نعم انها قصة الولد العجيب الذي يقتل الاشرار بالمددس
قام هذا الولد بالذهاب الى الى غرفته وهو انا يوم كنت صغير
واقرا ذيك القصة الخيالية اللي تهيضني
والله ولا حسيت الا وانا اروح البقالة واشري لي مسدس موية ابو 5 رياال
واسوي قائمة للي لازم انتقم منهم وكان على رأسهم ابووي
المهم واجهز المددس واعبيه ذخيرة اقصد موية المهم واتلطم واروح له وهو يشرب شاهي
ورش مويه وهاك محاذف بذا المراكي ولا حسيت الا بذيك البيالة اللي نشبت في جبهتي
واروح ابكي وانام وشطبت ابووي واجلت موعد الانتقام واحط امي واروح لها اليوم الثاني
وهي تطالع هالمجلات ولا حست الا الموية اللي ملت وجهها وانا اجيك ابهرب واروح المطبخ
واتخبى في المستودع وامي تدور لي ولا حسيت الا ونا مطيح خيشة البصل ولا حسيت الا القدر فوق راسي
واغمى علي وبعدتها غمرتني امي بالقبلات والحب اللي ماله اول ولا تالي
وارووح للقائمة وامحي امي مرة وحده واتذكر اخوي الكبير يوم انه كرشني قلت والله مايسلم
واجهز المددس والقا اخووي يذاكر واجيك طاير وارش مويه واجيب قلم وشخبط على كتابه ولا
حسيت الا ببقس واحلى نحشة وادخل الكبت واصك علي واخوي يسحب وانا ماسك ويسحب واطيح وشوف انواع الترفيس
وقلة الحيا المهم اجلت اخووي والقى اختي في القائمة واقول هين واروح لها ورش موية
ولا قعدت الا طلبت الفزعة وتقول يبااااااااااااه ولا حسيت الا ابوي ملفعني كفوف وتبقيس
المهم قلت مالك الا هي الشغالة واروح لها وهي تشتغل وتغني وارش مويه واقول لاتغنين
وتقول رووه وتقعد تغني واصكها بهالمددس المائي العجيب ولا قعدت الا الشبشب في وجهي
قلت الله حتى الشغالة ماسلمت منها لكن هين وين ترووحين مني
والقى اهلي قاعدين في الصالة ومعهم الشغالة ترتب قلت لحظتك يابو عناد
وارووح لهم واقوول انتم تحيدتوني وخاب من تحداني واروح ادق على فزعاتي
واكلمهم يجوون
قالو طيب واختطفنا اخووي وعذبتها انا شر تعذيب<<<رخمة
المهم
واكلم اهلي كل يوم واقول لهم ياتدفعون جزية يانرجع لكم ولدكم وشعره مقرع
وادق عليهم نقوول لهم ياتدفعون يانرجع لكم ولدكم احول
ياتدفعون يا نخلي ولدكم دلخ
ياتدفعون يا نقرص ولدكم
ياتدفعون يانشد شعر ولدكم
وعلى هالموال
المهم مافاد فيهم
وقربنا ننفذ العملية واروح عند الولد اللي خطفناه واقول لازم اشد شعرك قاهرني انت
وارووح اشد شعره واشده ولاحسيت الا بكف
واقوم من النوم ويقول ابوي وش فيك جرحت صلعتي الله يغربلك
هههههههههههههههههههههه
خيرها بغيرها
وبهذا انتهت قصة الولد الذي يقاتل الاشرار بالمددس
تقبلوا تحياتي 
وأرجو رجا إنكم تعلقون وإلاتردون 
أولاه
الولد الذي يقاتل الأشرار بالمسدس
العرض العادي
