» خَفقآتْ منْ قــلّبْ |[ tootaa ]|

[tootaa]

اقتباس: هذولا ناس من الرياض من أقاربنا من بعيد تزوجت بنتهم على أحد الاسر المحترمه من الدمام.. طبعا تمت الملكه .. ورن التلفون وردت قريبتنا وقالت تراه ابشركم فلانه كتبوا الكتاب وراح تتزوج .. قالت ما شاء الله الله يجمعهم على خير .. عاد أبتدوا الحريم يخترشون اللي راحت تفصل فستان واللي حجزت للكوفيره .. وجاء موعد الزواج .. والناس راحوا للقاعة .. وكل شئ صاير على ما يرام . عاد أنتم تعرفون أن بعض الناس يحب يسوي زفه للعروسه وفيه بعض الناس ما يحب يسوي زفة للعروسه . وفيه ناس يحب يسوي زفه للعروسه والعريس .. المهم الزواج هذا متفقين اهل العروسه واهل العريسه بيناتهم أنه راح يكون فيه زفة للعريس والعروسه . لان هذا الشئ تمت بين العريسين .. الناس بدت تهنئ للعريس . ولما صارت الساعه 11 ليلا . جاء موعد الزفه للعريس والعروسه . قام العريس وأتجه الى غرفة المعاريس .علشان يدخل لقاعة الحريم علشان ينزفون هو والعروسه .. طبعا غالبا أذا دخل العريس للقاعه لازم يدخل معه أخوان العروسه وأبوها علشان يجلسونه بالكوشه حقت الفرح .. المهم يوم دخل العريس واخوان البنت لقاعة النساء .. قامت وحده من الحريم من طرف أهل العريس وأتصلت على زوجها وقالت لزوجها . الحقنا تراه فيه رجال دخلوا لقاعة الحريم ( لا تلمونها شكلها غلطانه وما تدري أن أخوان البنت راح يطلعون عالطول بعد ما يجلسون الزوج بالكوشه , لانها شكلها أول مره تشوف كذا هههه ) المهم يوم أتصلت على زوجها تقولها . قام زوجها وهو جالس عند الرجال . جاي طاير لقاعة الحريم مع خشبه . يوم جاء يدخل لقاعة الحريم رفض البواب اللي عند باب الحريم . وقام دف البواب ودخل بالقوه ومعه الخشبه . وجي يدخل للحريم وعالطول اتجه للعريس واخوان البنت وبدأ يضربهم بالخشبه ..الحريم اللي بالقاعه يوم شافوا الضرب والضريب قاموا كل الحريم واتصلوا على رجالهم وقالوا لهم الحقونا فيه واحد دخل للقاعه وبدأ يضرب العريس واخوان العريسه . الرجال عالطول جو طايرين ودخلوا لقاعة الحريم وصار فيه ضرب وضريب .. عاد فيه وحده من قرايبنا كبيره بالسن .. قامت وبدت تضرب الرجال اللي من طرف اللي معه الخشبه وبدت تضربهم بالكراسي .. ( ما بقى الا الرجال يجون لقاعة الحريم يهاوشون ) عاد هذي المرأه اللي بدت تضرب الرجال معها كرسي ولقت واحد قدامها . طبعا وهي متغطيه . قامت وبدت تضرب واحد من وراء على الكرسي .. عاد الرجال هذا يقول يافلانه لاتضربينني أنا فلان أخوك هههههههه من كثرة مضاربات الرجال بيناتهم بدأ الواحد ما يميز اللي قدامه هههه .. والنكته العروسه المسكينه بدت تصيح وخرب مكياجها يوم شافت الموقف هذا هههههه والعريس المسكين طاحت غترته وعقاله هههههه ..والحريم اللي بالقاعه من الموقف هذا أبتدوا يصيحن ههه وفيه بعضهم جلسن يضحكوا على الموقف اللي قدامهم .. المهم بالاخير تم تفريق الرجال وصارت بعدها مناوشات .. وبالاخير تم الصلح بينهم .. والعروس والعريس عالطول يوم صار فيه ضرب وضريب انحاشوا وركبوا السياره وراحوا .. والحمد لله اللحين العروسه جابت عيال .. لكن الصراحه الموقف هذا ما راح ينسى أبد أبد .. وراح يتذكروه جميع اللي حضروه .. وراح يتذكره العريس والعروسه .. لكن شرارة المشكله هي من المرأة اللي اتصلت على زوجها وقالت أنه فيه رجال دخلوا للقاعه . والمرأة هذي شكلها ما تدري أن الزفات أكثرها كذا

من مدونة عادل الحبيتر

ياشين لقافة بعض الناس طيب هذا زواجهم وهم احراااااااار

مع اني ضد فكرة دخول الرجال

بزواجي كان له نصيب من اللقافه كان بالرصافه ومسوين حركه بتقديم القهوه وفيه اغنيه صبو هالقهوه وزيدوها هيل

بعض الحريم اتصلو على رجالهن وقالو فيه اغاااني وجو الرجال وراحو لمدير القاعه يقولون سكرو الاغاني اتصل على المديره يقول سكرررريه مكتبي امتلى رجال

اللحين وش دخلهم اللي مايبي الاغاني يطلع قمة التخلف انصح واذا ماانتصح اتركه<<<انطلقت منقهره هههههههههههههه