السلام عليكم ورحمة الله وبركاته
بسم الله الرحمن الرحيم
صدقووني لقد ترددت كثيرا قبل كتابه هذا الموضوع
لكن دعوني اقول لكم ملاحظة قبل ما ابدا (الكلام هذا ينطبق على ((بعض))المتدينين)<< لا احد يقول ليش تعمم
جلست في الكثير من المجالس شباب عاديين او متدينين او ...
لكن عجبت من شي واحد
الشباب العاديين دائما ما تكون سواليفهم عن الكورة او قصص او زينة السياراة او ..او
صراحة كل هذا عادي ومافيه اي شي مخالف للدين
لكن اكثر من مرة اجل مع متدينين وعندما ياتي طاري شخص ما
يقول احدهم (لا يهمك فلان فلان حليق ويسمع غناء ومسبل و ... و ...) ويبدا هنا سب الرجل وتقطيع جلده
ويكمل اخر
يارجال انت شف وجهه يكفيك انه يحلق لحيته << وكانه نسي ان حلق اللحية اقل اثما من الغيبة
وياما ياما من الناس حليق وعن الف رجال وياما ياما .......... .
تجده يتصدق وحسن الخلق و و و لكن نظرة الناس
انا ماهمتني نظرة الناس له لكن اللي همني الغيبة اللي تساهل فيها الكثير من الناس
صدقووني مره من المرات تركت مجلس متدينين بسبب الموضوع هذا
قعدوا يحشون بواحد ويوم قلت لهم اتركوا الرجال بحاله قالوا انت اخر من يتكلم ؟!!
طيب ليه ؟؟!
قالوا اولا انت اترك لحيتك بعدين تكلم ؟!! << سبحان الله يعني ما انصح ابد
ثانيا الرجال محللنا << ياسلام كانهم نسوا حق الله تعالى
اذا حللكم الرجال بكيفة هو مايبي حسنات منكم يمكن بس هل نسيتم حق الله تعالى بالغيبه ؟؟!!
صرااحة هذا موضوع في باالي دائما واعذرووني ان كنت ما اعرف اوصل المعلومة زين
لانه هذي اول كتاباتي في هذا القسم
انا حطيت الموضوع هذا كتنبيه فقط لا احد يفهمني غلط ؟!!
وبالنهايه تقبلوا تحياتي اخووكم
توتي