اهلا وسهلا بالجميع ..
بعد ماقدمت لكم قبل فتره مقترح لأيصاله للجهات المسؤوله بوضع (ميترو) يخدم جميع ارجاء مدينة بريده وكذلك يربطها بباقي المحافظات لتغيير الروتين المتعارف عليه وهو التنقل بالسيارات وكذلك نشر الثقافه (الاوربيه والامريكيه والشرق اسيويه) وهي التنقل مشيا على الارصفه وايضا باميترو .... (احس الموضوع طال خخخخخخ)
الان عندي اقتراح كعادتي (ابو الاقتراحات) ..
تخيل معي ..
وانت جاي من طريق الملك عبدالله من عند اشاره داجن رايح جنوب .. بيقابلك دوار النافوره .. اطلع يمين ..
تخيل معي بقوه الحين ( خخخخخخ)
لو سكرنا الطريق من عند دوار النافوره الى الاشاره الثانيه اللي عند نادي (ستي سنتر) ..
بدال مايكون شارع .. يلغونه .. ويحطون بداله رصيف بدون سيارات ..
يعني رصيف للمشي بس ..
تخيل معي اقوى الحين ..
الطريق من النافوره الى الاشاره الثانيه حقت (سيتي سنتر ) عباره عن رصيف ويكون بالوسط فيه نوافير ومقاعد للجلوس وكشكات وبياعين متجولين .. وعلى اليمين واليسار يكون مقاهي ومطاعم عالميه على امتداد الطريق كله ..
قبل الرد بالاستهزاء فيني كالعاده مثل موضوع (الميترو) ابيكم بس تتخيلون كيف بيكون شكل الشارع ..
صدقوني السعوديه كلها بتتكلم فيه ..وبيكون تجمع للشباب بالمقاهي والمطاعم العالميه والمحليه ..
والله ان المشروع مهب صعب كلها سكر الطريق من الجهتين وشيل الشارع وحط بداله رصيف وحط نوافير ومقاعد بالنص على امتداد الشارع .. اما المقاهي والمطاعم مع الوقت راح تبدأ تفتح فيه ..
اتمنى تكون الفكره وصلت .. رجائي ياشباب اللي بياخذ الموضوع استهتار واستهزاء اتمنى انه مايرد لأن فيه ناس اتوقع الفكره وصلت لهم وتخيلو كيف شكل الشارع ..
مشكورين على قراية الموضوع وسامحوني على ضعف الاسلوب فأنا غير متمرس على الكتابه ..
العرض الشجري