شخص غريب في بيتي
مره من المرارير جيت لشقتي في الليل تعشيت ونمت فيها شي لا مافيها
المهم قمت وصليت الفجر ورجعت ونمت فيها شي لا مافيها
طبعا انا وزوجتي وولدي في الشقه بس والشقه لها مدخلين مدخل اولاد ومدخل بنات قصدي رجال ونساء
الشاهد لما جيت اروح للعمل بتاعي قلت ياولد ورا ماافتش قسم الرجال المجلس ودورة المياة كرم الله القراء الاعزاء رحت لمدخل الرجال لقيته مقفل قلت حلو وانا راجع للمدخل النساء لكي اذهب للعمل سمعت صوت حركه في مجلس الرجال والباب مسكر قلت من في الداخل مارد طقتني ام وابو وجدت ام عمت خال الركب
رجعت اركض للصاله اللي فيها حرمنا المصون وفلذت كبدي .................. هذا الفراغ موسيقى حزينة على كلمت فلذة كبدي وقلتلهم بصوت هادئ تماما حراااااااااااميييييييييييييييييييييييييييييييييييي ييييييييييييييييييييييييييييييييي
وعينك ماتشوف الى النور الزوجه رقت فوق طاولة الطعام تحسبني اقول فاره
وولدي انطلق للمعلاق وتخبى في احد جيوب ثيابي
انا طبعا توهقت لاني رجال البيت
رجعت للمجلس لقيت الباب مفتوح ولا فيه احد والمدخل الرئيسي لازال مقفل لاكن الحمام مغلق ويوجد فيه صوت
والله النشبه وراه مانحاش وفكنا
حاولت افتح الحمام بكل شجاعه لكنه سمع صوت ركبي وهي تتصاقع مع بعض
فتحته بقوة وشفت شعر راس مع جزء من الظهر وانواع النحشه
يوم وصلت الصاله لقيت ام العيال تضحك قلت اكيد انهبلت من الخوف بسبب فاره قصدي حرامي
قلت وش فيك بصوت عالي قالت لاتنفخ قلت سمي ابشري شفتوا اني شنب وشديد مع الحريم
قالت هذي شغالة اختي اللي راحت لمكه مع زوجها وخلوها عندنا حتى يرجعوا بس نسيت اقولك
قلت اصلا انا ماخفت
بس للاسف ركبي لازالت تردع
والى اللقاء مع مغامره جديدة من عائلتي المتماسكه
وعلى فكره ولدي ماطلع من مخباتي الى يوم جيت اباخذ مفتاح السياره لقيته متعلق بالميدالية
العرض العادي
