التمريض النسائي وعناد المجتمع .. بطين ابرة تكفين

[فتاة المستقبل]

هـــــــــــــــامه ...

نحن الآن أمـــــام مشكلتين ..

1- المريضة تحتاج إلى طبيبة لعلاجها ...

2- الطبيبة تحتاج إلى مكان عمل آمن بعيدا عن الاختلاط ..

لو كان لدينا امرأتان ..

الأولى : سيعالجها رجل ,,والثانية : ستعمل مع رجل

لو قارنا بينهما لوجدنا الفرق واضح ,

فالأولى أقامتها مع الرجل مؤقتة " تنتهي بمجرد شفائها "

والثانية أقامتها مع الرجل مستمرة ..

برأيك أيهم أشد ضررا على المرأة ؟؟ لا تقولي أنا محافظة وملتزمة بحجابي , في كلا الحالتين أنا ملتزمة بالحجاب ,

أذن لماذا أتسبب على نفسي .. وأعمل في مكان شبهة يستشرف فيه الشيطان المرأة و ينتهز اللحظات ليرمي وساوسه , ولا أستطيع التحكم فيما حولي ..

فهذا يرمي عليها وابلا من الكلمات المعسولة ,

والأخر ينتهز فرصة الانشغال بالعمل لمحاولة اللمس ليظهر لها أن تلك الحركات عفوية , من غير تعمد
وذاك المريض يبحلق في عيونها وكأن عيونه شبصت عن الحركه , و ذاك الطبيب يتعمد تكليفها بعمل لأجل أن تكون بجانبه أكبر وقت ممكن , والطبيب الأخــــــر يتعمد إهانتها ....و و و و و و و و و و و


لا يمكن أن يخلو مكان طبي من النماذج التي ذكرتها , ولا يعني ذلك أن كل رجل يفعل ما ذكرته سابقا ,لكن الطبيبة لابد أن تواجه مثل هالاشكال...


نعود للمقارنة السابقة ..

المرأة الأولى سيكون معها المحرم في بعض الأحيان ,, المرأة الثانية لايمكن أبدا أن يتواجد معها المحرم ..

إذن :

أظن أن الأمر واضح فكفة الأولى سترجح على كفة الثانية ..


طيب خلينا نشوف حل ,غير أقامة المستشفى النسائي اللي يقوم بعهد أحفادنا << أندري عنك يا هامة أنت ويا أفكارك
وانت الصادقه بعهد احفادنا بيصكون مدارس البنات ويدرسون العيال مع البنات ..

نرجع للحل ..

تقسيم المستشفى إلى قسمين واحد للنساء والأخر للرجال ,بحيث يتم تأنيث قسم النساء تأنيث كامل, وتذكير قسم الرجال قسم الرجال تذكير كامل <<< تلاعب باللألفاظ عيني عينك ,,,,أويلاه لو يدري بي أبؤ الأسود الدؤلي


تأنيث مأخوذ من الانثى ويعني كل اللي يشتغل بالقسم حريم × حريم
وتذكير مأخوذ من الذكر ويعني كل اللي يشتغل بالقسم رجال × رجال ما فيه ولا ريحة حرمة

[بقايا إنسانه]

اختي التعامل مع الرجل الاجنبي لامفر منه
واقربها في الاسواق حتى في الجامعه حتى وان كان خلف شاشه الى اننا نتعامل معه وارقامه معانا
لن نمنع المفيد بحجة انه يحمل الخطاء لما لاندوي ذاك الخطاء ونستغل طموح الانثى
لن نمنع كل شي سنخسر بالاخير كل شي

اما عن رفض المجتمع فاعتقد ليس كما كان وان كنا لاننكر وجوده
انا ادرس بجامعة القصيم وجدت ان اللي بيدخلون الطب اعداد كبيره جدااااااااااا حتى انهم رفضو الاغلبيه واختارو فقط 150
وفي كلية التمريض كان اعداده ضعف الاضعاف مع التصفيه بقي ثلاث مائه
وهذا دليل ان المجتمع تغير بقوه اذا كل سنه بتدخل اربع مائه وخمسين بين طب وتمريض مع حذف 100لمن هم خارج القصيم وحذف المتقدمين المرفوضين
يعني ثلاث مائه بنت وعوائلهم في رضاء دليل على تغير شي من التفكير والمعتقدات
ولن يحرمني ذاك الشاب المخطئ من طموح الطفوله
لن انحرم من كل شي بسبب اخطاء وليتها اخطائي بل اخطائهم
اما عن ديني فنحن بعصر القابض على دينه كالقابض على الجمر حتى وان حرمت نفسي من طموحي
وبما انني كالقابض على الجمر بكل احوالي فلأقبض ع الجمر مع تحقيق احلامي

[هامة حاسوبية]

[align=center]




فاطسة ضحك


مرحباً بك أختي الغالية

اقتباس: فالأولى أقامتها مع الرجل مؤقتة " تنتهي بمجرد شفائها " والثانية أقامتها مع الرجل مستمرة .. برأيك أيهم أشد ضررا على المرأة ؟؟ لا تقولي أنا محافظة وملتزمة بحجابي , في كلا الحالتين أنا ملتزمة بالحجاب ,

أنا هنا أخالفك الرأي

فالمريضة تكشف شيئاً من جسدها للطبيب للمعالجة ، وتسلم نفسها له ، والطبيبة بكامل حجابها ، وهي من تصنع شخصيتها المحترمة أو المائعة أمام الجميع

ولعلي - وبكل أسف - أحد الفتيات اللاتي تعرضن لأحد أنواع تحرشات الأطباء الوافدين اللاأخلاقية - رغم وجود والدتي معي في غرفة الفحص ..!! - ، ولكن بسبب تدهور صحتي ذلك الوقت لم أجد الفرصة لتقديم شكوى ضده ، وإلا لتوجهت بكل اندفاع نحو إدارة المستشفى لأدافع عن حجابي وستري الذي تعرض لهما ذلك الـ (كلب) وليس (الطبيب) ، وبعد ذلك سمعت العديد من الشكاوى ضده فهو (شايب) و (عينه زايغة) ..!!

لكن لو كنت طبيبة لن يتجرأ على الاقتراب مني إلا بإرادتي ..!!

ولازلت عند رأيي بأنه إن وجد عزل فذاك جيد وفيه درء للمفاسد ، ولكن يجب أن لا ننتظر تلك الخطوة فكم نحن بحاجة إلى طبيبات في كافة التخصصات في الوقت الراهن





[/align]

[كلمة السر]

برائيي مهنة التمريض للمراة فاشلة

اذا دخلت مجال الطب خلاص يتكون دكتورة ليش ممرضة

والمجتمع مايقبل بالدكتورة والممرضة


الا ان كان المستشفى نسائي 100%

[فتاة المستقبل]

هـــــــــــــــامه ...
.
رائع ,,أضفت نقطة لصالح المرأة الثانية ,.

أتوقع الآن الكفتان متساويتان ..

[عجوز سمنسي]

[align=center]

اقتباس:  المشاركة الأصلية كتبت بواسطة فاطسة ضحك     أي والله تكفي يالسمنسي قلهم غدي رؤؤسهم تلين ... نفسي أشوف اللي يعالج النساء ويداويهن نساء خالص ,ما فيه ولا ريحة رجل .. إلا في مجال الاسنان مابي يقلع ضرسي إلا رجل ..<< قسم شفت العذاب معهن ,, الرجل ينتله نتل وبدقيقه وهو مخلص ..وإلا المره تقعد له ساعة وهي تجرجره وليته بعد هالجرجره ينقلع الضرس كله ,,ينكسر نصين ,,همن يالله تبدا تجرجر النص الثاني لين يطلع .. أنا أؤيد عمل الفتاة في مجال التمريض والطب بحيث يكون المكان نسائي 100% فقط ..أما في حالة الاختلاط لاأؤيد هذا الشئ .. مع أني أكره مجال الطب والتمريض لكن إن شاء الله نلقى الخير ةالبركة من الفتيات الآخريات ..

ارى يافاطسة ضحك ان رؤياكم قد تجمعت على ضرورة استخلاص النساء لوحدهن

طيب اذا ماحصل مجال الا بالاختلاط هل نرفضه ؟

ايه مير علمتينا اثر ضروسك خربانه ؟

لا ومتكسرة انصاف بعد

قاعدة تاكلين حصى انتي ؟

بالعكس هناك طبيبات رائعات

انا ابي اللي تقلع ضرسي بنوته علشان رقتها واناملها ماتوجعني مثل ابو شنب

ذاك يعفط وجهي ويتودس خشتي علشان يقلع ضرس

لا يابعدي بلا منته

دمتي بود ياسيدتي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة الفنانه والمبدعه     الشايب عليك مسميات ماأدري وين اجيبهن اجل بطين ابرة خخخخخخخ

ايه شفتي يافنانتنا

مسميات شعبية وش الجديد فيها

لاتزرقيني الحين اتسدح[/align]

[ღ ][ وحيدة كالقمر ][ღ]

السلام عليكم,,,,



كل شوي أطل ع الموضوع وأطلع مادري وش أقووول,,,,أحسه أكبر بكبير من كلامي,,,


بس يالله بقول اللي عندي,,,,وربكم ييسر,,,,



اقول سؤال بمخخيخي:الحين ليه مجتمعنا يرفض تكون البنت دكتورة؟


بتقولون بسبب الإختلاط؟


طيب يوجد مستوصفات خااااااااااااااااااااااصة وقسم خاص للنساء؟


ليه تحرمون البنت من حلم حياتها وطمووحها وتحطمون كل السنين اللي قضتها من شان تحصل ع حلمها؟




تصدقون أنا يوم أرافق عند أمي قبل شهر جاء دكتور بيكشف عليها بغيت أعطيه كف ولاوه صابخ الطاولة اللي عند الباب


بس فكه الله لأنه موووب يناظر,,,هو كشف ع أمي كشف يعني يخصه هو,,,


بس ماشاء الله عليه هو ماناظر والله رافع عيونه فوووووق ولايناظر شي,,,بهذي عجبني



بس أنا إقهرررت وراه يكشف ع أمي رجل؟<<<حرنابك والله



والله إننا نفتخرررر بدكتورات سعوديات موب أجنبيات يدربن دمايجهن مايدرن وين الله حاطهن

طبعاً مو كلهم بعضضضضضضضضضضضضضضضضضضهم




جمموووولة لا صرتي دكتورة وتخرجتي إن شاء الله براجع عندك زين؟<<تولم العصابه قبل الفلقة,,,




تحيتي لك

[عجوز سمنسي]

[align=center]

اقتباس:  المشاركة الأصلية كتبت بواسطة تالا miss,,,     الطب ممتع جدااااااا ومهنه نعتز فيهاااا ويارب تنحل عقدة المجتمع وبسمحوون لبناتهم بالتمريض والطب وسالفة الاختلاط مافيههها اي مشكله اذا كل واحد عرف حدوده والمستشفيات النساءيه فكرة حلوه بس صعبه من وين يجيبون كوادر

ممتع ياستي لمن هواه

شخصيا احسه كسل

مافيه الا وجيه زينة تصبح فيها

والباقي لك عليه شوي

يكفي دوامه يجيب الهم

نتمنى بصراحة وجود مستشفيات نسائية خاصة حتى نستطيع على الاقل اننا نفتك من الارتباط وسالفة المحرم اللي يرص الييييييييييين يروح يومه وتروح مصالحة وهو جالس على الكرسي باسم محرم <<<< وده يفتك من الحريم باي طريقه[/align]

[عجوز سمنسي]

[align=center]

اقتباس:  المشاركة الأصلية كتبت بواسطة خطاوينا     [align=center]: على حد علمي أن المحرم هو الخلوة.. بس الاختلاط ما أظن.. الوزير السابق لوزارة الصحة كان له تجربة في مستشفى الملك عبد العزيز.. وعزل جزء من المبنى وفرغه للنساء.. كل العاملين فيه نساء من رئيسة القسم الى الفراش اللي يصب الشاي.. كان له نوايا لتعميم التجربة في كل مستشفيات المملكة لكن القدر لميمهله ولم يتم ترشيحه وتم ترشيح المانع بدلا منه.. : انا عندي وجهة نظر غريبة في موضوع الاختلاط واللي حرم المرأة من كثير من الوظائف.. بس بحتفظ فيها لموضوع لوحده..[/align]

هلا بخطاوينا

ياخي انت واثق الخطوة دائما

لكن شكلك ما اخذت بنصيحتي

بكيفك لاتجي بكره تقول لي الفزعة تراي مالي دخل فيك

علمنا يابعدي هل الاختلاط حلال ؟ علشان بكره اطقطق لك موضوع على كيف كيفك اطالب فيه باالختلاط بناء على فتوى منك

الاثم عليك والوناسة لنا هههههههههههههههه

لا لا مانبيك تحتفظ بشي نفسك ياقلبي

هعات اللي عندك وتراي معك لو هو غلط بس يالله همانا طلع منك شي

دمت ياحبي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة مياسة     [align=right] مرحبا استاذ سمنسي ,, هو حضرتك للحين تسأل!؟؟..البنات تخرجن وتوظفن بالمستشفيات قبل سنين وسنين ! رأيي للممرضات >>> يقولون اكربي غطاك ومدي خطاك..ولا يهمك الناقدون لان الناس يحبون ينقدون غيرهم ويلقون عليهم أرائهم الغير مطلوبة وهم كأنهم صح×صح ! لكن بيني وبينك بالنسبة لي اتعامل مع ممرض ودكتور افضل من ممرضة او دكتورة <<-- ما تعرف تشجع ابد![/align]

هلا ميوسة

هه اجل الحين البنات تخرجت وتظفت ؟

ادري ياست الكل ماجبتي جديد

لكن تعالي وقولي لي بصراحة

في مجتمع القصيم مثلا من اللي يدرسن بالتخصصات الطبية ؟

اعتقد تعرفين اصلهم

هل بنات المجتمع المتحضر المتدين اصبحت عندهن قابيلة واهلهن اساسعت صدورهم لتقبل هذه المهنة لبناتهم ام مازالت فكرة الاختلاط تراودهم ؟

هنا مربط البساسة

قصدي مربط الفرس[/align]

[عجوز سمنسي]

[align=center]

اقتباس:  المشاركة الأصلية كتبت بواسطة الفنانه والمبدعه     ودي اعرف وشي يمكنه مثل فكرتي

هذاني احرحر فيه ابيه يطلع لنا شي

لكن الرجال ماش صليب راس عيا يعلمنا

يقول اخاف اهل بريدة يكفروني والا يقول عني علماني

معذور خليه على راحته [/align]

[فتحـية]

اقتباس:  المشاركة الأصلية كتبت بواسطة فتحـية     [align=center] عموما أنتهز هذه المساحة لأعبر عن فرحتي الكبيرة جدا جدا بتخرج العزيزة جدا على قلبي د. شيرين العبيشي من كلية الطب قبل أسبوع تقريبا .. ولو لم يتخرج في قسم طب جامعة القصيم غيرها لكفانا فخراً واعتزازا ! بالمناسبة هي أول دكتورة رساوية [/align]

واليوم نعيش الفقد ..
د. شيرين العبيشي إلى رحمة الله
كانت الأرقى والأجمل والأنقى والأطهر ..
اليوم تكمل شيرين يومها الثاني عشر تحت التراب

فيارب اغفر لها وأرحمها وأكرم نزلها وأبدلها دارا خيرا من دارها
وأهلا خيرا من أهلها وزوجا خيرا من زوجها ..
ويارب بارك في ابنتها وأنبتها نباتا حسنا ...


إن العين لتدمع والقلب ليحزن وإنا على فراقك لمحزونون