أيهــــم أفضل بنظرك ؟؟

[هيبـاتيـا]

اقتباس:  المشاركة الأصلية كتبت بواسطة netizen     يعتمد على الفتاة نفسها. عموما الزواج المبكر أو المتأخر فيهما سلبيات و إيجابيات دعواتي لك ولبقية الأخوات بالتوفيق،،،

أهم شي الدعوات والا ماعطيتنا رائيك

شكراً نتيزن << ؟؟

اقتباس: الافضل ان تكون متوسطة العمر من25ومافوق والله يرزق بنات المسلمين

الله والعالم انتي مثلي انا اقول من 25 الى 30 توه تنضج
وآمين وياك

شكراً زو زو

[بنت الكرم 2008]

شوفي من تجربتي
أنا بعمركم واكبر الولادي بعد كبرنا يعني ماهنا فرق
بس الصراحه لو يجي خاطب لبنتي وبعدها ما دخلت العشرين مارح أوافق ابد خليها تعيش شبابها
على ان تجربتي كانت ناجحه بس احس ماعشت فرفشة المراهقه وجنونها لما اطلع مع بنات بعمري هم يلعبون وانا ممنوعه حامل عندي بزر يصيح عندي بزر تعبان
بس الحين لما اطلع معهم اقول ماخسرت شي وعيالي كبري اطلع معهم انبسط وفي اشياء مشتركه بينا ممكن عشان تقارب السن
بس التأيد لا ما اايد ملحقه ع المسؤليه وانسب عمر للبنت هو 25 وفوق *

[يزيد 2011]

لا والله وش لي بالعجله اتزوج اذا صار
عمري 30
استانس يشبابي قبل لا تجي مكحولة العين
ليلى

[طقاقة بدون مايك]

back...:$|

ي مرحبه ب المهجة...:$|

ايه ي عيني ..آنآ مع الإرتبآط المتآخر في هذآ الزمن...:$|

لآنه زمنية النضوج للصبي و الفتآة كل مآله تتآخر في هآذآ الزمن...:$|

البنت آقل شئ لمآ آتخلص آلدرآسة و تستقر مهنيآ ...عآد تبدأ تجزم في قرآر الارتبآط ب النسبة له...أشوف من 28 _33...:$|

آمآ الشآب ...ف عآد من 30 - 36 ..يكون تقريبآ حول سن النضوج الرجولي والمهني والفكري والعقلي و الاخلاقي وكلشن...:$|

الزوآج الفاشل .......:$|

الي هو زوآج الشباب من بنات او ابناء اللي اعمآرهم .. صغيره تلقآه توه خريج ثآنويٌ...:$|

وابوه حريص ُ عليه او امه تبي الفشخره والحتسي السنع عند القرايب .. تقوم وتخطب له...:$|

وثاني اسبوع تزوجه ٌ .. والمسكينيه اللي مآخذتن ذا ٌ البزر ٌ تعآني معآنآه معه...:$|

واذا كآنت هي بزر بعد / وتفكيرهآ محدود .. تفرج عليهم بسٌ.....:$|

طبعآ لآيخفى علينا ان الشابٌ

حلو انه يتزوج وهو صغير ٌ لكن هالايآم .. يتزوج وهو عمره زين لكن صغير بتصرفآته ويطلق وهو عمره 25 سنه ٌ..!

يعني نقول 5 سنين كافيه . ويوم تسآله يقول والله يآخي تسرعت ٌ .. واول احسبهآ ونآسه ٌ> ‘‘خير شاليهات اليمآمة انت ووجهك المستطيل‘‘ .....:$|

من واقع معرفتي مع بعض الناس المتزوجه من بدري ٌ ، وحتسي معهم ٌ >الله يهدييهم ..يقولوون لي تسرعنآٌ ب الزوآج يعني لو صبرنا ع الاقل لين توظفنآ.. مهوب هالحين ابوي يصرف علي والحالةٌ حالة ٌ .....:$|

اكيد محد يعارض حديث الرسول الرسول يقول من استطآع منكم البائه فـليتزوج >عادي شين الناس الي يفهمون هالحديث غلط.. ويزعجونك كل دقيزة ...!

ويقول و بكل بجآحة كلنآ نستطيع ، وش تستطيع عليه يبو.. الايآم دي ٌ ماتستطيع توكل ٌ روحك /آجل تبي تعرس > أفلقن مآر

بعض الآمهآت الله يصلحهن من تشوف شنب ولده خط .. شآلت عباته و طآمرت من بيت لبيت ، تدور له على عروس...:$|

ولآ ب هالافرآح والمنآسبات ماتشوف إلامخآزز و عيونه آتلآقط من بين هالخلق .. شوفي فلآنه تنآسب ولآ لآ .....:$|

بمعنى الشاب عمره 18 يتزوج والبنت عمرهآ 16

ي شيييخ بزرآن والله البنت لو تقول لها سوي لي بيضُ وب هالعمر قالت هااه؟

وهذاك العريس لو تقول له آحجز لروحك طيرآن علشان ٌ تسآفر شهر العسل انت والعروس...:$|

/ قال ماعرف ٌ / من جد ترا لاتحسبون آحتسي خوزعبلآت

مثل القذذافي ٌ بآشه...:$|

يعني شخص تخرج من الثانوي خطب ٌ ، خلص الجآمعه " طللق " نلعب حنآ / والله مرات احس ان سالفة الزوآج هلحين صارت تآفهه .. ومال اومهآ دآعي واعذروني على هالكلآم اللي بئولة ٌ ..

يعني يخطب ويطلق / ولآ يتزوج ويبلش بـ زوجتة وبنفسه ولا وبعد شهرين ب ورعين وهو توه صغير ٌ لايفقهه من الزوآج شيئاوالبلشه اذا كآن عمره 18 سنه ، وتفكيره للحين بزر .. صحيح أنه ي كثر الناس اللي اعمآرهم كبيره

لكن تفكيرهم بآيخ .. ومايسوى قشر بصلة ....بس الوآحد يحتس ب المنطق والمتعآرف عليه .... عاد يوم تروح لـ عرسهم ، تشوف الولد العقال الي لابسه آكبر من وجه ، والشايب ابوه لآبس البشت...:$|
وي هلآ وي هلآ.. آووم الفلم اللي انتم عايشينه .....:$|

تدرون في بعض الحريم ، يزوجون عيالهم علشان ٌ فلآن والله تزوج ؟؟؟
وش معنى ولدي مايتزوج ...:$|

اعنبو بليستس ي حورمة الزوآج صار كلمة تنقآل ، وي الله خذني جيييتك ٌ...ودني عطيتك ..!

ذي مسئولية .. ووجع راس ، والله مايتعبون الا هالشباب و البنآت اللي يبلش بعمره ويطيييع شور امه من آول كلمه .. اعنبو ابليسسك اصمل لين تكبر شوي ،مهوب والله صار عمره 20 سنه اتزوج ٌ ، كونٌ نفسك يآخي ٌ وسو لك بقاله وإلا افتح لك مغسلة ترزق منهآ

مهوب تتزوج وكل يوم طآمر لـ بيت ابوك عطني مصروفي حرمتي تبيٌ تشري لهآ تنورة .....:$|

هذآ والله آعلم..:$|

[" TWIX "]

أنا من رأيي ..
البنت أفضل عمر لزواجها من 23 إلى 27 سنة

أما الولد .. ما فيه عمر محدد .. لا جمد مخه ومسك الأرض وترك عنه السعسعقة وترك كل يوم ديرة .. هنا يتزوج وبتصير البنت اللي يبي يآخذها
ملكة جمال الكون .. لكن إذا تزوج وقلبه معلق بفاتنات المراقص .. كأنه تزوج جدار مو حاس فيها ولا معطيها حقوقها يعني البنت اللي تبي تآخذه
تبي تنَّكب معه والطرفين يبون يشوفون غرابيل بقعاء ...!!

[عازفة ألحان الليل]

^
شر البلية ما يضحك

[سَـاكنة القـلب]

مرحبًا ..
استغربتُ جدًا من الردود المؤيدة للزواج المتأخر .. !
عفوًا يا كرام وماذا عن ( الغرائز ) .. ؟!
هل يعقل أن يكون الحل تجاهلها .. ؟!
هذا عدا اجتهاد الشباب في إطلاق البصر في الحل والسفر ومتابعة كل ما من شأنه أن يوقظ الغرائز ويلهبها .. !
قلة منهم نأت عن إعلام اليوم المثير وفضلت غض البصر .

لا يخفى على كل ذي لب فائدة الزواج المبكر ولو لم يكن منه إلا ( الاستقرار النفسي والجسدي ) ..
وبكل صدق / الشاب المقتدر المتأخر في زواجه يثير انتباهي ، فربما كان له يد في الحرام
أو أنه فاشل في إدارة أمواله ، وبالتالي ضعيف الدين أو الإحساس بالمسؤولية ، وكلاهما على الفتاة الفرار منهما فرارها من الأسد .. !
أستثني من كان له عذر مقنع ، ومضى عليه العمرُ وهو يجاهد .

أؤيد الزواج المبكر على شرط إعادة تأهيل الشباب والبنات فيما يخص الدين والتحمل والقدرة والمسؤولية .

[يركدون]

اقتباس:  المشاركة الأصلية كتبت بواسطة هيبـاتيـا     طبعـــــــــــاًً الكل يشارك الغير متزوجات وانا منهم والمتزوجات الله يجعلنا منهم فيه آوادم يشجعون الزواج المبكر وخلق يرشحون الزواج المتأخر والاثنين لهم مساوئ ومنافع طيب وش رائيكم أنتم وايهم الافضل بنظركم ؟؟؟ المتزوجات لازم يتكلمون بصراحه أما الغير متزوجات فلهن مطلق الحرية المبكر .......................................أو المتاخر ؟؟؟

وين المبكر كله متاخر مافيه احد مبكر في هذا الوقت عشان كذا العوانس درازن

بقولك شي لايصلح اخر هذه الامة الا بما صلح اولها


واكيد صلح اولها -- بالتعدد والزواج المبكر والالتزام بالدين الصحيح

اما شغل الغرب والخرابيط فهذا فساد الامة

والسلام

[يركدون]

اقتباس:  المشاركة الأصلية كتبت بواسطة " twix "     أنا من رأيي .. البنت أفضل عمر لزواجها من 23 إلى 27 سنة أما الولد .. ما فيه عمر محدد .. لا جمد مخه ومسك الأرض وترك عنه السعسعقة وترك كل يوم ديرة .. هنا يتزوج وبتصير البنت اللي يبي يآخذها ملكة جمال الكون .. لكن إذا تزوج وقلبه معلق بفاتنات المراقص .. كأنه تزوج جدار مو حاس فيها ولا معطيها حقوقها يعني البنت اللي تبي تآخذه تبي تنَّكب معه والطرفين يبون يشوفون غرابيل بقعاء ...!!

كلامك موصول ولاتنسى ان السعسعة لكل الجنسين الحين

ولكن مافيه امل احد سواء ولد او بنت ينجحون بزواجهم

اذا كان لهم علاقات سابقة

لان بعد الزواج بيصير فيه مقارنة بين العشيق او العشيقة والزوج او الزوجة

وهنا يصير الخلل الفني ولا ينفع معه تلصقه بشطرطون ريالات