وزارة التربية والتعليم (بنات) .. مالها وماعليها دعوة للمشاركة

[شقرديه]

يا حبيلتس يام بندر

نبض قلم جايزن لي شغله

بس احضر له وللمنطقة موضوع مغاير تماما

عموما هو يطرح ايجابيات وسلبيات

واسلوبة محترم جدا

بس برضوة ما يمنع اني اتابع كتاباته واتوطى ببطنه ان لف منا والا منا

الله يعيني على نبض

شكلة بيحول من التربية والتعليم لنقد مشرفات المنتدى

محبتي للدبى

[نبض القلم]

شقردية ك

ترى من جد الموضوع يهم شريحة كبيرة فلا تلعبين باعصابهن وتخلينهن يشاوفن على الفاضي!!!!!

وبعدين لا تورطين أم بندر تروح تحمل بعد ما عشمتيه بالشهرين ثم تتورط !!!!


خخخخخخخخخخخخخخخخخخخخخخخخخخخخخخخخخخخخخ


المره ما رده الا الاجازة ,, والا تراه صغيرة توه ما عرقت بالادارة وما طلع له جذور !!!!!!

يا شقردية :

الله يصلحك قولي آمين .. التعاميم واصلة المدارس وتقولين لا ما تخص المدرسات تخص موظفات الدولة؟؟؟ أجل المدرسات وشن موظفاته؟؟؟ وليش يجيهن التعميم ويوقعونهن عليه؟؟؟

وليش طبقنه المديرات على الي ولدن .. وقالن لهن بالحرف الواحد : حدكن أربعين يوم .. والا قدمن اجازة رعاية طفل؟؟؟؟

طيب خلينا نمشي معك حبة حبة ..

صدّقناك .. وش مصدر أخبارك ؟؟ من عنه راوية؟؟ وش الاثبات ؟؟

كان عنك اثبات هاتيه بسرعة خلينا نسعف به هالمسيكينات الي قدمن اجازات بربع الراتب قبل يتمن أربعين يوم يخافن بعد ما تقبل!!!!!

[وليد الطريقي]

نعم يا شقردية اين الاثبات خلي عنك اتلاف الاعصاب والتوطية ببطون العالم وهاتي البرهان

[متطورة]

السلام عليكم ورحمة الله وبركاته

أهلا أختي شقردية :

بسرعة هاتي الاثبات علشان نرسل لك الهدية .
وكل اللي نعرفه أن التعميم شامل لجميع الموظفات سواء بالتعليم أو غيره ,
ولكن معليش ممكن ننتظر الإثبات ياشقردية
بس بسرعة الله يخليك علشان يمدينا نحمل قبل العطلة .لأن الكثير أجلن الحمل حتى اقتراب العطلة , علشان ما يداومن بعد الاربعين .

[وليد الطريقي]

هههههههههههه

والله ما يلمون التعليم يوم يخلون اربعين يوم بس اثر الدعوا حساب وتوقيت ومته ومته ويوافق ولا ما يوافق

[شقرديه]

لحظة

أول شيء وش لي اذا كانت شهرين؟؟

همين اسدح لكم الاثبات بذا

أما كذا بس معلوماتي ومصادري مسبلة

لاع

انتظركم

[نبض القلم]

والله شكلك ما عندك لا إثبات ولا هم يحزنون !!!!


بس تبين تكسبين الوقت لما يوم الاثنين يجتمعون مجلس الوزراء ( أغديهم ) يهونون عن القرار!!!!!!!


هذا الي واضح .. والا وش رادك كل هالمدة ومغيب شمسك؟؟؟

[وليد الطريقي]

اخت شقردية لك الي تبين بس اين الاثبات من غير مماطلة

[وليد الطريقي]

البقمي لـ« الجزيرة » موضحا:
لا تغيير في إجازة الأمومة .. وإجازة رعاية المولود لها ضوابط



* الرياض - فوزية الحربي:
نفى المساعد للشؤون الإدارية والمالية بالإدارة العامة للتربية والتعليم محسن البقمي ما تناقلته الموظفات من إعادة إجازة الأمومة إلى ستين يوماً، موضحاً أن قرار مجلس الوزراء هو المعمول به وذلك من تاريخ صدور القرار في 15-5-1426هـ، وجاء فيه منح الموظفة اربعين يوماً إجازة أمومة براتب كامل ثم خمسين يوماً براتب كامل لكن وفق تقرير طبي من المستشفيات المعتمدة يبين حالة الأم ومولودها. وعن إجازة رعاية المولود التي تستطيع الموظفة التمتع بها ثلاث سنوات من تاريخ الولادة بربع الراتب، أوضح ان هذه الإجازة لها ضوابطها والتي تهتم بالدرجة الأولى بألا تربك العملية التعليمية أو تؤثر على الطالبات، مشيراً إلى أن هذه الضوابط مربوطة بالموافقة المسبقة عليها وتأمين بديل من قبل الإدارة ومن ثم اصدار قرار هذه الاجازة، وفقاً لذلك فهناك استمارات سيتم توزيعها على المدارس وذلك لتسهيل العمل. وزاد: أما الإجازة الاضطرارية فهي خمسة أيام خلال العام.
وعن التساؤلات حول كيفية تمتع المعلمة بجازة رعاية المولود وهل يحق لها التمتع بها بأثر رجعي؟ ذكر البقمي أن الإدارة خاطبت ديوان الخدمة بهذا الشأن حيث طلبنا شرحاً كاملاً لتطبيق هذه الإجازة ولم يصلنا رد حتى الآن.
الجدير ذكره ان الإدارة تعد حالياً دليلاً جديداً للاجازات بعد تعديلها وستزود به المكاتب والمدارس حيث سيتم خلال الدليل شرح لكافة الأمور المتعلقة بالإجازات.


صورة مع التحية للاخت شقردية