المسابقة المسكية لمعرفة الكلمات الأثرية

[حامل المسك]

[align=center]أحسنت أخي العزيز
الرمادي
إجابة صحيحة 100%
:::::::::::::::::::::

والكلمة التالية هي

ما معنى كلمة:

(( طَمِل ))

وتقرأ بفتح الطاء وكسر الميم[/align]

[عاشق التحدي]

مساء الخير

طمل معناها وسخ ..!!!

وش رايك أخوي حامل المسك .

[حامل المسك]

[align=center]أحسنت أخي العزيز
العاشق للتحدي
إجابة صحيحة100%
ورايي إنك رهيب...!!!
وشكرا لتواصلك
:::::::::::::::::::::::::

والكلمة التالية هي

ما معنى كلمة :

(( نُطُول ))

وتقرأ بضم النون والطاء[/align]

[الرمادي]

نطول


أعتقد بأنها مأخوذه من يطول !!!
<<<<<< ماله باللغة


بمعنى حرامي او سارق وما أكثرهم اليوم !!!


تحياتي ,,

[حامل المسك]

[frame="7 80"][align=center]أحسنت أخي العزيز
الرمادي
إجابة صحيحة 100%
ومن ناحية كثرتهم
حدث ولا حرج
:::::::::::::::

الكلمة التالية هي

ما معنى كلمة :

(( جِغْمه ))

وتقرأ بكسر الجيم وسكون الغين[/align][/frame]

[الرمادي]

أخي العزيز ابو قتيبة


والله إستحيت من إستحواذي على موضوعك لذا أترك لغيري جغمة صغيرة من هذا الموضوع وسأعود


تحياتي ,,,

[طيب القلب]

اهلا ابو قتيبة مرة أخرى

بس ياخوي ما تلاحظ شي اخونا الرمادي مستلم الموضوع ومحتكره صاير مثل ابو خلق <= حاقد عليه

هههه لا تزعل يالرمادي والله امزح معك وان دلت هذه المشاركات على شيء فإنما تدل على وجودك الدائم وتواصلك

المهم جواب الكلمة الأخيرة هو بصراحه ماعرفه الآن بحكم اني كبرت وبديت اشرب بكأس من البرادة , لكن اسمع البزران يقولون جغمه جغمه ولا اسمع هالكلمة الا عند البراده <= مسوي ما يعرف

اعتقد الإجابة هي : الشرب بجغمه واحده فقط <= ما جاب جديد

انفهق يابو قتيبة - بعد اذنك - ابرد على العم ابو إبراهيم

اهلا والله بالـ ksa يا هلا بالكفيل

اخوي ابو ابراهيم تعرف الدنيا تملك هالايام وهي اللي تمشيك على كيفها وحنا بساقتها ما غير دبتسه

ما علينا المهم الله يرجع ذيك الايام والله انبسطنا معك انت وابو قتيبة والشباب كلهم مع انه حصل بعض المشاكل بسبب الحرارة الزائدة مما سبب في انفجار قلب السخان

لك تحياتي ابا ابراهيم وانت يا ابا قتيبة وللجميع ألف تحية وتحية

محبكم جميعا
ابو خالد

[حامل المسك]

[align=center]أخي العزيز
الرمادي
يسعدني تواصلك
ويشرفني حضورك الدائم
ولسان حال باقي الأعضاء يقول
(( عط الحر فرصه ))
فأهلا بك دائما
::::::::::::::::
أخي المحب
طيب القلب
أنا أشهد إنك شايب
وردك يحمل الكثير من الكلمات الأثرية
وسوف أضع السؤال القادم عن واحد منها
وبالنسبة لإجابتك فأنت عارف للمعنى
ولكن خانك التعبير
(( هذا وأنت مدرس لغة عربية ))
والمعنى هو :
رشفة أو شربة
شكرا لتواصلك
وعليك بالعرد ksa
::::::::::::::::::::

نعود للمسابقة

والكلمة التالية هي

ما معنى كلمة

(( إنفهق ))

وتقرأ بكسر الألف وسكون النون وكسر الفاء والهاء[/align]

[عاشق التحدي]

اعتقد ان كلمة انفهق معناها ابتعد قليلا ..!!

وش رايك ياحامل المسك ..؟

[حامل المسك]

[align=center]أخي العزيز
عاشق التحدي
رايي إنك شايب
إجابتك صحيحه 100%
وشكرا لتواصلك (( ياخال ))
::::::::::::::::::::::::

الكلمة التالية هي

ما معنى كلمة

(( كَفْزه ))

وتقرأ بفتح الكاف وسكون الفاء[/align]

[الرمادي]

اخوي ابو قتيبة

والله حاولت اعطي الشباب فرصة بس أشوف عاشق طمر وأخذ محلي !

علشان كذا بقطع الخط عليه ..


الكفزة

<<<< والله تذكرني بواحد من الغالين يقاله ابو صفطه !!


على فكرة والله مادري وش فايدتها أول كانوا يحطونها علشان إذا قصر الثوب يستفيدون منها ! بس الحين هو فيه أحد يقصر عليه الثوب ؟

<<<<<<< نسي يقول وشي الكفزة


تحياتي ,,,

[حامل المسك]

[align=center]هلا بك
يالرمادي
والكفزة موجودة
في كل ملبوس
فقديما كانت من الضروريات
الآن أصبحت من الكماليات
شكرا لتواصلك
::::::::::::::::

الكلمة التالية هي

ما معنى كلمة

(( نَطْ ))

وتقرأ بفتح النون وسكون الطاء[/align]

[البرحيه]

نط يعنى نط ماغيره .. نقز شى

[حامل المسك]

[align=center]أختي العزيزة
البرحية
شكرا لمشاركتك
وإجابة خجولة
فنط تعني أيضا
(( القفز ))
::::::::::::::::::

الكلمة التالية هي :

ما معنى كلمة :

(( زُهْب ))

وتقرأ بضم الزاي وسكون الهاء[/align]

[فريـــد]

الســلام عليكم ..

الصراحة إني مستحي منك إخوي حامل المسك لأني أبطيت عليك
وأنا قايل لك إني أبجيب لك كم كلمة من الأثريات ,
لكن لعلّي أجيبهن القابلة أو الآبلة .. ( بســعـة شوي .. )

وإذا بغيت الصدق .. , الكلمات الأثرية تلقاهن عند السعودي لأنه FORD وقديم
وسمعت إنه لاحقن على عمـارة العويضة يوم هي طين .. ,
وأنا أشك إنه من اللي حاربوا مع الملك عبدالعزيز

وأحب أرحب بالإخوة اللي هنا واحد ينطح واحد ..

وأولهم الرمادي اللي معسكر بموضوعك , و شكله فارشٍ له بسـاط وامّـمَدد
وأول ماتحط أنت كلمة ... , وإلاه راعصن : [ إرسـال الرد ]

حتى إن إخوي عاشق التحدي .. قـصّـر , و ثار نفسه .. وهو يبي يلحق ,

والرمادي - ماشاء الله عليه - سبوق ومعوّدنا بتلة إنه يجي الأول ..
ولذلك أتوقع إنه يغير اسمه إلى : الرمادي الأول .. , ويروح فيها ماجد الأول
[ تلقى ماجد الأول : دالقن خشته , وقاعد يبحلق بالرمادي , ولايدري وش الطبخة ]

أما إخوي : طيب القلب .. أقول له زين اللي هضـلت , والله يبارك بالموضوع اللي جابك
والله منوّل نحسبك زعل .. وماترضى إلا ببعير نبطحه لك بالصفحة الرئيسية من المنتدى
لكن : الحمدلله .. يوم شفناك ..

وأرجع لاخوي عاشق التحدي وأقول له : وسّع صـدرك ( وابلع ريقك )
ولايغرّك إن الرمادي سبقك كم مرة .. , أتوقع إنك تصفطه في الجولات القادمة
لأنه ماعنده لياقة ( وأنت مشرف رياضي )

ومعليش كاني طوّلت عليكم .. لأني أشوف إن الأول ماخلى للتالي شيء
فقلت : اليوم ولا بكره ..

وإبشر أبو قتيبة باللي يسرك ..

وتقبلوا تحياتي

تقهو

13/7/1425هـ
الأحد / الواحدة والنصف ظهراً

------------------------
خاص للسعودي : الحمدلله على السـلامة .. , والحديد بداله حديد .. وإن شاء الله ماتشوف شر