قال لي أحد الاشخاص وانا احاوره بالمسن:
وراك انت كلامك كذا .. ؟ تلكم زي الناس..
يومها اندهشت واستغربت .. قلت لايصير اتكلم روسي والا نيبالي وانا ما ادري
وتكرر هالشي معي مرة ثانية في تويتر بحوار مع بعض المغردين
وايضا وحده قالت لي : ليش أنت معقد كذا..؟ خلك كلامك مفهوم..
وأيضا ثانية قالت : ذابحن روحك بالفصحى.. نبي مترجم عشان نفهم عليك
هالحين عيوني صارن فوق راسي
وصارت العين الوحدة كبر الكورة
والبوهة شاخصة ...
>> تخيلوا عاد الموقف..!
المهم
واللي خلان اكتب هالموضوع
هو هل صارت اللغة المرتبة والتي تعتني بالاسلوب الجميل
حتى وان كانت مليانة من الاخطاء النحوية والاملائية
لغة غير مفهومة..؟ وصعبة..؟
طيب أجل اللي يكتبون بالفصحى.. من بيقرأ لهم...؟
وهل لغة الصفصفة وكتابة حروف انجليزية هي اللغة المفهومة بهالوقت.. ؟
يعني باختصاااار
هل انا صح والا هم الصح..؟؟
العرض الشجري