الأصـــــل فـي الــزواج ( الــتــعــدد ) . فـلـمـاذا لا نـعـدد ؟

[bant tamim]

اقتباس:  المشاركة الأصلية كتبت بواسطة تحدوها البشر     رأي وتعليق ينم على جهل مطبق .. هل تقارن وضع الرجل بوضع المرأة....!! قال تعدد للرجال قال ...! انزين ماراح اتكلم عن هالنقطه .... بتكلم عن من يعتقد ان زواج الرجل على زوجته انه راح تعيش الاولى بظلم وانه خيانه وجريمه اقترفها..او ان الزوجه الاولى صارت كانها بدون زوج ..!!....الخ اولا انتي متزوجه يالغاليه!!!!طيب ابي جوآآب بكل آمانه كيف شعورك لوسألك وقال بتزوووووووووووووووووووووج عليك!! هل تصدقون ان المراة مابتحس بجمال وجاذبية وفتنة زوجها الا لما يتزوج عليها وتصير تغار عليه ..؟؟ تتغير حياتها ...يصير لطلته طعم ونكهه خاصه ...يكون له نظره ثانيه بعينها راح تعيد حساباتها جميعا معه ...راح تترك الناس والاصحاب والاصدقاء لجله ..وتتفرغ له تتزين له ولاتهنا الا لما تكون كأنها عروس طوال ايام الحياة ..... بعكس لما يكونوا فقط اثنين ... روتين ممل جدا مهمله نوعا ما لاغلب متطلباته واحتاجاته ...تفضل غالبا علاقاتها الاجتماعيه عليه وبخاصه اهلها ... ماتهتم باهله او بأمه كثير ..زيارته لخالته حق سلام السنه وبس.. وغيره وغيره من الصفات الغالبه للزوجه الوحده .... يااااااااااااااااااااااارب اذا كانت اختي تحدوها متزوجه ان زوجها يتزوج فوقها وحده 2عشان تحس بالجمال والفتنه والغيره..تصير طلة زوجها له نكهه خاصه وعشان تصير كأنها عروس طول عمرها...واذا هي مو متزوجه برضوتتزوج ويتزوج عليها عشان تحس في هالأحساس الغريب اللي كل انثى مخلوقه على وجه الأرض ماتحس فيه <<ماجبت شي من عندي انتي قلتي ودي تحسين فيه قبل مايتهور احد ويسمع كلامك ويتزوج ع هالمسكينه زوجته راح اسرد لكم نموذج على بالي الان لاحدى قريباتي الاربعينات كان زوجها دايما يخبرها انه بأي لحظه بيتزوج عليها .. وهي ماقصرت معه ..عادي ..حرمه مثل هالحريم لازود ولا نقص لاهيب اللي حاشمته ولا اللي مهملته.. المهم لما صار عمرها 45 خطب زوجها فعلا .. وانهارت وبدت تبك بك عند هالحريم وخايفه يهمله زوجه ووو ..الخ وماغير حاطه ايده على قلبه كل ماقربت ليلة دخلته .. وكانت حرمه متفهمه وعاقله بمعنى انه لما تفاهم معها يبيها تساعده في تنظيف شقة الجديدة تفهمت ووقفت معه رتبت اثاثه واشترت للمطبخ مقاضيه من بهارات وأواني ...الخ وبعد سنه من زواجه عليه...!! اوووووووووووووووووووووما عاد هاي موطبيعيه مااااتحبه اسمحي لي تبي الفكه منه هاي وماصدقت خبر وتبغى تتفرغ لمشاويرها عاااااائشه أم المؤمنين تغااااااااارعلى رسول الله (أمكم غارت أمكم غارت) اقسم قسم انها قالت ...يااااليته فلان متزوج علي من سنين .... والله اني ماحسيت اني موجوده بالحياه الا لما تزوج .. صارت يا اخوان سيدة مجتمع ... صارت تطلع وتدخل على كيفها لانه يعدل بكل شي بينهن .. وتوسعت علاقاتها الاجتماعيه .. وصارت تهتم بنفسها كثير .. وصار لها صديقات جدد ..! وصارت ماتفوته ولا عزيمه من اقاربها بدت تشوف الناس وقريباتها اللي بعضهم يمكن من يوم تزوج ماشافتهن .. وفي البيت يا الله من فضلك ... تقول تفرغت لنفسي ..اليوم اللي ماهو عندي اتفرغ لنفسي اهتم بنفسي وا اروح اتسوق عشانه والا جالسه عند القنوات وبديت اتابع اللي يتابعون الناس واشوفه وافهم اللي يصير حولي بالعالم .. وصارت لدخلة زوجي طلة مختلفه على البيت ... كني انتظر عريس ... وصاير غالي جدا .. وهذا طبعا كله يعتمد على الرجل ..اللي يعدل راح يشوفن زوجاته الضراير السعادة اكثر من اللي لحاله مع زوجها ومال منها ومتعود على خلقتها يشوفها 24 ساعه قدامه و متعودة هي عليه وصايره تمون بزيادة عليه ولا تترد في رفض اي طلب منه من الميانه الزايدة والتطنيش واللامبلاه . ايوه صاااادقه اسمعو كلامها ...ورب البيت واحد يشكي للولد ربي يرحمه متزوج على زوجته يقول كنت مرتاااح ماوراء تجميع هالحريم الا كل مرض وهم نبي نرتاح شقينا المصاريف كثرة والشقى لبيتين والوآحد يالله بيت وشاقي وكل وحده تسحب منك فلوس تقول والله لااسحب دم قلبه وشوله يتزوج علي والثانيه تسحب تقول لي حق وتعطين كثر ماتعطي ام عيالك الاولى لو ماعندي غير واحد يقول كل من سمعت انه بيتزوج نصحته انه يمسك بيته ومايتزوج وربي اللي ماعنده غير وحده وحاشمته وماقصرت معاه يحب يدينه ويشكر ربه..............

اسمحي لي اختي تحدوهااااا نرفززززني كلامك ونا ماااتزوجت وموعادتي اي شي ينرفزني انا ابي زوجي لي انا احبه مابي اتخلى عنه بسهوله مادام حاشمته وماااااينقصه شي وماااافي انثى ماتغار ع زوجها وتتحمل شخص ثاني يشاركها زوجها وسعادتهااا..اما كلامك اعلآه هذي غصب عنها وصااار ورضت بالأمر الوآقع وتبي الفكه منه وهو حاااس بنقص بحياته ولو شااااروها صدقيني كااان رفضت وهالكلام كله بهارآت وتصنع منها وسوي استبيان بالمنتدى وشوفي صحة كلااامي....

[bant tamim]

وجهة نظر اللي حااااس بنقص بحياته واهمال من زوجته اوناقصه ذريه مايتزوج ثانتين لا يتزوج اربعه لين يكمل النقص حق له وربي يسعده

اما اللي زوجته مااااااااااااااااااااااااااقصرت معاه بشي وشايل هم هالعوانس وده يتزوج ويجرب مثل هالناس ويتبع سنة رسولنا بس بالكلام هذا يحمد ربه ويمسك زوجته ويمسك ارضه لايظلم بنات الناس .... وبكل الحالتين ربي يعينه

[نديم بريده]

اقتباس:  المشاركة الأصلية كتبت بواسطة تحدوها البشر     رأي وتعليق ينم على جهل مطبق .. هل تقارن وضع الرجل بوضع المرأة....!! قال تعدد للرجال قال ...!

( تخيل )

لقافة + تسرع + جهل معشش ومزمن .

أقول : ( قري في زريبتك ) .

هذه مشكلة العوانس . اللاتي دخلن في مربع القواعد .

[شاها]

-
احـمد ربك موحولك آم آسيد ههه
آنتم ماتعرفون من الدين آلآالتعدد وقرن في بيوتكم
خوش والله على العمومم ماراح نزعل لان صبغتكم صبغه 2012

[روعة الكون]

اقتباس: يااااااااااااااااااااااارب اذا كانت اختي تحدوها متزوجه ان زوجها يتزوج فوقها وحده 2عشان تحس بالجمال والفتنه والغيره..تصير طلة زوجها له نكهه خاصه وعشان تصير كأنها عروس طول عمرها...واذا هي مو متزوجه برضوتتزوج ويتزوج عليها عشان تحس في هالأ حساس الغريب اللي كل انثى مخلوقه على وجه الأرض ماتحس فيه <<ماجبت شي من عندي انتي قلتي ودي تحسين فيه قبل مايتهور احد ويسمع كلامك ويتزوج ع هالمسكينه زوجته

تحدوهآ إنتِ مجربه ؟ اذا مآجربتي لآتحكمين على كلآم الناس ..
كم من احد قال مستآنس وهو عكس كذآ , شيء إنتي مآجربتيه لآتحكمين عليه ..
اذا كنتي متزوجه آقسملك بآلله انا من بكرى مستعده اخطب لزوجك آللي تتحدى البنات بالجمآل ,
وآبشوف انتي يصير بك آللي ذكرتيه آو ينعفس ححآلك !

اقتباس: لا تكاابرين .. ابو سروال وفانيله هاللي تتطنزين فيه .. ماعزكن الآ هو .. آنتي بس خلهم يسمحون ونشوف هالدرب يمدحون طريق الجوف يقولون صار مزدوج كامل ..

صدمتن بتفكيرك آخ تركي .. ماتوقعتك كذا ابد احسبك عاقل !!
آلله يقوّيك تلقآهن كبه ببريده وشوله تسآفر الله يسآعدك ..

[لسان الطير]

وانت ليش ماتعدد
او خايف يالجبان خخخ

[روعة الكون]

اقتباس:  المشاركة الأصلية كتبت بواسطة لسان الطير     وانت ليش ماتعدد او خايف يالجبان خخخ

ليته يعدد وهو مسكت موب لازم عددو عددو تقل شيبان اولين ..
الي يبي يعدد يعرف يطق البيبان ويقول زوجون موب لازم احد يقوله ,
المشكله هنا ناس حبيبين وعلى نياتهم ياخذون مقلب يحسبونه صدز يبي يستانس
مايدري ان الديون تبي تراكم عليه من كل جهه

[عناية بالبشرة]

والله عاد هذي وجهة نظري .. ماني مجبورة لا اكذب ولا اكتب تعليق ..
وياليت ركزتوا في نهاية تعليقي ..كتبت ان هذا يحدث في حالة عدل الزوج ... لان هذي المرأة عازها ومقدرها زوجها قبل وبعد
ومسألة طلعاتها وتفرغها له فهذا مو يعني تسكع مثل ما وصفت بعضكن..
هذا يعني يالفاهمات ان زوجته الثانيه انسانه اجتماعيه وتطلع وتقابل الناس وتجيب الدعوات
فخلى زوجته الاولى مايفوته ولا عزيمه من عزايم حمولته واهله ..
وبالمناسبه الشر في التعدد غالبا من الزوجه الاولى ..ياللي راحمات الاولى ام الشر
حسب ماشفت ورأيت من صديقاتي وقريباتي ....الانانيه مخلوقه من الاولى ...تبي تملك الزوج غصب وكأنه الزوجه الثانيه شرعيا مالها حقوق فيه طالما عقد عليها عقد شرعي
احدى المعارف تقدم لها رجل متزوج وواقفت عليه من باب من جائكم من ترضون دينه فزوجوه ...ما اخذته من زوجته ولا تعرفه
وعلى دور السنه رجعت لبيت اهلها من تضييق زوجته الاولى عليه ليما هجت ..
..مع انها انسانه مهذبه قريبتي ومحترمه كانت ماتحضر اكثر اجتماعات حمولته مراعاة لهاللاربعينيه المترهله لجل تاخذ راحته مع الحموله
ومع ذلك لم يخلو يوم طوال ايام زواجها من اتصالات الاوله عليه لاجا يومها تناديه ابنك فلان مريض بنتك فلانه تبي اغراض للمدرسه
حتى ساعات متأخرة من الليل تطلعه من بيته طفى الكهرب ..مدري وش اللي صار ..ووالخ
حتى هي نفسها ترسل لجوالها شتايم وسخريات وكاتمه عن زوجها لجل ماتحدث مشاكل زود ..
ليما جت الساعه اللي قال هالوضع ما اتحمله لازم بتخلى عن وحده فاختار الثانيه لانه لسه ماجابت المسكينه عيال.
وش ذنبه هدمت بيته هاللي ماتخاف الله ..

اقتباس:  المشاركة الأصلية كتبت بواسطة نديم الهـوى     ( تخيل ) لقافة + تسرع + جهل معشش ومزمن . أقول : ( قري في زريبتك ) . هذه مشكلة العوانس . اللاتي دخلن في مربع القواعد .

من المتسرع ...؟ انت والا انا ...
اعتقد اني اخوي ما سبيت شخصك حتى تتهجم وتغص من الغيض ماتدري وش تقول لي..
انا قلت عن الجهل هو جهلت بهذه المسألة فقط..
ماقلت نديم الهوى قاعد بخيمه بصحرا مايدري عن العالم .

وعن العوانس والقواعد
فبكل فخر انا من فئة المطلقات ...
دنياي على كيفي حنا هذا زماننا ..الكل يركض ورانا ويشهق بنا ..
ماندري من نوافق عليه . وملكة جمال

قال قواعد ..وجالسه بزريبه ..
حصَل ظفري

[نديم بريده]

يـ تحدوها البشر

ختامها :

المثل يقول

( لو فيييـه خييير ما رمـاه الطير )

[الاردني القصيمي]

لا للتعدد في ضل الاوضاع الاقتصاديه الحاليه ومن يستطيع ان يعدل هذه الايام؟؟
تلك الايام قد ولت وانقضت وياريت الواحد منا بس يقدر يؤمن حياه كريمه للزوجه ام عياله

[تركـي]

اقتباس: صدمتن بتفكيرك آخ تركي .. ماتوقعتك كذا ابد احسبك عاقل !! آلله يقوّيك تلقآهن كبه ببريده وشوله تسآفر الله يسآعدك ..

وراه يالعمه ..
مو انتن تكابرن وتقولن روحو تزوجو وعددو ..
ويوم آطريت السوريات .. مادري وش يجيكن .. !!
وانا آآقول اذا الرجل قادر وبيعدل وش المانع ..؟؟
وانا ( عكسري ) ممنوع .. مبصم ماآخذ الآ وطنيه ..

انا والله ضد التعدد ..
الآ اذا كانت البنت مقتنعه .. وبرضاها وبرضى الزوجة الآولى
ترآآ شبح العنوسة عندنا رقمه مخيف ..
.....

اقتباس: يـ تحدوها البشر ختامها : المثل يقول ( لو فيييـه خييير ما رمـاه الطير )

عفوا .. نديم الهوى ..
اذا كانت نظرتنا للمطلقة بنفس نظرتك هذه
اذا نحكم عليها بالموت .. والنهاية
كم مطلقة تزوجت وجددت حياتها
وعاشت بهناء وسعادة ..
وش ذنب بنت الناس بعد اذا ورطوها مع واحد ماهو كفؤ .. لها ..؟؟
هل تستسلم لحياتها التعيسة حتى تموت ..!!

مشكلتنا مع المطلقة آرتبطت بتلك العادات والتقاليد البالية ..
اللتي ماآنزل الله فيها من سلطان ..
وياليت بعد يطبقون في الرجل
اذا كان مطلق آنها ماعافته وهو فيه خير
حتى نساوي المعادلة
وش شعور الرجل ..؟؟

[المتزن]

كنت ومازلت وسأظل أقول :

ألد أعداء المرأة .. هي المرأة !


ماوقف ضد التعدد إلا المرأة .. طيب الرجال من يبي يتزوج ثانية ؟!

مهيب امرأة بعد ؟


مير تهاوشن ولا اتفقتن على شيء , علمون

[الفتى السمنسي]

اقتباس:  المشاركة الأصلية كتبت بواسطة بسومة بريده     اذا التعدد بيحل مشكلة العنوسه بنظركم فهو يسبب مشاكل كثيره من جهة ثانيه... انا لست مع التعدد او ضده ... ورسالتي لمن يفكر بالتعدد قبل ان تقدم على هذه الخطوة قلبها من كل الجوانب واهم شي هل انت قدها ولا لا...

الله يهديتس يام عمر بس ,,شكلتس خايفة يسويها أبوعمر علشان كذا قلتي إن التعدد يسبب مشاكل كثيره .
ياعالم صدقوني التعدد مافيه أي مشاكل بل كله إيجابيات ومن إيجابياته القضاء على الخيانات الزوجيه والسفر للخارج ولقضاء على العنوسه .
بس مشكلتنا أنانية الزوجه وحب التملك لزوجها وكأنها قد إشترته من أهله .

[الفتى السمنسي]

اقتباس:  المشاركة الأصلية كتبت بواسطة أحب نفسي     لأنكم منتب كفووو تعددون و لستم آهـلآ له .! بخخخخخخخ و هم لآقين يتزوجون وحدهـ عشن يفكرون يعددون .! ي رآآآقل وحدهـ و عسآهم يقوون آلديون آللي على ظهورهم .. مهب آننآ حنآ رآضين ولآ محنب رآضين .! بس آصلآ آلرجآل مآيقوون ولآ عندهم قدرة سوآءً أخلآقيآ و مـــآديآ .!

أفا بس هذا وأنتي بقراطيسك تقولين هالكلام !!!! الله يعين زوجك المستقبلي عليك ...بس تصدقين اغلب اللي يعارضن التعدد هن اللي يتزوج ازواجهن عليهن ..سبحان الله .
بالنسبه إنهم منتفين وداجين ومايقدرون يتزوجون فهذا جزء من المخطط ونشر الفساد بين الناس واللبيب بالإشارة يفهم .
بس ممكن تشرحين لي كلمة ( ماعندهم قدرة اخلاقيا ) ؟؟

[حناااااا]

لا إله إلا الله وحده لا شريك..

أخي الكريم الاعتراض ليس على الأصل في الشرع..بل الاعتراض على طريقة المكلفين بالتعاطي مع الشرع..

أوافق الاخوة والأخوات الذين قالوا بأن من الرجال من يقدم على التعدد وهو ليس بكفء له..

بل بتعدده يفتح على نفسه وعلى زوجاته أبواب جهنم..

فلا هو عدل ولاهو أصلح..والنتيجة..الظلم لنفسه ولأحد زوجاته..والله حرم الظلم على نفسه وجعله بينكم محرماً..

نعم..من لديه القدرة بالقيام بحق التعدد..وهو إيفاء كل ذي حق حقه..والعدل كما نص عليه الشرع..

هنا نقول نعم وبشدة..لكن التعدد على إطلاقه ليس عدلاً دائماً..إذا لم يقم الرجل بالحق..

وإلا فشرع الله عدل..وكلامه حقٌ لا يأتيه الباطل من بين يديه ولا من خلفه..

أما قولك حب التملك في الزوجة..أقول لك أخي الكريم ليس كل الزوجات لديها حب تملك..

ولكن كل الزوجات جبلن على الغيرة..

أتنكر هذا؟؟

الفطرة التي فطرنا الله عليها لا يمكن إنكارها..

نعم الغيرة ليست مبرراً لتحريم ماأحل الله..فمن نزل بها أمر الله (تزوج زوجها عليها) عليها أن ترضا بما قسم الله لها..أما تحمل زوجها على الحرام..فهي أيضاً آثمة..

ما أريد توضيحه..

يامعشر الرجال..لا تتخذوا آيات الله هزواً..تعدد لتقضي وطرك وترمي ماشرع الله عليك من حقوق وراء ظهرك..فاتقوا الله في النساء..

ويامعشر النساء..ارضين بأمر الله فما شرع الله التعدد ظلماً لكن (وما ربك بظلاّم للعبيد)..

والله من وراء القصد