امرؤ القيـــس الأشهب الألهب !!

["غرك غلاك"]

اقتباس:  المشاركة الأصلية كتبت بواسطة لعيون دودي     يكفي الاهل .!!!الاهل وجمعتهم باي مكان ديره بكبرها والا كيف؟؟

كلامك جميل وصح وستين الف صح
المشكلة الأهل والأقارب وإلا كان أنا ألحين أتسدح بمكان درجة حراراته 3 تحت الصفر

اقتباس: عاد مالنا حيله ذي ديرتنا!! بنجرب الجنوب يقولون برااااد على كيف كيفك

تكفين وأنتِ رايحه جيبي معك براد بباغة
المفروض كلنا نتجمع بالجنوب ونترك الغثاء والغرابيل
أنا ما حسدت إلا أهل الجنوب براد وخضار وأمطار ووناسة وبالسعودية
مو مثلنا الله يرحم الحال , لكن انا قاري حديث إن بآخر الزمان تبي تصير الجزيرة العربية مروج وانهار

["غرك غلاك"]

اقتباس:  المشاركة الأصلية كتبت بواسطة أهلا وسهلا     اذكر الله .........

لا إله إلا الله محمد رسول الله

["غرك غلاك"]

اقتباس:  المشاركة الأصلية كتبت بواسطة سيف وفيصل     حلوة خربشتك

اي خربشة الله يهديك !
لكن مقبولة

اقتباس: وحتى تستطيع أن تعيش في إطار آخر يلزمك ربع قرن من الزمن حتى تحس بنوع من الامان

مستعد أن أضحي بربع قرن من عمري وأعيش حياة سعيدة ولا أعيش عمري بأكمله تعب وشقاء

اقتباس: حتى من هاجر من العرب يحنوا لمواطنهم الاصلية مهما كان جوها ومثالك لامريء القيس خير شاهد،،، تحيتي

انا اتوقع من يطلق هذه الحنات من الأشعار عندما يجد ما يضايقه في ذلك البلد ويحس بالضيم
يطلق هذه الآآآآآآآآآآآآهات

["غرك غلاك"]

اقتباس:  المشاركة الأصلية كتبت بواسطة قولدن ويمن     كله كوم وإنك تسمعه بألحج كوم !!!!!!!! تصدق سمعته من واحد بالحج ..يقول :يحول ياللي ماله بريده ؟؟؟؟؟؟؟ شكله وده يحوًل الحج لم بريده ؟؟ مثل اللي سافر لألمانيا لمن شاف نهر الراين آآآآآآآآآآآآآآآعجبه قام وشمر عن اكمامه وخلى الشماغ بنت البكار بعدين قال لولده عطن المسحاة ابحدره لم خضيرا ببريده !!!!شفت وشلون الولا للوطن ؟؟؟؟؟؟؟؟؟؟؟؟

[دقات قلب]

اقتباس:  المشاركة الأصلية كتبت بواسطة مهند الجربوع     شف يالذيب مرة من المراريت كنا بالصمان وبالقيض الحراره خمس وخمسين وحنا وسط الطعوس لقينا غزال صغير وهلك وعطشان وحالته حاله ونوقف ونمسكه ونعطيه ماء ونرشه بالماء يوم تنعوش ونشيله معنا ونمشي حوالي خمس طعش كيلوا لمزرعة لواحد من الجماعه هناك وهالمزرعه شجر وخضره وماء وفلة حجاج وحطينا الغزال بالمزرعه وكان ضعيف وهزيل وصغير ويوم اصبحنا مالقينا الغزال اثره هج ورحنا نصيد ونتمشى ومرينا مكانه اللي مسكناه فيه ..تصدق لقينا الغزال فيه ...ترك النعمه والماء والشجر والضلال وراح لمكانه ...سبحان الله ....ترى قصتي حقيقية يا خلف جدي. الزبده : الأشهب يضل اشهب وماتليق عليه النعمه ويحس انه مب كفو .

قصتك روووعه واعجبتني بقووووه
وانت صادق الاشهب يضل اشهب وماتليق عليه النعمه ويحس انه موب كفو

["غرك غلاك"]

اقتباس:  المشاركة الأصلية كتبت بواسطة دقات قلب     وانت صادق الاشهب يضل اشهب وماتليق عليه النعمه ويحس انه موب كفو

الأشهب أحيانا تغيره المدنية وجمالها وتقلب أخلاقه 180 درجة , لكن يبي له وقت وما قصيدة ابن الجهم إلا واحدة من الآلاف

اقتباس: قدم علي بن الجهم على المتوكل - و كان بدويًّا جافياً - فأنشده قصيدة قال فيها : أنت كالكلب في حفاظك للو ***** د و كالتيس في قراع الخطوب أنت كالدلو لا عدمناك دلواً ***** من كبار الدلا كثير الذنوب فعرف المتوكل قوته ، و رقّة مقصده و خشونة لفظه ، وذ لك لأنه وصف كما رأى و ‏لعدم المخالطة و ملازمة البادية . فأمر له بدار حسنة على شاطئ دجلة فيها بستان يتخلله نسيم ‏لطيف و الجسر قريب منه ، فأقام ستتة اشهر على ذلك ثم استدعاه الخليفة لينشد ، فقال :‏ عـيون الـمها بين الرصافة والجسر **** جلبن الهوى من حيث أدري ولا أدري خـليلــي مـا أحـلى الـــــــهوى وأمـره **** أعـرفـني بـالحلو مـنه وبـالمرَّ ! كـفى بـالهوى شغلاً وبالشيب زاجراً **** لـو أن الـهوى مـما ينهنه بالزجر بـما بـيننا مـن حـرمة هــــــل علمتما **** أرق من الشكوى وأقسى من الهجر ؟ و أفـضح مـن عـين المحب لسّـــــره **** ولا سـيما إن طـلقت دمـعة تجري وإن أنـست لـلأشياء لا أنسى قولها **** جـارتها : مـا أولـع الـحب بالحر فـقالت لـها الأخـرى : فما لصديقنا **** مـعنى وهـل في قتله لك من عذر ؟ صـليه لـعل الوصل يحييه وأعلمي **** بـأن أسـير الـحب في أعظم الأسر فـقـالت أذود الـناس عـنه وقـلمــــــا **** يـطيب الـهوى إلا لـمنهتك الستر و ايـقـنتا أن قـد سـمعت فـقالتـــــــا **** مـن الطارق المصغي إلينا وما ندري فـقلت فـتى إن شـئتما كـتم الهوى **** وإلا فـخـلاع الأعـنـة والـغـدر فقال المتوكل : أوقفوه ، فأنا أخشى أن يذوب رقة و لطافة !

وأحيانا هو يغير مدينة

[الضمير مجاز]

اقتباس: وأحيانا هو يغير مدينة

[read]بالتأكييييد يقدر يغيّر والدليل ها أنتم سطـّرتوا المواضيع بسببه

فــ لله درّ هذا الامريء القيس الذي جعلكم تجتمعون من أجله

فشهابته ولهابته لم تأت اعتباطا بل صعد على جماجم أعدائه حتى تكسرت وصار أعجوبة الكل يستشهد به !! [/read]

[عاشق عبير]

توي طالع من البيت والله ياهو قرقوف يرد الروح

قرقوف صخانه

يعني وش تبين نحن له لجزر الكناري ولا لغابات الامزون ؟

بس تتوقع ان طبيعة الشام جعلت نزار يتفوق على امرؤ القيس

والمتنبي ولا ان الطبيعة ماتؤكل عيش

مافيه احسن من طبيعة افريقيا واندونيسيا وجوعانين واكلين تبن

لكم الكرامة

[يكفيني حنانك]

يااحول ياللي ماعنده بريده،،،
،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،