يا نسمة الوادي ... يا وردة في بلادي

[بلقيس الصغيره]

اقتباس:  المشاركة الأصلية كتبت بواسطة العيطموس     [align=right] يبدو أن أغلب الردود تعود لأعضاء قبيلة شمر كرم وسعة صدر وبناتهم جميلات وكشخات كذلك * في الكرم ربما والدليل أنهم أهدوا بناتهم لشيبان القصيم . - أما غيره ( مبالغات ) وقد يكون ( مدح ذات ) من قبل البعض . [/align]

اول رد اشوفه واقعــي حيل

اكتب بدون اقصد اغلط على احد
وفيه من الكلام اللي قالوه الاخوان صحيح ولاينكر كالترحيب بالضيف

فيه امر يمكن يخفى عليكم ,وحتى الناس اللي فيهم خير
من حــايل يقولون عن هالشيء

وهو قله المساجد وقله اعمال الخير الجماعيه
كذلك الناس هناك ممكن يذبح للضيف . بس ماعنده استعداد
يسدد الدين! اللي على ذمته.
هناك يتعاملون بالعادات زينها وشينها

يمكن يجي واحد ويقول بالقصيم كذا او بالرياض كذا

صحيح .بس الغالب هو القاعد ,والنادر هو الشاذ عن القاعده

[To Be]

[align=center]صباح الخير الاسترليني
شئي طيب

ان تكسر الروتين وتضيف التغيير في يومك

والخروج من ثقافة المجتمع الذي تعيشه الي ثقافة مجتمع آخر مقارب

رحلة جميلة

لا سيما محطتها الاولى حائل [/align]

[احساس الماس]

[align=center]بصراحة هالديرة ماسمعنا عنها الا كل اخبار طيبة وكم تشوقت ان ازور هذه المدينة

مشكور على سلاسة الطرح [/align]

[الأسترليني]

اقتباس:  المشاركة الأصلية كتبت بواسطة سمر العبدالله     ونعم فيهم احفاد حاتم . مشكلتنا اخ الاسترليني في المنطقه الوسطى العادات قتلت فينا حاسة الكرم وإكرام الضيف . اشكر اطرائك لأهل حائل

حيا الله بنت العبدالله


المنطقة الوسطى فيهم الخير و البركة و لكن الكرم تميزوا به منذ القدم أهالي منطقة حائل ..

[الأسترليني]

اقتباس:  المشاركة الأصلية كتبت بواسطة مضيعه بريده     والنعم في اهل الكـــــــرم والجووود الف شكر اخي الاسترليني على السرررد الرائع لرحلتك شوقتنااا نزور حائل

مضيعة بريدة ،،

أشكر لك مرورك و قرائتك اللطيفة و اتمنى ان تجدي بريدة اللي انتي مضيعته ..

[الأسترليني]

اقتباس:  المشاركة الأصلية كتبت بواسطة سمو ذات     وصار الكرم حاسة بس اي رقم سمعت اننا وصلنا إلى الحاسة السادسة فقط ؟!! ياليت الملل يآخذك كل يوم لديره عشان تنزل لنا مواضيع فيها قيمه حادثة مو غريبه من اهل حائل وكرمهم والشيم الأصيله في اهالي الشمال عموما ولاتنسى النخوه فيهم عليهم فزعة مااتصف فيها احد اختي بالشمال ساكنه واظطرت يوم انها تنزل للصيدليه اللي يفصلها عنها شارع عام ويوم جت تقطع الشارع هي وولدها الصغير وقف لها راعي ( ددسـن ) عشان تقطع الشارع ومن الذراقه ماتحركت من مكانها قام النشمي وعرض السياره بالطريق يعني لامسار ايمن ولامسار ايسر يقدر يمر لين الموكب الملكي تبع اختي يمر

مرحبا سمو ذات ،،


يعني خلى الشارع المزدحم رصيف مؤقت و جسر مشاة ارضي حتى تعبر المرأة " عزالله انه أجودي وراعي شهامة " ..

ومن ينسى القصة الشهيرة للي رميا نفسيهما في وسط الوادي الهائج لينقذا تلك المرأة التي كاد ان يلتهمها الوادي بحائل و تم تكريمهم بوظائف و اوسمة الملك عبدالعزيز فالنخوة بالمجتمع الشمالي ما شاء الله ما زالت حاضرة بقوة ..

[عبدالرحمن اليوسف]

شوقتنا نروح لحايل *_^

اقتباس: فيه امر يمكن يخفى عليكم ,وحتى الناس اللي فيهم خير من حــايل يقولون عن هالشيء وهو قله المساجد وقله اعمال الخير الجماعيه

يفيدنا الاخ الاسترليني بما ان زيارته قريبه





والله يرحمك ياطلال مداح



شكرا لك على طرحك الجميل

[بلزاك]

الله أكبر يالإسترليني ما ملت عينك العجيبة والصباخ والشماس وأبا الدود أو كبر الراس ..
لكن لاسمّاك الله متمشور كل هالمسافات .. لو أنت متعدي شوي حايل كان لقيت لوحة مكتوب عليها القريات ..
تعد القريات شوي واطمر الحبس ..
والله إن تكتب مجلدات مهب موضوع
قال كرم قال .. يازين الكرم ياناس ..
باقي طال عمرك صفة الشهامة والأبضايات تكتب عنهم ..
تراها مهمة في هالزمن

لو هي وزارة الداخلية قايلة لك ودنا لهلي كان طلعت ثلاثة آلاف عذر >> بس عاد ماتنلام فيها باتشي والأرياف وملحقاتها الله لايرد العدو .. وكلها كوم وقولة أبي السوق الداخلي بكوم ثاني ينلعن طابورك وتصفي على شنطة لونها خنفشاري ..

المهم ودنا بموضوع ثاني بس تكون المدينة أبعد مسافة ومشتهرين أهلها بزيت الزيتون

[زخات المطر]

[align=center]

اقتباس: كانت الحريم هي اللي تبيع بذيك الدكاكين و قفت عند واحد من ذيك الدكاكين وجلست اتفرج و لقيتهن يبيعن " كليجا - نعناع - معمول توفي - بقل - اكلات شعبية "

مـا اجمل عَيش البُسطاء .. !

يَأسرك الحَنين الى حَياتهم، و تُسعدك التلِقائية فِي تَعاملُهم و نواياهم البيَضاء، فـ لَم تَكن هُناك حُدود لـ رسَمية وَ مَجاملة او " خوف " من كَلام النــاس !


--

حَائل ، هَنيئًا لكِ بأهلك الذين تَشبثوا بالأصالة و لَم يغيِرهم تَقلبُ الزَمان .[/align]

[نبـْض آخيـْر]

مرحبا سيدي الفاضل

جميل جدا تغيير الثقافات والتنوع بين عادات وتقاليد

وأكتشاف تنوع المفهموم الثقافي بين مناطق بلادي !

:
لك كل الشكر سيدي الفاضل

[الأسترليني]

اقتباس:  المشاركة الأصلية كتبت بواسطة قيدوم     [align=center] البساطة هى روح تعطى للانسان ثقتة فى نفسة وهى من اجمل صفات الانسان الجميل ولكنها أصبحت من سمات الزمن الغابروكلما زاد التعقيد زاد تعلقنا به أننا نعيش حالة زخم غير طبيعية بدأً من ممتلكاتنا حتى تعاملاتنا وإلى كل شيء يخصنا ماأجمل الصفاء والبعد عن ضجيج الحياة المتكلفة حولنا وماأجمل البسطاء أينما كانوا وتحية لأهل حايل دمت نقياً تحيتي ,,[/align]

مرحبا قيدوم ،،

البساطة هي السر في بعث أشعة الأريحية و السعادة في بيوت الكثيرين و ايضا هي السر في المتعة الرائعة في كثير من مناسبات جميلة حضرتها ..

إن التكلف و خلق اجواء بروتوكولية حول علاقاتنا مع الاخرين سيجعل مع مرور الوقت ترحيبنا و قبولنا بالاخر يثقل و يصبح في النهاية غير مرغوب به ..

إن من ابشع صور المدنية التي غزت المجتمع السعودي هي انعدام البساطة في كثير من مدنها و مناطقها و ان كانت البساطة ما زالت موجودة في بعض المناطق إلا انها في يوم من الايام ستصبح من التراث الذي سوف يحكى للأجيال القادمة ..

[الأسترليني]

اقتباس:  المشاركة الأصلية كتبت بواسطة وضوح     [align=center]سبحان الله حائل من المدن التي أجد فيها الراحه والترفيه العجيب [/align][align=center] رغم قلة الأماكن السياحية ..! نشتاق لها وزيارتنا لها بشكل متكرر حقيقة نخجل من كرم ضيافتهم ..،؛ / غداء وعشاء ذبائح << لدرجة مانفتح القصدير يجينا غثيان من اللحم ونرسله لأقرب عماله ..! الكرم الزائد مزعج لكن طيبة النفس والروح الجذابه بل وحتى ( وصف المكان للزائر) بطريقة مختلفة تماماً عنّا ...! < شهادتي مجروحه في ديار حاتم قضيت أياماً جميلة فيها ..، تبغى اخطب لك شمريه ..؟! تحيتي ،؛[/align]

مراحب وضوح ،،

من أجمل الردود في متصفحي << طابعا كله علشان الجملة الاخيرة في ردك
بالنسبة يا خالة للأليه التي تتم فيها الخطبة الألكترونية كيف ..؟
و على ضوئها سوف نهاجر الى ديار الشمال هجرة تقود أجيال احفادي الى بيئة اتمنى ان تكون افضل لهم ..!

بالنسبة للراحة النفسية بحائل حقيقة ذكرتني بنفس الراحة اللي اجدها بالخبر ، فسبحان الله هناك ديار تبعث الانشراح الى قلبك وانت تنتقل بين جنباتها و ايضا أذكر محافظة صغيرة جدا في اقصى الحدود الشمالية الغربية للسعودية تسمى " حقل " لها نفس الراحة و لكن يعبيها بعدها عن المنطقة الوسطى و هناك العكس تماما من الديار التي تبعث على الضيق و الشعور بعدم الراحة كالمنامة مثلا ..

[الأسترليني]

اقتباس:  المشاركة الأصلية كتبت بواسطة ≈» الفــــــآآرس «≈     يلزم أدعس لـ حايل ... نشوف ديار حاتم و أهلها ... ملينا من غبرات الديرهـ و الشهابه نبي نجرب الكرم و الجود شوي

مرحبا بمشرفنا الجديد و اتمنى لك التوفيق مع الطاقم السابق ،،


اذا حالة الممل مرت عليك خذ لك واحد او اثنين من الشباب اللي نفوسهم خفيفة و ازبن طريق حايل أنا متأكد انها راح تكون رحلة فيه اجواء جدا جميلة ..

[الأسترليني]

مشقاص - همسة عتاب

كل التقدير لمروركما


العيطموس
كلامك فيه جزء من الصحة

ولكن بخصوص البنات اللي لشيبان ما عمري سمعت فيها و لا ودي حقيقة اسمع فيها لأن المتصفح خاص بذكر المحاسن لأهالي منطقة معينة

بلقيس الصغيرة

ما ادري وش الحاجة اللي زعلتك انتي و مع كم عضو اخر " قسم " انه متصفح عابر لن يعلق على جدار الكعبة ، ونحاول فيه ان نتعرف على الجوانب الايجابية لتلك المنطقة ، ولو كان المتصفح يتحدث عن جيزان كان ذكرنا الخير اللي فيها .... وبس
اشكر مرورك الحانق ..

[الأسترليني]

توبي - احساس الماس


كل الشكر لمروركما