تويكس وأيام النكبـــــــــــــــــــــة ...!!

[" TWIX "]

[SIZE=4]يركدون..[/SIZE]

اقتباس: وش هالبنات الي يلعبن ملاحق ومغبا وسباحه ببرتسه نصه شباء والله من الطقوق والجروح والندوم تسان عندي عرف هه هالموضوع طلع المستخبي يالله سترك

الله يجزى مراكز التجميل ومحلات التجميل كل خير ..
طمرن عوامل التعرية التي أجتاحت بناتنا وإلا كان البنات بمالحلات يباعن بزبلان
أو أشتر واحدة وثلاث مجانا .. أو لا شريت بيبسي عطوك وحدة هدية ..

[" TWIX "]

عــذبة ..

اقتباس: تششششش وانا من اشوف رمزيتك يطيح قلبي واقول وش هالشاب الوسيم اللي رموشه واصلات جبهته من الزين والكشخه .. باين انه ولد عز من صغره ولا قد مرت عليه نسمه حاره .. صارت هذي علومك يوم انت جذع .. !! الراس بريق شاهي والصديقه عنز واغلب وقتك بصندوق داتسن خلاص تراني هونت ..

لا يغرك إن جالس في طرف الددسن وخام العنز والشمس تدبغن تحسبين أني شيفة
لا والله أعجبك أقوطر عسل بالكاتشب ..
عذبة .. أنا مووووت وشعري ناعم وعيوني تقل عيون بقرة جيراننا ( والله يا عليها عيون أكالبقرة )
وبشرتي بيضاء حتى أحيانا أروح لأحد نفد الخبوب ودرجة الحرارة 56
آخذ حمام شمس .. لا قمت أشوف بشرتي تقل قرطاسة سميت..
مثل ماقلت لك أنا موووت لكن التوقيت الزمني ما خدمنا من طلعت للدنيا
ما أشوف إلا عمي وعنزه وددسنه ..
يعني ما فيه أحد يقدر الجمال .. أنا أتوقع لو أنا طالع في وقت شباب الأندومي
كان فتي الغلاف في أي مجلة .. وفي أي توقيع يلف حولي بيت شعر من الوزن الثقيل .. وصورة رمزية بالمنتديات ..
وصورتي في شنطة أي بنت .. وأسبق أي بنت قبل نومة في التفكير ..
لكن حسبي عليك من عم ما تقدر الثروة اللي بين أياديك .. انا أشهد أن عمي
جت فرصة العمر لكن فوتها على نفسه وإلا الآن كان يلبس نظارة شميسة
من الفلاشات بسبب ولد عمه ( تويكس )

[" TWIX "]

جناااات...

اقتباس: لالالالالالالالالا بعد ياتويكس مبزرة المتوسط مايبون نجاحه ايبود الايبود للبزارين الي بالابتدائي هم لهم الايبااااد <<<< الله يالدنيااا يوم حنا كبرهم ياااااااااطعم الخمسه نجاحتناااا من عمي عاااااااااااااااااد تصدق جيل هالوقت والترفيه الزايد عن حده قتل برائه الاطفااال

الآي بود لمبزرة الابتدائي ..!!
أجل وش يبي هدية عالم الذرة ..؟!!
أنا .. وهو أنا يوم أنجح من المرحلة المتوسطة للثانوية حطيت حفلة لشلتي وهي عبارة كيست رز بخاري ودجاجة ع الفحم ء من برادة المسجد ..
الله يعين أهاليهم بكرا
أتوقع اللي في الابتدائي لا نجح من الابتدائي للمتوسط يبي طيارة هليكوبتر.. وإلا مو مكمل دراسته ..
الأهل يجنون على أنفسهم وعلى بزرانهم دون ما يدرون .. لأن بهذه الطريقة يقضون على ما كله
جميل ولا يجعلون الولد يتمنى ولا يجده .. بل أصبح كل ما يطلبه كأن بين يديه الأبريق السحري
بس ( شبيك لبيك ) وثواني وكل شي قدامه ..!!

[" TWIX "]

الأرجوانة ...

اقتباس: هههههههه تويكس صراحه اعذرك ، اجل صلعتك صايره تقل بريق وين اللي يقولون زمان اول احسن من اللحين شقى + شقى ، وش زينن به !!!

أرجونا ..
شوفي الإنسان يزهد فيما بين يديه ويطمع لما هو ذاهب أو ما سيكون
طفولتنا .. أحسها نكبة من ضمن النكبات التي مني بها العرب لكن رغم عظم المأساة
إلا أن البعض ما زال يكابر ويعدها أيام عسل وأنس لا يعوض ...!!
أنا عشت طفولتي ماكد تدلعت على أهلي أبدا .. كأنني داخل زنزانة أوامر وطاعة عمياء من قبلي ...!!!

اقتباس: بس زينة موضوعك طلع المستخبي > تقراء ذكرياتكم ومتسدحه ضحك كل يوم نزل موضوع الصبح مادام فيه فضايح

أنا وراه .. وراه .. هالزمن والتاريخ المعفن بفضّح بأم أمـه ..

[" TWIX "]

O 2....
<B>

اقتباس: ماضي معفن ( حرام عليك .. ! )

اقتباس: وعلى الأقل لدينا ماضي ولسنا مثل أمريكا التي هي بدون ماضي ثم أن ماضينا هو نتاج بيئتنا وماهو متاح لدينا من خيارات فـــ أنت في صغرك كان ( صندوق الدتسن ) هو بمثابة ديزني لاند والعنزة التي تحتضنها هي بمثابة ( قطوة شيرازية )

</B>

الله يقطع شيطانك ..
كلامك هذا مثل اللي يقول أحسن الله عزاك ..
معي علم من علو أخلاقك وأحساسك فيني ومدى تعاطفك
لم تجدي ما تقولين من هول ما قرأتيه عن طفولتي وقلتي هالكلام
لتخفيف الصدمة ..
لكن بطمنك عمي ما غيره أبو عنز فوشية ..
شايل قلبي وحاط حصاة بداله وأصبحت منعدم أي أحساس ولا عاد يمر
علي لحظة أتأثر صاير أمشي مع العالم بلياحساس ..

اقتباس: مجرد أستفهام ... ؟ ماضي الأخرين من الشعوب الأوربية وامريكا اللاتينية يجذبنا في حال كنا في إحدى تلك الدول بينما ماضينا بما فيه من رقصات والعاب تجعلنا ( نبحث عن جلال صلاة نتغطابوه من الفشيلة )

وخاصة ماضي .. خلوها وطقته
بصراحة لا شفت القنوات غاصتن فيهم أعذر العرب يوم يعتقدون أننا بدو لم نفارق الجمل والخيمة...!!!

[الفتى السمنسي]

تويكس ,,مرة كان فيه واحد عنده مزرعه وفيها جح رهيب طعمه لكن راعي المزرعه شرس ونغل وخططت أنا وواحد من العيال نداهم المزرعه بالقايله والناس مقيله منها ناكل جح ومنها نصيد عصافير بخو الأثل اللي بمزرعة الشرس وفعلا نفذنا الخطه ودشينا بالقايله وعثينا بأربع جح من اللي يحبهن قلبك ويوم خلصنا قررنا نصيد مطايير بالنبيطه وفعلا جلسنا ندور بالأثل وفجأه مادريت إلا باللي يمسكن مع رقبتي ويعطين طراقات ويأخذ النبيطه والحصا اللي معي ويمسكن ولد النيص ويبدأ يضربن مع رأسي بالنبيطه حوالي عشر ضربات ويطلقن وأنا ارغي واصيح واروح لبيتنا وانا راسي يصب دم من الفلقات .
لكن المصيبه إن ابوي بعد يومين جاب المقص يبي يحلق رأسي .
ت×××××××××××××××××××××××××ويوم عرف ابوي بسالفة الجح والمزرعه اومير يكمل علي ويدبغن ذيك الدبغه اللي طعمها للحين اذا تذكرته اوجعن جسمي .

[تَمَرّدْ]

اقتباس:  المشاركة الأصلية كتبت بواسطة " twix "     تَمَرّدْ.. وش هالعمومة المتوحشين ..؟!! لكن لا بد فيه سبب من شيل سنونك .. يا أما أنك صايره تقل خرامة بأيدي عيالهم بس عضعضة أو أنك صايرة تقل ( كراش ) ـ اللي في السوني أول ـ أي شيء قدامك يآكله وهددتي الأقتصاد القومي للبيت ..!! فقالوا ما فيه إلا حل واحد وهو شيل السنون مع الحنتس .. تمرد .. لا تلومينهم أنتِ غالية لكن بقاء الجنس البشري للعائلة أغلى من سنونك وحنتس ..

قايله لك من زمان انك انت مطزاز او انك مطزاز

هذا هو اسلوبه تسني اشوفه مسجلينه بمقطع فديو حاط رجل على رجل ويعطي هالرجال من خرابيطه

وماتسمع الا الضحك

+

نرجع للموضوع ياويلك من الله كل عمري دابتن سليمه لا لي ولا علي

لا اهش ولا انش واباري الساس

وشلون اعض وهذي اوصافي

لا والله سلطه لله لايسلط علينا

موضوعك يهيل العقل

,’

[" TWIX "]

نرسيان ..

اقتباس: والله شكل أطفال المملكة قبل ثلاثين سنة او اكثر عاشوا نفس الظروف ووسائل الترفيه نفسها

لكن ما عاشوا مع طفرة البلاك بيري والآيفون وقبل يعدي المتوسطة كامري وإلا جيب ربع
كان الواحد خاط شنبه وجالس في طرف العاير يطالع باللي رايح واللي جاي ..

اقتباس: عموما اخ تويكس أطفال اليوم لو نحكيهم عن مغامراتنا ماتعجبهم ويحمدوا ربهم انهم ما اتولدوا في زماننا وهذا اللي صار مع اختي الصغيرة كنا نحكيها واحنا حزينين على طفولتها وكلنا فخر بأيام طفولتنا طالعتنا بعين مذهولة وقالت الحمدلله أني ماتولدت في أيامكم هذا واحنا كنا مرفهين وحياتنا تختلف عن أقاربنا وجيراننا بس قالت أحلى شيءً كان عندكم اختلاط

جيل الوقت خربنّهم أفلام الأكشن و mbc4 والشوتايم وأصبحت قصصنا ومغامراتنا مثل الأفلام المصرية التاريخية ومسلسلاتهم ..!!

اقتباس: ونفس الشيء لما اهلي يحكونا عن حياتهم تستغربها وتشوف نفسنا عليهم عموما الوقت اختلف وتركيبة سكان الحي اختلفت زمان كلنا اقارب وجيران ومافي خوف في اي وقت نخرج فيه اما حاليا مستحيل اخلي ولدي يختلط كثيرا بالجيران او اتركه في الحوش حتى لوحده العمالة منتشرة بكثرة في الاحياء وماتضمن الجيران حتى هذا اللي خلاني أتنازل واجيب له بلاي ستيشن وأي بود

الله يحفظهم لك ويحميهم من كل مكروه .

[" TWIX "]

نرسيان ..

اقتباس: تكملة الرد عكس الزمن دا كل شيء متوفر وفي كل وقت يازين العصرية نتفرج افلام كرتون وافتح ياسمسم مع البيبسي والفش فاش ونجهزها من بدري كمان حاليا افلام الكرتون طول الوقت

دا ..

أقول .. ياحسافة على العصرية اللي مقابلين فيها ذا الأشكال ...!!
شوفي الفرق بيننا وبين هالجيل .. يتابعون أفلام الأكشن وإحنا من ميسون للضفدع كامل وقرقور ..

[دلة بيبسي]

الا ليت الطفولة تعود يوما ونعيشها مثل ماعشناها قبل ونااااااااااااااااااااسه
العب خطه وارح لبنت الجيران نقامز فوق عشة بقرتهم واجيب العابي وابربس بالطين اتخيل اني اطبخ
عاد اسوي انووااع الطبخات والعب شبره امره بالحبل واتخيل اني كبتن ماجد واقعد اناقز وانا والكوره <<<<<< مدري متأأثره فيه قوه كنت احبه وهو فارس احلامي
اااااااااااااخ بس يازين ذيك الايام

[" TWIX "]

اقتباس:  المشاركة الأصلية كتبت بواسطة نــف نــف     آكتشفت مؤخراً مو بس آلمـآضي يختلف حتى آلآشكـآل ., وش جـآب آلثرى للثريـآ

صاحب الصورة اليمين كاشخ ومن العوائل المخملية في ذاك الوقت ..

يعني لو تشوفين الطبقة الكادحة في ذاك الوقت كان تدخلينهم من أهل الصدقات ..

لكن دققي في الصورة اليمين .. شوفي الابتسامة رغم أنه ماكل تبن

وشوفي اللي ع اليسار رغم أنه قبلة ويقوطر عسل والدنيا جايه على كيف أمه إلا أنه مخرطم ..

[" TWIX "]

الصمت الخجول..

اقتباس: اليوم أنت أروع إنسان في الدنيا .. ويا رب يا حي يا قيوم تسمع خبرية حلوة قبل شروق شمس باكر .. ضحكت أمي من خـــااااطر على جزئيتك هذي ..

آمين .. ويارب يخلي لك أمك ويحفظها من كل مكروه .

اقتباس: عمومًا .. طفولة عن طفولة يا تويكس وأتوقع فيه أحد بالزمان هذا يعيش نفس طفولتك.. لأن عندي صور ولد خالتي وعمره الآن 35 سنة وكان عايش آخر دلع .. حتى الكدش سابق العالم فيه (:

وربي أنه منسم ..
شكل عائلتكم لها نسب في عائلة أبو بكر سالم بالفقيه أو فيصل علوي
ناس بزارينهم أول ما يترك الرضاعة يدخلونهم في حلق المساجد وأنتم
من ترك الرضاعة دخل لتعلم النوتة ..

اقتباس: وأنا أميل لرأي شهد بقوة .. الطفولة الهادية ما يكون فيها ذكريات عليها القيمة لذات الشخص يسترجعها بحنية .. وفي نفس الوقت ما تستاهل تحكيها لأبنائك وأحفادك .. ! بعكس طفولة المغامرات والإثارة .. ولو كانت صعبة !

بالعكس .. أنا ضدك وضد شهد
الطفولة الهادئة .. لا أظن أن لها لذه وجمال حياة المغامرات والمطاقق والمهايط
تذكرون خالي أبو لزمة لا جلس يحكي عن ذكرياته ماودك يسكت إلا إن لزمته ( مالكم بالطويلة )
هذي هي اللي تعكر صفو قصصه ومغامراته الشيقة

اقتباس: أما طفولتنا بالذات فأنا اعتبرها المرحلة الذهبية اللي مستحيل تتكرر على الأجيال .. لأن فيها دلع مناسب ومطلوب ..

تبين الحقيقة .. أنا أحس طفولتي أيام عنزي وعمي أيام ذهبية
لكن ودي أعيش فترة ذا الجيل أشوف أيش يحسون فيه .. بس حب استطلاع ..

اقتباس: أفلام الكارتون كانت تساعد بقوة على النجاح والطموح والأنوثة وربي إلى يومي ما أنسى لولو الصغيرة .. أجمل أيام العمرِ ... أيامنا الدراسية يالجد وبالعلمِ .... نخدم البشريـة (: وألعابنا كلها حركة ، وعرايسنا مهيئتنا للأمومة صدق .. وعلاقتنا في بعض قوية .. أما هالجيل جاته هشاشة عظام من قعدته الخاطئة على الآيبود وأشكاله ، وراحت عيونه وماله علاقات قوية لأن تواصله مع أحبابه وأصدقاءه غير مباشر ( أغلبه على أجهزة التقنية ) .. ويكمل الناقص بأكله المفضل اللي يا وجبات سريعة كلها سم أو مواد حافظة .. !! شكرًا جزيلًا لك ..

جمالك أفلام الكارتون في ذاك الوقت أنها لها أوقات محدد مو مثل بعض القنوات 24 ساعة شغاله مما يبعث الملل
لدى هذا الجيل فسرعان ما يطفش
حتى أن كلمة طفش ما كنت أسمعها في ذلك الوقت رغم أن وسائل الترفية عدد محدود أما الآن الطفش شمل
الجميع حتى بزر تقلها جالس يأف إف ويقول أنا ( طفسااااان ) ..

شكرا لمرورك ..

[" TWIX "]

طقاقة بدون مايك ..

اقتباس: ي الله مسآكين ...وشو نعال وآزفلت و فيكس و عنز ...وش هالشهلسة بس ؟ اشوة أني من اطفآل هلحين و هالوقت ومن ورعان الطفرة..الحمد الله ي ربي

يابنت الطفرة ..
ما تبين لا متي نكفنك بقصديرة بدل القماش على شان التراب لا يمخشك ..
مالي خلق ..
لا جاء واحد من وسط الخبوب أو من البادية ثوبه تقل مرايه من النظافة واللي جواء تقل ماصورة ضاربها
الصدأ من الوساخة .. وجالس يتكلم عن النظافة .. والنظافة
طقاقة بدون مايك ..
تبيعني البيض على سلاقينه .. المهم خابر لك مستوصف يربط سنونك اللي متخلخلات
من السنين اللي صفطتي ..
أجل أيام الطفرة ..

[" TWIX "]

اقتباس:  المشاركة الأصلية كتبت بواسطة لسعه شقااوة     ههههههههههه رهيب

اقتباس:  المشاركة الأصلية كتبت بواسطة لسعه شقااوة     بس لو تفكر شوي وش الاوسع صدر حياه طفولتك ولاحياتهم

حياتي لو بيدي كان أضع لها تمثال أو أحنطها للأجيال
وأحطها فوق أعلى نفود بالخبوب بالتحديد فوق نفود مزرعة امرؤ القيس ..
ليتدارسها الأجيال ويتذاكرونها .. أى بس

[" TWIX "]

اقتباس:  المشاركة الأصلية كتبت بواسطة قـتـالـه     والا برايك من وين جايه هالطعامه المغموسه بتلحيط النبلاء ماهنا اثقل من دمهم بدل كريات الدم الحمرا قواطي صلصه ! يختي ماتدورين لنا كسرة دسن 85 ونربط بها عنزين وكل وحده منا تزبن وحده شكل خمة العنز تخلي الواحد ينقط الطعامه تنقيط ىالمثاعب بس وراي عروس بالعطله وش السواة بالقرعه

تقنعوني إن هذي بنت .. لا وابصم بالعشرة
إلا إن كان أخوتها وبيئتها عرابجة بالفطرة ..