[align=center]*
تحيه عطره وباقه من اجمل الزهور وازكاها رائحه
.
.
.
.
.
كل واحد مننا يالعزوبيه يفكر بالعرس ويفكر بالأستقرار ونقدر نقول ان اغلب الشباب اول مايتوظف ويضمن الوظيفه على طول يفكر انه يجمع دراهم ويكون نفسه ويتزوج ويكون اسره ويعيش ...
اليوم وفي حوار دار بيني وبين واحد من العيال تكلمنا فيه عن الزواج بحكم اننا كلنا متوظفين وامورنا تمام ولله الحمد تكلمنا عن الزواج وعن السكن وعن المهر وقصر الزواج وكل شي يخطر في بالكم وكننا بنعرس الأسبوع الجاي والله يا احس ان الجدران ملت من سواليفنا وخصوصا ان كل واحد ينط فجأه بنظريه او رأيه في فتاة احلامه الي يقول مابي يكون معها جوال والي يقول اهم شي تكون دينه والي يقول اهم شي تربية الأهل واتفقنا على شي واحد ان كل شي توفيق من الله سبحانه
المهم كل شي تطرقنا له بس هذا مهوب مربط الفرس
استوقفنا في حوارنا ونقاشنا شي واحد وعقولنا صابها فايرس وعجزت عن حل هذه المعادله الصعبه ؟؟؟
الشيء الي حيرنا بالموضوع ولم نجد له اجابه :
س / هل يحق لك انت ايها الزوج انك تطلب من زوجتك انها ماتستقبل احد في بيتك أثناء غيابك دون علمك حتى لو كان من احد محارمها مثلاً والدها او احد اخوانها يعني تستأذنك قبل ماتدخلهم بيتك ؟؟
اتمنى انكم تفكرون في كون الزوج له احترامه وله الحق يعرف من دخل بيته من طلع في غيابه
بس هل المحرم يندرج تحت هذا الشي او لا ؟؟
ارجوا عدم دمج العاطفه في الرد على الموضوع مهوب يكون رايه مختلف بس يجاوب بالأحقيه للأخوان او لأبيه لكونه فاقد احدهما فهمتوني فكر بعقلك وجاوبني مهوب بعاطفتك ...[/align]