ألى من يهمه الأمر!!!

[عــديل الــروح]

صبحكم الله بالخيرات والمسرات جميعا..انشالله تكونوا بأتم الصحة والعافية..بالنسبة هذا أول موضوع لي وحبيته يكون..مزامن للفترة الحالية..

بدون مقدمات/طرحت كثيرا بهذا القسم من خلال اخواني واخواتي مواضيع عن المصاريف والغلاء...وماالى ذلك..

كل هذي المواضيع تتكلم عن رب الاسرة او الموظف الحكومي..اللي يوم 25 نازل راتبه<<ويحمد ربه ويشكره شكرا جزيلا مهما زاد ومهما نقص


بس نسيتوا...طبقة من مجتمعنا اوصنف ...وهم الطلبة..اي نعم طلبة الكليات والجامعات.
والله مهزلة قاعدة تصير..مهزلة المكافأت وماأدراك مالمكافأت..؟؟ليش هالتعذيب وماهي الحكمة من التأخير ..والمماطلة والوعود الكاذبة..

خلونا نتكلم بواقعية ..ياخي الموظف منكم راتبه بنص الشهر نازل وخله ينقص ريال واحد والله يسوي النون ومايعلمون..

تعال وشف حال الطلاب ////الواحد منهم مغترب عن اهله وبديره ثانية واعتماده الكلي على الله ثم على هالمكافأة..انا مدري اصلا ليش سموها مكافأة هي راتب وحق للطالب
من الدولة الله يعزها..ولا يحق للمسؤل يسوي كذا..

حنا يعني الحمدلله عند اهلنا ومستورة..ومتى ماجت تجي!!!لكن مثل المغتربين واللي مديون واللي يحتاجها بس للفواتير..مهما كانت قليلة الا انها تساعد الطالب..لأن الحين صار عنده مسؤليات ومتطلبات ..الخ

بس اللي قاعد يصير مايخش العقل,,,تمر شهرين وماينزلون الا حق شهر واحد..وبعد 3 شهور يوعدونك بالثاني..

تدرون وش اللي يقهر...ان نظام المكافأة يختلف من ديرة للثانية..

عندكم مثلا كلية التقنية بالرياض يوم 25 واذا تأخرو 30 ومنزلينها. وبرمضان ينزلونها بـ 20

..اما عندنا ببريدة حدث ولاحرج ..يقول لي واحد بالكلية التقنية,,بنكمل شهرين وللحين ماعطونا شهر واحد..
طيب وليش...ابغا اعرف السبب؟؟

وش الحكمة؟؟
يعني اعذروني بقولها بكل بجاحة(محد يدفع من جيبه شي)فليش كل هذا؟

انا واجهت واحد من المسؤلين..

قال بقولها لك بكل صرااحه
كل ماطولت ..صار فيه فوائد للبنك والكلية..

هذا كلامه بس مو معقوله على حساب الطالب المسكين


..ومن هذا المنبر اتوجه لأي مسؤل يشوف لنا حل..وجامعة القصيم للحين ماصرفوا لنا شهر 1
وأتمنى تساعدونا على توصيل المشكلة..


دمتم بود