اخذيني اليا عجبتك بس رديني
وان ماعجبت خلاص اخذيني مابيني
مادامني شفت فيك الطهر والعفة
بعيف نفسي اليا منك كرهتيني
اخذيني لو اعتبر من ضمن اشيائك
وانا بحبــك ولا لازم تحبينـــــــــي
لا بي علاقة ولا بي نظرة وبسمه
احساسي اني بقربك بس يكفيني
ولو اني انضفت لاشيائك غصب عنك
طلي علي ياغناتي لاتخلينـــي
تراي لاجا المصامد ماني بهين
تقول كن العرب لعبة بيدينــــــي
شخصيتي من غرابتها وطبيعتها
كن الزمن في تحدي بينه وبيني
اخذيني الشاعر اللي ماصدق حظه
لا قلت ياحظ وينك قال ياوينــــــي
اخذيني المبدع المتفلسف التحفه
مؤمن وتضحك على العالم شياطيني
شهرة شكسبير وافلاطون ونيوتن
لاقلت لي بيت شعر تطيح من عيني
اخذيني اللي اليا منه طلب يعطي
وتكفين لا من طلبتك.. لاترديني
اخذيني بكل شوق وقولي احبه
وان شككو في ولا فيك ضميني
قولي (صعب) والله انه غالي مرة
وياجعل فدوة شبابي واخر سنيني
وانا بصدق كلامك واعتنز بالله
وبقول للناس مايعنيك يعنيني
وانا علي نذر ماارخص جييتك وانتي
نذر على رقبتك انك ماتخليني
من روائع ابو علوش فديته ..
العرض الشجري