كليات بريده وش اللي صاير ,, الى متى نسكت

[الوضع مرعب]

اليوم اول يوم دومنا بالكليه ويا ليتنا ما دومنا ..!
استغفر الله العظيم من كل ذنب عظيم
رحنا واستثمنا تنصح منا يطلع عشر منا
انصدمت صدمه لا توصف ...
من المسؤل عن ما يحدث بارض الكليه ...!
هل هم اباء الطالبات
ام امهات الطالبات
التي تخرج ابنتهم من امامهم بالشكل المقزز
ام الكليه التي تستقبلهن ...!
من يسمح لهم بذلك
اغلب بنات الكليه اليوم ( بويآآآآآآآآآت والايمو ) اتقين الله في انفسكن
انت جايه لارض تعليم ام قصر افراح
الى هالدرجه وصلت بكن قلة الأدب و الاستهتار بالدين
وحده من البويات تجي وتقول لنا وش الغرض من فعلته هذي
هل تحسين بنقص ام ماذا
قسم بالله العظيم ان الوضع
مرعب مرعب مرعب
الى اقصى الحدود ...
والله يستر من الشذوذ كود الوحد تنتبه على نفسه
و انا وكل طالبه محافظه
نطالب من الجهة المسؤله تضع قرار صارم عن الشيء اللي يصير هذا
حنا بلاد منبع القرآن شبه الجزيره يصر كذا

والله يستر من الجاي
لو اسكتوا عنهن
هذا يرجع للمسؤلين

همسة :
الى كل ام واب وادارية ومسئوله بارض الكليه وطالبه
انت محاسبه امام الله ترون بنتنا بالشكل هذا ولا تقومي بالنصح

من هذا المنطلق كل طالبه تتكلم عن الوضع اللي شافته اليوم
هل انت راضيه بالشيء هذا

من هذه المساحه لفضفضاتكم
وصفن لنا وضع اليوم

[نجداوي]

[align=center]حلو شكل الايمو

احلى من القميص والكرفته !


لاكان يجب ان سيآسه الكليه تلزم جميع الطآلبآت بزي موحد وعند المخآلفه لايتم دخول الكليه

يحطونه بالحوش لحد ماتقلب كدش خخخخخخ[/align]

[بنت منيره]

خخخ وربي انك خطير هذا الموضوع كان في بالي بس متعيجزه

ياحبي للايمو عند البنات مسويات قصة شوجي

معظم البنات حلقات شعوره بمكينة على 3 مادري 5<<انتم عاد صحوو ماعرف بقووه

يالله تعفيهن ولا تبلانا ودي ادري مايفكرون قبل مايقصون واشكالهم معجبتهم؟؟

[بطلة العالم]

[align=right] +

+
<<<وده يصير فيه مركز هيئه بالكليه نسائي
الله يهديهن ويفتح على قلوبهن
والاهم الاب والام والاخوان والاخوات وينهم
جزاك الله خير...[/align]

[الوضع مرعب]

اقتباس:  المشاركة الأصلية كتبت بواسطة مخضرم نجد     [align=center]حلو شكل الايمو احلى من القميص والكرفته ! لاكان يجب ان سيآسه الكليه تلزم جميع الطآلبآت بزي موحد وعند المخآلفه لايتم دخول الكليه يحطونه بالحوش لحد ماتقلب كدش خخخخخخ[/align]

حلها الشيطان بعيونك
والله ياليت يتعدل الوضع
واصلاً طاولاتنا بالحوش بالشمس احد تطب الشمس على طالوته واحد لا
حياك

[أولمـي بـليز..{]

اي والله الوضع محززن جداا
اشكاال تخووف الله يهدينااا بس

[الوضع مرعب]

اقتباس:  المشاركة الأصلية كتبت بواسطة بنت منيره     خخخ وربي انك خطير هذا الموضوع كان في بالي بس متعيجزه ياحبي للايمو عند البنات مسويات قصة شوجي معظم البنات حلقات شعوره بمكينة على 3 مادري 5<<انتم عاد صحوو ماعرف بقووه يالله تعفيهن ولا تبلانا ودي ادري مايفكرون قبل مايقصون واشكالهم معجبتهم؟؟

خلي العجز باالأ مور هذي عيوني
الامر يحتاج كلنا نوقف جميع
والله يهديهم بس
نورتي

[الوضع مرعب]

اقتباس:  المشاركة الأصلية كتبت بواسطة بطلة العالم     [align=right] + + <<<وده يصير فيه مركز هيئه بالكليه نسائي الله يهديهن ويفتح على قلوبهن والاهم الاب والام والاخوان والاخوات وينهم جزاك الله خير...[/align]

لا يحطون هيئة يحطون لنا قاونيين
تادب هالبنات الله يخلف بس
ولك بالمثل

[الوضع مرعب]

اقتباس:  المشاركة الأصلية كتبت بواسطة أولمـي بـليز..{     اي والله الوضع محززن جداا اشكاال تخووف الله يهدينااا بس

الله يهديهن ويفتح على قلوبهن ...
الا تجدع القلب

[قلب منكسر]

لا نحتاج لوضع القوانين ونلزم كل فتاه بهذا العمر على أن تتلزم بها عليها فعله,,
أعتقد هذا حصاد كل تربيه
فتاه جامعيه بهذا العمر تعلم اين الصح والغلط
وتدرك تمامااااا
هل عندما نظبطها داخل الكليه هل بامكاننا ضبطها في كل مكاان؟؟
فمثل تلك النوعيه تحمل في داخلهاا شوائب تخلف تحتاج الى محاسبه نفسها
دوون تلك القوانين,,

وارجع اقووول حصااد التربيه خرجت بتلك المناظر,,

ودمتي بوود,,

[Queen of buraydh]

نعم

هذا نتاج تربية الوالدين , وضعف الوازع الديني ومن ثم ضعف الشخصية
فمن تجري خلف الموضات الساقطة ليست الا امعه تمتلك شخصية مهزوزة للغاية ,
شفاهن الله وعافاهن
ويارب لا تبتلينا بأنفسنا وذرياتنا ,

[بسومة بريده]

المسؤليه تقع على الكليه...

لان اغلب البنات تلقينهم بالبيت بشكل غير الكليه واهلها مو دارين عنها...

وبعض الاهالي يقولون فرطوا من يدينا <<عذر اقبح من ذنب

ارجو ان تتخذ ادارة الكليه قوانين صارمه بهذا الشأن لو اضطرت لفصل الطالبات...

اي طالبه محلقه شعرها ومبدعه بعمرها تلزم بالطرحه وتغطية الرأس الى ان يطول شعرها...

[..همسة عتآآب..]

الحمد لله والشكـــر...

[فديكا التميمي]

الله يحوم تسبد العدو تسيف ادخل هالموضوع من حيني حايمتن تسبدي منهن
مانقول الا الله يعافيهن ولايبلانااا وصدقين الاهل ولله ماعندهم ماعند جدتي القصااات
من يوم اولد وهن يقصنهن بس اول ولادي اللحين كشخنا وصار اسمه بوي خخخخ
اما بالنسبه لاشكالهن وعربجتهن وش يدري الاهل عنهن تراهن بالبيت غير وبالكلياات
يستعرضن عند البنااات الله يخلف بس..

الحمد لله الذي عفانا مما أبتلي به غيرنا وفضلنا علي كثير ممن خلق تفضيلا ...

[سرياليه]

كل ترم وانتي سعيده حبوبه
يارب كان يومك جيداً وسط فوضوية اليوم الاول ..
ليس من عادتي التواجد هنا ولكن موضوعك شدني وبقوه
حبيبتي منذ الصباح الباكر وحتى قبل صلاة الظهر وانا بين اروقة كليتنا لإرشاد
المستجدات والاطمئنان على سير جداول طالباتنا المنتظمات أي اني رأيت
اليوم معظم الطالبات ..ولم أرى ماتقولينه ظاهره مفزعه ربما هن فرادى وقليلات
وحتى ان ذوات الشعور الغريبه نادرات بالمقارنه بالزهرات ذوات الانوثه ,
وبإذن الله سوف يغلب المظهر الانوثي وتعود للورود الوانها النديه ,,
ليتك تكلمت عن مايعد ظاهره حقيقيه ربما تكن خافيه عنك
لان تعامل الطالبات مع بعضهن تحفه مطالب الصداقه ,
ليتك تحدثت عن اسلوب التعامل الجاف والمخجل خاصه مع الكادر التعليمي
دكتورات واستاذات ومعيدات فهذا من خلال عملي هو الظاهره المستفحله كل عام!
ومافائدة ان تطل علينا احدى زهراتنا بمظهر انثوي جميل وهي تفتقد جماليات
التعامل وكأنهأ كانت حبيسة قفص واعطيت حريتها في كل شي !
مايخجلنا كسعوديات هو تعامل حبيباتنا وطالباتنا مع المتعاقدات
زهراتنا هن الصوره بعيون تلك الوافدات عن الفتاة السعوديه
وياما غضضت طرفي خجله من تصرف احدى اليافعات امامي بكلمه او اسلوب!
ربما مظهر الايمو موضه جوفاء وتزول يومآ
اما طريقتنا بتقدير ذواتنا وذوات من حولنا سيصاحبنا طوال حياتنا ولن يزول بسهوله!
تحياتي وتقديري لقلمك واعتذر للاطاله ..
دمت يافعه ونضره ,