في الوقت الحالي صرنا كثير نسمع من بناتنا شبابنا الكل انو مجتمعنا متشدد متخلف
طيب انا بدخل معاكم في موضوع هذا من وجهة نظري فية (الـــــــــــــــــــحــــــــــــــــــب)
بصراحة انا ما فتحت الموضوع الا وقت شفت المبالغة من بعض الناس عن نظرتهم للمجتمع الي حنا نعيش فية
انا ما اشوف انو المجتمع متشدد ابدا لان اصلا حنا من البداية يعني من فتحنا عيونا على الدنيا في بالنا شيء واحدانو عيب البنت تكلم رجال والرجال عيب يكلم البنت وين المبالغة بالموضوع او وين التشدد ... المصيبة انو حنا اذا طحنا باي مشكلة قلنا مجتمعنا متشدد يعني نكذب الكذبة ونصدقها .. يعني مثلا الحين المشاكل هذي الي صايره البنت تعجب بنت قالو وشو مجتمعنا متشدد البنت لجات الى ذا الطريقة تبي تعبر عن عواطفها هذا واحد البنت تسترجل نفس الشيء المجتمع البنت شذوذ من المجتمع .. وش دخل المجتمع هذا يرجع لتربيتك اسلوبك تفكيرك ...
نرجع لموضوعنا (الــــــــــــــحــــــــــــــب)
يمكن الحب الي انا اشفوفة صراحة عادي بمجتمعنا او حتى تقليدي بين العوايل مثلا الشباب يحبها يخطبها ويتزوجها هذا حب عذري شفاف ما يغضب لا الله ولا رسولة
اما بفهوم البعض لا انا مايصير احب الا اذا كلمت اجل كيف احب .. طيب انتو يوم فكرتوا تحبون ذا النوع من الحب ما فكرتو انكم بكره راح تربون اجياال يعني مثلا انتي يالبنت بكره راح يكون عندك اسره بيت عيال كيف راح تربينهم انتي راح اتربي اجياال وحنا نعرف انو البنت سمعة يعني يمكن الشاب بيقولون طيش بس انتي وش بيقولون عنك
اما الشاب لية يرضى على بنات الناس الي مايرضاه على هلة اهو بعد بكره راح يكون ابو كيف راح يربي عيالة على اي اساس
الفكره الي حبيت اوصلها صدقوني حنا ماتعدونا على الانفتاح ونجي فجا لتشدد حنا هذا مجتمعنا وهذا تفكير اهلنا وتفكيرنا بعد يمكن الفاضائيات كثير اثرت على عقولنا بس ارجع وقول ما تغير شيء وعلى فكره اهلنا مو متخلفين وقت يظربون البنت اذا اكشفوها هم من خوفهم عليها يعاملونها كذا
اممم فلا تكذب الكذبة ونصدقها .. مجتمعنا طبيعي وعادي
انا ما اقول لا تحبو الحب مو حرام بس الطريق الي يوديك لة بيدك انتي اما يكون حلال او حرام وانتي اختاري