يوم قريت العنوان أحسبه الوالدة داخله و متلطمة من ورانا ..
طبعًا حنا ولا الله الحمد ..بيتنا شوي بيت و الباقي مخازن و مستودعات ..!!!
أينما تولي وجهك فثمة مستودع للقراشيع ..!!
بالسطح مستودعات و الملاحق و المستودع اللي مع المطبخ , عمركم شايفين مستودع أكبر من المطبخ ..؟؟ هذا حنا و لله الحمد..
ماهوب هنا المشكلة , المشكلة من هالقراشيع اللي مسويات زحمة و الشارع فاضي ..
عنده _ أي الوالدة _ بالطعشات (رديوات) جمع (راديو) و الغريبة لا خرب واحد ترقيه فوق و تشري جديد ..؟؟!! يعني ما تنزل من اللي فوق و تصلح ..؟؟ طيب هماه يمكن نحتاجه ..؟؟!!
و على هذا فقس .. أدوات كهربائية , جيوك , أواني من يوم هم ببيتهم اللي بشارع الملك عبدالعزيز ..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
يعني قبل ثلاثين سنة .. صفاري ,و دلال, و صحون كبار.. هذولنك اللي بهن نقشة تجيء على شكل مثلثات .. خضر و زرق و حمر .. و غيره , من القراشيع اللي مال أم أبوه داعي ..أضافة إلى رواق منشق, و سيكل أخوي أيام المراهقة .. و هو هالحين معه ولدين ..!! يعني لو يشيل هالسيكل و يفتح جناح للجنادرية ببيته كان أبرك ..
و طاولة طعام حقت المطبخ بثلاث رجلين ..!! يعني من تشوفه تغسل يدك ..
ما تنفع و لا تحلت, من قوة أن ما به نفع ... بس أميمتي الله يعظم أجره متحسفتن به ..!!
يعني اللي يشطب الراس هل هم بيحتاجون كلللل هذولي الحين..؟؟
بس منهو اللي يبتوهق و يرفع لسانه لهاته و يقول احلتوا شيء ......... فكّ رقبة
أنا برأيي .. أن السبب لدينا فوضوية في تحديد احتياجاتنا ..
نشري اللي ما نحتاجه أكثر من اللي نحتاجه .. فلذلك تتكدس أغراضنا ..
يعني أنا لا شفت الطواحين اللي بالسطح أتعجب , آلة تقشر البطاس ..!! ما قد أستخدمناه و لما فاض المطبخ رقيت فوق , لأنه حسافة تجدع و هي ما استخدمت .. طيب حنا نعرف أن مافيه آلة تقشر البطاطس كله هلس بهلس .. طيب ليه تشرى بالأساس ..؟؟
هذا غيض من فيض ....
العرض الشجري