|❀ دَآئِماً . . . تَـأتِي الأشيَـآءُ الجمِـيلَهـ عِندمَآ نكُفُّ عَنْ انتِظَـآرهَآ ❀|

[ع ـروووبة]

-

لا تسعني الدنيا حين يفرحون
أبتهج و أتلوّن بــ ألوآن الـفــرح
و أتلوا الحمد من أجلهم
لك الحمد ربي ~

مبروووك خيو , ألف مبروووك
جعل السعآده دربك والرضآ حليفك
تستـآهله وربي

[ع ـروووبة]

-

أخيراً راحت هكـ الصفحه الكيئبه

اليوم يجنن من أوله , الحمدلله
قايمه ومندفعه <~ هماه غايبه أمس متحمسه للدوام
ههههههههههههههههههههه

ومتحمسه بعد بشوف وحده
<< تحدي
يوم حفلة الزواج يوم الجمعه كان مع الطقاقه وحده مرتزه

ومشبهه عليه وحده تشتغل عندنا مرسال تنقل الملفات
وجي أقول لصديقتي والله إنه هي وهي تقولي لا تحلفين موب هي
وكل العزيمه وحنا دوشه وهواش وصجه

<~~ راحت ام الكشخه والرزه والبرستيج
ههههههههههههههههههههههههه
يوم صار اليوم قالت لي : ياحليله إلا طلعت هي :/
ودي افقع عيونه من الحمق
دايم تباخصن وهي ما عنده سالفه ,

بس ماشاء الله تدور رزقه بكل مكان
والا وش يحده تجلس للفجر بالقصر بعدين تداوم بالكليه
الله يرزقنا ويآهم كل خير

_____

يآربي لاتحرم أحد السعاده اللي عايشته
الحمدلله , الحمدلله , الحمدلله ,

الأحد 4 / 4

[ع ـروووبة]

-

قلب الأسد

اقتباس: ع روووبه .. الف شكر يعطيك الف عافيه على اجاباتك .. اوووما الصوره هههههه شكلك والله من الشطانه يوم انتي صغيره ههههه

العفو ويعآفيك ربي على هالفكره
تخلينا نعرف الاعضاء من زاويه ثانيه
<~~ موب قايله نشرف

ابداً إشاعه هذي كنت أم الهداوه ما أتحرك أبد
طفولتي هاااديه قوه وما عمري تكسرت
حتى الشارع ما اعرفه ولا جلدت احد أبد أبد
من شاف حوسة الشعر ما رجاء خير

بـــ إنتظار بقية الضيوف
<<< أهم شي اللي صورته تحفه
تحمست هههههههههههههههههه


____

تَـرفْ ♪

اقتباس: ملححححك عروبة آبي اقبص خدوددك , وهه نينهمم ياناث

اقتباس: ودي أمنع المخفي لاحرام عليك , الا هذي تصدقين ماعرفت المخفي الا من منتدى بريدة ومن جربته وانا مدمنته سالفة آن اسمك يثبت بالقسم وآنتِ لك ساعتين 3 ساعات طالعة هذي تغصبك تحطين المخفي جربيه ياعروبة , قميل واللهي

لاه كذا استحي
طيب تغيرت <~ انفهرت ههههههههههههههههه
تسلمين حبيبتي حلو ركزتي بالخدود وتركتي الشعر
<<< حاقده عليهم ليه ما رتبوه

لاه كلش ولا المخفي
ما احبه أكرهه أحسه يحشر الواحد
أثبت عشر ساعات ولا اصير مدري شلون
<~ موب مقتنعه

أحطه أحيان أنا لا تضايقت وصار مالي خلق أحد
ممكن عشان كذا أكرهه :/


_____


-

الذين يشاهدون محتوى الموضوع الآن : 7 ( الأعضاء 4 والزوار 3)

‏ع ـروووبة , ‏تباشير المطر


حيــآ الله طباختنا تباشير المطر
منووووره

والزوار والمتغطين منورين

<~ وين ترف تشوف القهر
موب حلو المخفي والله

إفتشوا وإلا ابشيل المخفي هههههههه

[ع ـروووبة]

-






-

لو أنكم تتوكلون على الله حق توكله
لرزقكم كمآ يرزق الطير تغدو خماصآ وتروح بطانآ ~

[ع ـروووبة]

-

اقتباس: عرووبه صح تسمحين لي اعضتس مع خدتس يوم انتي صغيره>>ياللا اصغري شوي وارجعي هع هماي صديقتس ودارسين بثانويه وحده ههههه وه بث اموت على البزران اللي لهم خدود الحين بنت اختي 24ساعه اعضعضه مع خده وياقلبي تضحك موب يهمه هههههههههههههه

ههههههههههههههههههههههههه
لا ما اسمح لتس

بوب زي دلول أنا أضحك :/
ما تدرين إلا وانا مصرخه بوجهتس

عاد بالثانويه اختفت الخدود
لازم وأنا بهذاك العمر

___

اقتباس: يوم الاحد يهبل زين بقوه من قوة زينه مر ولاحسيت فيه ظهر الاحد سمعت فيه صوت الحلوه الطعيمه توليبي وه بس تهبل هالانسانه صدز هي من العضوات اللي له مكانه بقلبي ومكانته كبيره قسم واحسه محبوبه من الجميع يعني الكل يحبه ويحترمه ويتشرف بمعرفته لها الله يوفقها ويسعدها يارب والعشاء جت لمي عند الباب وحده مانتن بروحه اسمه الطنيبه هع عيت تدخل هي ووجهه>>حمدزتن عليتس هههه بس اجرجره وعيت كلش وعطتني احلى هديه ربي يسعدها ويوفقها عروووبتي تراي محنطتن الهديه موب مستخدمته ابد للذكرى>>فاهمتن الذكرى غلط هع

ههههههههههههههههههههههههه
هههههههههههههههههههههههههههه
طنيبه بوجهتس يالاشعه

وآطعم التحنيط كله , تسلمين شعاعي
بس ما يصلح الهديه تستخدم وإلا وش الفايده منه :/
لا خلص اجيب لك ثاني <~ أتسذب تراي

ودي داخله أشوفتس وتشوفينن بس ما استعديت والله
<<< موب قايله انه هراديس ههههههههههههههههههههه


عاد توليب وما ادراك ما توليب
قليل بحقه هالكلام والله ~
الكل يحبه ويحترمه وتمنينا شوفته هذاك اليوم
لكن لعله خيره , الله يسهل امورنا ونجتمع على خير ,,

تدووووم لحظآتك السعيده شعاع


___


شكراً لك من ذكرن بخير بإستبيان قلب الاسد

حلا الكوون كسرني غيابك فديكا التميمي

شهاده اعتز به , الله يرفع من قدركم


قلب الأسسد

شلون تبي تنقل الاستبيان بالاستراحه

[ع ـروووبة]

-

ولآ عجب أن يرتآح الذآكرون
لكن العجب العجآب , كيف يعيش الغآفلون عن ذكر الله .. !

قآل تعآلى عن الغآفلين :
أموآت غير احيآء ومآ يشعرون أيآن يبعثون

قآل صلى الله عليه وسلم :
ألا أنبئكم بخير أعمآلكم وآزكآهآ عند مليككم وأرفعها في درجآتكم
وخير لكم من إعطاء الذهب والورق وخير لكم من أن تلقوا عدوكم
فتضربوا أعناقهم ويضربوا أعناقكم .. قالوا : بلى ،
قال : ذكر الله تعالى :$

___

الدقآئق الآخيرة من عصر يوم الجمعه

لآتنسوا سورة الكهف والدعآء >> <<

[ع ـروووبة]

-

رحله رحله رحله

<~~ طايره من الفرحه وبس أتخيل
حسيت نفسي أم مريول رصاصي أبو حزام وأبَـه
ورابطه جديلي بشريطه ورديه

خلصت الحضانه والروضه والتمهيدي والابتدائي
حتى المتوسط والثانوي ولا رحت لولا رحله
يوم جت المرحله الجامعيه وتجي السواعه

يوم عطيت ابوي يوقع قالي كل يوم رحله ! متى يشرحون الدكاتره
قلت لا يبه بس المميزين زينا اللي يرحون رحلات
لانهم خلقه فاهمين المناهج ولا يحتاجون لشرح

<~~ نظرة إعجاب من السيد الوالد وكأنه مصدق السالفه
ههههههههههههههههههههههههههههههه

إيييه حلمت الفجر حلم يهبببببل بأحد يهبببببببببل
يا زينه القومه كذا بلا هالمنبه اللي يجخر الاذان تجخير
ادآوم وأنا مصدددعه ويطلع يومي كئيب

بس ما كملت اليوم عشان عنزتي فنفن
السبت اللي قبله فطوم واللي قبله انا وهالمره هي
الله يشرح صدورنا بالعآفيه :/

يالله , ســي يؤؤؤ
بروح أولم فسحتي وعصير الربيع والمطَـاره
وش بعد تبي الرحله غير ذولي

[ع ـروووبة]

^

ورحنا للرحله وإستانسنا الحمدلله
ثلاث مشاريع حطيته ببالي بعد زيارتي للجمعيه
يارب تعينن وأحققه يااااارب ,,

____

اقتباس: عاد وشسمه قرب الثلاثاء الله يجيبه على خير ويتمم يارب بس حروتس نشوف الوشسمه ذذذذذذ>>فضيحه هع

شعااااع ,
جاء هـ الثلاثاء وإجتمعنا الحمدلله
<~~ ما طلعت هي
<جتكم الفضيحه الصدقيه ههههههههههههههه

حيــآكم ب جمعتنا

http://www.buraydh.com/forum/showthread.php?t=323312

شعاع الكون مـايــا حلا الكون
سعيده بإجتماعي معكم والله , تنعاد على الخير يآرب ,,

الثلاثاء 13 / 4 / 1433 هـ

[ع ـروووبة]

-




آريــــد النسخه القديمه ... وبشده من بعض الأشخآص ,
ف تحديثآت الزمن لهم لآتعجبني إطلآقاً ... =(

___

ي كثر اللي تغيروا حولنا , حتموا علينا نتغير غصبٍ عنا
مدري كثرة القيل والقال او حب التغيير او كبروا خلاص
ما عاد يحتاجوننا أو .... ,

أحسه أسباب كثيره بس الأصيل ما تهون عليه العشره :/
كانت أيـــآم حلــوة ي ليته ترجــع لو بس دقيقه
الأيآم الجآيه بتغير حياتي كله

[ع ـروووبة]

-

وش هــ اللغه يا منتدانا

_____

كسسسل مطلق :/
دعوآتكم ,

الذين يشاهدون محتوى الموضوع الآن : 4 ( الأعضاء 2 والزوار 2) ‏ع ـروووبة , ‏» شـيـخ المافـيــا «

حيآآآكم الله

___

لآتنسون سورة الكهف والصلاه على الرسول والدعاء

[ع ـروووبة]

-

رحيلهم عَلمني ..

أنّ الأرواح الجَمِيلة حينما تذهب بلا عوده
هي فقط تستحق الذِكرى والدعَاء ،
فَلا ترهقوا ذاكرتكم وأجسادكم
بمَا مضَى وفات ..

فلا رحيلٌ يُؤلِم كـ رحيلهم إلى " عالم الأموات " !
اللّهم إنّي ٱشتقتُ إليهم
ولن يعودوا أبدًا ،
ولن يأتي مثلُهم أبدا ،
ولن يملاء مكانهم أحدًا ،

فأسألك اللهم أنْ تُسكنهم فسيح جنّتك
فهم أغلى مافقدت . . </3
اللهمَ إنها فيّ قبرهم
فأسألك بكل إسم هو لك
أن تُنزل عليها ضِياءً فّي قَبورهم وتُؤنسَ وحشَتهم
اللهمَ مَتّعهم بِلذة النَظرِ لوجهك الكريم
اللهم ارحمهم وٱغفر لهم وتجاوز عنهم خظاياهم
إنك ولي ذلك والقادر عليه ...

إشتقت لأيــآمهم
السبت 17 / 4

[ع ـروووبة]

-

مسآكم الله بـ آلخير ,

الفتره الماضيه كانت مره بغيضه بدايته من الخميس الماضي لحد هاليوم
كان إسبوع بالضبط بس بالنسبه لي كأنه قرن كامل أو آكثر ... =(

أفكار شينه ونفسيه أشين وتفكير مدري وش يبي !
إخوي الصغير يقول لأمي " الحين وراه ذي من تقوم وهي تنفخ علينا "
أحيان أعصب عليه أحسه يبالغ بس ممكن ما تعودوا علي بهالشكل

أفكار وذكريات قديمه ومزاج مب رايق ,
أشياء مستقبليه تبي تحصل مالي خلقه ومب مستعده له
زياده على الدراسه وهمه وإختباراته وجوَوَه الشين
جاء الصيف وتعبه وغباره والكسل الملازم له :/

المعذره للي اخطيت عليهم بهالفتره </3
وشكراً للي وسع صدري بهالفتره حتى وإن كان ما يقصد

أمي , أبوي , إخـوااانـي , خواتي , صديقاتي , ....
وجودهم أكبر نعمه لي , يآرب ما أبعد عنهم : (


" الخميس 22 / 4 "

[ع ـروووبة]

-

هذي الاسبوع اللي فات الاثنين , والثلاثاء , والاربعاء
كليتي مستضيفه 3 جهات مختلفه ,
أهمه جهة الدور النسائيه لتحفيظ القران ببريدة وكان لهم جناح يجنن
وعطونا هدايا ووردات
وجابوا لنا بنات ثانوي وبنات تمهيدي وسعوا صورنا وكثروونا :/

وفيه المعرض الضوئي للمصوره منال المكتوم برضو ابداع
كنت ابشري لوحه عليه راس خيل ابيض مصورته بس يجنن
وعيييو صديقاتي قالوا انتي مهبوله : (

وجهة الامن والسلامه بمناسبة اسبوع المرور ... =)
مالهم كرت ذولا خخخخ

غيرنا جو ولو إنه المحاضرات والاختبارات نكدت علينا :/
كان أهم حدث حاصل هو جية تكرونيه جميله
عطتن هالمسكواك الجميل ده </3

القميله " ممرضه عسكريــه "
تهبل جيته والله , وحتى سواليفه توسع الصدر
على إنه ما كتب الله اني اجلس معه وقت طويل
بس سعيده بهالشوفه وبداية خير ان شاء الله :/

نورتي الحته كولها يا المنتخبه الخرطي
غيرت من كآبة يوم الاثنين وإحصاه وكيمياه واختباره الشين
فرصه سعيده يا جميلتي

ترا للحين لا تذكرت الزبادي اللي بالعربيه وشسمه بعد
سالفة الارياف افقع من الضحك ههههههههههههههههههههه

[ع ـروووبة]

-

اقتباس: خلآل اسبوع وفي نهآيتهآ يحدث مآيسعدني ويفرحني انقضآء مهلة تدريبي & زواج اخي

ألف مبرووك حلا
الله يوفقك ويوفق معاريسكم ويسعدهم
ويتمم عليكم هالنعمه ويديم أفراحكم

تذكرت لاخلصت مرحله وانا مجتهده به
احس بلذه وطعم غير شكل ... =)
وإلا عاد زواج الاخو وما ادراك ما زواج الاخو
<<~~ خلين ساكته بس

_____

اقتباس: وه بس عسى الله يوفقه ويسهل عليه امتحاناته ويسعده ويهنيه هي وعروووبتي وترووفتي وكل اللي يمتحنون يارب يارب يارب

آمييين ياربي وتوفق شعاعي وتسعده
ما ننحرمشي من هالدعوات الجميله

اقتباس: ابصيح خلاص يوم طلعت من غرفتي مالقيت اهلي كلهم رايحين لخوالي

بعد الدنيا ومابه انتي
ما انسى اتصالتس وليته رنة جرس اطعم
أوما لو جايه اليوم أوم الفله يا شيخه $_$

<~~ اقول بقلبي يارب يجون الحين احستس زهقتي
لاصرت بلحالي ودي بس اصيح كسل موب معقول :/

_____

هذا اللي صدق بعد الدنيا ومابه
<~~ معليش شعاع بس شوفي الجرح اللي عند عينه

هذا اليوم جالسين نتعشى وهو يسرح ويمرح
ما درينا الا صوت صبخه واخوه كان عنده مع البزران
ووجهه احمر من الدم وكله على عينه : (

شوي ويروح فيها من الصياح وأمه حدث ولا حرج
وأخوه إقتلب وجهه أسسود من الرعب :/
عاد يوم غسلته امي صار مخوش بس - الحمدلله -

ما تشوف شر يودي حبيبي
<~~ ماش هالولد رخو قوووه هههههههههه
آخر المسطات يارب ... =(


_______

الذين يشاهدون محتوى الموضوع الآن : 7 ( الأعضاء 3 والزوار 4) ‏ع ـروووبة* , ‏تحدوها البشر

حيا الله مصممه التواقيع
نورتي الحته كولهاا , منورين جميعاً حياكم الله ..

[ع ـروووبة]

-

اقتباس: << لعروووبتي الخضر لااحد يجيهن ذذذذذ

وخ وخ وخ لاخلا ولا عدم
الله يخليك لنا يارب وما يحرمنا وجودك
ولا تعودين لمثل هالطاري اللي يغث :/

شعاعي ,
دوووتس
<~~ وراه قلب اللون لتفاحي

_____

اقتباس: وه بث ياهالمخش مخيش قلبي هالمخيش كلش ولا ايود عاد وين الدله تجي تشوف شرط ان تنهبل هبال هههههههههههههههههههه حوبيله وه بس احببببه الحمدلله على سلامته

الله يسلم قلبك شعاع
<< علقت على الاخضر ههههههههههههه
لو تشوفينه وهو يصيح قسم بالله يقطع القلب
أول مرتاعين كل وجهه أحمر بس ستر الله ,

وخ يهالدله يا بختنا به
<< قطت مع ولد اخته هههههههههههههههههه

_____

اقتباس: لولا وقفة عروووبتي معي الله يخليه لي ودعواته لي ولاكان علوم

ما تشوفين شر شعاعي
حق وواجب والله

ضاق صدري من دريت انه رجع
الله يلبسك ثوب الصحه والعافيه

سوي اللي قلت لك عليه وطمنينا ,

_____

اقتباس: على اساس بنتشاوف انا وعروووبه واميره دقت علي اميره قالت لي ترا فيه بازار بكليتي تعالي انتي وعروووبه ياحوبيلكن وادق على عروووبه وقالت خلاص اسأل اهلي واعلمك وانا اساحر اهلي واختي معي تساحر <<راحمتن وابوي كلش معيي يوم تقل انه بدء يطيع ومير يعلقون الدراسه انقهررررررررت تقول اميره ياربيه مالقوا يعلقونه الايوم صرتي تبي تجين انتي وعروووبه لكليتي

مكتوب
عاد أهم شي إني ما آخذ إحصاء
والله ياهو كآبه موب صاحيه :/
صرت أكرهه الإثنين عشانه

بعدهم كلهم هالاميره
إن شاء الله بنعوضه وبنتشاوف ... =)

<<< أهم شي مصطفى ههههههههههههههههههه
على طاريه يقولون فيه بنات مداومين بكليتنا
أخو صديقتي مر من عنده وشافهم طالعين الظهر
بحل يا مصطفى عند ذولا

ياويلهم يحسبون غياب بالاحصاء والكيمياء
القهر انهن على 3 ساعات :/

_____

ومير تنزل سرياليه الصور حقات الانشطه الثلاث
اللي سووهن الاسبوع الماضي :/

هذا برى المصلى مكان اجتماعي مع ممرضه

هذا داخل المصلى ,

شعاع مــايـــا وش يعني لكم هالمكان

هذي الصوره اللي فهيت عنده
جمييييله جدا جدا

شكراً سرياليه ,
ربِ افرغ على قلوبهم الوجله صبر أيوب وأناءة لُقمان
اللهم إرحم فقيدتهم وأجبر مصابهم :/

_____

متلهفه أسمع أخبارهم , أحس إني ضايقتهم بششكل
يارب يحسون إني مرتاحه الحين

______

الاثنين 26 / 4 / 1433 هـ
يوم عالمي إجازه عن د/ شعبان و د/ نهاد
والاجواء مستقره يارب لك الحمد