خــطب أختــي شخص أريد رأيكم فيه وبأمانــه ؟؟

[" TWIX "]

أنا واحد من اصدقائي عطى من خطب منهم رقمي مشان يسألونن عنه
بنفس اليوم قال تراي أعطيتهم رقمي وطر فيني الله..الله ..
بعدها صكيت الجوال أسبوع .. لأنه الله يذكره بالخير ما يمسك إلا كفر واحد..
يعني لك عليه .. وزود على ذلك كل اللي بحمدية الشام يعرفونه ..
ولا رآصة إلا ضابط معاها ..
ويقول طر فيني ..
لكن واحد من خوياي يوم سألوه عنه كب العشاء
وقال له : تحب أختك...؟؟!!
قال : ذاك إيه...
قال : لا تزوجه إياها ..
قال : ليش ..؟؟!!
قال : ما قلت أني أحبها .. خلاص ..
والله بعض الناس ما في وجيههم دم ..يفعل النون وما يعلمون ثم يجيك بالأخير يبيك تلمعه قدام خلق الله ...!!
بس شوري عليكم .. كبوا عشيات اللب مخنبقين من ورا الناس
لأن هذا أمانة وشهادة لـ(كروز ) زمانه زور وخافوا ربكم لا تبلون حدا بنات خلق الله بواحد ش
سكار نكار بايعها ...!!

[روح بجسدين]

المفروض تبيله كل شي وهذي حيااااااااااااااااة مو لعبه

واهم شي الصلاة وبره بوالدينه

وكرمه 00ويكون نفس مستواها التعليمي

اشكرك وموضوع مهم

[أسـيـر]

اقول لـه اللي اشوف .. انه كذا وكذا حتى لو كان اعز الناس علي لأنه ذمـه ..

وفيـه سالفـه عن الأولين ان شايب خطب لولده سألوه ولدك يتتن .. قال واللـه انه يشري بالكراتين الله يصلحـه .. قالوا لـ طيب راعي سفرات قال والله ما هنا ديره ما طبـه وعن رجولتـه خذ رجل واسأل احد غيري لا تأخذ بكلامي ..

[قطرة الندى]

أخوي الزواج عشرة عمر يعني مو شهر ولا سنه بتعيش

البنت معاه.. لازم يكون السؤال عنه بدقـــه وأهمها الصلاة ..

وإذا كانت محاسن كثيرة وعيوبــه خفيفه مافي مانع من التغاضي عن العيوب ,,

لأن مافي إنسان كامل .. << والكامل الله >> ...

يعني إذا كانت محاسنه تغطي على عيوبه .. الله الله فيه وإذكره بالخير ..

[عمدخ امل حياتي]

والله اخوي الجهني موضوعك يعور القلب

وانا وحدة من الناس قلت كلمة لابوي وهو ابوي لما شفت بزوجي عيب

اني مو مسامحتك ان كنت تعلم عن هالشي قبل الزواج ورضيت اني اتزوجه

فمابالك لو هالشخص انسان بعيد

اكيد ابقول كل شي اعرفه وبدون حساسية

اذا هو ماخاف من ربه وسوى هالاشياء

ايخاف على شعوره

الله يستر على بنيات المسلمين

ولك كل الشكر اخوي

[aĻŖeem]

اقتباس: ولكن الطريقة التي اتبعها بمثل هذه الأمور اذا كان فيه محاسن اذكرها عنه بكل فخر .. ولكن اذا كان فيه مساوء لااذكرها ولكني اكتفي بالقول له ( أن الرجال مايصلح لكم )

بوركت على هذه الطريقه أخي ثامر
وبالفعل من وجهة نظري أعتبرها أفضل طريقه
هكذا سترت على عيوبهِ ...ووجهت له نصيحه تفيدهُ
وبالآخير كلن يأخذ نصيبه وقسمته بهالدنيا
تحيهَ

[اميرة بكلمتي]

بكل تاكيد الواحد

يقول الصدق

مافيه شي اسمه

مجاملات

او انك تستحي تقول عيوب الشخص القريب

هذا زواج مو لعبه

واذا بعدين البنت

شافت عيوبه

وصارت مرة صدمة عليه

وش راح ينفعك اذا دعت البنت واهله على

اللي مادحهم

ابد ماراح ينفع

وبعدين الواحد يناظر لنفسه

لو جاء احد لاخته او بنته

مو تبي انهم يقولون الحقيقة عن كل شي عنه

تحياتي

اميرة بكلمتي

[eivl girl]

[align=center]انا ماارضى اذا هذا اخوي الي سائلك وماتعلمه[/align]

[amįЯЋ]

السلام عليكم ورحمة الله وبركاته


والله انا راح اقول الحق يمكن لو طلع الرجال موزين اظلم بنت الناس معه حرااااااااام

والله حنا اول مانخطب نقول كل اللي في عمومتي سوى كان يدخن او يسهر الى اخره ..

علشان تكون العروس قدام اامر الواقع ..ماتقول والله اهله غشون فيه ..

وتدعي علينا وحتى لو سالت امام المسجد ..بيقول الي راوه امام عنيه ويزيد على ذل

وراح اوضح لك ..<<تقدم زوج خالتي لخطبتها من جدي وبعد السوال عنه مدح

انه مدرس حلقه ..الى غيرذلك وبعد الزواج وانجاب طفله الاول ترك تدرس الحلقه

ولما سال ماذاتركت التدرس قال بس ماسكه لما اتزوج علشان لجاء يسال عني يقال انه مدرس حلق قراءن..بس الحمد لله انه ذو خلق طيب وزين >>بس شوف كيف تفكير الشباب عند الزواج وسوال امام المسجد..

[MR Jay]

السلام عليكم ورحمة الله وبركاته

اليكم طريقة السؤال من مجرب ...

1- لا تسال اصدقائه بل اسئل عن اصدقائه... هم مفتاح للشخصيته ... من يجلس معهم كم شلة كم استراحة ( البعض له دوريات بين خمس الى سبع استراحات او شقق ) ان كان صالحين ، مواظبين ع صلاة ..الخ

لانك اذا عرفت اخلاقيات صديقه عرفته هو ..


2- اسال مديره بالعمل ... عن حضوره للعمل ،، غيابه ،، متهاون أو نشيط في اداء العمل ،كثير الاعتذرات اثناء العمل( يوقع همن ابروح عندي موعد بالتخصصي ))) ، مثير للمشاكل ،،، يعمل ضمن فريق .. بليـــد في انجاز العمل يستغرق وقت او يماطل في الانجاز ....( السبب ظهر موضة ...عند البعض وهم في بريده .. انه يتزوج موظفة مهما كانت وظيفتها .. ثم يجبرها بعد الزواج بشهرين بالحمل >> تتدبس بالزواج وهنا ابو الشباب يستقيل من عمله ويقول لها انتي اللي تصرفين علي وطبعا البنت حامل ما تقدر تطلب الطلاق وهذا قصة حقيقة واقعية والله لا يبلانا ....ويقال انهم شلة شباب هدفهم الاستقالة من اعمالهم بل المفاخرة بذلك ...بعد الزواج والبنت او ابوها هم اللي يصرفون ..)

3- ايضا اسال خلال سنة واحدة كم مرة توظف واين... وترك الوظيفة لماذا ... هذا يعطيك دلالة على انه ( شاب يـــصمـــــــــــــــــــــل )
او انه ما يجي الا بالدف عن طريق ابوه ...

4- اعزمه كوفي شوب ...او اي مكان عاما ... واؤكد انك انت اللي تعزمه .. ان كان ضيق الافق او الفكر يبي يرفض ..
واذا وافق .. ما تخلي شي ما تطلبه .. همن اذل جاء وقت الدفع قل انك نسيت البوك وفي قول اخر الكارد .. خله يدفع بكذا تعرف درجة الكرم او البخل ...
ايضا في الامكنة العامة تستطيع قياس درجة الطيبة .... التواضع ... حسن التصرف والتعامل مع الاخرين .. القراوة .. وبيطلع لك ذاك اليوم احد دارسن معه متوسط و جالسن بنفس المكان.. عاد اعزمه ..


بعد كله هذا ..... وصار الرجل سنع ... نصيحة لاتشوفه كريمتكم الا بعد الفحص الطبي .....لراحة القلوب .....

[الزنون]

عيال جاء الزنون

السلام عليكم ورحمة الله وبركاته

شف كثير ما تحصل لي الامور ذي عندما قرر اصدقائي الزواج

سالوني عنهم

انا قلت اللي فيهم اللي يدخن قلت انه يدخن

واللي يسافر قلت تراه سافر لكذا وكذا<ماعندي ستر عنز

والحمدلله كلهم يصلون وبالعكس هم احسن مني من ناحية المحفظة على الصلاة<هذا ما قلت بالحرف الواحد

لكن انا اقول عندما يسألك شخص عن احد الشباب

فتضع المخطوبه مكان اختك

فهل ترضى انت ان احد يخفي عيوب الخاطب الذي تقدم لي اختك؟

عاد اما ان تقول فيه كذا او كذا او تقول انه لا يصلح اهم شي تبرئ ذمتك بقول الصدق

تحياتي لكم

[كلوز]

اقتباس:  المشاركة الأصلية كتبت بواسطة خربشات عاشق     إن كان فيه صفات جيده من واجبي أن أمدحه وأحث الاخرين على القبول ،،، وأتغاطى عن بعض السبليات إن كان باليد تغييرها بحياتنا ولعل الزواج يكون أكبر دافع لتعديل سلوك الشخص ،،، أما إذا كان ما يعيبه لا يستطيع التخلص منه ( كإدمان ) وخلافه فأكتفي بعدم التعليق وأطلب منهم السؤال عنه بمكان أخر ، بالنهاية من يسالون عنه هذا قريب أو صديق .... تحياتي

أهلا بخربشات ,,,

سيدي اذا كان الرجل ((ادمان ويتعاطى))

فمن الواجب ان تحذر منه وليس الستر لان الموضوع أكبرمن كذا

شكرا

[كلوز]

اقتباس:  المشاركة الأصلية كتبت بواسطة خربشآت نآعمه     بمآ إني ضعيفونه >>ولازم يسألون عن عريس الغفله<< أقولكم .. مآفيه أحسن من سؤال امام المسجد...! أمآ أصدقآء الوولد المفروض ماحد يسألهم .. بيطيرونه ... فوق السحاب..>يآزعم خوينا ..! ارحموآالضعيفوات بليز ...! أنتظر رد الطرف الثاني

ياكثر الخربشات <<ماشاء الله عليهم


رأي رائــــع جدا جدا فالامام لهم الراي السديد في الشخص فأعرف واحد من الشباب يقولي جانا فلان ابن فلان ولااعرف عنه شي

فقلت اسئل الامام المسجد في حييه فسئل عنه فوجد انه مع شلل فاسده وتدخين فلم يقبلو به

شكرا

[كلوز]

اقتباس:  المشاركة الأصلية كتبت بواسطة @اسمـــراني     على حسب العنوان زوجه وما جاك علي بس لا تقعد أختك

حلو اختي اعطيها كل من هب ودب

لا والف لا

فالمساله عشره عمر ولاتبي اختي تدعي علي ليل نهار


شكرا

[كلوز]

اقتباس:  المشاركة الأصلية كتبت بواسطة فتاة نادرة     بمآ أني بنت وليس لي دخل بالموضوع لكن لي مدآخلهـ خطب أختي أثنين وآحد يشتغل بالخطوط ووآحد جآمعي قسم درآسآت جمآل وحسب ونسب لكن يوم سألنآ عنهم أقآربهم مدحوهم ويوم سألنآ أقآربهم الشبآب أصحآبهم مآنصحونآ بهم وقآلوآ لنآ عيوبهم وبكل جرآئهـ مع إن المفروض يسترون عليهم ، ومآينصحونآ بالموآفقهـ والزوآج منهم فقط بدون مآيقولون العيوب .. شكرآً لك أتمنى يفيدونك الأخوهـ

ليس العيب ذكر العيوب بل من المهامات في الخطوبه !!!

شكرا