فهل ستعذريننا يا إستمارة النقل ؟؟؟؟

[....e7sas]

بسم الله الرحمن الرحيم الحمدلله رب العالمين والصلاة والسلام على أشرف الانبياء والمرسلين ... وبعد..
لقد كان لتعيين المعلمات في القرى دور في شغل الشباب العاطلين للكسب المادي من وراء هذه الوظيفه حيث انتشرت سيارات النقل سواء شركات او غيرها بشكل واسع..... لكن أين المخلص في عمله ؟؟؟!!!


تقول زميلتي: نحن معلمات معينات في قرية وتعاقدنا مع نقل لكن للأسف ( مش قدها ) فالأخ يتأخر
علينا في الصباح و إذا ركبنا سار بنا بسرعة جنونيه بحجة أننا متأخرين، وهل السرعة حل لمشكلة التأخر؟؟؟
ولما نصل المدرسه تأتي المديره بطرح الأسئله لما هذا التأخر وإلى متى ؟؟؟واللوم يقع على عاتقنا
وكأننا السبب في كل ما يحدث....آآآآآآآآآخ يالقهر أحيانا نجهز انفسنا من بعد صلاة الفجر مباشرة،
لكن الأخ الكريم صاحب النقل موسع صدره وطاقه نومه !!!! ولما نتصل فيه يرد علينا بأبرد من الثلج
بأن السياره متعطله،، أو عنده موعد ،،أو المحرم ماأدري وش فيها ( بالله تقل متفضل بنقلنا ؟؟؟ )
ونحن على أحـــــــــــــــــــــــــــــــــر من الجمــــــــــــــــــــــــــــــر.
ألا يعلم هو أننا عانينا الكثير ولا زلنا نعاني من الذهاب للقرى حتى يأتي هو ويكمل الناقص؟؟؟
ويغيبنا عالفاضي؟؟؟؟؟
وأخيــــــــــــــــرا ,, تأتي إستمارة النقل ويُسجل غيـــــــــــــــــاب لنا على حساب خاطره،
وعندما تأتي المديرة لتضع الأداء الوظيفي تجد الغياب والتأخير فتخفض الدرجات وكل ذلك من جراء
سلوكيات هذا النقل البايخه ،، وبالتالي ترفع الإستمارات وتتعرقل عملية النقل بسببك أيها النقل..

فأين العمــــــــــــــــــــــــــــــــــــل لوجه الله ام التفكير المادي طغى عليكم ؟؟؟؟؟!!!!
Thanx a lot

[فارس الميدان]

والله مشكله والله شي يقهر

والمشكله كل ما فتحت شركه حق نقل قفلتها البلديه او مصادر اخرى عشان فيها مشاكل

يعني المشاكل يا من السواق او من الحريم الي يركبون معه وبالتالي تتسكر الشركه حقت النقل

وبعدين المعلمات المساكين يبحثون عن شخص مستقل .. وهذا مافي اكثر من عيوبه

الله لكم .. هذا الي نقدر نقوله


طيب مافي حل يكون فيه راحه لكم ولتعليم غير النقل الى جانب بيوتكم ؟

يعني المفروض ادارة التعليم تحط سواقين وباصات للمدارس الخارجيه لنقل المعلمات .. يكفي انهم كافحو في حياتهم .. يعني ليش ماتحط ادارة التعليم سواقين من عندها .. والي يقهر بزياده ان الراتب حق المعلمه كله يروح للسواق والبلاوي الي غيره .. وزير التعليم كان في حقوق الانسان المفروض انه يطلع على المشاكل هذي .. بس الظاهر ان الدعوه كلها اسماء بالفاضي ..



الله يعينكم





















فارس

[عيون الصقر]

الله يكون بعونكم معانات كبيرة ومن كل صوب الحل بيد التعليم ثم باقرار تنظيم شركات نقل معتمدة تفي بالتزاماتها واهمها مراعاة السلامة

الله يحفظ الجميع

[بنت الديرة]

نفس المعاناة تقريباً مع اختلاف بسيط ان النقل اللي عندنا يقولها صريحه( غيبوا اليوم ماراح اوصلكم)

لأعذار واهية اما عدم وجود المحرم او... او ...

ومثل ماقلتي المشرفات مايرحمون والمندوبيات مايرحمون ولافيه اي تقدير لوضعنا وحنا ضعنا بالطوشه بينهم

حاولت اتكلم معهم واشرح لهم.. والمشكله انهم شددوا علي انا بالذات وركزوا على غيابي بشكل غريب حتى صارت الموجهه الأدارية تجي علشاني مخصوص<-- حسيت اني صرت شخصيه مهمه

والخوف كل الخوف ان هالغياب يأثر على حركة النقل

الله يقدر لنا النقل بعزته وقدرته ولو كره الكارهون

[....e7sas]

شكـــــــــــــــــــــــ فارس الميدان ـــــــــــــــــــــراً عالمرور سعدت بمداخلتك ،،،،،،



Thanx a lot

[....e7sas]

شرفني تواجـــــــــــــــــ عيون الصقر ________________دك ... مشكور عالمداخله ،،،،،،،

Thanx a lot

[ابو الحسن]

فعلا مشكله كبيره ضحيتها المعلمات
كان الله بعونكن

[....e7sas]

أهــــــــــــــــــــــــــــلا بك يا بنت الديره ،،، نورت الموضوع بطلتك البهيه ...
و أسأل الله أن يستجيب دعائك ،،،،

Thanx a lot

[هين هين]

قرأت قبل كم يوم بجريدة المدينة عن حادث ثلاث باصات نقل معلمات بتريلا متجهات من جدة الى القنفذة جنوب جدة
وفيات اصابات خطيره اعاقه دائمه شلل لبعض المعلمات شي يقطع القلب
والله معانات لبناتنا وين الحلول يا مسؤولين والله حرام لازم تلقون حل لمشكلة النقل وفورآ
تحياتي

[الافق]

فعلا مشكله كبيره ضحيتها المعلمات
كان الله بعون معلمات القرى ..


لكم تحياتي

[جلوي العتيبي]

الحقيقه وضع صعب وخطر كبير يواجه أخواتنا في كل صباح

الأفضل من وجهة نظري هي البحث عن رجل ثقه وعلى قدر من المسؤلية وتغيير هذا الغير مبالي

الشيء الآخر :

الأخوات مديرات المدارس في القرى من المفترض أن يكون تعاملهن مع التأخر الصباحي أكثر ليونه وتساهل

ليس من المعقول أن تضغط المديره على معلمه تكبدت عناء طريق طويل

والنظام أعتقد انه مرن في هذا الجانب

وأولاً وآخراً قولي لزميلتك :تأخرن ساعه على الدوام بس لايسرع السواق ويعرضكن ويعرض نفسه للخطر

[....e7sas]

أهـــــــــــــــــــ الأ فق ـــــــــــــــــــــــــــــــــــلاً ،،، شرفنا مرورك

Thanx a lot

[مياسة]

يا حبيــــبتي الأستاذه


... لا تخلون اي احد يوديكم .. أسئلي صاحبات الخبرات السابقه ..





هناك من يؤدون وظيفتهم على اكمل وجه ...

وأياكم والسرعه .....!!!

[....e7sas]

أ تحفتنا بمداخلتك أيها الزعيم ،،،، بس وين السواقين الثقه اللي يصلحون للنقل ،، والله ما يفكرون إلا بالفلوس نهاية الشهر يعني تهور وتفكير مادي .... ما دروا ان بنات الناس ارواحهم غاليه وأهاليهم تنتظرهم على أحر من الجمر وتتمنى وصولهم بالسلامه......

Thanx a lot

[جوااااااااد]

البرنسيس ... مرحبا

الله يعينكم ... فعلاً تتحملون ذنب ليس من صنعكم