أعزائي متابعي قسم الشعر والقصة والخاطرة
هذه مقطوعة بعنوان "الصمت" ولن أتحدث عنها كثيراً .. "لأن الصمت أبلغ"
[align=center]الصمت
دقت ثواني ساعتي .. صحت الشوق *** وتوافقت دقــــــات قلبــــي مع الوقت
حرك مشاعر خاطـــرٍ بات محروق *** يلعبه الهوجـاس .. لا خيـــــم الصمت
لحظـــــة سكون تذوب فيها المشاعر
تشرق حروف الحـب في كاس شاعر
يشرب .. ولا يرواك يا سيـدي عشق
بس .. يترنح بيــــن ذيك النـــــواظر
يضـــم دمعاتك .. ويعــــانق انفــــاسك .. ويقولك من زايد الشوق .. يا شــــوق
بادلني نظراتك .. صارحني باحساسك .. قلـــــــي أحبك يا بعـــد .. كل مخلوق
أعتق حروفٍ فـي شفاتك سجينه
ترى حيـــاتي بين ايدينك رهينه
وجرح الغلا ترويه دمعه حزينه
يمكن يطيب الجرح لامن تبسمت
ظلمتني يا زيـــــن .. راجع ظميرك
أنت الحنـــــان وفرحتــي تستجريك
أرحــم عذاب الروح يا ساكن الروح
وجدي على نفحـــــة شذاك وعبيرك
بغفى على احلامك .. واصحى على ايامك .. واسبح معك في بحر الامال .. واغليـك
ولو يــــوم تنساني .. وتحـــــب لك ثانــي .. بغلي حبيبك يا حلـــــو مثل .. ما اغليك
أنت القمر والشمس وانت الهبايب
الحاضر بفكـري عـن العين غايب
تفداك روحــــــي والملا والقرايب
اعجز عن التوصيف مهما تكلمت
والله لا احبــــــك دام الافلاك تنـــدار
عد السحاب وعد قطــرات الامطــار
وابقــــــى احبك لين آخـــــــر دقيقة
تبقى الثواني معك .. يا خلــــي كبار
الموت يا عمري .. ماهو طلوع الروح .. الموت هجرك والجفـا .. والقطاعه
لا تطول الغيبــه .. ما بالهجر مصلوح .. عود على قلبٍ حكمت .. بضيــاعة
جرح المشــــاعر يا حبيبـــي ترى ذوق
ومن زود تجريحك .. تــــــراني تعذبت
باح الكـــــلام المر .. واسترسل المـوق
يطفي بعبرات الشقا .. "لحظة الصمت"[/align]
_
العرض الشجري