للشبـــــــــــــــــــــاب فقط

[راشد(ح) الفراج]

ورانا عسى ماشر وش بنا ؟؟؟؟؟؟؟؟
إلى هالحد وصلنا من الإستهتار بوالدينا واخواتنا .
إذا طلبوا منا شي (حاجه , غرض) تعذرنا بالأعذار التالية إن وجدت:
1- فيه مباراة اليوم مهمة.
2- عندي طلعة وانتم تعرفون ذلك بس تبون تغثونن جب وود.
3- معزوم.
4- قربت الصلاة صكوا المحلات؟ توكم تعلمونن.
5-عندي مشوار بعيد.
6- ورا ماعلمتون قبل علشان ازين أوضاعي ( وهو ماعنده شي)
7- السيارة يالله تمشي. وهو طالع يبي يكشت ويطعس؟؟
8-خلو فلان يوديكم أنامشغول ولو ماعندي شغل وديتكم.
9- وراكم علي مافي غيري بالبيت.
10-فيه (ترجيع) لا .قايللكم قبل ماعلي منكم.إذا تبي ترجعون.
وغير ذلك من الأعذار الواهية اللي نسبة أهميته ضئيلة لخدمة الأهل.
قد تعتقدون أني قسيت ياشباب لكن سمعت أن وحده راح اختباره عليها لم تدرس لأنها ماحصلت على المذكرة.بسبب استهتار أخوانه.
ولا لو تقول أباعطي فلانه يبي يروح أخوه يبي يجيب له مذكرة .
تلقاه ينهبل وانتي ماعندك اخوااان وغير ذلك من الألفاظ.
والله ياناس هذي الثغرة اللي لقوه علينا.بعض ضعاف النفوس.
ياشباب ماقول صر سواق لكن قدم المهم والأهم .
آسف على التطويل ــــــــــــــــــــــــــــــــــــــــــــــــــ ــــــــــــ

[Queen of buraydh]

اخي راشد الله يبارك بكلامك

تحدّثت فـ أصبت بحديثك ..

[خربشآت نآعمه]

[align=center]

اقتباس: قد تعتقدون أني قسيت ياشباب لكن سمعت أن وحده راح اختباره عليها لم تدرس لأنها ماحصلت على المذكرة.بسبب استهتار أخوانه.

هئ هئ...
يآويله من الله....
بس بيني وبينكم البنآت بعضهن يقهرن .. ينآفخن على اخوهن .. ومكبرات روسهن عن خدمتهـ
والله عاد من زين لسآنهآ له ..
عندي يقين بأن العيال طيبين بس يبون اللي يفهمهم.. ويعآملهم زين...

تحيتي لهالموضوع الرايق..![/align]

[تيفا]

[align=center]الحق يقال التقصير منا نحن الشباب بصفه عامه[/align]

[علشانك بس]

شباب هالوقت أكل ومرعى وقللة صنعة ,,

[راشد(ح) الفراج]

شـكــ وبارك الله فيكم ـــرا لكم ... على تفاعلكم مع الموضوع .

[فيمتــو]

[align=center]

اقتباس: 10-فيه (ترجيع) لا .قايللكم قبل ماعلي منكم.إذا تبي ترجعون.

هذه أعجبتني
لا أدري لماذا تذكرت أصحاب بعض المحلات عندما تشتري منهم المراة البضاعة ![/align]

[لمسةعطر22]

تسلم والله على هالكلام ,,بس عندي سؤال يقرقع بقلبي ....
وش لونك مع اهلك وبصراحه؟؟؟؟
انا متأكده انك خوش رجال واخو مافيه منك >>>> اكيد له حاجه
وانا مع الديموسه ان اخواننا محتاجين للكلمه الحلوه
اللي تفتح نفسه,وتلبية طلباته, عشان يقول سمي وابشري

[العبرى]

نحتاج إلى تنظيم الأولويات..
وتقدير أهميتها وإحترامها..بالتبادل..!


تحيتي,,,

[انجل]

الله يصلحهم الشباب ماهمه الا المباريات ومالهم خلق
واااه صدقت بنت عمي حملت الماده بسبت اخوانه ماجابو المذكره
الله يهديهم

[نيزك]

راشـــــــــــــــــــــد :



وش يلقف البنات بالموضوع ما قلنا شباب بس ؟

[المعروف]

بكل حال ,,, المرأة تبقى مظلومة عندنا

ومشكلة تحكم كثير من الابناء بمصير امهاتهم.. امر محزن

بل بعضهم يساوم بمال او بطلبات

لاجل ان يقوم بواجبه

وليته علم كم تعب ابيه وامه لاجل تربيته

[" TWIX "]

الحريم ما ينعطن وجه
شوف يا رويشد جرب والله إن تصير بيديهن مكزاز
ويوزعن جوالك على أقاربك
الصبح شايل البزران للمدارس والظهر رايح تجيب غداء والعصر السوق والمغرب من الحدايق للقصور ...!!
تصور مكتوب اسمك بجولهن (القرم) وإلا (سواقنا) أو (سواق رويشد)
أثقل وعطهن أشكل وأسحب على العالم
طع تويكس هالمرة ..

[نـــNAــونا]

>>>> دخول معترض

أتوقع لازم العدل أخذ وعطا أنا ألبي له رغباته ( مع إنه ما عندهم شيء يطلبونه لأن المحتاج نحن) وهم يلبون لنا مشاويرنا والتي غالبا تدور حول الأسواق

والترجيع هذا سالفته سالفه أخوي يقول ما عمرك جبتي شيء ما يرجع شكله عذر حتى تروحين مره ثانيه

والله إني أحيان إني يرق قلبي لهم من كثر ما نمرمطهم بهالأسواق بس ترى العاده ينزلنا ويرجع إذا خلصنا ( بصراحه ما ينفع رجل بالسوق < تشوف مواقف ناس يهوشون حريمهم قدام العالم > )

بصراحه الكبير ما ينفع أبد دايم أعذاره وااالمه عشان كذا غسلت يدي منه لو أحتاج واخواني الثانين مهم بالبيت تقول أمي أدق عليه أقول لها لا أنا واثقه العذر وجاهز ( أنا بعيد ــ أنا معزوم ــ عندي شغل ــ مرتبط ــ ما يمديني ,, وهلم جرا )

بس اللي أصغر مني يا حبي لهم ما يقصرون وغالبا نلجأ للدور على فلان ومره على فلان هذا بالنسبه للسوق

أما في اللي يخص الدراسه لا مجال للإعتذار وللتأخير وهم ما يشوفون الدرب يجيبونه خصوصا تصوير الملزمات

والله دايم أيام الكليه صديقاتي يحسدوني الله يخلي لك فلان ما يقصر لو صار فيه تصوير إجباري أقول هاتوه أرسل اخوي ما يقول لا

أما الطلعات والحديق والإستراحات هذي كلها مسؤلية الوالد ما نطلع هالأماكن إلا معااااااه

الله يصلح كل الشباب ويكونون مطاويع لخواتهم ولا يقصرون عليهن >> اصلا من لهن غيركم

خروووووووج

[أم جوري]

و الله إخواني الشباب ما يقصرون
بس أنا ما أعطى وجه طلباتي كثيرة و ما تجي إلا بالليل
و إذا طلعت أقوله و أنا بالسيارة إني أبي كذا مشوار عشان ما فيه مجال للرفض
(هذي المشاوير المهمة من غير السوق لانه لازم حجز موعد )
بس ما ينزل معي
لانه بصراحة ما أعرف أتسوق مع رجل