قـــــــالت أنت قروي !!

[يا ذاك الغروب ..]

هذي خاطرة لي سبق وان نشرت بجريدة الجزيرة أرجوا ان تنال جزء من استحسانكم

(( قالت انت قروي ))

قالت أنت قروي , ومتخلف , وماتعرف الحضارة والتقدم , وماتعرف النت والدش .. مع ذلك مغرور وشايف نفسك



ضحكت .. وياأخوان ماني عليها زعلان لكن والله على حالها شفقان ,, كلامها زاد من شموخي ورفع هامتي لفوقِ

أما اني قروي فهذا أصلي وبأصلي أفتخر وعنه ما أتبراء ولا أنسحب أقوم بدري أصلي فرضي وأشرب قهيوتي ولمزرعتي أمشي وأفتح الماء على نخلي وأطعم غنمي وهذا قمة متعتي ووناستي 0

أما إني متخلف إيه نعم متخلف وغير التقدم لربي ما أعرف .. حضارة الجنز وسواقة البنز ما أبيها ,, وغير ثوبي ماأغير هو مو نظيف صحيح وشماغي دايم يطيح لكن بدنيتي مستريح ولغير طاعة ربي ما أصيح0

أما الدش والنت ما أعرفهم وأنا في غنى عنهم وليش أتعب راسي فيهم هذا يومي ماعندي وقت أتعرف عليهم ..

أنا بعيشتي راضي ماني لحضارة هالبنت فاضي جعلت من الليل مثل ماقال ربي سبات ولنهاري معاش ..

أما إني شايف نفسي ومغرور فهذي عيشتي فيها مستانس ومسرور ,, ياشيخة أبعدي كيف ما أكون فيها مغرور؟..
تحياتي,,