شاعر المليون بعد الانسحاب اثار علامات الاستفهام

[أبو هذال]

[align=center]

اقتباس:  المشاركة الأصلية كتبت بواسطة فراشة الالماس     ليش تقولون ماهي شحاذه بالعكس واضحه مثل عين الشمس وما يبيلها تفسير اخذ البرنامج فرصه علشان يشحذ.

معيين تسمعين انتي ! اسمعي ووافهمي صح

(اتدبر امووووور زواجي ) >> يعني مشغووول!

ماقال ( تدربر امرو زواجي )!!!

وبعدين هو مب حاجه الشحاااذه مغنيه الله
وولو انه فقر راح لمه بقصره واخذ اللي يبي من أأأربع سنوات


ويبقى ياسر الآآآآآسر [/align]

[جوااااااااد]

اعتقد بأن ياسر لعبها صح

نبارك لياسر حصوله على المليون بدون المسابقة

[إماراتي ولي الفخر]

اقتباس:  المشاركة الأصلية كتبت بواسطة الافق     شكرا لك سلق لق على هذا الطرح .. علامات الاستفهام حسبي الله عليه فشل أهل السعوديه عموماً وبريده خصوصاً بشحادته .. هل هو فعلاً محتاج للمساعدة على الزواج الى هذه الدرجه ؟ هل أهل السعوديه وبريدة .. مافيهم خير أو عاجزون إلى هذه الدرجه عن مساعدته .. لإكمال نصف دينه!! - هل يعلم الشاعر الكبير ياسر التويجري .. الى أي فصيله تنتمى (( اليرقه ))! ربما هنا الإستفهام!! تحياتي للجميع

السلاام عليكم ورحمة الله وبركااته

مادفعني للمشاركه معاكم هنا في المنتدى رد هذا الاخ او الاخت

ياسر التويجري شاعر غني عن التعريف
و احس انكم ظلمتوه يوم تقولون ان (شحات)

ياسر التويجري اللي قاله وسمعناه وشفنااه انه طلب الانسحااب عشااان يتدبر امور زواجه

ماقال عشان يدبر فلوس امور زواجه وعلاقته مع محمد بن زايد اكبر من انه يطلب شي من الشيخ قدام العالم
بيكون بينه وبينه

اتمنى اني ما ثقلت عليكم والسموحه منكم

[المتدوكر]

أقول : صار الشعر لصغار قوم وطرار
يضحك على ناس ملتها السذاجة
هذا ياسر التويجري ( شحاذ ) ( طرار ) من الطراز الأول وللأسف ان بعض الناس أو السذج من الناس يصفقون على الطرارة

[عذوق]

الله يرزقه ويوفقه

بس هو صحيح انه قال في قصيدته للشيخ محمد بن زايد ما معناه انك لو ماعندك الا ولدك نحرته لضيوفك

[المتدوكر]

شحاد يعني شحاد

[وميضُ البرق]

بصراحة فشلنا ، أزعجونا الناس ياسر وياسر بصراحة كلمة شاعر أكبر منه وتراكم ظالمينها.
هالحين هو يشعر فصيح والا شعبي؟!

[وميضُ البرق]

قصيدة ياسر التويجــري
(في شاعر المليون)
ولدت ساطي ومتغطرس وأحب الخصام

ولا أعترف في إدارة طبع ولا مدير

أوجدت نفسي من اللاشي والانعدام

نبذت فالمجتمع لاني صريح وفقير

ماكان تفكيري الا كيف أخطف السنام

والحمد لله خطفت اليوم كل البعير

إن لم يكن مركزي بالصف الاول أمام

ماعاد تفرق معي لو كنت قبل الاخير

الله أكبر ولله البقــــــــــــــــاء والداوم

وهو الاله الاحد وهو السميع البصير

أخذت من مدرسة أحمد عليه السلام

مالا خذيته من مخاوى وزير وامير


وأخذت من تجربة عبدالعزيز الامام

وش يصنع العلم لاخاواه سيف شطير

واخذت من فلسفة هتلر عدم للالتزام

وكسبت نفسي وريحت القلق والضمير

وابشرك حالتي دايم على مايرام

من ركعتين الصباح الين عقب الاخير

صحيح عندي تحفظ عند بعض الانام

مثل معمر وابو مازن وتوني بلير

لكن انا مااحب اقلل الاحترام

واذهب ضحية طموح الغرب وانا صغير

قومية المسلمين اللي عليها الكلام

راحت معا خالد وعمرو وعلي والزبير

الله ولا الذل والتخوين والانهزام

ياعابدين العروش الوضع جدا خطير


يابو خلف كيف حالك عل حالك تمام

انسى القصيدة وهات علوم اخوي الكبير

شيخ عرفته وتقريبا لي اربع اعوام

يومني اجيه لا جاير ولا مستجير

يشوقني له نشوق الوسم عقب الحيام

في صفرة جوها ماهو بفية هدير

الشيخ ابو خالد محمد عداه الملام

اللي يصير من الاصرار مالا يصير

حد الثماله اعزه لا علي الحرام

اني احبه وحبٍ لو درابه يطير

يطير مثل الوحش لاضف ريشه وحام

وحول على الذايره بالجو مثل المغير

ان الملوك اذا اعطوك حب وغرام

خلوك من سائر الخدام يعني خفير


الا انت ياراعي التقدير والاهتمام

ياللي رحمت الصغير وشلت هم الكسير

اذا البلاط الاميري والكنب والرخام

له شاعر يدهله في صبح والا عصير

فانا دهلت الثريا و القمر و الغمام

وحولت اداهل طرف مشلحك مالي خشير

كفرت بالناقصه والغدر والانتقام

وامنت باانك حزامي بالنهار العسير

من لايقدر ثباتك مع عكاك الزحام

ماهو بوالله مقدر ويش معاني جرير

ياراس عيطا يا مسك البدء قبل الختام

يالنادر اللي على صيد المكارم شهير

يالمهدي المنتظر بالحاجتين الجسام

المدة المسكته والاخذ بيد الضرير


ياسيدي ودي افهق لك ضلوع العظام

واعطيك شي بصدري وانت رجل خبير

ان تراني اعاني نوب من انفصام

يوثر على البرمجة في راسي المستدير

واصير احس اني البارود والا الحسام

في ساحة الشعر من تبوك لاقصى عسير

مما يسبب لبعض اعدائي الاحتدام

اللي يحسبون قرض الشعر مثل الشعير

والشعر وان كانه المقصود باول مقام

فالله يرحم ابو الطيب ويرحم زهير

روح التنافس وحب الشيخ والانضمام

ماهي بتعني لدى الكثرة نهاية مصير

والشاعر اللي معه عزوة خوال وعمام

تفداه وايل وترقب مستعدة مطير


والله فلا ينقهر والا يضيق ويضام

لاجاء اللزز والملاقى والقبس والنذير

وجمع الدراهم ماهي باكبر طموح الغلام

اللي جمع من قلوب الناس شي كثير

من حبني رغم تفويتي له الانخدام

واللي كرهني فهذا شخص ملعون صير

دام المعارك صغيره ماعلينا لزام

ينوب عن سيفي البتار اصغر جفير

قرات فيم قراته من بلوغ المرام

اللي ترك شي لله عاضه الله بخير


اختي الكريمه يمنع وض روابط لمواقع اخرى , والقصيده موجوده هنا في منتدانا..خـــــــــالــــــــــد

http://buraydh.com/forum/showthread.php?t=101038



وقولوا رأيكم بصراحة بدون مجاملات أوتعصب كونه من الديرة.

[ابوقش]

والله الشاعر ياسر ..

ابدع في لقاء شاعر المليون والقاء

القصيده كان جميل جدا جدا جدا ..

[بين السطور]

صوره من هذه القصيدة للادارة العامة لمكافحة التسول...
فرع التسول الشعري..

اعترف الرجال عنده قصيد ومتمكن لكن فشل وايل بشحاذته ولاتدافعون عن تسوله عينك عينك..
الله لايبلانا يارب لاتبلانا اللهم لاشماته..

الله لايجيجناالا لوجهه الكريم..

[القهيقهي]

بعد توضيح ان مافعله ياسر في الحفل لايدلل على اي طلب فلوس 0خاصة وان عباراته عبارة عن السماح له بالإنسحاب بسبب الزواج0وان علاقته بمحمد بن زايد اقوى من هذه التهمة0 وجدت ان الحقد قد ملأ الأنفس على اي ظهور لأبناء البلد (لأسباب معروفة او مرض ما) ولم يكن الأمر نقدا انه ضغينة وكأن التويجري الوحيد الذي يمدح او استفاد من شعره 0
وللمعلومية فياسر يعيش بفضل الله بحبوحة من العيش في ملبسه ومأكله ومركبه وسكنه

[العبسي]

توضيح بسيط
الشاعر / ياسر التويجري اخفق في قصيدتة هذه
ولو مرت على اللجنة للتقييم لبينوا هذا الشي .. لكن هو عرف على نفسة وفضل الهزيمة بانسحابة عن التقييم .
في بدايتة يقول ياسرهذا مو شاعر المليون هذه عين جالوت ..!! واماالفوز بــ المليون والا لابو الشعر واللي يجيب طارية .. عين جالوت فيها انتصار وليست هزيمة ..!!
شي غريب جداً ان يتراجع عن كلامة وينهزم بهالسرعة ..!! عجبي ..
في قصيدتة يقول : ولدت ساطي ومتغطرس واحب الخصام
هل الغطرسة من صفة الرجال التي يفتخر بها ..؟

كما يقول : ان تراني اعاني نوب من انفصام
.... يوثر على البرمجة في راسي المستدير
الكل منا يعرف الانفصام .. انه مرض نفسي خطير اعترف الشاعر ياسر انه يعاني منه ويؤثر عليه شفاه الله ..

ويقول : من حبني رغم تفويتي له الانخدام
.... واللي كرهني فهذا شخص ملعون صير
هنا برضة يقول انه يفوت وهذا اعتراف آخــر ..
واللي كرهني ملعون صير يعني اللي يكره ياسر ملعون ..عجبي كل اهل الدين يكرهون الشعراء من على شاكلة ياسر ..
إذاً ياسر يلعن كل من يكرهه .. ياإلاهي .. هل هذا منطق عقل سليم..!!؟
اين متذوقي الشعر .. يجب ان نقول الحقيقة وان لاتأخذنا العزة بالأثم من اجل الاهواء والمحسوبيات ..
او المثل القائل من اجل عين تكرم مدينة .. لكن هذه الحقيقة حتى لو كانت مررة
ياسر اخفق جدا بهذه القصيدة إلى حد كبير..
بالاضافة إلى اسلوبة صفقواا لي تعبت ..! وكنت يرقة ..!! وامي قالت جب المليون ..وطلبة للشيخ / محمد ابيك تدبر امور زواجي.. هذه الشحاذة بعينها واضحة كالشمس في رابعة النهار..
ياسر التويجري خدمة الاعلام والواسطة فقد اما كاشعر فاانا ارى انه عادي جدا ..
راعي مهايط على قولتهم ..


.

[أحمد السالم]

بعد كل هل الكلام الى مافيه خير لبلده مافيه خير لغيره

[شاطئ الراحة]

اخي كاتب الموضوع .. تحيه طيبه

يجب علينا ان ننتبه لنقطه مهمه .. بأن الشاعر ياسر لم يقصد ان زي مايرى الكتاب انه يشحذ .. لا

ولكن الاخ ياسر حظر من اجل طلب الشيخ محمد بن زايد ..

هو غني من ان يشحذ امام الملاء .. وهو من المعروفين لدى الخليج ,, فهو اكبر من هذا اللشي !!

ومها كان لا يجب ان نفسر ماقاله الاخ ياسر او اي شاعر آخر .. دائماً الشعراء هم من يفسرون ما يقولونه ,,,

و قصة انسحابه .. قالها امام الجمهور التدبر بأمور الزواج ,,

احبتي لا نحاول بأن نفسر الاشياء حسب ما نريد !

شاطئ

[يا ذاك الغروب ..]

[align=center]كان له ما ارد ..

شحاذة دوت نت , وأهداف أخرى .... تحول ياسر الى مهرج , ليته يحترم قدرتة الشعرية الفائقة جداً , ويحترم متابعيه وجمهوره .. وبإعتقادي أن ياسر بالعامية (جاء جميع) .. ماصدق أنه يصل بهذه السرعة لهذه الجماهيرية والمكانة بين الشيوخ والأمراء والإعلام .. اتمنى أن لا تكون هذه عكسية عليه ... فكل لقاء معه أو أمسية , يكثر من قول (انا) وإستخفاف دم بدون مناسبة وتهريج , ويعتقد أن لا أحد ينافسه أو يصل لمكانته ... رفقاً ياياسر .[/align]