هذه قصتي مع الطيران(( واقعيه ))

[بنت الشرقيه]

[glow1=000066][align=center]

تقولون نبي قصه واقعيه مانبي اشاعه او خيال
تصدقوني ابقول لكم قصه واقعيه صارت
من جد الخوف شي صعب والاحساس فيه شي مخيف
والموت حق وكلنا بنموت
اعزائي القراء
قبل اسبوع عرض علي ابو العيال اني اسافر معه الى الامارات
عنده شغل وعرضع لي كان جدا مغري بس كنت بين نارين
نار عيالي الاثنين الي يدرسون ونار نواف الصغير الي عمره3سنوات
والي متعلق فيني وفي ابوه
طبعا امي ماقصرت عرضت على اني اترك الي يدرسون عندها ونواف الصغير بعد بس انا قلبي ماطاوعني قلت اخذ الصغير معي
واخلي الاثنين الي يدرسون
وطبعا ماقلت لهم شي عشان ماينشبون بحلقي
واخيرا جاء وقت السفر وقلت لهم ابسافر مع ابوكم يومين واجي
طبعا بدا الدلع والدموع وليش مانغيب ونروح معكم
قلت لهم المدرسه مانقدر نغيبكم بعدين يحسبون غياب عليكم
وانتم تروحون معنا في الصيف
احسن
ووافقوا طبعا بعد ما اخذوا الوعود والعهود بأحضار هدايا من هناك
طبعا مادروا ان نواف بيروح معي
فلما شافوني ارتب الشنطه
قالو ياسلام نواف بيروح واحنا نجلس
قلت لهم حرام عليكم هذا صغير مايفهم
المهم اقتنعوا اخيرا
ورتبت شنطهم وارسلتهم عند جدتهم (الي هي امي حبيبتي)

------------------------

ماتتخيلون كيف كانت رحله الذهاب مريحه 55 دقيقه كنا في مطار دبي من مطار الدمام الى مطار دبي
بس55دقيقه
اجراءات اخذ الحقائب وحتى نواف كان هادء في الطياره
وكانت السياره من الاوتيل تنتظرنا والحمد لله الاوتيل قريب من المطار يعني كل شي مريح ولله الحمد
ورحله سعيده كانت ولله الحمد

طبعا القصه
تبدأ بعد ماكانت العوده يوم الجمعه الاقلاع بتوقيت السعوديه9
والحضور لمطار دبي بتوقيت السعوديه لازم 7
الفرق ساعه بين دبي والسعوديه
طبعا طلعنا من الاوتيل الساعه 7 ورحنا نتسوق في السوق الحره
الى ان اعلنوا عن النداء الاول للرحله المغادره الى مطار الدمام
وطبعا انا اسمعهم اجلو رحله مدري وين كانت بتروح الى الساعه4 الفجر
وقلت في قلبي الله يستر بس
المهم طلعنا للطياره وكنت فرحانه اشتقت لعيالي بصراحه ابي اشوفهم واحضنهم
المهم طلعنا الطياره وكانا جالسين في الدرجه الاولى في الثلاث كراسي الي في النص
انا بعدين نواف بعدين ابو علي
جمبي السيب بعدين واحد مصري وجنبه واحد هندي
وجنب ابو علي واحد مصري شايب
المهم
اقلعنا وكنت فرحانه زمن الرحله55 دقيقه انشاء الله
الساعه 11 في بيتي
طبعا سيارتنا في المطار في المواقف
عشان بسرعه نرجع لبيتنا مرتبين كل شي
المهم جابوا لنا العصير والقهوه والتمر
والعشاء
وكل هذا والوقت كنه طال
وزمن الرحله مكتوب في الشاشه الي قدامنا باقي22 دقيقه
واحنا لنا ساعه طايرين
وش السالفه الله واعلم
ما اشوف الا النور من الشبابيك
اقول لابو علي هذا برق
يقول لي لا هذي انوار الطياره(مايبي يروعني )
مادريت الا اشوف البرق
على شكل خطوط ورا بعض
ومن زود الثقه الطيار مشغل الكامرا الي مركبه على الطياره من برا
وتشوف برا وش يصير مثل المطر بس من سرعه الطياره صايره خطوط
المهم الطياره مدري وش صار لها قامت تهز ومخارج الطوارء ولعت كلها
وانا خلاص مدري وين انا فيه من الروعه والي ورانا في السياحي
ما اسمع الا اصواتهم
لاالله الا الله واشهد ان لا الله الا الله
وخلاص تدوروني ماتلقوني
وزوجي يقول لاتخافين
وانا دموعي تنزل وحاطه يدي على نواف واتشهد واقرأ كل الي حافظته من القران
خلاص عارفه انها بتطيح والدموع تصبصب
وخلاص جسمي يرجف من الخوف وشعور ماينوصف خوف مع ضيقه صدر مع حزن وتفكير بعيالي
ودموع ومشاعر متضاربه
وماشاء الله عليه ابو علي ثابت وماسك يدي يهدي فيني
وانا افكر بنواف اقول يارب ينام عشان مايحس بطيحه الطياره
واخيرا مدري وش صار وطلعنا من هالعاصفه الي مدري كيف دخلنا فيها
بس اراده الله نجتنا من سقوط محقق
ويارب لك الحمد والشكر الي نجانا

مشاهد من الحادث

بعد الي صار اعلنوا اننا سنقوم بالهبوط الاضطراري في مطار البحرين الدولي
للتزود بالبنزين !!

اكتشفنا ان زمن رحلتنا في الجو من الساعه 9 الى الساعه 11وربع زمن هبوطنا في مطار البحرين
والطيار يطير في السماء واصلا زمن الرحله55 دقيقه بس
ولا ادري هل هو وقت وجودنا في العاصفه او الطيار يتفلسف ويبي يستنى العاصفه تروح عشان ينزل في مطار الدمام


الطيار حاول النزول في مطار الدمام بس ماقدر وقرر الهبوط في مطار البحرين

الركاب في الدرجه الاولى بعضهم اهتم بالموضوع وذهب يستفسر من المسئولين بعد الهبوط في مطار البحرين
وعن اللذي حصل

البعض الاخر ما اهتم وجلس يشتري من بضاعه الطياره (الحمد لله والشكر الله لايبلانا)

البعض الاخر شغل الجوال وجلس يتحدث عن سبب تأخير الرحله للناس الي ينتظرونهم

بالنسبه لي جالسه على اعصابي
ودي انزل في البحرين واروح بتكسي للدمام ومحتفظه بأفكاري لنفسي (عن ابو علي )

كنت مررره مقهوره من بعض الركاب احس انهم ما حسوا ابد بالمأساه ولا اهتموا ابد
كأن العمر بعزقه على قوله المصريين
الطياره كانت بوينق لو كانت اصغر كانت بتكون مشكله كبيره

جلسنا في الطياره ساعه كامله
واحنا في مطار البحرين (يتزودون بالبنزين)

اقلعنا من مطار البحرين الى مطار الدمام وعند الوصول
ابي اسجد شكرا لله مالقيت مكان اسجد فيه الدرجه الاولى كلها رجال وصعبه
اول ماو صلت بيتي صليت وشكرت الله على نجاتي وزوجي وولدي نواف وكل الركاب

حرمت اركب طيارات خلاص
ولا اسافر الا بالسياره
واشجع السياحه الداخليه


واخيرا اشكر كل من تحمد لي بالسلامه والله لايوريكم اي مكروه في عزيز غالي والله يبعدكم عن حوادث
الطيران


[/align][/glow1]