اللي شفته في وصالك مو شويّه...
كيف أصبر وأنا في وصلك أعاني...
جيتلك شايل خفوقي بين إيديّــه...
ما بغيت إلاّ من أيامك ثواني...
ماهقيت الدنيا في قربك رديّه...
وقلبك اللي لو طلبته ما عطاني...
البقاء !؟ ما باقي في قلبي بقيّه...
مدري منّك طعنتي أو من زماني...
لا ترجّاني أعــدّيلك خطيّـه...
وكل ما أزعل تسمّعني أغاني...
أعطني حُرّيتي أطلق يديّه...
إنني أعطيتُ لكنّك أناني...
بس تبي تأخذ ولا ترد العطيّه...
وغيرك أعطى بس منّك ما خذاني...
ما أبي منّك عطورات وهديّه...
بس أبي قلبك يبادلني حناني...
غيرك أصلاً إحترق قلبه عليّه...
باع عمره وكل ما يملك عشاني...
قلبي تفّاحه وحبك جاذبيّه...
ما نطرني أستوي وفجأه ! كلاني...
لا تجيني تعتذر ، عينك قويّه...
قلبك أنت من عذاريبه ملاني...
غلطتي حبّيت وكلّي عاطفيّه...
ما أشوف العيب وإحساسي عَماني...
والاّ أنا لو صار ضدي ألف وميّه...
مايهزّ إنسان في لحظه كياني...
يا حسافه بسبّتك شفت المنيّه...
كنت أظنّك شيء ، وشفتك شيء ثاني...
وقلبك اللي كان مجهول الهويّه...
عادي عنده لو خذى غيري مكاني...
والجروح اللي من أسبابك نديّه...
صرخت لك ، بس يا جارح كفاني...
قصتي ويّاك جـداً واقعـــيّه...
ماهي حلمٍ مرّ في بال الأماني...
ما مداني أكتب أبيات الوصيّه...
والكلام ثقيل أحسّه من لساني...
والقصيده لـيه ما صارت وفيّه...
لمّا أكتب فيك ما ألقى المعاني...
والنّهايه تكفـى بس أطلق يديّه...
هل رأى الحبُ مثل قلبك أناني...؟
يا محامي روح وإرفع لي قضيّه...
قلبي المجني وهذا في إيدينه نهاني...
الــطــيش
العرض الشجري