قبل أسبوع قريت موضوع بشأن ( تشكيلة المنتخب السعودي ما فيها ولا لاعب ريداوي ) وصاحب الموضوع
الله يستر علينا وعليه مستغرب يقول معقولة بعض نجوم فريق الرايد لم يكونوا ضمن المختارين ؟؟!!!!!
عاد بس خلوا عنكم يا عليه حبكت كلام مضبوط ما شاءالله عليه .!
والأغرب والأدهى من ذلك الردود الحمراء مشت عليهم شوية هرج سباحين صاحب الموضوع .!
وخذ يالردود من بعض حقين ( على الشيلة ) وخذ سب بالإتحاد السعودي وخذ تمجيد وتطبيل للاعبي
فريقهم وخذ من حكاوي وحتوتات ( أيام كان يا مكان في عصر الدعدعة وسالف العصر والأوان ) وعلى طاري
الكلام ببلاش وش رايكم ( أخرط ) عليكم سولافة ، يعني ( توليف ) لا تصدقون ؟!
هاه موافقين يا شباب ؟! طيب حاضر يا محترمين .. إليكم هذه الحتوتة بشرط تقرونها قبل النوم بشوي:
كان هناك فلاح شقردي كحيلان ( شروى من يقرأ ) أسمه أبوسليمان معروف عنه بحب الضبان
وعرمشة الكرعان وقرمشة الجراد بين الضروس والأسنان ( عليه بالعافية ) .. وكان يزرع الكوسة والباذنجان
ويصنع الخبز والقرصان .. وله ولدان الأول اسمه سليمان والثاني عثمان ، ويوم جت الساعة ثمان أخذ هذا
الشايب يصيح وينادي تعالوا يا شقيان حملوا الددسن من الجزر والكراث والرمان .!
المهم وعقب القيلولة راح شايبنا ينام .. فأذن الأذان لصلاة العصر ، وعقب عصير جاء المسيان وراح ( الشكش )
بحفظ المنان يأدي صلاة المغرب راجياً رضا الرحمن .!
على فكره يا شباب ما لاحظتوا شي بالحتوتة ؟!
(( الشايب منسسسم ما قام لصلاة الظهر )) ههههههههه !!
هاه وش رايكم بخرطي مهب مثل خرط بعض الناس ؟؟!!
والله القصة طويييييلة وما ودي أطول عليكم .!
خلاص عاد تراي مسختها أبدخل بصلب الموضوع:
قبل فترة أقامت القناة الرياضية السعودية حفل توزيع جوائز لنجوم الموسم في آخر المشوار الرياضي لهذا
الموسم وهي كالتالي:
افضل حارس ومدافع ووسط ومهاجم ولاعب الموسم .. ما شاءالله كلن أخذ جائزته ويستاهلون ..
ولكني ( أنا يا محاسيكم ) برقت بعيوني وفتحتهن كيلوين وقربت للشاشة ، أيضاً من بكره طالعت بالجرايد .. تدرون ليش
؟؟؟!!!
أدور لاعبين من جيرانا يمكن واحد منهم أخذ أفضل لاعب أو افضل حارس أو أو .! لكن لم يحصل شيء من هذا أبداً عاد أنا زعلت !!
قلت غريبة ما فيه ولا ( لاعب ريداوي ) ؟!!
الفريق الذي كاد أن يكون ضمن الثلاثة الكبار .. والفريق الذي كاد أن يلعب بطولة خارجية .. الفريق الذي
كاد أن يكون ضمن الثمانية الأبطال .. الفريق الذي بقى بعرق جبينه دون فزعة .!!
( نعم هذا كلامهم أنا ما جبت شي من عندي ) !!!!!
لا لا لا حرام عليك يا قناتنا الرياضية أعيدوا النظر .. معقولة ولا لاعب ضمن الأفضل لنجوم
هذا الموسم .. لا لا لا ما يصير يا عادل عصام الدين يجب أن تنصف وتعدل شوي فيه لاعبين ريداويين
يستاهلون أن يكونوا من صفوة اللاعبين السعوديين والأجانب .!! حتى ولو أنهم بقوا ( بقرار ) يعني وش
المشكلة يا عدوله ..
فتكم بعافية وصحة وسلامة ،،،،،،،،،،
موضوعي القادم بعنوان: أتفنجل وادلع يا نجران جتك وأنت متركي على ... ؟!!
الخبوبي
العرض العادي
