منتزه حي الرفيعة مغازل ,, ترقيم ,, تفحيط ,, لقاءات,, صدق أولا تصدق .. مشاهدات حيه

[لامــــــــــــار]

منتزه الرفيعه ؟؟؟ وينهي فيه


برووح اشوووف الأوضااع واخبركم ,,,


تحياتي ,,

[المعروف]

انا معك ان الي يصير شي غللللللط

لكن من المسؤول الأول في ذلك..؟؟

هل نحرم من يريد التنفيس والتغيير بسبب بعض التصرفات اللامسؤولة..؟؟

مشكلة المعاكسات .. اساسها الأول.. البنات..

البنت المتبرجة .. بعباءة مخصرة او ضاغطة لجسمها.. هي من يدفع الشاب للمعاكسة

وهنا الدور كله على أولياء الأمور...

أين من أحضر بناته.. إلى هذا المكان...؟؟ هل ترخص محارمه عليه لهذه الدرجة..؟؟..

لو اهتم كل رجل باسرته وراقبها.. ومشى معها.. ولم يتركها لوحدها

لما جعل منها قنبلة قابلة لانفجار والضرر بنفسها وبغيرها...

[azoz007]

طيب خلاص لأحد يطلع من بيته وسكروا الحدائق والمتنزهات

[ناصر الرائد]

اقتباس:  المشاركة الأصلية كتبت بواسطة بريدة هي مدينتي     شكرا لمروركم اللي مومصدق اللي صاير يروح اليوم ليلة الجمعه ويشوف بعينه أما بالنسبة للشباب وين يروحون . يروحون للي غرب الأستاد الرياضي أو لحديقة المنتزه أو شارع النهضة أو الحدائق اللي فيها ملاعب رياضية وهي كثيرة وتواجدهم بحدائق العوائل ليس لأنهم لم يجدوا مكان خاص بهم لأنهم بالحديقة واقفين ويتسكعون لأن هدفهم ؟؟؟؟؟؟؟؟؟؟؟؟

اما كثيرة كثرلي منها

ولا تبي الشباب يروحون للنهضة
يعني تبيهم يقعدون بالشارع انواع الصجه واللجه
سيارتن رايحه وسيارتن جايه

اقول وش العلووم

اما بالنسبة للاختلاط
لا حول ولا قوة إلا بالله

[كيفي سعووودي!!!]

عش رجبا وسترى عجبا

[بريدة هي مدينتي]

شكرا لمروركم وتعليقكم
وياليت الأمانة توضح لنا الأماكن الخاصة بالشباب

[بريدة هي مدينتي]

موفقين بإذن الله ... لكم مني أجمل تحية .

[ريح الخزامى]

ياخي انت همك المعاكسات بس والشباب ضايقوكم

إن كان على هذي بسيطة وله حل ياخي خذلك استراحة بميه وخمسين ريال وارتاح انت واهلك ومن يعزعليك ولاتشيل هم احد غيرك


انت نسيت ان موقعه غلط

انت نسيت إن البعوض مرض خطير وناقل للأمراض من شخص إلى آخر

أنت نسيت الروائح الكريهة المنبعثة من الصرف الصحي

أنت نسيت إن الفاصل بين الحديقة والمستنقعات شبك من حديد متهالك

أنت نسيت أن أحد من الأطفال قد يسقط في هذه المستنقعات وتكون كارثه لاسمح الله

أنت نسيت بكم صرف على هذه الحديقة من الملايين من الريالات على شي قد يهجر من الناس بعد شهر أو شهرين بعد الطفة


جت على المعاكسات



تحياتي وتقبل مروري وشكراَ على غيرتك لبنات وطنك

والله وثم والله بس وش نسوي يارجال خلها على ربك

[eivl girl]

[align=center]

اقتباس: وجود البعوض اللي كبر الفنجال

^^
هذي لحالها تبي وقفه..
اجل كبر الفنجان!!!صارت جراد مو بعوض
<<شكل الأمانه بتمسط بالمنتزه وتقول الله يلعن الي حطلكم حديقه..قطعتوووووووها[/align]

[Queen of buraydh]

اقتباس:  المشاركة الأصلية كتبت بواسطة بريدة هي مدينتي     نشكر أمانة منطقة القصيم على ماقامت به من جهد مشكور في تنمية وإضافة الحدائق بمدينة بريدة. لكن هل الأمر انتهى على وضع حديقة فقط دعوني أصف لكم مشاهداتي بالحديقة ليلة الخميس 1-الإختلاط الصريح المعلن في مضمار الحديقة والترقيم والمحادثات عينك عينك . 2-ساحة ألعاب الأطفال كأننا في غير السعودية محادثات وترقيم ومغازل مكان مكتظ بالشباب العرابجة أصحاب القصات والتميع . 3-تواجد الشباب في الحديقة أكثر من العوائل فلمن الحديقة ياأمانة . 4-عدم تواجد أي حارس أمن ولا أي سيارة تابعة للأمانة 5-عدم تواجد الدوريات أوالشرطة فقط المرور عند البلاغ عن وجود تفحيط . 6- تفحيط بجنون فأصبحت مواقف المنتزه ساحة للمفحطين والمتهورين. 7- السرعة الزائدة في شوارع المنتزه من قبل المراهقين. 8-عدم تواجد رجال هيئة الأمر بالمعروف والنهي عن المنكر في المنتزه وأنا أقول يكفي لو جلسوا عند ساحة الألعاب. 9-سيارات الآيسكريم سببت زحمة في شوارع المنتزه بسبب وقوفها العشوائي . 10- عدم تواجد عمال نظافة لرفع نفايات المتنزهين . 11- جمع ألعاب الأطفال في مكان واحد سبب زحمة الألعاب ومكان تجمع الشباب . 12- وجود البعوض اللي كبر الفنجال بكثره فعكر قهوة وجلسة المتنزهين . 13-عدم نظافة دورات المياه بالشكل المطلوب. 14- يلزم وجود إدارة للمنتزه تمنع لعب الكرة والدراجات الهوائية بالمسطحات الخضراء وإرشاد الأطفال التائهين. 15- منتزه جميل وتصميم أروع لكن عكر صفوه تلك المشاهدات السلبية المقززه من الشباب والفتيات سؤالي يامسؤولي الأمانة والشرطة والأمر بالمعروف هل أحد منكم يستسيغ أن يأتي بعائلته لهذا المكان ؟؟؟؟؟؟؟؟؟ الإجابة للغيورين أكيد لا. أنقذونا نريد منتزهات ذات خصوصية تتناسب مع قيمنا وتقاليدنا يامنتزه الرفيعه لاعودة لك بعد اليوم

كل ماذكرته صورة طبق الأصل في حديقة الإسكان للعوائل ,
ماعدا عمال النظافة للأمانة موجودين ,
ايضاً الهيئة تتواجد نهاية اليوم بعد 12 لكن وش الفايدة من تواجدها بعد هالفترة ؟

الشباب بهذولونا مالين الحديقة بالرغم من وجود
حديقة خاصة للشباب جنبها !


صورة مع التحية لهيئة الأمر بالمعروف
والنهي عن المنكر !

[البرتقالي]

[b]يا جماعه انا توي جاي من المنتزه ولا شفت اللي انت تقوله

بالعكس الكل جالس والجووووووو هادي ولا يوجد اي شي من اللي قلته الا

الدراجات وهذا شي عادي

والكوره ولاكن لا يؤذن احد

ولا داعي للمبالغه[/b]

[زوجة نصراوي]

جزاك الله خير على الملاحظه
وترى فيه ناس ماتناظر للجانب السئ لمثل هاذي التجمعات
أهم ماعليها انها تجي وتستانس وتمشي؟؟؟
موفق بإذن الله ...

[بنت المستوي]

[align=center]الحقيقه والواقع انه لو وجد التنظيم الجيد والتواجد الامني من رجال هيئه وشرطه لما ذكر الكلام هذا ولاكن الحقيقه ان المكان كل يوم عن الثاني بازدياد من ناحية الزوار ولن يتحقق المطلوب الى بعد ماتقع مصيبه او مشكله وانشالله مايقع اتمنا من كل من هو مسول المبادره والاسراع بالحل المناسب[/align]

[فهدابوعزوز الفتك]

[align=center]موضوع جيد وملاحظات جميلة ولكن اقول ( لقد اسمعة لو ناديت حيا)[/align]

[مشعل باسكلاني]

ياويليه ياحنا الكل مايبينا

شفت شباب بالمنتزه الفلاني

حصلت شباب بالمكان الفلاني

صرنا وباء ماهوب اوادم

انا لست مع الاختلاط الذي ذكرت فهذا حقك وحق خصوصيه مفترض ان يوفرها المكان لمرتاديه

ولاكن ضد التعاطي مع الشباب وكانهم وحوش

وكان تواجدهم مع اهاليهم هو الكارثه لتلك التجمعات

ان ذهبنا للاسواق وجدنا من يسالنا وين وش جايبك هنا ووش تسوي

اذا طلعنا مع اهلنا حدائق عامه قالو لنا مع من جاي وناد اهلك نشوفك انت معهم ولالحالك

بقليل من التنظيم نستطيع تجاوز هذه الاشكاليه وبلافته واحده فقط...للعوائل فقط يمنع تواجد الشباب نقضي على تلك الظاهره

يعني يانتزوج مثلكم ياالكل يطردنا

جزاك الله الف خير على غيرتك ووفقك لما تحب وابعد الشباب عن اماكن تنقلك قل امين