وودي أعرف أبوي شلي استفادهـ اللحيـن ؟؟؟

[ღ ][ وحيدة كالقمر ][ღ]

[align=center]
في ليلة عرسها تبكي..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..
تجيها أمها وتقول ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..
تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!
تجيها أمها وتقول ..
خلاص فضيها من سيره ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..
بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..
ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..
تقول فيها ..
سلاماتي .. تحياتي .. وأشـواقـي الشديده
.................. على اللي روحه قبالي .. وأنفـاسـه بعيده
على اللي افترقنا غصب عن عينـي وعينه
.................. بعد ما كنت انا وهو نحلم بلحـظـه سعيده
بعيش بغربتي لحـالـي .. وهـو الله يعينه
.................. يكمّل نصفه الثاني .. ويلـقـى مـن تريده
مثل ما قالت امـي .. مـا لـنـا إلا قدرنا
.................. والا مـن زمـان المفتـرض إيـدي بإيده
يسامحك الله يالوالـد .. علـى عمـرٍ قتلته
.................. بعد ما ماتت ابنيتـك وش اللـي بتستفيده ؟
أنا آسفه على اعذاري .. وربي غصب عني
.................. نعم بتزوّج فلان .. بس بعيش عمري وحيده
محّد ممكـن انّـه يملا عيـونـي بدونك
.................. تذكّر كلمتي هـذي .. أنـا فـ حبّـك شهيده
تذكّر كلمتي أرجـوك .. لأنهـا مـن فؤادي
.................. فؤادي اللي ذبحوه اليوم.. وطعنوه فـ وريده
تذكّر كلمةٍ فيهـا شـعوري ومـا طـرى لي
.................. أنا فـ حبك شهيده .. وذي ترى آخر قصيده
وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف .. دموعٍ نار ..
على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!
بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..
وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الرياض ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمد لله الهنا في حجرنا بات ..
تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّـتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟
بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ... مـــات !!!

=-=-=-=-=-=-=-=-=-=-=-=-=-=-=-=-=-=-=-=-=-=-=-[/align]


[align=center] كل العذر لعدم معرفتي بكاتب هذه المعزوفه ..
ولكــن ..
أعجبتني ... وأودت أن اشاركها معـكم ..

تقبلوا تقديري ..
وجل إحترامي ... [/align]

[مـغـرزه بـكـعـب]

جميله ومؤثره

سلم بنانك اتحفتينا

[هامة حاسوبية]

ياااه جدا مؤثرة

شكرا لك

[البراق999]

وحيدة امها

سلمت يمينك على هذا الانتقاء الرائع والجميل

ومشكوره على اختيارك ونقلك المميز


بانتظر الجديد والمزيد

دمتي بالف خير وعافيه

سلالام

[عبدالله القيعاني]

عزيزتي / وحيــدهـ امهاا


تسلمين وتسلم الايادي والله يعطيك العافيه على روعة الاختيار ......

خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..


بانتظار منك الجديد والمزيد ..


دمتي بكل الوود والاحترام ،،

[مبحوحة الصوت]

اقتباس: محّد ممكـن انّـه يملا عيـونـي بدونك .................. تذكّر كلمتي هـذي .. أنـا فـ حبّـك شهيده

وحيده امها قصيده مؤثره الله يعطيك العافيه

[متغربه]

رااااااائعه كما عودتينا ياوحيده

ذوق واختيار راااااااائع

مؤثره جدا

[S.2]

[align=center]


الله يعطيك ألف عافيه وصراحه ماعندي رد أكتبه...


؟؟؟؟؟؟؟[/align]

[الكربوني]

؛
؛

يالله

سيرة طوووووووووووووووويلة
مرت بلحظة وهي اللي قرأتها هنا على هذه الصفحة ...

[ღ ][ وحيدة كالقمر ][ღ]

مــــــــــــــــروركم وردودكم أسعدتني والله
لا عد مـــــــــــــــــت طلتكم يااااااااااااااارب

[راعي الاوله]

قصه عشق غريبه ..مات الامل بعيونها ....... وعاشت دنيا جديده ... نستها كل همومها ..... بس ياحسافه يوم نست .. ذكروها بموت محبوبها .........

مشكوررررررررره وحيده امها على نقل هالكلمات والابيات

[نايف الحربي]

الآنـــســـة ، وحيدة أمها

أهلاً بك ،، إبدااع والله إبدااع .

واقع المحبين المخلصين هكذا يكون ، ومع الزمن ، تندمل الجراح وينسى أحدهما الآخر- مع الأسف . مثلما حدث في هذه الرائعة عندما عادت بعد شهر العسل وهي تعيش حب ٍ جديد وقد فارقها شوقها القديم .

لكن بحق وبصراحة ، رغم أنها كتبت بالعامية ، إلا أنها تمثل وتجسد تماماً الحالة الموصوفة .

ابدع كاتبها ، ،،،

وأبدعت ِ أنت ِ بنقلها .... تحياتي لك ِ وتقديري

[عايشه غربه]

وحيده امها ؛
كم يحمل نزفك هنا من الإبداع
" ودمت "

[حجازيه وافتخر...]

رووووووووعه روعه
ومؤثره بصراحه تسلمين على الاختيار

[ღ ][ وحيدة كالقمر ][ღ]

ســـــــــــــــــــلمتم على المرور والبصمة أحبتي

نورتوا الموضوع بطلتكم وبصمتكم الذهبية عليه
فلا تحرمونني من تواجدكم العطر
أهم شي نالت على رضاكم وإستحسانكم

دمتم مع كل الود


أخوي غريب احساس
النهاية
هذا المكتوب
مانعترض على القدر
الله يرحمه ويغفرله