|
أمس تقدمين دروع وتشكرين المدرسة
الاستاذة والله فشلتينا
زودتيها حيل انا الى الحين موعارفة ليش تسوين كذا وسويتي من
الحبة قبه_ يمكن اللي شفتيه صار مرة او مرتين وانا والله العظيم
ماشفت ضرب ولا مرة ولا صفع ولا كلام فاضي _ وحطيتي
كلام لاصار ولا حصل
وينك
أمس يوم تدفعونا مبلغ وقدرة وانت اول من دفع عشان
تسوون حفل ختامي (سفرة من مالذ وطاب ) للمدرسة
وتعزمون المديرة والله انها روعه وكأنها صديقتنا اللي تقولين عنها
(سيئة التعامل) مع انها حذرتنا وقالت لنا ابيه بسيط ومصغر
وجت وجلست معنا بكل طيبة وتواضع وشكرتنا و عزمتي من لقبتيها
جلادة وانتي شفتي بعينك طيبتهم معنا والجهد
اللي سووه معانا وخاصة اللي تقولين عنها جلادة تضبط
الفصول لنا وتحذر البنات واثناء الحصة
تدخل علينا وتمدح بالطالبات اذا شافتهم مشاركين والله اننا نقول
حرام ماتجلس اصلا اذا جلست حنا اللي نناديها قبل كل حصة ندخلها
وماشفتها تسوي اللي قلتيه اصلا باين ان البنات يحبونها وماني ناسية يوم دخلت علينا كل الاقسام وشرحت لنا طريقة التدريس والاهداف مع انه مو شغلها
والمساعدة و المعلمات ماقصروا ابد (نسيتي الطالبات يوم يرمون العلك على شعر زميلتنا
ويوم يدفون فلانه و.....بعدين زميلاتنا الله يهديهم زودوها مع
البنات
ضحك ومسخرة لما طاحت هيبتنا عند الطالبات وامس توديع واوتوجرافات
وانتي يوم تسألينهم وتخلينهم يتكلمون عن المديرة والمعلمات
ويسبونهم تراهم بعد مامشيتي سبوكي عند زميلتنا ع. وقالو ماتشرح بس تسولف معنا
وتضحك ومانسمع شرحها من اللجه لا واللي يضحك مشهد شفته بعيني
قالوا لوحدة من الزميلات الله ياأبلا انتي تهبلين وضحكت وضحكوا
ويوم مشت ... قالوا شكلها صدقت... والله طاحت هيبتنا لا ونبيهم
ينضبطون معانا )
وامس اول من قدمتي درع شكر وفيه اجمل العبارات للمديرة
واللي وصفتيها بالجلادة و شكرناهم على تعبهم
واللاب توب اللي كان ينشد بأعلى الصوت بالسماعات الخارجية _طبعا احنا اللي جايبينه_
أيام عشناها سعادة
ياعساها ماتضيع
عندي أمل في تكرارها
أقول اعقلي وبلا دجل و...! على الاقل كان مادفعتي
أو ماحضرتي الحفل والمستغربة منه انك كنتي مبسوطه طول الحفل
وتضحكين !!!
والله انك انسانه غريبة وجد فشلتينا مع الناس
لا وتقولين لهم سامحونا
ماني عارفة وشبيصير ردك ؟؟!!!
واتمنى انك ماتكذبيني لأنك انتي اللي بتصيرين
سالفة الجامعة ودجلك .
وبصراحه شكلك ورطتي حالك
|
العرض الشجري