حريمنا لاطبخ ولانفخ .. نوم وفلاح !!

[oخساره تضحياتيo]

اخوي موب كل الحريم والبنات سوا

ولله الحمد انا ماهره بشغل البيت والمطبخ

واتفنن بعد

وبعدين المراءه بانوثتها موب بالطبخ شكلك جوعان وانت تكتب الموضوع


ومافيها شي نتابع الموضه ونهتم بانفسنا مادام ماقصرنا بالبيت

وشكرا على موضوع

[~§(عطر الحكي)§~]

لا أبشرك مشغولين بشباب الأمه

يحلون قضيتهم الكبرى (التدخين وغيره)

[ثامر الناصر]

شكرا لكم ..

مجنونة بس حنونة

اقتباس: انا اعرف وحده عندها ماشاء الله 8 عيال ولا واحد فيه خير وجابت ولد الدراهم لا خلا ولاعدم

انتي تقولين وحده يعني مو كل الناس كذا والناس ماهم مثل بعض واصابعك ماهي مثل بعض .. صح انا عممت على الحريم كلهن بالموضوع لكن اقصد حريم هالوقت بالفعل ..

اقتباس: لا قلنا لكم شي قلتوا مانيب سواق اجل حنا بعد محنب شغالات عندكم؟؟؟؟؟؟؟؟

اختي كلن مهيئ لما خلق له واذا شفتي شي من الشباب اكتبيه انا هذا شي مشاهد عند اكثر النساء بوقتنا ..

خسارة تضحياتي

اقتباس: اخوي موب كل الحريم والبنات سوا

ايه ادري اختي انهم ماهم سوا ( فاتورة ) لكن انا اقول بنات هالوقت الاغلبية منهن كذا الحقيقة

اقتباس: وبعدين المراءه بانوثتها موب بالطبخ شكلك جوعان وانت تكتب الموضوع

والله تقدرين تقولين اني جوعان .. لكن اختي الطبخ يعتبر من مسائل الانوثة وخصوصيات البنات

اقتباس: ومافيها شي نتابع الموضه ونهتم بانفسنا مادام ماقصرنا بالبيت

هذا المطلوب اهتموا بكل امور النساء لكن بشرط عدم التقصير بالامور المنزلية ولامانع من ذلك

عطر الحكي

لا ان شاء الله بهم الخير والبركة ومشاكل الامة لاهلها هههههههههه

ودمتمـ

[رودي]

أنت اول خل الزوج يجلس في البيت
وذيك الساعة نشوف هي تطبخ له الزوجة وإلا لا؟؟؟؟

[سافانا بريدة]

السلام عليكم ورحمة الله وبركاته
والله الصراحة محد راضي إذا تزوجت البنت شاب وهي تعرف تطبخ أكلات أول صار راعي مطاعم ومايحب [blink]الأكلات القديمة[/blink] وإذا تزوجت شاب يحب هالطبخات صار من ردى حظها وقرادتها إنه يحب الأكلات القديمة والشعبية وما فيه حل لهالمشكلة وترا الدنيا مازالت بخير بس وين اللي يستاهل

[مـ1يهـ1ب]

السلام عليكم ورحمة الله وبركاته

اخوي العزيز سلطانكو انت تقول حريم منول

حريم منول بعد يابعدي تولد وهي تحصد بالحوض وترجع ثانيه تكمل حصاده

اخوي منول الخبز 8 بريال الحين 4 بريال يعني لكل زمان ناسه ومعتقد انه البنات مايعرفن بالمره اكيد يخبصن اول مره ثاني مره ثالث مره بالرابعه يحوووووووووووووفنه ويطلع وش زينوه

اتمنى لهن التوفيق بالدنياء والاخره

[ريــــــــــانه]

السلام عليكم ورحمة الله وبركاته

والله موضوع رائع فاتن المشاركه فيه


بس تصدقون سمعت ان الرجل اذا اتقن الطبخ احسن من اطبخ طباخه بالعالم


وبعدين من قال ان المراءه يجب عليه تطبخ للرجل او من الحقوق الواجبه عليه اتجاهه ......
بس اذا اطبخت لزم يعرف الرجل انه احسان منها له

وسلامتكم

[شوكار]

[all1=CC3366]السلام عليكم [/all1]
مع احترامي انا ضد هذا الموضوع عن المرأه لان هذا فيه تعميم
ممكن هذا الكلام ينطبق على بعضهم مو كلهوم .
انا شخصيا اطبخ وانفخ .
بس بعض الرجال ما ينضرون للاشياء الحلوه بس ينضرون للاشياء الناقصه
[movet=right]وشكرا[/movet]

[ثامر الناصر]

شكرا لك من شرف موضوعي البسيط ..

رودي

اقتباس: أنت اول خل الزوج يجلس في البيت وذيك الساعة نشوف هي تطبخ له الزوجة وإلا لا؟؟؟؟

وش دعوا وانتي شايفتن الازواج ميجلسون بالبيت بالعكس هم يرغبون بالبيت اكثر من النساء اللاتي يحببن الخروج لخارج البيت طبعآ والزوج يعلم لكن مايحبن المكوث بالبيت كثير !


سافانا بريدة

اقتباس: وترا الدنيا مازالت بخير بس وين اللي يستاهل

اختي الغالية شاكر مروركم .. وبالعكس الرجال والنساء بهم الخير واكثر رجال هالوقت يقدرون شي اسمه طبخ بيت وخاصة اذا كان من الزوجة انتم اطبخوا وشوفوا ههههههههههه

مايهاب

اقتباس: ومعتقد انه البنات مايعرفن بالمره اكيد يخبصن اول مره ثاني مره ثالث مره بالرابعه يحوووووووووووووفنه ويطلع وش زينوه

لا ماعليك اكثر البنات يعرفن يطبخن والله لكن مايهتون اكثرهن للطبخ المنزلي ..

ريانة

اقتباس: والله موضوع رائع فاتن المشاركه فيه

الحمد لله انك شرفتينا الان واهلا بكي

اقتباس: وبعدين من قال ان المراءه يجب عليه تطبخ للرجل او من الحقوق الواجبه عليه اتجاهه ...... بس اذا اطبخت لزم يعرف الرجل انه احسان منها له

اختي الغالية .. المرأة اذا طبخت فهي تقوم بواجب بيتها وزوجها وليس بالامر منة ههههههه لها ولكن الزوج يتلذذ بطبخ زوجته دائمآ لماذا تمن هي عليه !!


شوكار

شكرا لك .. انا ماعممت وسبق باحد الردود ان قلت بنات هالوقت اغلبيتهن مايطبخن بالبيت انما مطاعم فقط

والحمد لله انكي لست من ضمنهن

ودمتمـ

[هامة حاسوبية]

[align=center]شوف ::سلطانكو المغترب::

أنا بقول رايي ويمكن البنات يزعلون علي

بالرغم من إني بنت ماأحب شي اسمه طبخ

ولا أدل درب المطبخ

إلا إن الحق يقال

وهو إن الطبخ من واجبات المره

ولا فيه مانع إن الشغالة تساعده

لكن هذا مايعني إن الطبخ يصير كله على الشغالة

لأن هذا من وجهة نظري يعني إن المره ماله لازمه بالبيت

ويااااااااااااااااكثر المتزوجين الحين حالهم أردى من العزوبية

وانتهى كلامي وإن شاء الله مايصير فيه تهجم علي[/align]

[عيون الصقر]

شوف حبيبي ولد المغترب

انا عزوبي وبالنهاية زوج اذا الله عطاني عمر مستقبلاً وعند عقد القران ابشرط عليها انها ماتدخل المطبخ نهائيا انا ما احب ان زوجتي تدخل المطبخ ولا حتى تسوي الشاي ولا تسلق بيض اجيبلها بدل الشغاله ثنتين ويكفيني منها اذا قدمتلي كاس العصير ومعه وردة وجلست معي .. اكيد ياولد المغترب بتستغرب او تقول رومانسي زيادة عن اللزوم .. انا اقولك ، بحسب عقلية الرجل ومفهومه عن العلاقة مع الزوجه هو اللي يحكم هل انا اخذها عشان تطبخ وتنفخ كل النهار واقفه على رجل بقميص ريحتها بصل وثوم وعرقها سايح على وجهها ولا تسلم من تجديع الكلام عليها واتهامها باهمالي ، بالنهار خايسه ، وبالليل منهكه ، وطبخها يوم مالح ويوم ماصخ ، ويمكن اعايرها باختها او باختي اللي احسن منها .. او انا اخذت زوجة خالصة لي في وقتها واستعدادها ونشاطها وفيه بديل لها ينطق بالمطبخ بفلوس .. اصابع زوجتي مايلمسون القدور وبعد ساعه يجوني بليز سلطانكو ، ما ابغى اشم في ايدينها بصل ارجوك ياولد المغترب ، ما ابغاها تدخل المطبخ اكسر ساقها .. اللي اقبله منها فقط الاشراف من بعيد لبعيد وهي اللي تامر وتنهى .. برايي ان مسارح الزوجة في حياة الرجل اختلفت تغير شكل الاسرة تغير شكل العلاقة تغير نمط الحياة وطريقتها يعني اقرب طريق لقلب الرجل مو معدته بس هناك طرق عديدة ومتنوعه بالقلب والعقل هي المطلوبة في زماننا انا الاقي شغاله تطبخ او الاقي مطعم بس منين الاقي عقل وقلب ومشاعر واحاسيس وعاطفه هذولي مالهم بديل ولا يتوفرون الا بتهيأة الاجواء لهم بالدلال والحشمه والعز والمعزه والكلمه الحلوه والعشرة الطيبة اللي تستحقها باعتبارها زوجه بعيد عن الطبخ والنفخ عزيزي سلطانكو.

اتمنى فكرتي تكون وصلت .. ولك خالص الود والاحترام ولايهون كل عضو.

عزيزي الزوج // راقب شكل السلطه المقدمة لك من الزوجة اذا تقطيعها لمحتويات السلطة ناعم ومتناسق الحجم فتراها راضيه عليك لكن اذا كان تقطيع السلطة كيفما اتفق باحجام كبيره وصغيره وملخبطه راجع نفسك .. ازرق بالمذكورة لقبة رشيد خلها تتسوق ودور السلامة ترى احسن لك.

تحياتي .. عيون الصقر

[اريج نجد]

قارن كم امرأة مثالية وكم زوج مثالي
؟؟؟؟؟؟؟؟؟

[~ أميرة الورد ~]

اذا دخلنا المطبخ قلتوا ذولي مقصرات بحق رجالهن وما همهن لا تكبير كروش عيالهن
واذا ما دخلنا قلتوا ايه راح زمن الحريم وجاء زمن الدلع

بعدين انا ماقد شفت بنت ما تدخل المطبخ وتساعد على الطيخ الا بالمسلسلات الكويتيه

والحمد لله الشغاله عندنا ما تسوي الا الرز والدجاج والسلطه...قهر ما تعرف للحم ولا كان افتكينا من المطبخ

[رودي]

انا صادقة لما قلت خل الزوج يجلس في البيت أول
لأنه اتحداك تلقى زوج هالحين يجلس في بيته ثلاث أو اربع ساعات
الصباح في الدوام والظهر نوم والعصر طالع وبالليل يامع اصدقاءه باستراحة أو يلعب كورة او رايح للتدريب أو عنده شغل أو معزوم
هذا غير إنه كل يوم له طلعة.. اليوم طلعة اصدقاء العمل وبكرا الجيران القدامى واللي بعده اصدقاء الدراسة واللي بعده مع اخوته واللي بعده مع العايلة واللي بعده اصدقاء الدورة وهكذا ..
وانا مااتكلم من فراغ .. أشوف زوجي وإخوتي وأزواج خواتي .. وأخوان زوجي .. مايجلسون نهائيا في البيت إلا للنوم الظهر وبالليل وبس ..
إلا بعضهم تعتبر وجبة الغداء وجبة رئيسية فقط

[راعي الملحاء]

سلطانكو
من العايدين

تبي الراحة والإنسجام بعد والتهميز
تبي النفس الحلوة
تبي الوناسة اللي أنت خابر
خذها مني نصيحة وابعد عن راعية الديرة اللي ما وراها .. إلا هات وجب ... ودنا وجبنا

والا طلبت حقك فهي تعبانة ...

عليك بنت النيل المصرية ..0. وابعد عن السعودية والسورية ... .... إن كان تبي الراحة ميه بالمية