الزوجة الثانية هل هي نزوة ام حاجة

[سحر الورد]

اقتباس: المشاركة الأصلية كتبت بواسطة modern من اكثر الامور اللي نستغلها بأسم الدين تعدد الزوجات المصيبة لما يبرر تعدد زوجاته بتطبيق قول رسول الله صلى الله عليه وسلم (تزوجوا فإني مكاثر بكم الأمم) الحديث احد الاشخاص اعرفة شخصياً كل يوم لة زوجة سعوديات ياكثرهن واللي صامل منهن 2 اما الخانتين الباقيات كل يوم تحل فيها جنسيه وغالباً ماتكمل سنة الا وجنسية ثانية حاله مكانها بلاد الشام ومصر والعراق وصولاً لبلاد شنقيط مروراً بالمغرب العربي اخيراً تم الاستقرار ببلاد في اندونيسيا طبعاً اشي مسيار اشي مسفار اشي شرعي اشي عرفي وكله بنيّه بيّنه وهي نيّه الطلاق حتى لو لعب على نفسه وحاول يلعب علينا ،،

ياكثر المفسدين في الارض

ويمكن عندة عيال هو مو بداي عنهم الله يصلح الحال بس


شكر

اقتباس: لاتطلبين بخلفة لاتطالبين بحقوق لاتطالبين بدخلة وخرجة ولو ماهو عاجبك الباب يفوت بعير شروط الزواج الثاني ...................؟؟

اجحاف بس لعتب على اللي توافق
شكرا

[سحر الورد]

اقتباس: المشاركة الأصلية كتبت بواسطة ركان ههههههههههههههههههههه شر البليه مايضحك اذا انا غضبت من زوجتى وش ذنب الزوجه المسكينه اللى أبأدب فيها زوجتى الاول !!!!!!!!!1 وين أهل العقول

نفس تعجبي !!!

العقول امام النزوة في اجازة

[شاها]

والله الغالب فسق يمال الصلاح
وهذا الواقع تلقى واحد مرته ماتجيب عيال راح يجرب واذا حملت طلقه الثانيه والثاني
بينهم خلاف ويقاله ابيربيه والثالث فشخرة قدام ربعه وخر عنه قده وقدود
والرابع من كثر مايحنون ربعه فوق راسه قال نجرب وماله واذا ماعجبن هوينه نطلق والسلام
وبالاخير المراة هي المظلومة لكن ربي مايضيع حق احد يمهل ولايهمل سبحانه
والحساب قدام..

[سحر الورد]

اقتباس: المشاركة الأصلية كتبت بواسطة التنين الصيني طيب .... حب الرجل عقلي .... يحب صفات معينة لذلك يحب في الأولى جمالها .... و في الثانية معسول كلامها .... وفي الثالثة حسن " ....... " <<< مشفرة وفي الرابعة لطيف افعالها .... فإن احب خامسة <<<< فهو مجرم واكتبي عليه السلام اما المرأة فـ حبها عاطفي , ان احبت صفة في زوجها احبته كله .... سي يو .... الموضوع عن الحب ولا الزواج .... !

شكل الزواج عند الرجل انواع واشكل واختار وبدل

الموضوع عن حب الرجل لنفسة

شكرا

اقتباس: نادر الشباب يتزوجون ثنتين...يمكن اول وقت ابوي وجدي ...صح كانوا يتزوجون وحده... وثنتين ...وثلاث ...

متعالية جدااالله يرحم الاجدادنا
المهم انو اللي مو كفوا زوجة ثانية لايوهق عمرة
ويظلم بنات الناس
واحدة افضل له ويحمد الله ويشكرة على النعمة
شكرالك

اقتباس: يقول المثل الشعبي ( عساها بحملها تثور ) بمعنى .. الناقة الباركة تنهض بحملها بصعوبة ، فما بالك لو زدناها أحمالاً أخرى !

بندر
ياليتهم يفهموا هولاء ان المثل ينطبق عليهم قبل ما يتزوجوا
عساهم بواجباتهم يوفون
شكرا لك

اقتباس: انتي بس دلينا على هاللي يوافقن تصير زوجه ثانية ويسهل الله والله مهيب ظاهرة هالحين الوحدة تبي تصير مكوشة على الرجال والغريب عندبعض الحالات ان بعض الحريم معطيتن رجله ركبه واذا تزوج عليه زوجه ثانية تغيرت وصارت ماهنا ازين منه

زنقازنقالا اخوي اخاف تطلع مثلهم واسبب تعاسة للغير بعدين انا مو خطابة

اقتباس: والغريب عندبعض الحالات ان بعض الحريم معطيتن رجله ركبه واذا تزوج عليه زوجه ثانية تغيرت وصارت ماهنا ازين منه

الخطاء مشترك بين الزوجين اتمنى ان تحل مشاكلهم بعيد عن الزوجة الثانية


الله يوفق الجميع
شكرا

اقتباس: اصلا الزواج بنيه انه يطلقه اعتبره زنا صريييييح يعني بدل الخساير يدور له داشره بااحدى الديار ولا يلعب على خلق الله

مريااان
الزواج بنية لطلاق افتا فية الشيوخ انو حرام
اما داشرات لا مو الكل البعض تزوج بنات ناس محترمات ودين وخلق لم يسبق لهن الزواج ووثقوا فية لكن لم يكن كفوا ومحل للثقة
شكرلك

اقتباس: شفاحه فقط لاغير مايدري انه كم شهر ويمل منه مثل مامل من الاولى على قولته ,, عاد يالله ابلش بالثنتين

فديكاا بريدة
مايدوا اصلا وش هو يريد
بس يعرف يقول طالق وانتهت البلشة
شكرا لك

اقتباس: كل رجل تزوج زوجه ثانيه له اسبابه ..ليه حاصرينها حضراتكم جميعا لـ سبب فقط واحد وهو انه رجل لعاب او انه يؤدب الاوله ...وتمدحوا في الاوله وانها ام عياله وانها مهما كان هو لها وهي له ..!!! مجرد يتزوج زوجه ثانيه بعد هي ام عياله الثانيه ..؟؟ عيالها اللي تجيب من عياله ..؟ ومين هو شريك حياتها وزوجها ؟ الرجل مو ملك لزوجته الاولى ابدا اذا له عنده ثنتين...متى تتفتحوا يا هالفئه اللي هذي نظرتها للزوجه الاولى اللي لها ضرة ..؟ والرجل المعدد اللي هذا اعتقاده وشغله فهو رجل متخلف فاشل ومصيبة على راس هاللي موافقة عليه وراضية يكون شريك حياتها وولي امرها وابو عيالها اللي مالها في الدنيا بعد الله غيره . وهو له مره قب

هلا


تحدوها البشر
اختى للي تزوج وهو صادق في زواجة وليس مجرد نزوة وتنتهي بطلاق
او لااجل تاديب زوجتة هذا مو موضوعنا يا اختى
احنا نتكلم عن اللي تزوج من ثانية بسبب تاديب زوجتة الاولى او نزوة وحب التجديد
بعدها يطلقهااااااا هذا الموضوع فقط
شكرا لك

[سحر الورد]

اقتباس: 8 تحدوها البشر كلامك جميل جدا الله يهدي بعض الرجال خربوا على الباقين

باسم الثغر
حددنا نقطة الموضوع

مو الكل اللي تزوج ثانية كانت نيتة طيبة او كانت خبيتة
لكن قصدنا الاخير في الموضوع
والصراحة اصبحت الزوجة الثانية مجازفة
شكرا لك

اقتباس: ليس صحيح ان من تزوج ثانيه قصده ياْدب الزوجه القديمه وليس صحيح ان مقصده التغيير،،الرجل بطبعه يحب ان يكون محور الاهتمام والرعايه من قبل المرأه من جميع نواحي حياته،واذا احس بأي نقص او همال من قبل زوجته اغلبهم لا يحتمل فيبادر بالبحث عن ثانيه، فمنهم من يكتب له التوفيق فيستمر ومنهم العكس،، ومنهم من يندم على زواجه الاول وسنينه التي ضاعت بعدما يتوفق في زواجه الثاني،،والامثله كثيره في مجتمعنا الذي يكثر فيه التعدد بشكل ملفت للنظر،،حيث نجد الاغلبيه منهم ترك الاولى وتوجه للأستقرار مع الثانيه ،،او انه يقضي معظم وقته عندها اما من يتزوج بنية الطلاق فهذا لم نسمع به الا في المسفار وكل واحد يتحمل ذنبه

يكفني حنانك

بل يوجد من يريد الزوجة الثانية لتاديب زوجتة الاولى ويوجد من يريدها للتجديد والتغيير فقط بعدها يطلقها
انا ماجبت شيء مو موجود في المجتمع يمكن مو حولك
واتمنى ان يكون ليس هذة ظاهرة او حتى انها موجودة لو حالة واحدة
شكرا لك

[سحر الورد]

اقتباس: الحب الاول تجربه والثاني اكتشاف والثالث والرابع هبال ؟

بدر
قصدك الزواج
الحين صار الاول اكتشاف وتجربة والثانية هبال وجريمة

شكرا لك

اقتباس: على حسب يعني يختلفون باختلاف الليل والنهار منهم المحتاج مثلي هههه . ومنهم العاب مثل واحد مابي اذكر اسمه . واحد للطرب والونسة وكم شهر مسرحه . و الاسباب تطول وتعرض بس ذكرنا هذا باختصار فلا نحكم بحكم مطلق تشكراتي لك عساك ماتصيرين ثانية تسانك ماصرتي

ابو ميار

طبعا يختلفوا اختلااف الليل والنهار
لكن اصبح المحتاج نادر واللعابين كثر وانت شهدت على بعضهم
لا تتفاول علي اخي يارب اكون الاولى والاخيرة
كتبت الموضوع لعيون بنات صغيرات اصبحن مطلقات بسبب زواجهن كزوجة ثانية من الغير كفوا
شكر لك
الله يوفقك مع ام ميار

[سحر الورد]

اقتباس: الا الزوجة الثانية’’’’’’’’’’’ ياربي عاد من هالرجاجييل مايملي عيونهم الا كيس سمنت وجع حبو زوجاتكم وحدة’’’وخلو معكم قنااااااااااااااعة

قلب السكر

ربي حلل لهم اربع لكن هم احتاروا هل يتزوجواوبتحملوا المسولية
او يكتفوا بواحدة
فوجدوا الحل انهم يتزوجوا وبعد مدة بطلقوا لله يهدي الجميع

شكر لك

اقتباس: والله الغالب فسق يمال الصلاح وهذا الواقع تلقى واحد مرته ماتجيب عيال راح يجرب واذا حملت طلقه الثانيه والثاني بينهم خلاف ويقاله ابيربيه والثالث فشخرة قدام ربعه وخر عنه قده وقدود والرابع من كثر مايحنون ربعه فوق راسه قال نجرب وماله واذا ماعجبن هوينه نطلق والسلام وبالاخير المراة هي المظلومة لكن ربي مايضيع حق احد يمهل ولايهمل سبحانه والحساب قدام..

هوارة
صحيح هذا هو للي حاصل
والحساب قدام
اشكرك هوارة

["غرك غلاك"]

يمكن مارتاح مع زوجته وما يبي يطلقها اما رحمة بها
أو عشان العيال أو يتوهم انه صايبته عين ويبي يجرب..هههه

[حـــكآآيـة رجــل]

.


ضربتين بالراس توجع

اتوقع والاغلب يكون غير مرتاح مع الاولى
لكن اللي يقدر وعنده استطاعه يعدل بينهم وقدره ماديه ياخذه الثانيه

[هلاوين]

اقتباس:  المشاركة الأصلية كتبت بواسطة سحر الورد     ابو ميار طبعا يختلفوا اختلااف الليل والنهار لكن اصبح المحتاج نادر واللعابين كثر وانت شهدت على بعضهم لا تتفاول علي اخي يارب اكون الاولى والاخيرة كتبت الموضوع لعيون بنات صغيرات اصبحن مطلقات بسبب زواجهن كزوجة ثانية من الغير كفوا شكر لك الله يوفقك مع ام ميار

صحيح بس العابين معروفين اكثرهم من للي

دراهمهم تخلي ابو الضعيفة تضيع مراجه اذا فيه رجولة .

والله مايقهرني غير للي يبيع بنيته من اجل دريهمات يلعب بهن .

الله يسامحك ويهديك انا احرص منك على نفسك هههه

انا مادري وش انت من امرأة ودعيت لك بالتوفيق

وتمنيت الاتكوني ثانية

وهالحين اقول الله يجعلك الاولى والاخيرة >>خلاص لاتصيحين ههههه

ربي يسعدك ويوفقك

[نوره الجمعه]

السلام عليكم ورحمة الله وبركاته

المسألة مسألة حظ ونصيب من الله سبحانه
ولا ننكر أن هُناك قلة لا تذكر من أشباه الرجال يتزوج ويطلق للتأديب فقط
ويكون هُناك سبب آخر ك أن يكون لا انسجام ولا قبول من الطرفين فيقع الطلاق
وليس بالضرورة أن يكون تأديب للزوجة الأولى.
فهذا حق من حقوق الرجل.



مداخلة..............
لو كان للمرأة حق لما تنازلت عنه أبداً ولعكرت صفوا زوجها بكثرة ترديدها له
أنني تخليت عن حقي الشرعي والذي افرد الله به المرأة دون الرجل
وكما نشاهد أن المرأة أخذت من الرجل أكثر بكثير من حقوقها الشرعية
هدانا الله لأزواجنا ولأنفسنا ورزقنا طاعته وأتباع سنة نبيه المصطفى صلى الله عليه وسلم

سرني المرور

تحياتي

نوره الجمعة

[محماسه]

أنا أتوقع اكثرشي يخلي الرجل يتزوج من زوجه تانيه
هو من باب التغيير والتجديد

[الله معك يانصر]

المشاركة الأصلية كتبت بواسطة ركان



ههههههههههههههههههههه شر البليه مايضحك اذا انا غضبت من زوجتى وش ذنب الزوجه المسكينه اللى أبأدب فيها زوجتى الاول !!!!!!!!!1 وين أهل العقول







شفت ان بعض الرجال ماعنك احد لا صار معه قرشين قال ابعرس بهن يحسب العرس هوين ولا لا صار فيه مشاكل مع زوجته الاوله قال ابعرس عليك يقولون مايأدب المره الا المره ولا تصافوا رجع له وسهج الثانيه والضحيه الثانيه المسيكينه

[شـقـآوي]

من يتزوج من الثانيه تأديب للاولى هذا
مافيه من المراجل ذره ..

اما أسباب زواج الثانيه هذا من سبب الفتاوي الذكوريه

اللي تدعم الجنس الخشن بكل حته
اهم شي يطرب نفسه
من مسيار
ومسفار
و نسيت وش الثالث حق المبتعثين

قمه المهزله واستخفاف بالمرأه مثل صاحبنا اللي بالرد الثاني

يقول مثل الجوال تغيره ؟

ردود تصدمك بتفكيرهم الرآئـــــــــع

[ولد الديره]

الله يجيب الفلوس بس !!!
نزوه رغبه المهم انه كل يوم اصير عريس ولو هن ثلاث ياسلام كل واحده بعد يومين تشتاقلي واعيش في سبات ونبات واخلف صبيان وبنات