بعد شهر السواقه...محتاره يالربع وش أشتري سياره؟؟؟

[العالميه]

اقتباس:  المشاركة الأصلية كتبت بواسطة قلم وردي     . . أنا ما اصدق ولا راح اتحمس إلا اذا مسكت الدركسون << اسمه كذه صح ؟ ...

وشلون تبين تسوقين وأنتي للحين
ماتأكدتي من إسم الدركسون!!!
قلم وردي يسعد أيامك

[عزازيل]

بالتوفيق لكل الصبايا ، يوجد سيارات صينية تناسبكن لا تخشين الحيرة .

[العالميه]

اقتباس:  المشاركة الأصلية كتبت بواسطة ¨¨™تـركـي™¨¨     العالميه ............. ترااا عمي عنده معرض سيارات خل نكسب منكم ميررر سعي ههههههههههه بس مااافيه الا سيارات غاليه والا رااعياات الددسن والهلي والجيوب لايجن للمعرض ترااا مافيه مكاسر ونزل لي يجسبنهن بالسوق والا مكياااج خخخخخخخخخخخ

مراحب تركي
شف المكاسر حاصل حاصل...
ودام عمك عنده معرض خلك محضر خير
وسوي لنا(دسكاونت)مايحتاج عموله تصير
لنا واسطه...
الله يعينك كل وحده تجي تشتري تقول
أنا من (طرف تركي) همن يحمق عمك ويقفل المعرض
خخخخخخ
حياك ربي

[العالميه]

اقتباس:  المشاركة الأصلية كتبت بواسطة عزازيل     بالتوفيق لكل الصبايا ، يوجد سيارات صينية تناسبكن لا تخشين الحيرة .

ليش صينيه الله يسامحك؟؟؟

[عزازيل]

بناتيه يا عزيزتي ، صغيرة و اشكال حلوة ورخيصة

[مَطْلِع الْشَّمْس]

الكلام كثير ...


لكن ننتظر الرأي الأخير و الصائب من الملك حفظه الله

[العالميه]

اقتباس:  المشاركة الأصلية كتبت بواسطة الصمت الخجول     كالعادة ، تبدأ المسألة باعتراض كل ما هو جديد . دراسة البنت ، الستلايت ، الإنترنت ، البلاك بيري .. !! و قيادة المرأة ضمن ذلك .. ! المسألة عرفية أكثر من كونها تربية أو شرع ! يجدون ابنتهم 24 ساعة في غرفتها على جهاز فيه من الخير الكثير والشر الأكثر ، ولا يمانعون ! لكن تقود سيارتها وتذهب إلى مركز أو نادٍ يشغلها ، لا ! حرام ! أرحمهم أبناء أرباب مبادئ المنع ، ولا ألومهم أبدًا إن بدرت منهم ردة فعل سلبية ! التوكل على الله والتربية ثم التربية ثم التربية .. تجعلنا نمنح أبناءنا ما يواكبون به العصر ، ونحن في غاية الطمأنينة . من ناحية السيارة : أكيد ( لكزس أسود ) : ) بالتوفيق للعالمية .. بقي عتب في قلبي عليهم ! ليت ( الأهم ) مستشفياتنا ومواعيدها المتأخرة .. و سرقات المنازل التي جعلتنا لا ننام .. وارتفاع الأسعار في كل شيء بلا رقابة .. والبطالة المخيفة المتفشية في المجتمع .. أقول ليتها تأخذ ربع ما أخذته قضية قيادة المرأة !

والله إنك صادقه يالغلا
واللي قاهرني قضيه القياده صايره مثل قضية فلسطين
الله يصبرنا بس ...مالنا إلا الإنتظار
وخليك وراء ْْاللي أنتي خابره مشفر مشفر
صمت يسعد لي مساك

[العالميه]

اقتباس:  المشاركة الأصلية كتبت بواسطة رغــــيد     هههه إقالكم بتخففون من الضرر تسوقون وتروحون السوواويق لا يسمعكم أحد يضحك على علثتكم هع اممممم ممكن عربجية بنفسجية .

حيالله رغيد العضو الجديد
حامت كبدك ولاماحامت
سايقين إن شاء الله سايقين (الله لايعوق بشر)
والعربجيه دليل ذوقك ...ياذوق

[قـتـالـه]

قررت انصب سيارتي بالنهضه لين يجي قرار السواقه
وانتي تشممي الاخبار وعلمين مب يسوقن الحريم
وانا على نصبتي !

[الشمالي بلس]

[align=center][table1="width:95%;"][cell="filter:;"][align=center]ابي اسجل في المرور [/align][/cell][/table1][/align]

[بنت المليداء]

اقتباس:  المشاركة الأصلية كتبت بواسطة مغاززلج ي     ربع والا هايلوكس .. وانصبي سيارتك واركبي معي : ) وبصراحه احسن خبر سمعته هالسنه ان شاء الله يطبق ونعَيد بتغيرات حلوه ض1

ومسجل علشان تقول هالكلام
ياقليل الحياء وسيع الوجه
أخ ياليت من تواطاك بسيارتي الددسن
وخليتك فرجه لأهل المليداء
خوش(اركبي معي)

[عازفة ألحان الليل]

هالخبر نسمع به ولا نشوفة ..

بالتوفيق ..

[SAGA]

هههههههههههههههههه العالمية تحريهم بيطبقون علينا نظام ساااااااااااااااااااهر
أنا داخلتن بمزاجي بانوراما

[الرأي الحر]

والله يا بتشوفين الوان عمرك ما شفتيها

[قلم وردي]

اقتباس:  المشاركة الأصلية كتبت بواسطة قـتـالـه     قررت انصب سيارتي بالنهضه لين يجي قرار السواقه وانتي تشممي الاخبار وعلمين مب يسوقن الحريم وانا على نصبتي !

ضحكني ردك ياقتاله
ما يحتاج احد يعلمك .. اذا شفتي الدنيا عج وغبار طيري لسيارتك

...