لو تقدم لك شخص تربيته أمريكيه .. توافقين ؟ " محتاره " وضايق صدري

[عذابي غ ــير]

اقتباس:  المشاركة الأصلية كتبت بواسطة ماهي من البشر     الله يكتب لك ولي ولأخواتنا ولإخواننا الخيره المباركه في جميع اعمالنا وشكراً على الباقه

أهلا ً اختي

ياحبيلك أقصد بتربيته انه من عرفت الدنيا وهو بأمريكا
يعني متعود على نظامهم
ان شاء الله امور الإسلام ماتغيرت

وبالنسبه للتفتح أنا ماتفتحت ميه على ميه قلت لك فوق المتوسط فقط
يعني باقي حياء على أمور خاصه أحكيها لأمي

أما صحباتي جربت , صحيح الاقيهم قريبين لي بس مو عشان سواد عيوني عشان حاجات ثانيه

وبالنسبه للوحده , الحمد الله عندي أم وابو أخوان
لكن اقصد كشكل رئيسي متعوده أقضي اشغالي لوحدي
انام لوحدي
اختار اغراضي لوحدي
اروح مشاوير لحالي
يارب فهمتي وش اقصد بالوحده

آآمين يارب اجمعين ..
تسلمين حبوبه ..

وأمه تقصد بالرد العاجل اللي هو الرد المبدأي بالموافقه أو لا ..
دامه موجود بالسعوديه عشان يشوف وويخلصون اتفاق
ولما يرجع ما يبقى الا الزواج بس

[عذابي غ ــير]

اقتباس:  المشاركة الأصلية كتبت بواسطة shahd2007     اذن ماعرفتوا شي عنه اختي هذا اهم سؤال واهم شي تعرفينه عن المتقدم لك اسئلي وتاكدي من هالنقطه طيب شهرين كفايه تعرفون اذا هو مواظب ع الصلاه او لا .. لاتستعجلين اختي بالرد هذا زواج موب عزيمه توافقين تروحين او لا .. ولاتنسين تبي تروحين معه لمكان بعيد فلازم تتاكدين من صلاته ومحافظته ع دينه . الله يكتب لك الله فيه خير وبالتوفيق لك ..

الله يعين بس

الله يكتب مافيه خير

تسلمين ع الطلّه حبوبه

[عذابي غ ــير]

اقتباس:  المشاركة الأصلية كتبت بواسطة saga     لااااااااا إنتبهي توافقين عليه وأنتم ماسألتوا عنه إلا رجال واحد وإذا أمه مستعجله قوليله بتصبرين نسأل عن ولدك وإلا مع السلامه الزواج لعبه!!تدرين إن الناس اللي حولي يسألون عن الولد وهوعااايش كل حياته بنفس الديره من أسبوعين لشهر أو أكثر. وأهم شي إستخيري.. أستغرب تقولين الميزات تقل مع الوقت!!!!!!ماتدرين وش الخيره به يمكن يجيك بعده أحسن منه بمليون مره.. وبعد ترى أهلك مخطين بالحريه رأي الأب والأخ مهم .. وتبين الصراحه قويه سالفه إنه عايش بأمريكا كل هالسنين لوهي سنه سنتين ممكن تهضم لكن كل هالسنين صعبه تتأقلمين معه برأيي.....

حتى احنا نسأل من اسبوعين لشهر
صحيح ماادري وش الخيره , الله يكتب مافيه خير وصلاح

اي والله رأي الام والاب خاصه مهم , لكن هم مايبغون يقولون شيء بعدين الومهم بعدين
مخلين كل الأمر بيدي

الله يعين ويسهل يارب .

مشكوره ع الطلّله ..

[عذابي غ ــير]

اقتباس:  المشاركة الأصلية كتبت بواسطة دلة بيبسي     لو انا بمكانك قلت لااااااااااا وخصوصا انك تقولين تربيه غربيه يعني الشك بيصير ملازمني طول حياتي اذا طلع من عندي وعايش هناك من فترة المراهقه يعني الله اعلم وش هي اخلاقه وطريقة تفكيره <<< هذا رأيي وانتي مالك الا الاستخاره وانشاء الله ربي بيدبرك على مافيه الخير لك

سبحان الله بداية الأمر كنت مستسهله الوضع
وكان كل تفكيري اكمل دراستي
واحس الوضع عادي ومافيه ذيك الصعوبه ..

لكن كل يوم يزيد اجلس افكّر بتركيز وعمق , واشوف الإيجابيات والسلبيات
أحس اني استصعبتها كثيرر كل ماقلبتهاااا

ولا ودي ارفض على طول اخاف اتندم بعدين

الله يكتب مافيه خير

مشكوره ياغاليه ع الطلّله

[عذابي غ ــير]

اقتباس:  المشاركة الأصلية كتبت بواسطة بنت الكرم 2008     شوفي أذا هو دين وخير خايف ربه وقايم وصايم وافقي والله لوهو بأدغال أفريقيا ساكن أهم شي راحتك مع شريك الحياة والباقي يهون .... هذا رأيي ول بنتي مكانك

الله أعلم عن حاله
بس على كلامهم انه رجّال
وصادقه انتي مو مهم المكان اذا تم التوفيق ..
تسلمين ع الطللّه ..

اقتباس:  المشاركة الأصلية كتبت بواسطة تَـرفْ ♪     ماراح اتكلم لك عن الغربة , لأنك بتتأقلمين عليها ومثل ماقالوا التكلونوجيا جدا متطورة ماتمنعك من المواصلة مع أهلك اسمعيني حبيبتي الشاب السعودي خاصة , لأنه عاش بمجتمع محافظ لما يروح لدول الغرب ويشوف الإنفتاح على أصوله , والحلال والحرام عندهم واحد ومافي شيء اسمه ممنوع , بينفلت للأسف لو هو تغرب 6 شهور او خلينا نقول سنة , ممكن مايتأثر بقوة ويظل متمسك بدينه وقيمه وعاداته وعلى حسب ماتقولين انو (تربيته غربية ) يعني تعود عل اشكال البنات ولبسهم ويمكن يكون عادي عنده يروح ويجي معاهم ويمكن يدخل مراقص مع اخوياه و و و و و مابي ادخل الشك فيك بس حبيبتي هذا زواج , هذي حيااة لازم تعرفينه صح عشان تضمنين سعادتك وأهله اتوقع مايدرون عن حاله , لأنه بيتغير لما يروح هناك ووممكن يكون محافظ وماسك دينه , ماندري ! أنتِ استخيري وادعي ربك ونصيحة مني لك لاتاخذين واحد تعود على حياة الغرب وربي يكتب لك اللي فيه الخير

كلامك صحيح .. الحين مايمسكون انفسهم اذا راحوا للبحرين , كيف الغرب خخ
الله يخلف عليهم بس

هو شكله متعود على نظام الغرب

الله يكتب مافيه خير .. تسلمين ع الطللّه

اقتباس:  المشاركة الأصلية كتبت بواسطة تَـرفْ ♪     يعني من سن المراهق بوقت نزوات وطيش ووو ما ايدك تاخذينه صراحة انا رايحة هناك وربي اششكال تشيب الراس الله يوفقك ويسعدك ويريحك

اشكال تشيّب الراس بقووه خخخ
عشان كذا قلت يمكن كبر وعقل وطاح اللي براسه
لأني مااهتم بماضيه انا مالي دخل الا بمستقبله

آمين يارب اجمعين .. تسلمين ع الرجعه

[عذابي غ ــير]

اقتباس:  المشاركة الأصلية كتبت بواسطة ماهي من البشر     ^^^^^^^^^^^^ طيب انتي وش اللي جازلك فيه وبتوافقين علشانه و وش اللي ماجازلك وبترفضين علشانه هنا بقي عليك تدونين الأشياء بورقه وتتناقشين بين الأشياء انتي وياه وقلبك هنا الفاصل بين الموافقه والرفض

ياحبيلك لي يومين وانا اسوي اللي قلتي لي عليه
وتبيّنت لي أمور كنت غافله عنها
الله يوفقك ويسعدك قولي آمين

اقتباس:  المشاركة الأصلية كتبت بواسطة شمس الصباح     وشلون متفتحة قوووة وخايفة من الغربة اخبر الي متفتحين مايهمهم لاديرة بعيدة ولاشي لأنه منفتح على العالم الخارجي وعارف كل شي وراح يسيطر على كل مخاوفه على كل حال بالنسبة لتربيته الأمريكية اهم شي انه يكون متمسك بدينه ولايتأثر ببعض افكارهم بأسم الحرية وهي بعيدة كل البعد عن الحرية ويكون اخلاق وبالنسبة لبعدك عن اهلك ماشوف فيها اي شي عادي .

يابعدي الخوف اللي فيني اكثر شيء خايفه من الشخص لما نعيش انا واياه بديره بعيده عن أهلي
أخاف يكون مش كويس
والا اذا كان كويس راح ينسيني اللي خلفوني

تسلمين ع الطللّه ياحلوه

[جنتل ماان]

كان الرجال يستاهل المكان والغربة تعودين عليها .

[عذابي غ ــير]

اقتباس:  المشاركة الأصلية كتبت بواسطة خالد العامر     يا أختي ضعي في بالك ما يلي: 1- الرجل لا يريد شقراوات، بدليل أنه يريد الزواج من موطنه. 2- لابد أن يكشف طبيا ، يحلل عن الأمراض المعدية ( وهذا سواء هو أو غيره) 3- الرجل هناك حر وطليق وعايش يومه بدون مسؤولية، فلماذا يريد الزواج؟ يريده لأنه اختار وقرر ...إذن فهو يريد حياة. 4- لابد أن تأخذي أرقام أصدقاءه هناك ، على الأقل خمسة أصدقاء والسؤال عنه من خلالهم ولكن هناك شيء مهم. الذي سيسأل يجب أن تكون لديه أسئلة مهمة وخطيرة إجابتها إما بعم أو لا. مثلا : هل يصلي؟ هل يشرب الخمر؟ هل هو كريم؟. 5- يجب يجب يجب يجب أن تسألو عن الأشياء التي تخجلون منها، ( الكلمة اللي تستحي منها بدها). كما يجب أن تضعي أنت الأسئلة التي تهمك. 6- إذا لم تحصلي على خمسة أصدقاء له، فاعلمي أن في الأمر شيئا مريبا. 7- اقراي هذه القصة البسيطة: ( اتصل من طرف أهل البنت رجل يسال عن شخص فقال : وشلونه؟ حليل؟ يقعد معكم؟ ونيس؟. فأجابه الطرف الثاني ( الذي هو صديق الخاطب) على قدر الأسئلة. فتم الزواج وبعدها اكتشفو ان المعرس يشرب خمر، وعندما أعادو الاتصال على صديقه قال لهم : هل سألتموني إذا كان يشرب أم لا؟ فقالوا لا، قال هذا خطأكم.) 8- السؤال الذهبي ويكون بالعادة خاتمة الأسئلة ( هل ترضاه زوجا لأختك؟ أو بنتك؟ ) 9- الاستخارة. بالتوفيق

كلامك جميل جدا ً ..
وقرأته أكثر من مره ,,

الله يوفقك يارب على هالسطور
أحسها طالعه من قلب

[عذابي غ ــير]

اقتباس:  المشاركة الأصلية كتبت بواسطة طقاقة بدون مايك     والله مدري :|$ هي صعبة الفتية في هاذه المواضيع :|$ مدري اقول وآفقي أو لآ:|$ فـ آحس الايجابيات و السلبيات متساوية :|$ لذآ أقولتس سوي غربلة غربلة غربلة وتمحيص ...حاولي تحسبينه صح ..جيبها من هنآ ومن هنآك...وبعدين شوفي قلبتس وش يقولتس ..ترا احياننن القلب عنده دبرة و نظرة و فراسة ..و قلب المؤمن دليلهـ:|$ لا تستهنين ب إمر الاستخارة ,,,والسؤال عنه ..احرصي ع الموضوع خلي اهلتس يسالون عنه ..وكلي احد ثقة في هاذا الموضوع:|$ اسألو عنه ...حنا الخاطب عندنا حتى عآمل النظآفة حق حاراتهم نسال عنه وعن أخلاقه و كيفية تعامله ...صحيح أمور كثيرة م تبين إلا بعد العشرة بس يقولون الكتاب يبين من عنوآنه:|$ و ب النهاية لا تخافين كلن راح يآخذ نصيبهـ:|$

تسلمين ع الطللّه

اوما عامل النظافه خخخخ كثري لي منها << ضحكت منها بقوه
خليناااا بعاد انا وقلبي الحين
ماينفع يكون معي باتخاذ قرار زواج , يسوي ديليت على طوووول
أنا الحين أفكر لحالي وقلبي حاطته بالدرج لحد مايعقل عليه خخخخ

اي والله انك صادقه مااحد راح يآخذ إلا نصيبه
موفقه

اقتباس:  المشاركة الأصلية كتبت بواسطة يكفيني حنانك     شوفي اختي بعد الاستخاره اهم حاجه بالموضوع شيئين: الرجل ... والغربه... الرجل..اذاتأكدتي من صلاته و دينه واخلاقه وافعاله انها غاية المطلوب.. الغربه..بالنسبه لك ولاهلك عادي عندكم تبتعدون عن بعض فترات طويله.. اذا كانت كلها ايجابيه فتوكلي على الله,, نصيحه لك اختي الغاليه: في لحظة اتخاذك للقرار لا تفكرين في اسواق هناك ولابشهادة الماسترو ولا بمتعة السفر وتكوين علاقات.. فكري فقط بالرجل اللذي سوف ترتبطين به وما هي مشاعرك تجاهه وما مدى رضاك به وعنه,,وما هو مصيرك المنتظر معه..واذا تأكدتي من قبولك وارتياحك له وقبلت به زوجا..احلمي بعدها بما تشائين من الامنيات تقبلي نصيحتي وتمنياتي لك بالسعاده والتوفيق وان يكتب الله لك الخير اين ما كان

نصيحتك بمحلها ياقلبي
لأني أول الموضوع كنت افكر فيها بالدراسه وتغيير الروتين
لكن يوم صرت امحّص بالتفكير واجيب ورقه وقلم تبيّنت لي أمور كنت غافله عنها
افترض مواقف لو تصير بيني وبينه ايش راح اتصرف !!

الله يجزاك خير يارب ويوفقك

[فهد الحربي]

ماعليش بس استوقفتني هذه الجملـه

اقتباس: وتقريبا ً اصلح له لاني متفتحه بقوه

وحبيت اْعرف الانفتاح بنضريتك ماهو ..؟!!

[عازفة ألحان الليل]

اقتباس:  المشاركة الأصلية كتبت بواسطة عذابي غ ــير     يابعدي الخوف اللي فيني اكثر شيء خايفه من الشخص لما نعيش انا واياه بديره بعيده عن أهلي مو على اساس انك منفتحة ..المفروض ماتخافين لأن عندك حلول جاهزة لكل خوف ومشكلة أخاف يكون مش كويس والا اذا كان كويس راح ينسيني اللي خلفوني انا قلت لك بردي الأول اهم شي يكون متمسك بدينه ويكون اخلاق يعني بختصار (اسئلوا عنه ) تسلمين ع الطللّه ياحلوه

شكرا.... /

[فتحـية]

ابحثي عن هويته بالفيس بوك
هناك ستعرفي الكثير إن عثرتي عليه !
شخصيا لو كنت في مثل وضعك ما أضعت وقتي بالتفكير
ولرفضت بسرعه البرق ، شخص مجهول يستحيل أن أغامر بحياتي ومستقبلي وسعادتي معه
بالكاد أستطيع اتخاذ قرار وأنا أعلم عنه كل شيء فمابالك وأنا لا أعرف عنه أي شيء !

لاتستعجلي تحقيق طموحاتك على حساب حياتك

سلملم

[عذابي غ ــير]

^^

ياحبيلك هذا اول شيء اسويه لما انخطب ,,
واذكر زمان كان يقولون صفحته مره ممتعه بالصور
لكن اول كان مايعني لي فما شفتها

لكن سويت بحث مالقيته !
مالقيت إلا اخوه اكبر منه وكذلك زيه بأمريكا وماتزوج

أما هو دورت بالعربي والانقلش مالقيت

وحتى دورت الأصدقاء عند اخوه مالقيته
يمكن مسجل بغير اسمه

[عذابي غ ــير]

اقتباس:  المشاركة الأصلية كتبت بواسطة مستشار أسري     أوخيتي الحياة الزوجية تحتاج للكثير ولعلك تمرين على هذه الروابط http://www.buraydh.com/forum/showthread.php?t=223005 http://www.buraydh.com/forum/showthread.php?t=275006 وضروووووووووري تقرأي كتاب ( شريك العمر ) أ. عبدالله المديفر ولتحميله من هنا http://www.saaid.net/book/open.php?cat=6&book=4631 وهذا رابط مهم للغاية http://www.saaid.net/mktarat/alzawaj/120.htm وأي سؤال أنا حاضر ....

الله يجزاك خير أخي الكريم ..
ويكثّر من أمثالك ..

اقتباس:  المشاركة الأصلية كتبت بواسطة هجير أمنيه     حياتي ربي يوفقك حاسه فيكي... انا ما جربت لساتني على بر مثلك واقاسمك نفس الحيره من ناحية الغربه .. واذا سألتي قالوا حياتك وهنا يزيد همك 0 خذي وقتك وفكري واعطي نفسك الحريه في الرد متى ما حسيتي انك جاهزة اتخذي القرار وموضوع الدراسه انسيه ولا تربطيه بموضوع الزواج ابدآ ربي يكتب لك ولي الخيره ربي يوجهك للخير حياتي ويسعدك 00

آمين يارب اجمعين ..
موفقه حبيبتي

[هنؤؤنه]

الله يوفقك حياتو
ويكتب الخير وين ما كان