريت لك تفكير زي الناس مير الله الي يوزعه عشان تسذا صرت بعينك السحريه مع قوم خالف تعرف[/align]

[الحنتريش]

[align=center]

اقتباس:  المشاركة الأصلية كتبت بواسطة صاحبة السموالفكري     الدكتورة ليلى تستحق المدح والثناء ومن يذمها بلادليل فهو حاسد وغيور ولا يحب الخير للناس الذين انتفعوا من مهارتها بعد الله عز وجل .. أما التجمل والتمكيج فيا سبحان الله وش دخلكم فيه ما دامه ما طلعت على الرجال ؟! والا أنتم متعودين على الشهب اللهب وصارت عيونكم تستنكر الزين ؟! قسم بالله اني تحوم تسبدي من أشكال بعض المراجعات الي يشكلن نسبة كبيرة من اهمالهن وحوستهن الي جايات بها للمستشفى !! تخيلوا وحدة جاية للمستشفى بشبشبب ريش وترتر الي ينلبس مع قميص النوم !! لابسته على شراب العائلة كحلي !!! ومطقمه من زود الأناقة مع شنطة يد ترتر !!! وين حنا به يا ناااااااس حررررررررام عليكم تؤذون أنظارنا بهالمناظر الي تقلب ابو الذائقة !!! طبعا هذا غير القمصان والجلابيات ونعال الباغة وانتم بكرامه !! أتمنى أعرف سر هالاهمال وهالابتذال باللبس وهالتخلقن رغم انهن جايات لطبيبات مو لطبيب رجل يكشف عليهن ؟! لاحد يقول لي هن جايات لمستشفى وحالتهن حرجة .. أنا لو شفتهن بالطوارئ ما نقدت عليهن .. وخاصة ان نصهن يطقن حنك وهن ينتظرن دورهن وهاااك يا انواع الأسئلة والتطفل الي مالبو أمه داعي .. طبعا من الفضاوة !! عارفة ان كلامي هذا خارج اطار الموضوع لكني من جد انغثيت وحمقت لما شفت البعض ينتقد الدكتورة ليلى على حب الزين الي هو فطرة في المرأة .. ولا ينتقد زوجته على حوستها وخلاقينها !!

اختي نيابة عن الي انتي تعنين ابقول لتس
يعلم الله اني احب له مااحبه لنفسي ولكن دامتس من المراجعات للدكتوره ابسالتس
كم المده الي تجلسينه عنده بالعياده؟ وهل كله كشف وعلاج والا يتخلله سوالف ثانيه؟ تراه سؤال بالله
واذا كنتي مراجعه عند طبيب او طبيبه غيره كم المده بعد؟
وعطين رايتس بالدكتورة ليلى الطويرب هل هي تستحق التكريم او لا؟
الموضوع مهو غيره بقدر ماهو النطق بالحق
صح انتي لازم تدافعين عنه وخصوصا اذا انتس معلمه اكيد مستفيده منه اجازات

بدويه او من قريه وجايتن لمستشفى يعني وش تبينه تلبس؟
احسن شي عنده ثوب تترو والا روز وغدفه بنات الخليج
لكن سؤالي لتس وشوله المريضه لاراحت للمستشفى تميكج؟؟[/align]

[الحنتريش]

[align=center]

اقتباس:  المشاركة الأصلية كتبت بواسطة &عبير الشوق&     أخي الفاضل قلم يريده الأبيض .. عرضت في رد سابق تجربتي مع الدكتوره ليلى وقد أجبرني ردك على العودة مرة أخرى أحب أن ألفت نظرك أني سبق وراجعت عند الدكتوره ليلى من بداية حملي وحتى بلغت الشهر السابع وقد تعبت معي كثيراً وأعطتني رقم جوالها للتواصل معها في حالة الضروره لصعوبة حالتي وبمجرد خروجها للإجازه وبأول مراجعه لي عند غيرها تأزم أمري وأمر الجنين وترقدت في المستشفى قرابة شهر وتضاربت الأراء حول حالتي وأجزم أن الدكتوره ليلى لو كانت موجوده لم يحصل لي ماحصل.. بعد إرادة الله طبعا. وأقسم بالله العلي العظيم والله على ماأقول شهيد أنه لم تأخذ مني ريال واحد ولم تلمح لذلك طوال متابعتها لي .. ولم تكن تربطني بها أي علاقه من أي نوع ولم أصل لها عن طريق واسطه .. . علماً أن الثناء عليها وعلى مجهوداتها معروف وقد سمعته كثيرا لدى العديد من قريباتي ومعارفي . فلنكن من المنصفين أخي حفظك الله...

اخت عبير هل تقصدين ان الدكتوره تعلم الغيب؟ او معها عصا موسى على هالكلام؟
اختي التأزم وتغير الحاله ماله دخل بوجوده او اجازته ولكن احمد الله انتس طيبه الحين والله يخلي لتس ماعطاتس
يعلم الله ان الدكتورة صاحبة طاعه وملتزمه لكن انا اقول ان سبب الزحمه انه تطول الهرج مع المراجعات ومايقاس هالشي ان عنده زحمه بالمره
نسمع عنه وخصوصا من المدرسات ولكن الله يجزاتس خير الي نطقتي بالحق[/align]

[الحجاج]

(( قلم بريدة الابيض ))

اتق الله .. اتق الله ..

د .. ليلى عامر ليس لها اي دخل بموضوع (( 1500 )) ريال

خف الله في نفسك

وعليك الاعتذار للقراء وللدكتورة مباشرة

فهذا اتهام بالرشوة ..

وهي تذكر بكل خير ولها جهود تشكر عليها

وموضوع ((1500 )) ريال عند مركز الاعمال لمن (( ترغب )) الولادة تحت اشراف طبيبة معينة ..

ود.. ليلى عامر غير مدرجة من ضمن الطبيبات المعنيات

وهذا الموضوع مقر من قبل مجلس الوزراء وليس من الوزير

اللي ماعنده (( خبر )) لا لا لا يفتي ..

فهذا القلم ليس (( ابيض ))

ولا يشرف (( بريدة ))

[صاحبة السموالفكري]

اقتباس:  المشاركة الأصلية كتبت بواسطة الحنتريش     [align=center] اختي نيابة عن الي انتي تعنين ابقول لتس يعلم الله اني احب له مااحبه لنفسي ولكن دامتس من المراجعات للدكتوره ابسالتس كم المده الي تجلسينه عنده بالعياده؟ وهل كله كشف وعلاج والا يتخلله سوالف ثانيه؟ تراه سؤال بالله واذا كنتي مراجعه عند طبيب او طبيبه غيره كم المده بعد؟ وعطين رايتس بالدكتورة ليلى الطويرب هل هي تستحق التكريم او لا؟ الموضوع مهو غيره بقدر ماهو النطق بالحق صح انتي لازم تدافعين عنه وخصوصا اذا انتس معلمه اكيد مستفيده منه اجازات بدويه او من قريه وجايتن لمستشفى يعني وش تبينه تلبس؟ احسن شي عنده ثوب تترو والا روز وغدفه بنات الخليج لكن سؤالي لتس وشوله المريضه لاراحت للمستشفى تميكج؟؟[/align]

على بالك احرجتن بأسئلتك يالحنتريش ؟!

بكل بساطة أجاوبك وبكل صدق وشفافية , فترة جلوسي عند الدكتورة تتراوح ما بين الربع للثلث ساعة , وأحيانا تزيد شوي إذا دخلن مراجعات للدكتورة يستفسرن عن العلاج أو غيره وأنا موجودة ..

يعني أحلا شي بالدكتورة ليلى والي أعتبره ميزة قليل ما نشوفها في الدكاترة حتى الي في مستشفيات خاصة أنها تعطي المريضة وقتها وتخليها على راحتها تسأل وتستفسر وما تطلع الا وهي فاهمة تفاصيل الحالة والعلاج .. مو زي بعض الدكتورات الي وأنا جالسة أسأل تقوم وتفتح الباب كأنها تقول لي : عرض اكتوفتس !!
والي يغثن ويلهدن اني أكون دافعة لها كشفية ومع ذلك أطلع وفي راسي ألف سؤال لكن ما تعطي مساحة للسؤال لأن هدفها تجاري بحت .. تبي بكل دقيقتين مريضة ! والحسابة بتحسب !!

أما مجال الكلام الي يجري بيني وبين الدكتورة ليلى فهو عن مشكلة المراجعة وأسبابها وكيفية الشفاء منها وعدم تكرارها , مع تفاصيل وصفة العلاج .. هذا كله بعد الكشف طبعا .. وبس .

ومو منطقي أبدا ان الدكتورة تجلس تتكلم بأشياء هامشية مالها علاقة بالمراجعة في الوقت الي عيادتها مزحوووووووومة بالمراجعات الي يطلبنها بالاسم لثقتهم بقراتها وكفاءتها بعد الله عز وجل ..

وبعدين هل أنت يالحنتريش راجعت عندها حتى تجي وتقول عنها هالكلام ؟ ؟؟؟؟؟

الزبدة انك مجرد ناقل لا أكثر ولا أقل !

وعن مين ؟ عن مره من هالنماين الي نشوفهن ما غير يتأففن عند العيادة ويبن الدنيا تجي على كيفهن , نماين للأسف ما عندها مبادئ احترام الغير ومبدأها بالحياة نفسي نفسي !
يتأففن ليش المراجعات الثانيات يتأخرن عند الدكتورة ولما يدخلن هن ما عاد يحسن بالوقت وكل وحدة منهن تبي حقها كامل مكمل من وقت الدكتورة !!

يعني باختصار ينسن احساسهن بالوقت الي قبل شوي كانن يتاففن فيه والحين بس صارن ما يحسن بالوقت ويبن يسألن الدكتورة عن كل التفاصيل الي تخص حالتهن !!

بالله مو هذي الأنانية بعينها وعلمها ؟؟؟؟؟؟؟


أما بالنسبة للي تقول جايات يبن يراجعن ووشوله يتمكيجن ويلبسن فأرد عليك بان الإنسان الناقص ما تخليه عقدة النقص يستر على حاله .. لكنها نفضحه لما من غير شعور يتكلم بدافع الغيرة والاحساس بالنقص فيبدأ ينتقص الآخرين على ( كمالهم ) !!

يعني ما كفاهن انهن جايات بشكل يقلب الكبد وناكس للفطرة الي انفطرن الحريم كلهن عليها , لكن بغباء منقطع النظير يجن ويسبن الدكتورة لأنها تتمكيج وتلبس !!!

لاحظ تتمكيج وتلبس بس .. يعني ما قالن تطلع على الرجال ولا ولا ولا .. طيب وش حارق رزكن ؟ وش الي رادكن لا تحسنن أشكالكن ؟

ناااااس مريضة بكل ما تحمله الكلمة من معنى .. وبس

أما سالفة الاجازات فيتحمل وزرها من ذكرها ..

وبالنسبة لي شخصيا فأنا موظفة وأقسم بالله أني لم آخذ اجازة من الدكتورة ليلى عامر الا يوما واحدا بعد اجراء أشعة صبغة بقيت أعاني من آثارها أسبوعا كاملا ..

علما بأنه من صلاحيات الدكتورة أن تمنح اجازة لمن يستحق ..وهذا أمر متعارف عليه وليس بالجديد في عرف المستشفيات .. وعلى من يدعي خلاف ذلك اظهار البينة !

وأما الدكتورة ليلى الطويرب التي تتحدث عنها فلا أعرفها ولم أتعامل معها لأحكم عليها , لكني جربن بعض الدكتورات الأخريات ولم أرتح لتعاملهن فحولت للدكتورة ليلى ووجدت عندها الكفاءة والخبرة والتعامل الرائع ..

أكرر تحيتي وإكباري وتقديري للدكتورة ليلى عامر متمنية أن تحذو الأخريات حذوها لتنتفع نساء المنطقة من المزيد من الكفاءات ..

وأتمنى أن تقل في مجتمعنا ظاهرة ( التقليل ) من شأن وانجازات ( الناجحين ) ! فقد باتت حقا ظاهرة مخجلة ومقلقة في الوقت ذاته !

[فشخره]

شكرا للجميع وخاصة اصحاب القلوب النظيفه 00000 الحنتريش ياخوي استح على دمك وشذا الكلام

ياخوي انت ماعندك الا تقليل من الناجحين واساءه للاخرين ! ياخوي زوجتي تعالج عند الدكتورة ليلى

عامر ومرتاحه له 0000 وزوجتي حتى لاتعمل حتى لاتروح تتهم كعادتك !! والدكتوره ليلى الطويرب

اول مرة اسمع بها ولا ادري عنها والله يوفقه ولن اكون مثلك واتهمك مع الدكتوره ليلى الطويرب

لانه من العيب ان تمتدح شخصا على حساب اخر ! 000000 اخيرا الدكتوره ليلى عامر تبقى

من افضل الدكتورات والدليل ان كافة النساء لايريدن سواها وهذا كافي لنجاحها بارك الله فيها 0

[أمــاسي ونص]

سمعت عنها يقولون كويسه بس للذمه انا ماعرفهااا

[صاحبة السموالفكري]

يعني ما رديت يالحنتريش ؟

ان شاء الله بس تكون اقتنعت وشلت الافكار السوداء من راسك لانه دايما بالاخير ما يصح الا الصحيح

[النا صر]

والله أنتم كلكم مخدوعين في هذة الطبيبه ( ليلي عامر)
وحنا ولله الحمد أنعم الله علينا بإستشارية سعودية هي
الدكتورة / ليلي الطويرب. تخاف علي حريمنا وتعالجهم بإخلاص وكثر الله من أمثالها وهي الإستشارية الوحيدة بالمستشفي وهي علي خلق وعلم ودين وأنا نقلت ملف زوجتي من عيادة هذي المزيونة ليلي عامر اللى ما تعطي الحرمة غير علاج السواليف والهرج وكأنها تشتغل بمشغل مو بعيادة وما استفادت زوجتي منها شئ سنة كاملة وهي تعاني من الآلام والنزيف ولكن بعد ما نقلت ملفها عند الإستشارية /ليلي الطويرب. جزاها الله كل خير فحصتها وعرفت السبب من أول مرة ونومتها بالمستشفي وتابعتها بالفحوصات والعلاج وسوت لها عملية وبعدها ولله الحمد تعافت وأتم الله عليها بالشفاء وصار لها الأن ستة أشهر لاتعاني من شئ والفضل لله ثم لهذى الإستشارية الدكتورة/ ليلي الطويرب. والله هذي فخر لنا و لكل السعودين ان يكون عندنا استشارية سعودية بهذا المستوي وهذي هي اللى تستحق اكبر المكافآت لانها تتابع الحرمة في العيادة والتوليد والعمليات وكافة ما يلزم للمريضة مو هذى الطبيبة ليلي عامراللى ما ندري ايش صفتها لأننا لما سألنا عنها قالو إنها تشتغل في العيادات الخارجية فقط وما تولد ولا تسوي عمليات وشلون ما تولد وهذى المستشفي مستشفي الولادة والحين صار الحريم يفهمون ويحولون ملفاتهم من عيادتها لعيادة طبيبات يفهمن بالطب والعلاج مو السواليف. وغيرها اللى يعالج ويسوى كل شئ.والحق يجب ان يعطى لمن يستحقه لا لمن يخدع الناس.

[نـوف]

والله انكم معطينها اكبر من حجمها وتراها تاخذ فلوس وراتب مهيب تشتغل ببلاش ,,,, احس ان اللي يمدحها اكيد مستفيد منها بالأجازات والا هي مثلها مثل غيرها اللهم ان المصريات يشحطن المريضه ولسانهن عسل وبس .

[طخطيخ الشمال]

حنتريش ما اقصده عن الاموات ما سلمو منك عليك الرجوع الى ردودك السابقه

والتى تخلط الحابل با النابل . اما بخصوص شعارك خالف تعرف فعلا هو مبدئك

للشهره. اااقول يا الحنتر يش بارك الله لك اترك الخلق للخالق ولاتدس السم

بالعسل . وهل الاخوان والاخوات خصوصا على غلط وانت على صح .. تحيااااتى

[الحنتريش]

[align=center]

اقتباس:  المشاركة الأصلية كتبت بواسطة صاحبة السموالفكري     على بالك احرجتن بأسئلتك يالحنتريش ؟!

حاشا لله مافكرت بهالشي وانا اسف اذا فيه احراج بس كان مقصدي التطويل بالكشف
انا معتبرتس مثل اختي الكبيره

اقتباس:  المشاركة الأصلية كتبت بواسطة صاحبة السموالفكري     فترة جلوسي عند الدكتورة تتراوح ما بين الربع للثلث ساعة , وأحيانا تزيد شوي إذا دخلن مراجعات للدكتورة يستفسرن عن العلاج أو غيره وأنا موجودة ..

يعني صارة الزحمه من الفوضويه من هالمراجعات
لاتنسين ياصاحبة السمو انه محدد له عدد معين من المراجعات فقط باليوم بس الي يسبب الزحمه هي الفوضويه من المراجعات

اقتباس:  المشاركة الأصلية كتبت بواسطة صاحبة السموالفكري     أنها تعطي المريضة وقتها وتخليها على راحتها تسأل وتستفسر وما تطلع الا وهي فاهمة تفاصيل الحالة والعلاج

وحريمنا مايعطن وجه تلقينه تنشد عن حمل قبل خمس سنين ويضيع الوقت وهالمريضه دق حنتس تقل بصالتهم والمراجعات برا ملطوعات

اقتباس:  المشاركة الأصلية كتبت بواسطة صاحبة السموالفكري     والي يغثن ويلهدن اني أكون دافعة لها كشفية ومع ذلك أطلع وفي راسي ألف سؤال لكن ما تعطي مساحة للسؤال لأن هدفها تجاري بحت .. تبي بكل دقيقتين مريضة ! والحسابة بتحسب !!

طيب انتي راجعتي تبع مركز الاعمال بمستشفى الولادة او لا؟
ادري انه سؤال خاطم بس ودي تجاوبينه بكل صراحه ولتس من كل ود

اقتباس:  المشاركة الأصلية كتبت بواسطة صاحبة السموالفكري     أما مجال الكلام الي يجري بيني وبين الدكتورة ليلى فهو عن مشكلة المراجعة وأسبابها وكيفية الشفاء منها وعدم تكرارها , مع تفاصيل وصفة العلاج .. هذا كله بعد الكشف طبعا .. وبس .

ادري ياحبيلتس انه بخصوص المراجعه كل كلام المراجعات بس قلت لتس حنا شعب مانعطى وجه وتلقين المراجعات يسالن عن اي شي
مثل الي يتصلون على المشايخ يسالون عن اي شي وهو واضح للعالم كلهم

اقتباس:  المشاركة الأصلية كتبت بواسطة صاحبة السموالفكري     وبعدين هل أنت يالحنتريش راجعت عندها حتى تجي وتقول عنها هالكلام ؟ ؟؟؟؟؟ الزبدة انك مجرد ناقل لا أكثر ولا أقل !

ههههههههههههههههههههههه
>>> يتخيل انه يراجع
انا واقفن عن الضنا قبل المستشفيات
الصراحه يابعدي انتي ماراجعت بس تدرين ان مابه شي يتخبى هاليومين
وخصوصا عند الحريم وحتى موظفين بالمستشفى يدرون عن كل شي
بعدين انا ماسبيته الله يرحم اهلتس كلهم وقلت كم مره انه جيده ويمدحونه بس مشكلته الحريم قرق معه واساله مالهن داعي
مثل ماقلتي احيانا تطول مدة جلوستس معه بسبب المراجعات
وراتس ماقلتي ناقل كلام يوم اني قلت انه جيده وبس اخذتي قولتي انه تعطي الحريم وجه اكثر من اللازم

اقتباس:  المشاركة الأصلية كتبت بواسطة صاحبة السموالفكري     يتأففن ليش المراجعات الثانيات يتأخرن عند الدكتورة ولما يدخلن هن ما عاد يحسن بالوقت وكل وحدة منهن تبي حقها كامل مكمل من وقت الدكتورة !! يعني باختصار ينسن احساسهن بالوقت الي قبل شوي كانن يتاففن فيه والحين بس صارن ما يحسن بالوقت ويبن يسألن الدكتورة عن كل التفاصيل الي تخص حالتهن !! بالله مو هذي الأنانية بعينها وعلمها ؟؟؟؟؟؟؟

شفتي ان حريمنا فوضى وحتى رجالنا مثلهن فوضى
بس معهن حق ترا احيانا وانا اخوتس
تدرين كان موعد لاختي الساعه 9 ومادخلت الا الساعه 10:50 دقيقه
يعني مب حرام تلقين وحده طالعه ومخليه بيته وعياله وتجلس ساعتين واكثر عشان موعد

اقتباس:  المشاركة الأصلية كتبت بواسطة صاحبة السموالفكري     أما بالنسبة للي تقول جايات يبن يراجعن ووشوله يتمكيجن ويلبسن فأرد عليك بان الإنسان الناقص ما تخليه عقدة النقص يستر على حاله

وين العقده الي تقصدين
هذي مب عقدة نقص ترا انا كم مره اشوف حريم تقل رايحات لعرس وريحة عطر وكشخات
انا ماقول تجي حالته رثه عاد بس تجي بطبيعته بدون مكاييج وعطور
هي جايه تراجع طبيبه واحيانا تراجع طبيب بعد ماجت تحضر زواج

اقتباس:  المشاركة الأصلية كتبت بواسطة صاحبة السموالفكري     لكن بغباء منقطع النظير يجن ويسبن الدكتورة لأنها تتمكيج وتلبس !!!

لاتحطين بدمتس شي انا الي اقول انه تمكيج مب حريم
وماعني دكتوره ليلى بالمكياج لاني ماشفته وماحكم على شي ماعرفه
اعني الدكتورة سحر هي الي تضرب مكياج واسالي اي واحد يشتغل هناك
انا شايفه كم مره عند العيادات وهي ضاربة مكياج
اقل شي لاراحت للرجال تلبس نقاب

اقتباس:  المشاركة الأصلية كتبت بواسطة صاحبة السموالفكري     وبالنسبة لي شخصيا فأنا موظفة وأقسم بالله أني لم آخذ اجازة من الدكتورة ليلى عامر الا يوما واحدا بعد اجراء أشعة صبغة بقيت أعاني من آثارها أسبوعا كاملا ..

الله يوفقتس بوظيفتس وماتشوفين شر

اقتباس:  المشاركة الأصلية كتبت بواسطة صاحبة السموالفكري     أكرر تحيتي وإكباري وتقديري للدكتورة ليلى عامر متمنية أن تحذو الأخريات حذوها لتنتفع نساء المنطقة من المزيد من الكفاءات ..

وانا اكرر تحياتي وتقديري له معتس بعد

وياليتس فهمتي وش سبب ردي على راعي الموضوع
هو يقول مزدحمه بالمراجعات وقلت له انه جيده والكل يشهد له لكن سبب زحمة المراجعات هي القرق الي ماله داعي وانه معطية المراجعات وجه زياده عن اللزوم
ودامتس تقولين هي تخلي لمراجعه على كيفه لين تخلص اسالته فهذا اكبر دليل على ان الزحمه بسبب اخذ بعض المراجعات حقوق مراجعات اخريات[/align]

[الحنتريش]

[align=center]

اقتباس:  المشاركة الأصلية كتبت بواسطة صاحبة السموالفكري     يعني ما رديت يالحنتريش ؟ ان شاء الله بس تكون اقتنعت وشلت الافكار السوداء من راسك لانه دايما بالاخير ما يصح الا الصحيح

الاا رديت بس كنت مالي خلق اكتب بالمنتدى ورديت تقدير لتس بس والا الي بنقوله مجرد ترديد كلام وراسي مابه افكار سودا الله يسامحتس
تقولين لي وش الافكار السودا الي براسي؟
انا قلت انه تستحق التقدير وجيده بس الزحمه اسبابها غير طبيه ولا علاجيه
بس الناس تاخذ جانب او شق من الكلام وتترك شق اخر[/align]