بنك العربي ببريدة نفس شينة ونظام مروح !!

[واحد من الربع]

البنك العربي
والله من قل الدبره ...
على العموم أنا من المتعذبين منه
خلال الثلاث سنوات الماضيه
لأني وكيل ورثه ..
والله أول كانوا فيه شباب
ماشاء الله
يسترون حاله ..
لكن بعد ما طلعوا ..
دحدر دحدرتاً محترمه ..
على العموم هذي هي إمكانياته ...
ما نفعه إلا رواتب المتقاعدين ...
والله يا أنا أشفق على الناس اللي يجونه ...
من أقصى القصيم
ولا تلقى إلا موظف واحد ...
و أخلاق تجاااااريه ...
لكن نصيحه ...
المتقاعد
هانت ...
كلها شهر إن شاء الله
وتحول جميع رواتب التقاعد على
المؤسسة العامة للتقاعد
الموجودة في الواجهة الشرقية لمقر نادي التعاون ...
يعني مافيه راتب على البنك العربي ..
لأنهم يخيرونك على أي بنك تبيه ينزل راتبك التقاعدي أو راتب الورثه ..
وهذي المعلومه أخذه أنا من نفس موظف المصلحه العامة للتقاعد ..
لكن يطلبون منك التكرم وتحديث بياناتك من عندهم ...أي من عندي المؤسسة المذكوره ..
أما اللي ما تقاعد ...
وش هو له يفتح حساب عند البنك العربي ..
قلت البنوك ...
أبي منكم طلب ...
مروا على البنك العربي العصر في أي يوم ...
وبعده مروا على البنك ( سامبا ) على طول ...
والله يا هو فرق السماء عن الأرض ...
على العموم ...
الله يخلي لنا الدوله ...
اللي يطالبون بفرع للنساء
عساهم بحملهم يثورون ..
فرع رجالي واحد وعجزوا أجل لو يجي فرعين ..
ياااااااااااااا صبر الأرض ..

[صدى الصوت]

الملتاعه


والله اني ضحكت على ردك

والمستودع اللي انتي شفتيه شايفه وانتي الصادقه كأنه مخفق حمام



الحين نقدر نسميك الملتاعه
خخخخخخخخخخخخخخخ

[راشد الصليحان]

اقتباس:  المشاركة الأصلية كتبت بواسطة الراى الاول     اصبر قليلا حتى ينتقل المقره الجديد بدوار الكليه الزراعيه عسى ولعل ان يكون هناك تغير يذكر

الأخ الراي الأول

المثل ينطبق على من يراجع (( مــت يا ......... حتى يأتيك الربيع ))

شكرا لحضورك ,,

[راشد الصليحان]

اقتباس:  المشاركة الأصلية كتبت بواسطة عبدالله الحلوه     لم يتفق الناس على شئ كإتفاقهم على سوء البنك العربي والبركه اولاً واخيراً في مصلحة معاشات التقاعد التي جعلت منه بنكاً وإلا لكان في طي النسيان الله يكون بعون محتاجيه تحياتي ,,

الأخ عبدالله

هلاااااااااابك

بالفعل ...فالأمة لاتجتمع عل ضلالة !

شكرا لرأيك المستنير ,,,

[الحجي دحيم]

الصراحه هذا البنك مقرف جدا من ناحية الفرع فهو قديم ووسخ
ومن ناحية الموظفين ابتداءا من المدير فهو شينة نفسه لآخر درجه ويراك بربع عين
والموظفين شايفين أنفسهم بعد ماعدا واحد اواثنين بس ... يعني الواحد إذا راح يراجعهم
تقول يشحد منهم ياساتـر ... وبعدين أنا ابي أعرف ليش الدوله الآن تحول المتقاعدين لمهم
ليش مايصير كل واحد ببنكه الأصلي والله ياجماعه إن زوجتي تقاعدت وقعدت معهم 3أيام علشان نخلص الإجراءات
ولا وأزيدكم من الشعر بيت مكان جلوس النساء لايكفي إلا لثلا ث نساء إن كثر وضيق مره
والغريبه ان ‘فرعهم الجديد انتهى من كل شي يعني ليش ماينتقلون هناك أحسن وأرتب وأنظف.

[راشد الصليحان]

كل الشكر والمحبة والتقدير لمن تداخل وعلق وأضاف !

وإن دل هذا التفاعل عل شيء إنما يدل على غيرتكم ومبتكم لمدينتكم !

,,,,,,,,,,,,,,,,,

ابشركم راجعت البنك العربي المروح ! وجدتهم اليوم احسن حالاَ من امس !

واصبح هناك اكثر من صراف ...! وهذا دليل كبير على ان النقد الصريح والصادق

يأتي بمفعول سحري على من يوجه له النقــد !

فلنستمر في رحلة النقد اللاذع بمجرد مانشاهد خطأ ما !!

نتمنى ان يتطور هذا البنك (المروح ) ليواكب التطور والتقدم في مجال الصرافة والبنوك ..!

[شطوب]

اخوي هاذا لو ماعنده رواتب وستحقاقات المتقاعدين كان زمانه اغلق وهاذه هي المكافاءة التي تقدمها مصلحة التقاعد للذين عملو طوال حياتهم بالعمل الوظيفي فهذا جزائه الله يخلف وينكسر هاذا الاحتكار والله ماحد ياقف عند باب البنك العربي من سوء المعامله من مديرة وموظفيه الله يصلح الحال

[جلكسي]

السلام عليكم ورحمة الله وبركاته

اخواني البنك العربي هو احد مجموعة البنك العربي الاردني ....... وطبعا نقول اردني يعني على قد حاله

قبل فترة يمكن من سنة ونصف عرض علي الانتقال للبنك العربي مديرا لفرعه بعد حضور مديرة الاقليمي ومعه مخططات فرعهم الجديد

ولكني اعتذرت منهم لعلمي الاكيد بعدم نجاح هذا البنك فهو بنك غير مهيئ للنجاح

زرت مديره يوما في مكتبه لانهاء مشكله مع احد العملاء فوجدت ان طريقتهم فقط تكمن بالاتصال بالرقم المجاني لحل اي مشكله

وليس بيده اية صلاحية وليس بيد اي موظف اي صلاحية ايضا

ما لفت انتباهي ان خدمات العملاء لا يوجد لديهم سوى جهاز كمبيوتر واحد والكي بورد تنتقل من موظف للاخر <--- عجبي

الة تصوير المستندات موجودة خلف موظفي خدمات العملاء وكل من هب ودب يدخل للخلف متخطيا اوراق العملاء ومعلوماتهم وهات

يا تصوير دون الرجوع او الاستئذان من الموظفين بل على العكس تماما الموظف يطلب من المراجع ان يقوم بتصوير بطاقته الشخصية

والاخ الموظف مو مستعد انه يكلف نفسه ويصورها بنفسه

احد عمداء جامعة القصيم اخبرني ذات يوم ان ذهب لمراجعة البنك ووقف امام الصراف الذي كان يدخن وينفخ الدخان في وجوه

المراجعين متجاهلا كل قوانين الادب والتقدير او حتى لكبر سن هؤلاء المراجعين

عليه ... ماذا تنتظرون من مثل هذا البنك ؟؟؟

لاشئ !!!!!

على فكرة المبنى الجديد لن يغير شئ في تقدم البنك ان لم تتغير القوانين وطريقة عملهم بالاضافة الي التدريب المستمر للموظفين

نلتقي

[الحصان الأسود]

عقب كلامكم ما اقول الا الحمدلله اللي حسابي مهب عندهم

[ابوقش]

صدقت والله ياراشد بس بصراحه انا ماقد تعاملت

معهم لاكن على كلامك هم نفس نظام البنك الفرنسي

[عدول القصيم]

ان شاءالله يتغير بعد افتتاح المبنى الجديد ..