مسلسل قتل (الزوجات) في المملكة بدأ عرضه!!!!!

[نيوتن القبه]

ياعسولي هذا الله وأعلم إنه واحد من الربع دايم يردد بلسانه ( ومن الحب ماقتل )
ويقول للي ماسكين تلفوناتهم بالإستراحة 24 ساعة ويدورون بالحوش بهالصريمة يقول مو الواحد لاحب قتل
ثم يتحسر على الزمن الفائت ويقول ( ومن الحب ماقتل )
أثاريه هالجلمة المزوبعة يحسب إنه لاحب يقتلها
هذا أولا

ثانيا / مدري ليش من زمان وأنا أفكر طال عمرك إن الرجال المفترض أول ماينوي يتزوج يعطى بدل خطر يخصم من المهر لأن كل السكاكين بالمطبخ أو المستودع وخبرك هالمنطقتين هذولي محتلات من قبل محسحسات الرجول لذا أي هوشة عندهن السلاح جاهز
حنا طال عمرك مثل كوريا الجنوبية ماغير صوع وروع من شكامين هالشمال
المهم لا أعرست لاتخلي نفسك فيها أبو الشوارب وأبضاي أد الدنيا وتروح تشتري سكاكين حادة
لاسماك الله مشتري خذ لك سكين زي حقات العروس أول الستيل اللي تجلس ساعة تحاول تشلق بها البردقانة ولا صرت شقردي خذ البلاستيك بحيث لو طعنتك إلاك تولع بطرف السكين وتعلقها إلين تقضي