هـــل تــمــتـــلك/ي (فــن التــنــازل وشــجــاعــة الإعــتــذار)؟؟

[الفتى السمنسي]

مادري ليش كل مانتقدم تكنولوجيا وعلميا تموت صفات حميده كنا نتصف بها وبشكل شامل .
في السابق حيث الحياة البسيطه كان الناس يتسابقون على المعاني والصفات السامية لكي يتصفوا بها كالشجاعة والكرم والحلم وتفريج الكرب وغيرها .
إلا أن هناك صفتين أعتقد أنهما على وشك الزوال وهما صفة (التنازل وشجاعة الإعتذار ) .
التنازل فن لايجيده إلا العظماء والكبار لأنه مرتبط إرتباط وثيق بحجم الثقة بالنفس والتي يتمتعون بها ومن هذا المنطلق نجد أن الــ (التنازل) في مجتمعنا لايلقى قبولا وغير مرحب به بعد أن رحل العظماء والكبار وأصبح غريبا وسط مجتمع لايفكر سوى بالماده وبس .
كثيرا مع الأسف نسمع عن قطيعة بين (أخ وأخيه) إمتدت لسنوات بسبب عناد كل طرف ولأنهم لايجيدون فن التنازل وصلوا لهذا الطريق المسدود.
كذلك كم من أسرة تشتت شملها بسبب عناد وإصرار كل من الزوج والزوجه على موقفهما والنتيجة تشرد أبنائهم ولو كانوا يعرفون ماهية التنازل ومكانتها في الدين والشرع لما تشردوا وتفرقوا .
نصيحتي لكل فتاة وشاب أن يتقنوا فن التنازل ويتعرفوا عليه حينها سيعيشون حياتهم في سعادة غامرة .
كذلك هناك صفة أخرى تم تهميشها خصوصا بعد التطور ورغد العيش أصبح (الإعـــتـــذار) ضيفا غير مرحب به لأنه تم تصنيفه حاليا في سلم (الضعف والذل والهوان) ولهذا نجده قد إختفى من حياتنا إلا قليلا .
لماذا لاتتنازل لأخيك أو أختك أو زوجتك حتى تنقذ حياتك من الدماروغضب الله؟؟
لماذا لاتعتذرون لمن أخطأتم في حقهم ؟؟
هل هو الكبر والغطرسه هما سبب ذلك؟؟؟
لاتنسون ياجماعه هالصفتين (التنازل والإعتذار) ركنان أساسيان لبناء أسرة سعيدة كذلك ركنان أساسيان لبناء العلاقات مع الناس وكسب قلوبهم .

[شوكولاته بنات]

شكرآآآآآ اخوي على الموووضوع الرائع
لاتنسون ياجماعه هالصفتين (التنازل والإعتذار) ركنان أساسيان لبناء أسرة سعيدة كذلك ركنان أساسيان لبناء العلاقات مع الناس وكسب قلوبهم .


فعلآآآ انا تفراقت انا وصديقااتي الي معي من اول ابتدائي بسبت الكبرياااء الي بغير محله والحييين انا ندماااااانه ولخطيت على احد على طووول رحت واعتذرت اتمناااا انكم تستفيدووون من قصتي


تقبل مرووري

[دِيم]

تعلّم القيم النبيلة في هالوقت صار قليل ..
انفصال الأجيال عن بعضها خلّى هالجيل يفكر من كيفه ويتصرف من كيفه ..
جيل طايش وضايج .. ومايعرف يجلس عند الكبار
/
وإلا مافيه أحسن من رخي الراس للي يستاهل .. والتغابي ..
والعذر لمن يستحق العذر ..
السيادة ماتجي بالعصبية .. والوقوف عند الطفاس ..
يووه .. يبي لها حيل جمل ...
تحمل وصبر , وتغاضي .. وقطع ووصل ..
خصوصاً للرفيق أياً كان ..: أب ., أم , صديق , زوج , ولد ,
العذر مستحيل يتقنه هالطقطق اللي توّه طالع ..
يحسبون المواقف : .. خوي عقبني بالمجلس وإلا وحدة ردت علي بالدوام ..

[نسمة ايمان]

الاعتراف بالخطأ فضيلة
صحيح اللي كتبته اخوية الفتى السمنسي
كثيرا ما نشاهد ناس تخطأ بحق ناس وترفض الاعتذار وهذا كله طبعا بسبب التكبر و عزة النفس لانهم يضنون انه بالاعتذار راح يخسرون عزة نفسهم بينما العكس هو الصحيح كلما اعترفنا بخطأنا و اعتذرنا نحس براحة نفسية وجسدية ونحس بانه جبلا كبيرا انزاع من صدورنا

وشكرا جزيلا على الموضوع ..

[الفتى السمنسي]

اقتباس:  المشاركة الأصلية كتبت بواسطة شوكولاته بنات     فعلآآآ انا تفراقت انا وصديقااتي الي معي من اول ابتدائي بسبت الكبرياااء الي بغير محله والحييين انا ندماااااانه ولخطيت على احد على طووول رحت واعتذرت اتمناااا انكم تستفيدووون من قصتي تقبل مرووري

فيه الآلاف من حالتك وخسروا اعز الناس سواء أخ أو أخت أو زوجه أو صديق مخلص بسبب الكبر والغطرسه .
الحمدلله الإعتذار من شيم المسلمين والتنازل ايضا فلماذا لانتحلى بها في حياتنا .
مع الأسف أن هناك ناس عليهم الشرهه اساتذه في الجامعات والتعليم العام وينصحون ويرغبون بالإعتذار والتنازل وهم في الحقيقة لايطبقونها إطلاقا ..مجرد ببغاوات مع الأسف . اشكر مرورتس

[وضوح]

اقتباس: هـــل تــمــتـــلك/ي (فــن التــنــازل وشــجــاعــة الإعــتــذار؟

نعم ......


وأقول قبلها للأسف

[ماهي من البشر]

ياالله الى الآن الناس مااستطاعت ان تتعلم كيف تعتذر وما اثر ذلك على النفس بين المتخاصمين , وانا جالسه اتعلم كيف لااخطي
اللهم اني احمد واشكرك

[قـتـالـه]

والله يابعض الادميات ان الاعتذار لهن نوع من ارتكاب الحرام !
ودك تخطي بحقهن لين ينفخ بالصور
ولاتعتذر

[نبض قلب]

مستحيل يمتلك هاتين الصفتين من كان في قلبه مثقال ذرّة من كبر 0

[هلاوين]

الاعتذار ليس بعيب

العيب بالقطيعة والهجران بين الاخوان والاصحااااااااب .

عن نفسي اقدم عتذاري لمن اخطأت عليه دوما .

[ونة خفية]

أنا فاضيه اعتذر علشان افتح علي ابواب جحيم كانت مغلقه
بس حنا يالسعوديين متعودين مانعتذر بشكل رسمي مباشر
اعتذارنا يكون بشكل غير رسمي ومن دون أي نقاش للخلاف السابق .

[نـدى الـورد]

من تالي صايرن مصلح إجتماعي

لايكون سرت على ركب زين نجد هه

عموماً

كلامك صحيح مائه %

وياليت فعلاً يعي الطرفين لهذه الصفتيين

,

[شهــــــــــــــــــد]

متى أخطي عشآن اعتذر وأجيك آعطيك أجآبتي

[فتاة غير]

أنا مستحيـــــــــــــــــــل أعتذر حتى لو غلطت

أتمنى يكون عندي شجاعة إعتــــــــــــــذااار

[لحن المشاعر]

اقتباس:  المشاركة الأصلية كتبت بواسطة وضوح     نعم ...... وأقول قبلها للأسف

والله انك صادز قسم بالله

للاسف للاسف نعم

قسم بالله فيه ناس ماتستاهل

وبذكر لكم موقف

صار لي حادث .. والغلطان الطرف الثاني

ماقلت شي قلت الحمد لله على السلامه وقلت بدق ع المرور يعطينا اوراق اصلاح

والرجال يهاوش ويدهر ويدعي ويقول ماتشوف والله ماسامحك

ووصلت انه بغى يمد يده بغيت انشب كوعي بخشمه .. بس مشكلته كبر ابوي

اجل لو انا قايله لا مانب مسامحك ؟

لا واللي يقهرك كل ذا ان الضرر بسيارته اقل مني [ سيارته قديمه شوي وحديد ]

وسياراتي والله شكلها يضيق الصدر وراحت نص فلوسي اللي مجمعها

المهم يوم جاء المرور طبعا الغلط عليه 100%

تنازلت .. ولازال يعتذر اعذار اقبح منه

بعد ماقالي تبي شي المرور .. قلت ابي ورقه الاصلاح

قال ترا تقدر ترفع عليه قضيه انه تعرض عليك وتبي تستفيد منها

اسكتت واخذ الورقه واستآذنت ودقيت على راعي سطحه اعرفه وحطيتها عند الوكاله

وشالو سيارته حجر بما انه قاطع اشاره

وصارت لي اكثر من مره

بس تقريبا بعد الحادث بديت اقول بنفسي والله ما اسامح واتنازل الا للي يستاهل

هذا بالنسبه للتنازل

اما بالنسبه للاعتذار

دامي مخطي انا ... اكيد بعتذر بآي طريقه

واهم شي توصل

اما اذا كان احد مخطي علي

والله ماراح ولا جاء عندي .. يبي يعتذر حياه موب معتذر كآن ماصار شي عندي

بس المعامله معاه تختلف عن اول بكثير

وعلى حسب الخطآ طبعا

اذا كان خطآ كبير يمكن ما اسكت عليه