حوار الأسبوع : تريلة ديزل :|

[الأسترليني]

ثقافة الاختلاف لأهل القلوب الكبيرة ..

أين تكمن مشكلة هالثقافة لدى الكثير من الناس ؟

يظهر لي ان مشكلة الكثير من الناس في موضوع الاختلاف هو من جهتين :

الأولى / هو ان الكثير منهم متجهز للزعل قبل يبدي رأيه المخالف يعني ( هو قبل يقول رأية المخالف يقول في قرارة نفسه أخاف اقوله و يزعل ..!! ) فتكون عنده الحساسية في ابداء رأيه المخالف فاضحة و ظاهره للكل لأنه مولم عصابة الزعل في سريرة نفسه قبل لا يتكلم فيتحول النقاش بعدها الى معارك تتدور رحاها في سويداء القلوب ..

الثانية / هي أن الكثير من الذين يريدون ان يقولوا رأي مخالف لا يعرفون الانسحاب من النقاش عند ابداء الرأي المخالف فيضطر " للمحوقة بالكلام " مما يحول النقاش الى صراعات لفظية و سلاطة ألسن ..!


يقول غازي القصيبي في كتابه ( من حياة الإدارة ) الاجتماعات التي لا يكون فيها النقاش حادا أو اختلافا في الاراء اختلافا واضحا لا أخرج منها بأي نتيجة و اعتبرها اجتماعات فاشلة .



المصادفة اللي تلفت يا قتالة ان موضوعك الثاني بالمجلس فحواه تشبه الى حد ما موضوعك الاول ( ماكنت آصدق بإندماجك يالارواح . . ! )

[المتزن]

حينما تتسع دائرة النسبي وتضيق دائرة القطعي سواء عند الفرد أو المجتمع , نسمو ونتصالح مع أنفسنا قبل الآخرين

هذا ما أتمناه :

النسبية في حياتنا وآرائنا وأفكارنا


تحياتي ,,

[موناليزاليست]

اقتباس:  المشاركة الأصلية كتبت بواسطة المتزن     حينما تتسع دائرة النسبي وتضيق دائرة القطعي سواء عند الفرد أو المجتمع , نسمو ونتصالح مع أنفسنا قبل الآخرين هذا ما أتمناه : النسبية في حياتنا وآرائنا وأفكارنا تحياتي ,,

أثني على كلام القدير المتزن
وأضيف أنه علينا أن نتصالح مع هذه الخصلة بدل أن نطلب من الجميع أن ينتفظوا عنها لأن ذلك أعقد
وعندما أقول خصلة فأنا أعني ذلك ولم أقل علة فتلك طبيعة وخصال إنسان الصحراء
الحدية متلازمة إنسان الصحراء الذي ينظر للأشياء بالأبيض والأسود

[قـتـالـه]

اقتباس:  المشاركة الأصلية كتبت بواسطة صبا مبارك     اعطيها وحده في الصميم وعلى قولة المثل اما غدت بـ المال والا تجيبه

يفداتس اللآش ياحيي
تدرين وش مشكلة الحريمات المحليات ياصبا ؟
مانعرف نتناقش فمابالك نختلف وآغربالي :|
لو اختلف مع رئيستي بنقطة مآ في صميم العمل
كتبت لي لفت نظر وقالت لسكرتيرتها فلانه
لاتدخل مكتبي وعزمتهم كلهم لعرس بنتها وانا لأ

وبالمجالس ياويلك لو تفوزين على وحده بالحديث امام الملأ
لانتس الفجر بتصيرين بطلة أوشاعه هي مطلعتها

ياربي ليه حنا نختلف عن النسوه العربيات !!

[جلوي العتيبي]

اقتباس: طيب وشفيها يمنه قال انتم يالبريداويه .. ههه اليوم قايلتها بسبايب تصرف احس اللي مايسويه ماهو بريداوي :| بغض النظر عن انتسابنا للمدن والانديه او حتى شمال وجنوب ماتؤمن ان الناس بشكل او آخر يحملون ذات الصفات والافكار وحتى نوعية التفاعل تجاه الحياة بحسب انتماءاتهم للمجموعات ؟

لاشك بإن الأفكار والأراء تتأثر بالمجموعه والبيئه المحيطه

لكن ليس من المنطقي أن نتجاوز رأي الشخص ونربطه برأي أو فكر المجموعه .فهذا اجتهاد في غير محله .

فعندما نتحاور حول فكرة معينه فأنا أعقب وأعلق على الرأي الحالي وليس على الرأي المخزن في الذاكره عن الجماعه أو المجتمع

[قـتـالـه]

اقتباس:  المشاركة الأصلية كتبت بواسطة عزف الحقيقة     أجل اللي حسر بنا بكل مداخله فلانه هي فلان وذا هو ذا همن يدخل بعده بنصف ثانية ويقول خلو الشخصنة !!

^
أتنم حطوا طواقيكم وحنا نحط غدافنا :/
طيب المصاريه شلون يثبتون حضورهم ماعندهم طواقي

شفت الأحمر اللي فوق مهولني
بعد يمدحونك بمعرف ويسبونك بآخر
همن يتهاوشن المعرفات مابين سب ومدح وراعيهن واحد
عضو هنا بيخليني آكل سيروكسات من شغله بمعرفاته :|

[قـتـالـه]

اقتباس:  المشاركة الأصلية كتبت بواسطة ضمير بريدة     واحد متحمس ولا فهم شئ ، يرد ويجادل ولا فهم شئ ، أصلا هو سمع حتى يفهم ، المشكلة يرد بس ما يدري على أيش يرد ويختلف !!!!!

ياخي انت شي.. تعرف تحك الحكايك :|
اختصرت اللي صاير معنا بأسطر قليله

[قـتـالـه]

اقتباس:  المشاركة الأصلية كتبت بواسطة قلب الأسد     ومقولة ( الأختــلاف لايفســد للود قضيه ) تقال في كثيراً ا قتاله اليك بهذه السطور : تستطيع يابنــي ان تغيـر قناعات الناس .. وان تستحوذ على قلوب الناس وهي لاتشعــر !! ليس بالسحر ولا بالشعــوذه ..فـ بأبتسامتك وعذوبة لفظك .. تستطيع بهما ان تسحر !!

يمنها لزت اللزايز اعرف ادحرج موضوع
وأخليه ملعب صابوني بإتجاه واحد :|
شف ياقلب الأسد
رديت هنا برد سابق ان الاختلاف الخالي من فساد الود
ماهو اختلاف حقيقي !
كيف اجيلك وانسف فكرتك حول موضوع مآ
واخرب صفصفة حطيبات مخك ويبقى ودك تجاهي زي ماهو
ترا الجمله الحمرا فوق فاشله شوين

مابعد الإختلاف هو رختر ومعيار للإختلاف نفسه
فاهمني.. ؟
لبييييه على الحتسي البني
طيب حنا من ورا قزاز مانشوف ابتسامه ولاحنوك شو العمل

[عزف الحقيقة]

اقتباس: أتنم حطوا طواقيكم وحنا نحط غدافنا :/ طيب المصاريه شلون يثبتون حضورهم ماعندهم طواقي شفت الأحمر اللي فوق مهولني بعد يمدحونك بمعرف ويسبونك بآخر همن يتهاوشن المعرفات مابين سب ومدح وراعيهن واحد عضو هنا بيخليني آكل سيروكسات من شغله بمعرفاته :|

يازين اللي يفهم الطايره يخليك تكتب بصبعك

بالهوى .. ماتعرف أحد يعرف احد !!

هين المصاريه مطبوع اسمهم وتوقيعهم بالبيان !

ابو لمبه قصدي ابو طواقي المعرفات ذا

ابو سبع وسبعين رجل قصدي يد . ودي بس

اشوفه وهو يعوم بالحروف مايدري وش له ووش

عليه ولا منهو معه ولا من ضده !

[قـتـالـه]

اقتباس:  المشاركة الأصلية كتبت بواسطة بني تميم بريدة     اغلب الاختلافات يااختي سببها الحسد وعين الرضى عن كل عين كليلة وعين السخط تبدي المساوئ

مادري عن الحسد . .
ساعات حنا نختلف مع ناس أول مره نشوفهم
ولايعرفون مين حنا ولا وش عندنا فأمر الحسد مو كثير وارد ,
يمكن قصدك الكره النابع من عدم ارتياح ..؟

بني تميم تراك أوردت نقطه ممتازه
وأشوفها كثييييييير
ليه (س) من الناس
نتقبل اراءه ونحرمه جو الإختلاف ؟
بنفس الوقت والمكان اللي نهاجم فيه (ط)
على نفس الافكار اللي داخله مزاجنا يوم قالها المدعو (س)



الورد الأحمر والأصفر يموتون عليه اهل صامطه :|

[قـتـالـه]

اقتباس:  المشاركة الأصلية كتبت بواسطة تركـي     ولو تأنى الشخص قبل آصدار الأحكام جزافا من الممكن آن لا يتحسف بعد خراب مالطا ...

شجاعه ايوبيه لما يتحسف ويجيني مجاهراً بتذلله عاظ برطمه آسف
لوهو مخرب مالطتي وحارق بغدادي
شفت ياتركي مايحدث بعد الحرايق من اعتذار
هو جزء نبيل من الاختلاف الصحي

[قـتـالـه]

اقتباس:  المشاركة الأصلية كتبت بواسطة مخملية روح     يجب أن لانسمح لهذا الإختلاف ........أن يخلق المشاكل والخلافات بيننا .... وان نرتقي بأسلوبنا ...ونتعلم من كل موقف .... في حياتنا ...

ويازين المخمل بهالشبط :|

مخمليه ترا انا مااحب اختلف مع النساوين بنوب
بواقعي لو يقطعوني مااختلفت مع حداهن
يختي ابي حياتي ماعلينا عايز رجف تريلات :/


بس الاختلاف مع الرجل الغير متنطع حيآآآآة وربي
يجيبك يمين يسار يقنعك او تقنعينه
وتنهتي السالفه مايبتل يحفرلك

[قـتـالـه]

اقتباس:  المشاركة الأصلية كتبت بواسطة الرعبوبة     حبيت أسجل إعجابي بثقافتك ماشاء لله إلى الأمام

لباتس بعد وش ثقافتوه
الديزل والقاز كلها نواتج بترول
وخطوط التابلاين قربت البعيد وصرنا كلنا أكابر ومثقفين وبرجوازيين :|


خلف واختلاف وخلاف وخلفات كلهن احبهن

[قـتـالـه]

اقتباس:  المشاركة الأصلية كتبت بواسطة غريب الماضي     كفاكم جلد للذات .

مااشوف احد يجلد
ياشين يمنك حفظت مصطلح وودك تقوله
من باب تراي اعرف ياهووه

[الـــفـــ@ــــد]

عجبت لمن ابتلى بمكر الناس كيف يغفل عن قول
’’وأفوض أمري إلى الله والله بصير بالعباد’’
والله يقول بعدها ؛
’’ فوقاه الله سيئات ما مكروا ”