ما رأيكــــم بهــذه القصـــــة ؟؟!!!!

[الذاهـبـة]

مرحبا بك استاذة فاطمة الوليعي ..
نورتي المنتدى بحضورك ..

اسمحي لي استاذتي ..
هذي المرأة .. كعادة أغلب النساء .. غبية .. غيورة .. تحكم العاطفة و تجمد المخ ..
لا عجب .. حرمة .. هه !!
و زوجها مسكين .. على باله الحرمة مثل الرجل .. بل حس انها ( واحد من العيال ) و مسكت صراحة معاه ..
يعني عادي عنده يقص عليها قصص عشقه الأولي .. الله يرحمها و يغفر لها ..
طيب ..
من الأساس مو أنتي رضيتي تتزوجين واحد أرمل ؟
يعني بالله ماجا في بالك إنه كان يحب المرحومة ..؟!
يا استاذة فاطمة والله غباوات الحريم احياناً تفقدني سيطرتي على لساني .. لذلك توقعوا أي كلمة خاطمة الحين ..
بعدين أكبر حركة غبية ترتكبها المرة .. وشي ؟؟
(( سؤال زوجها عن الماضي ))
يا بنت الحلال لا تسألينه .. لا تسأليـــــــــــــــــــــــــــــــــن .. الكلام في الماضي نقصان في العقل ..
تبيه يقول : (( والله انا كنت أحلم بك .. ولا أقدر أعيش بدون طاريك .. و بقيت مخلص أمين
لين تزوجتك )) هه !!
يعني وهو ما قد أعرس .. شي أكيد أنه كان يعرف بنات و يشوف بنات أقاربه و جيرانه ..
و جرّب يحب و عرف كل شي بهالدنيا
_ إلا النادر _ هه !! حاطتها عشان ما ينهبلون ..
فما بالك عاد .. إذا كان متزوج ؟!
المفروض .. الرجل لا يــُسأل عن ماضيه .. و إن كان فيني خير أنا يالمره .. أنسيه هالماضي مهما كان !
طيب اسمحي لي استاذة فاطمة بحكي لكم قصة وحدة أعرررررفها .. ولها قصة قريبة من قصتك ..
هذي بنت ماشاء الله ولا قوة إلا بالله ( كاملة ) والكامل وجهه ..
بس من جد أنا اعني هالكلمة .. و أكثر ما يميزها جمالها .. و لطافة أخلاقها و براءتها ..
تزوجت شاب .. له مواصفات جيدة .. لكن بصراحة ربنا .. هي تخب عليه و على أهله بعد ..
بس ميخالف أهم شي انه يصلي .. و موظف .. هه !
عموماً عاداتهم القبلية حكمت عليها الارتباط بهذا الشخص .. مع ان خطابها كان فيهم شخصيات أفضل ..
لكن من ترك شيئاً لله عوضه الله خيراً منه .. ( إن شاء الله بالأجر ) ..
البنت كانت مبسوطة بداية حياتها مع زوجها .. و عائلته ..
لكن بعد فترة بسيطة _ بعد الطفة يعني _ بدت الأم تتغير على مرت ولدها ..
أمممممممم
تقول .. كنت أعتقد أنها غيرة الأمهات و ان الوضع طبيعي ..
و نفس الوقت .. كان أبو زوجها ( خالها يعني) منهبل على البنت ..
و بس يسمي عليها .. و مبسوط و فرحان اكثر من ولده فيها ..
تقول .. البنت ..
في أحد الأيام جلس خالي يسولف علينا .. و قال :
( تعرفين إني كنت خاطب أمك الله يرحمها قبل ما تتزوج أبوك ؟
بس جدك الله يسامحه حرمني منها )
والدة البنت متوفاه .. من 18 سنة تقريباً ..
تقول .. الآن فقط عرفت ليه خالتي مالها خلقي .. مسكينة تغار من أمي المتوفاة !!
طيب أنا وش ذنبي ؟! ليه تعاملني كأني ضرتها ؟!
مو المفروض تفرح لولدها عشان مبسوط و مرتاح معي ؟!
عاد ..
هذا طبع الحريم الله يعافيهن ..

* اللي يرد على قصة الاستاذة فاطمة .. بحرج يرد على قصتي *
<< نشبه .. !