فضيحة وزارة التربية : عندما يفكر لك غيرك ..!!

[Qassimy]

اقتباس:  المشاركة الأصلية كتبت بواسطة بنت البدائع     كل مناهجهم المطورة تخبيص , ومعقدة , وتدريسها معقد ويفر الرأس المعلم نفسه يحتاج إلى دراسة طرق تدريس المنهج قبل الطلاب ليتنا بلا هالتطـور : (

الطاسة ضايعة
الكل يتهرب لأن المسألة عايمة ولا هم عارفين كيف يتعاملون مع المنهج ولا هم عارفين كيف يفصلون بين المناهج المتعددة في 40 دقيقة
والربيعة مسكر جواله قال لهم أشغلتونا بالفصل كل ما لصق علك بثوب اتصلتوا
علي ما تنعطون وجه أنتم وأول مرة يصير عندكم دكتور بحق وحقيقة
مشكلتنا نفكر كيف ندخل فقط أما الخروج عنه غافلون !!

شكرا إلك .

[Qassimy]

اقتباس:  المشاركة الأصلية كتبت بواسطة عذبـــــة     مالقو الا مصر ؟ شكلهم شارين كل المنهج بثلاث مية جنيه .. اررررخص

هم راحوا بيشترون المناهج من الهند أرخص وأعمق فكريا لكن ذبحتهم
نكهة الفلفل ورجع الوفد وهو يعاطس ولا ردهم إلا شارع جامعة الدول العربية
وبعدما أخذوا لهم رأس زغلول من مقهى العمدة قرروا أن المنهج يكون مصراوي أكويس وأرخيص وأي شيء يعك معهم المصري ما يبلش يلاقي له 1000 طريقة ومخرج

شكرا إلك .

[Qassimy]

اقتباس:  المشاركة الأصلية كتبت بواسطة بسومة بريده     بدأوا بالتقويم وتعطيل القدرات وعدم تقدير الفروقات قلنا مايخالف... لكن يغيرون بحجة التطوير هذي الي ماطار طيره ... وشلون يطورون والمعلمين والمعلمات ضايعة طاستهم مايدرون كيف يتعاملون مع هالمناهج الجديده... كل مشرف/هـ يجيب من راسه طريقه وماندري وش نمشي عليه... يكفي كتاب العلوم مستفتحينه بخنفسانه ...وعععع وش اكلت وش مااكلت هالخنيفسه يعني خلصت الكائنات الحيه ....

الخنفسانة

تعليم من خنفسانة لحمار اكتب عليه السلام وصل عليه صلاة الغائب

شكرا إلك .

[فديكا التميمي]

اقتباس: تأمل الصورة واقرأ و احفظ النشيد اما النشيد فهو : يا احلي اسم في الوجود ...يامصر يا اسم مخلوق للخلود ..يامصر نعيش لمصر .. ونموت لمصر تحيا مصر .. تحيا مصر

يعني صدز ذي موجوده ويحفظونه بزراننا هههههههه
وقسم ضحكت من القهر وشبت التسبد
اعنبوهم متى ذولاااا بريتقون سالفة اللي يغش من صديقه
ونقل اسمه بعد..

[عجوز سمنسي]

[align=center]ولايفوتك منهج التوحيد للصف الرابع الابتدائي

ذهب كتاب الاصول الثلاثة وفتحت الكتاب اناظره الا وهو يتكلم عن اصول العبادة وتوحيدالالوهية والربوبية في ثلاث او اربع صفحات فقط

يعني كتاب توحيد رابع اربع صفحات باسلوب بايخ وكأننا في دولة مادة الموسيقى اهم من الدين

والاكثر من هذا انه اورد حديث كل مولود يولد على الفكرة

وقال في التعليق : فابواه يهودانه او ينصرانه فقط

ولم يقل يمجسانه

يمكن المؤلف الله يسلمه ماخذ لخاطر دولة ايران

والاكثر عباطة في المسالة ان المؤلفين للاربع ورقات ستة مؤلفين والمراجعين عليه ثلاثة كلهم دكاترة تقريبا

الله اكبر على الموسوعة اللي مألفينها العباقرة

اربع ورق ياناس يبي يشرحهم الملعم في سنة كاملة او حتى فصل واحد ؟

يبي يشرحهم بدرسين وتنتهي المسألة كلها

لكن تمييع لعقيدة النشء المسلم [/align]

[مشقاص]

البرتقالي

ليس عيبا ان نبدأ من حيث انتهى الأخرون كا اليابان أوسنغفورة أو ماليزيا

ونستفيد من خبراتهم في المناهج العلمية بما يتوافق مع ديننا الحنيف .

على ان نبقي أ و نطور حسب قدرات الطالب الذهنية ..

[سمو ذات]

.






طلبتك يالبرتقالي صوّر لنا الصفحة اللي فيها الانشودة
لأني من الصدمة رحت اتصل على بنت اختي بتأكـد وابيها تقرأ لي الانشودة
ابشوف وش ردة فعلة !!! لأني متأكدة مليون بالمية انه هي
تبي تطنز بالمؤلفين بس للأسف طلعت نايمة


!!!!!
مصابة بحالة هستيرية اضحك ومحزنة بنفس الوقت
رسالتي للوزير انه يلقّن التعليم عندنا الشهادة لأنة من كم سنة وهو يحتضـر

[زمن الغرباء]

ماأدري أحسها عادية ياأخوي
وجهة نظري
واحترامي ...

[عجوز سمنسي]

اقتباس: سمو ذات; رسالتي للوزير انه يلقّن التعليم عندنا الشهادة لأنة من كم سنة وهو يحتضـر

وزير جاي من الاستخبارات

وش يبي يعرفه بالتعليم
تارك الدرعا ترعى لعجوز قريح نوير بنت الفايز

[الأرجوانه]

[size="4"]ههههههع الحمدلله اني مالحقت على كتابهم

مير انا كل سنه اهج عن التطوير ~> مرتاحه

بس الله يعين على السنه الجايه

تشكراتي..
[/size]

[العالميه]

طيب وشوله السذب....ليش يقولون
والله تعبنا في وضع المنهج المطور
وكل مرحله لها فريق عمل وأبحاث
وملايين ....وآخرتها طابعين لنا كتب
قوم (بأء)خخخخ
البرتقالي تحيه عالميه

[سمو ذات]

اقتباس:  المشاركة الأصلية كتبت بواسطة عجوز سمنسي     وزير جاي من الاستخبارات وش يبي يعرفه بالتعليم تارك الدرعا ترعى لعجوز قريح نوير بنت الفايز

جيتة من الاستخبارات المفروض تخلية نبيه للأهداف المقصودة
من التعديلات الحاصلة وخصوصاً لمواد الدين
يعني مفتح عينة زين ! إلا إذا الاهداف مرسومة من إيده والتلوين على نورة الفايز فهذا شي ثاني !

[عجوز سمنسي]

اقتباس:  المشاركة الأصلية كتبت بواسطة سمو ذات     جيتة من الاستخبارات المفروض تخلية نبيه للأهداف المقصودة من التعديلات الحاصلة وخصوصاً لمواد الدين يعني مفتح عينة زين ! إلا إذا الاهداف مرسومة من إيده والتلوين على نورة الفايز فهذا شي ثاني !

هو جاي وهو يدرك الاهداف المقصودة خاصة لمواد الدين

العلمانيين يسعون لتقليص مواد الدين بحجة تجييشها للارهاب

هو يرفع ونورة الفايز تكبس

[فديكا التميمي]

ياعالم وين اللي انتم تقولون عنه فتشت كتاب اخوي صفحه صفحه ماشفت شي...؟؟؟

[دِيم]

يا احلي اسم في الوجود ...يامصر
يا اسم مخلوق للخلود ..يامصر
نعيش لمصر .. ونموت لمصر
تحيا مصر .. تحيا مصر

/
/

أما موجود كذا بالكتاب الدراسي هه .. .

طيب ليه ماحطوا ..يابلادي واصلي على الأقل نقدر نقرأها من وجهين فصحى وعامي

,
يارب ما أصير أبلى في يوم من الأيام ..